ابرزن كل مفاتنهن حتى بطونهن ولم تسلم...

س

سلفي والحمد لله

:: عضو فعّال ::
أوفياء اللمة
السلام عليكم ورحمة الله وبركاته
كيف الحال خاوتي نتمنى تكونو بخير وجميع الاهل تاعكم بخير
عندي بزاف ملي حبيت نهدر على واحد الامر لاحظتو وماعجبنيش حتى يوم زت شفتو وقررت نكتب موضوع عليه ونشوفو آراء الاعضاء تاعنا لعه نكون انا لي غالط و معقد :d
المهم الظاهرة هذي لي لاحظتها هي النسى لي يكونو بالحمل ويتمشاو في الطريق عادي وكروشهم عند فمهم وهوما لابسين لباس يعيف ويبرز البطن تاعهم منفخ وخارج وهوما نورمال وعاجبهم الحال!!!!!
وش بيهم ؟؟ زعمة شوفوني يا ناس راني بالكرش !!!وراني مزوجة؟ ولا راني واعرة !!!وراني عندي طفل في كرشي؟؟
انا عييت نفهم واقيل نتوما لي راح تفهموني
وصراحة عن نفسي نشوف في المراة لي تمشي وكرشها على برى عيب وعار عليها نورمالمو تحشم وتستر روحها ماوش خارجة دور وعاجبتها رويحتها
انا هاكا نشوف في هاذ النسى منعرف انا لي معقد برك ولا نتوما تاني مايعجبكمش هذا التصرف تاع بعض الامهات

وحبيت نقولكم راني منشوفش معاهم
ياوصدفة برك نشوف مرى وشنوف كرشها خارجة هههه باش ماتقولوش راهو خوانجي ويشوف مع نسى الرجال هههه
ايا في انتظار تعليقاتكم
دمتم في حفظ الرحمن​
 
سقسيلي على راجلها واينو؟؟
وافقت على الموضوع
 
بارك الله فيك اخي
ولكن اخي مداخلة صغيرة ان سمحت بذالك
انا ما ماراح اتكلم على اللباس المكشوف هذيك حاجة ثانية
اما عن الخروج
احيانا المراة في شهرها الاخير يطلب منها
المشي لفترات لكي يسهل عنها وضع الحمل
والله اعلم
ان شاء الله اكون افدتك بهذه المعلومة
والسلام مسكه ختام
​
 
آخر تعديل:
صح هاذي ظاهرة عدنا نشوفوها ياسر في مجتمعنا انا من جيهتي والله ماتعجبني عادو فاضحين رواحهم فوق لقانون يا سيدي نورمالمو لمرى لي بلحمل ماتلبسش لمزير باسكو يضر الصغير لي في كرشها وما يخليهاش هي رايحة ثاني في روحها اما لي قالو خويا عمر من ناحية لمشي نتاع الشهر التاسع صح لا زم على لمرى لحامل تمشي مليح باش تسهل لولادة نتاعها.ان شاء الله يكون تعليقي في لمستوى
 
شكرا على الطرح
بالنسبة لرايي
المراة لازم عليها تخرج و تمشي أثناء الحمل
علاجال الصغير
مي كيف لازم عليها
تلبس لبس فضفاض بام ما يبينش جسدها
مشكوور مرة أخرى
​
 

خويا نقلك حاجة وحدة ... أنا راني معاك فيها
لهدرة قليلة
​
 
شكرا على طرح الموضوع القيم



المراة الحامل ممنوع تلبس ملابس ضيقة
 
السلام عليكم

ما لقيت ما نقول غير كل شيء بالمقلوب
التباهي بالحمل هادا ادا كان من حلال
 
توقيع zagane
و الله ما نقولو إلا ربي يهدينا
​
 
السلام عليكم
مشكور على الموضوع.
أنا نقولك علميا اللباس الضيق للمرأة الحامل مضر للجنين هاذي أول حاجة.
وثاني حاجة نفسية المرأة تتبدل من اللباس.
وبارك الله فيك.
​

 
بكري كيما كانت الدنيا دنيا والرجال صح بحكمتهم كانت المراة ما تقدرش تقول لمواليها ولا لمواليه اني بالحمل باسكو كانت الحشمة
عندي خواتاتي واله العظيم ما تفيق بيهم يما بالحمل حتان يلحقو للشهر 7 ولفوق تالمون يقادروها
درك رجع وقت مكشوف وعلى قد ما انكشف ظهرو فيه المحاين
لازم المشي للمرا والبيي معوج ووووو
الوغ يعني حتى والمراة لازملها تمشي كيما يقوللها الطبيب ولا عندك صالحة تقضيها
كاين دي غوب سبيسيال للحوامل عراض وفضفاضين وطوال ما يبينو ما يفصلو علاه محتمة عليك تحطي جلابة ومحزوقة في كرشك وانتي تتعوجي والنفس رايحتلك فيها ؟؟
والله انا تاني ضد ضد ضد هاذ الفكرة انه الحامل تلبس لبسة مزيرة عليهاوتخرج تسوج وتلوج
مادام كاين البديل علاه الضيق
ربي يسترنا في وقت السترة فيه قليلة ويرجعلنا شوي رجولية اللي كانت زمااان
يعطيك الصحة خونا السلفي والحمد لله
عندي مدة مانيش نهدر وموضوعك خلاني نحكي شوي :up:
​
 
