ساعدني اخواتي

[لينا عبد الواحد]

السلام عليكم ارجو المساعدة من فضلكم من تعرف طريقة صنع هاذ الحلويات تنوورني بيها و أجرها على الله انتظر الرد لا تخجلوني

 

[لينا عبد الواحد]

ولا رد:$

 

[ام الحلوين]

و الله يا اختي غير حوستلك على الحلوة 1 و نظن شفتها في ذوقو ماكلتنا لسيدة من عين الدفلى الله اعلم بصح مالقيتش الوصفة و حتى الاسم نسيتو ، و الحلوة 2 مابانتليش مليح ،
ان شاء الله الاخوات يفيدوك و سامحيني حنونة .

 

[لينا عبد الواحد]

مشكورة اختي وسامحيني تعبتك معايا .

 

[hayota]

الاولي عبارة عن باركات بعجينة الصابلي عادي و معمرة بنيسلي و مزينة بكوكوبس شوكولا

 

[لينا عبد الواحد]

شكرا اختي حياة انا المشكل بالنسبة ليا كان في العقدة يعني نيسلي برك ولا معاه شيء آخر.شكرا لك مرة أخرى على الرد

 

[fouzibaba2013]

الايادي الذهبية

لا اعرف اسمحيلي

 

[labed93]

رد: ساعدني اخواتي

نيستلي و زيدي فوقو شيكولا و اخدمي الكوكو بوبس و العجينة صابلي عادي

 

[انريس]

رد: ساعدني اخواتي

شوفي انا نحشيها بالنوتيلا و تقدري تخلطيهم النيستلي و النوتيلا هنا على حساب دوقك و انت وواش تحبي

 

[لحن الهدى]

رد: ساعدني اخواتي

السلام عليكم ورحمة الله وبركاته
عجينتها هي
رطل زبدة
3مغارف كبار سكر ارطب
ملعقة فانيلا بودرة
فرينة
طريقة اخدمي زبدة وسكر مليح حتى تبياض الزبدة واضيفي فانيلا وفرينة حتى تتحصلي على عجينة طرية تم احعلي كريات صغيرة ثم ضعيها في كيسات خاصة بهم وشكليها وما تكثري العجين وضعي كيسات تع الكاغط وسطهم وضعي عدس وسطهم واشغلي الفرن وضعيهم حتى يحمر شوي الحواشي اخرجيهم وانزعي كيسات الكاغط بشوي لانها عجينة تتفتت ياسر ساعديها ورجعلها تحمر شوي من فوق يصير لونها دهبي واخلاجيها وانزعيها بالعقل لانها كما قتلك تتفتت وخليها تبرد
الحشو
نيتلي
كوكاو
شوكولاطة
كوكو بوبس
تحبي تخلطي الضشكولاطة مع الكوكاو المحمص ام لاء
وتجعلي طبقات ومن فوق شكلي وردة بالكوكو بوبس
انا عملتها في عرس اخي كلهم عجبتهم عجينتها طيبنة وتدوب في الفم عدد الحبات تقريبا 60حبة تقريبا
ان شاء الله نكون افدتك اي سؤال اجاوبك عادي