السلام عليكم
وبيان سuuuuuuuuuuuuuر واحد ما رح يقولك اني مع و يعجبني الشي هادا
مالا شكون الي راهم برا يديفيليو ؟؟؟!!!!!!​
 
اذا على البسة عندك حق فننوا فيها و مخلاو والوا....وهي لازمها تمشي على خاطر في صالحها و في صالح لي في كرشها خويا و كاين حتى اذا لي لبست اللباس الفضفاض تبان خاصة فالشهور اللخرة و هنا معندناش الحق نلوموها​
 
وعليكم السلآآم
عندكـ الحق ، شفتهآ ومآزآلني نشوفهآ
مش كيستيون تآع مليح المشي للحآمل يلزمهآ تخرج
ايه تخرج وتمشي برآحتهآ بصح تعرف وآش تلبس
نقولكـ حآجة مرة شفت وحده بالحمل لآبسة لبسة والله أنآ سليبآثآغ نحشم نلبسهآ
منهدرش على وحده متزوجة ، حتى تلبسهآ وحده بالحمل
والي يبلوكيلك رآسكـ تلقى رآجلهآ معهآ وفرحآن بيهآ
كون تلبس حجآب ولآ جلآبة كآين الخير والخمير يتبآعو ، وكآين الي سبيسيآل للحوآمل
الله غآلب ، النسآ مآولآوش يحشمو والرجآل مآتنطبقش عليهم كلمة رجآل
ربي يهدي مآخلق
وميرسي ليكـ خويآ على طرحكـ النقطة هدي
بلكـ تفطن نسآ آم هكدآ ورجآل نسآهم نفس الكآ :d

​
 
يا ودي ديك المر ة ونانا تحكيلي قاللتي حنا بكري المرا مان فيقوش بيها لاكان بالكرش الا عاد اسمعو بيها باللي ولدت ..تالمون كانت تلبس العريض..يا ودي يا و البرولام فالرجالة ...اللي عادوو ما يغيروووش على نساهههم ..وزيد الحشمة اللي راحت من عند النساء ..رب يهدي يا رب
​
 
توقيع فتاة حساسة
وعليكم السلام و رحمة الله تعالى و بركاته اخويا
تخلعني مرا حامل لابسة حاجة ضيقة و ماشية نورمال راحت الحشمة
و الكارثة الكبرى في راجلها اللي ما عندو حاجة تما نقول عليه ديوث
يا ختي عندك الحق تتمشاي حاجة مليحة بزاف ليك و لوليدك و لكن البسي الفضفاض
ربي يستر
شكرا جزيلا اخي​
 
وعليكم السلام و الرحمة اخي
مشكور على الموضوع
صدقني بالله البارح خرجت و كنت نمشي حتى نشوف مرا مع زوجها لابسة حججاب كان رايح يتقطع المشية بيه مقدرتش
اانا تعيفت و خزرت فيها خزرة مش عادية
ياو راكي حامل معليش مي البسي حاجة عريضة
كانت عندي صديقتي حامل كانت تقريبا كل شهر تشهري حجاب عريض و تلبس غير العريض تقولك هكدا باش نستر روحي مش نفضح روحي
وقيلا هدرت بززاف مشكور اخي على الموضوع لي من قلب المجتمع الجزائري
​
 
السلام عليكم اخي
كاينة أمور منقدروش نجزمو بجوازها ولا استكراهها (إذا كان هدا هو التعبير الصحيح)
بصح في ديننا الحياء شعبة من شعب الإيمان
وإذا راح الحياء من المرأة راحت هي
المرأة الحامل كيما قالو الاعضاء قبل يلزمها تمشي خاصة فالشهور الأخيرة لدواعي طبية
ولكن في حدود ،، مثلا تمشي بطريقة عادية تلبس ملابس فضفاضة والأكيد الحمل رح يكون ظاهر عليها
لكن مش بطريقة مايعة،، الطريقة اللي رانا نشوفو في بعض النساء الحوامل يمشيو بيها
تع شوفوني راني مزوجة وحامل..الخ من الافكار الرجعية:down:
مجتمعنا على شفا حفرة للهاوية وربي يسترنا
​
 
وي كاين منها بصح نا ندعوله بالهدية برك هادا واش طالع فيدنا
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom