ابرزن كل مفاتنهن حتى بطونهن ولم تسلم...

[سلفي والحمد لله]

سقسيلي على راجلها واينو؟؟
وافقت على الموضوع

عجبني ردك وبسسبو جاني تسائل وهو علاش لمرى لازمتلها راجل يريgلها ولا ماتتعدلش؟؟
يعني النسى يخطيهم الراجل يزيرهم ولا يهردو الحالة؟
كاش نهار ندير موضوع على لحكاية هذي
شكرا لعى قبول الموضوع

 

[سلفي والحمد لله]

بارك الله فيك اخي

ولكن اخي مداخلة صغيرة ان سمحت بذالك
انا ما ماراح اتكلم على اللباس المكشوف هذيك حاجة ثانية
اما عن الخروج
احيانا المراة في شهرها الاخير يطلب منها
المشي لفترات لكي يسهل عنها وضع الحمل
والله اعلم
ان شاء الله اكون افدتك بهذه المعلومة
والسلام مسكه ختام​

بارك الله فيكم اخي الكريم لكن المشكل في الباس المفضوح
نسال الله الستر اخي الكريم

 

[سلفي والحمد لله]

صح هاذي ظاهرة عدنا نشوفوها ياسر في مجتمعنا انا من جيهتي والله ماتعجبني عادو فاضحين رواحهم فوق لقانون يا سيدي نورمالمو لمرى لي بلحمل ماتلبسش لمزير باسكو يضر الصغير لي في كرشها وما يخليهاش هي رايحة ثاني في روحها اما لي قالو خويا عمر من ناحية لمشي نتاع الشهر التاسع صح لا زم على لمرى لحامل تمشي مليح باش تسهل لولادة نتاعها.ان شاء الله يكون تعليقي في لمستوى

بارك الله فيكم اختي على التعليق
نعم كما ذكرتي اختي ان ذلك الباس قد ياثر حتى على جنينها نسال الله الهداية والتوفيق

 

[ahlam02]

خاوتي اسمحولي بصح راه يهدر خونا على التعري وقلة الحرمة كي ولات المرة تلبس هكذا وعلاه راكم تهدرو على الطبيب قالها تمشاي واش راحلنا فيها كي تخرج .. نتناقشوا على الظاهرة تاع المراة الحامل ماولاتش تستر روحها وتتباهى بكرشها انا من عندي نحتقرها.تقبلوا مروري.

 

[ملكة جمال اللمة]

نو مافيها والو المراة الحامل تخرج سما نتا عند بالك 9 اشهر و هي فدار مغلوق عليها تخرج و تلبس خاجا مستورة هادا ماكان و تكون فضفاض بالطبع ​

 

[أم أنس الموحّدة]

سبحان الله والله نفس الكلام نقولو حتى انا علاه تلبس جلابة مزيرة عليها وتخرج يا سيدي على لاماغش ماناش ضد والاعضاء اللي دافعو من جيهة المشي انا يبالي ما فهموش الموضوع الموضع راه في طريقة لبسهن ومشيتهن مش في خروجهن

انا وحدة راني في نصف الشهر الثامن وراني كل يوم نخرج لكن مانبانش خلاص لانو الجلباب اسود وعريض ما يبينش كامل الحمل وين ره المشكل اذا دارو هك

لازم يخمو انو في الطريق كاين اللي راها متأخر حملها وربي مازال ما طعمهاش بنعمة الذرية لهذا لازم تتستر واصلا كيما قلت عيب والله غير عيب وتحشم

انا من لي نخرج وانا نسقسي زوجي اذا مانيش نشبهلهم مرات نضغط على نفسي باش مانبانش

في هذ المجتمع تشوف كلش نطلبو ربي برك الهداية والعفو والعافية

بارك الله فيك
​

 

[ابن سينا]

بسم الله الرحمن الرحيم
السلام على الجميع ورحمة الله وبركاته
اود توضيح من الاخوة الكرام وخصوصا الاخ صاحب الموضوع
على حسب ما فهمت ان الموضوع حول المرأة الحامل وظهور بطنها
ومسالة الحياء من عدمه بغض النظر عن طريقة لباسها
حنا كمسلمين عندنا شرع يحكمنا ويبين لنا الحلال من الحرام
والمباح من المنهي عنه وحسب علمي المتواضع الشرع قد حدد
وبين احكام لباس المرأة الحامل وغير الحامل واوجب على المرأة
ستر جسمها وغض بصرها وعدم ابداء زينتها ومفاتنها لغير بعلها
هذا معروف ومعلوم اما الاشكال والذي اود اجابتي عنه اينهى شرعنا
الكريم ان تظهر الحامل للناس ؟؟؟ ايعد في العرف قلة حياء إن علم
الناس ان فلانة حامل ؟؟؟ ثم نعود لمسألة هامة في ديننا الحنيف
((( سوء الظن ))) لما نحكم ""مثلا"" على من خرجت ظاهر بطنها
بانها للافتخار او لتقول اني حامل او او او ..............فمن اعطانا حق
التنقيب عن النوايا الم ينهانا الله عن سوء الظن مثل ما نهى المرأة عن
ابداء مفاتنها فما الفرق بيننا فكلانا خالف الشرع
نسأل الله تعالى ان يعلمنا ما ينفعنا حقا ويرزقنا العمل به صدقا
آميـــــــــــــــــــــــن يا رب​

 

[ءالاء]

نلاحظ بلي المشكلة تاع الموضوع انو ماشي فالمراة الحامل الي تخرج و تتمشى المشكل فاللباس المكشوف
بيسك تتمشى هذي حاجة ضرورية ليها و ما عنديش تعليق عليها الا اذا كانت تتقصد هذه المراة الحامل المشي في الأماكن المعجوءة و هذا مضرة لها و لمولودها بالدرجة الاولى
اما عن اللباس المكشوف فهذا امر و موضوع اذا فتحنا نقاش حوله فحدث ولا حرج كل واحد كيفاش متعود يلبس وهذا يعود للأسرة الي راو ساكن معاها بالدرجة الأولى و مدى تحفظها ثم يتعلق بالمجتمع فهناك أشخاص يحبون التقليد
سواء كان شيء صالح أو طالح
و انا ضد كليا البنت المحجبة بدون حجاب
اتمنى ان أكون أفدت
تقبلوا رأيي من فضلكم

 

[mimi bou]

wach diiiiir rabi yhddiiina ga3

 

[زهور الشوق]

السلام عليكم

الدنيا كامل تخلطت ف هاد الزمان
وكي غابت الرجال وحطو راسهم ف لرض تجبرت لمرا ولآ واحد ما يحكم فيها
وكي كملت راحت الغيرة خلاص...مابقاتش لحوال بخير
كيفاش اخ ما يغيرش على ختو؟؟؟ راجل مايغيرش على مرتو؟؟؟؟
واشمن راجل هادا؟؟؟؟
وكي غاب النيف والرجلة لمرا عندها الدروا دير واش حبت
تلبس..تفتن...تخدم مع الرجال...تصاحبهم ...تقهقه ف الطريق...تتكسل ف مشيتها .....وخلي وخلي
واكيد رانا ضد واش رانا نشوفو ونسمعو وماشي نت اللي معقد...الناس كيما هادو هوما اللي معقدين حسباتلهم الدنيا لبسة فاضحة...واختلاط ...وماعلاباليش واش
عمبالهم دي هي الحرية ولابال vــي
يخي حالة يخ
ربي يهدينا هدا ماكان
ومانيش نقول قاع الناس هكدا
حاشا ...مازال الخير ف أمتي ومايخلاصش حتى يوم القيامة
بوركتم​

 

[num1]

صراحة اخي هذا الامر يرجع الى درجة وعي الانسان سواء الزوج او المرأة في حد ذاتها و مراعاة اخلاقها و مبادئها و كذا الجانب الديني فأساس المرأة و جمالها هو حيائها و عفتها فانا لا اعتبر من لا تستحي انثى
هذا مجرد رأي لا اكثر و لا أقل لاني ادرك ان المتفهمة لا تحتاج الى مثل هذه الآرآء
مشكور
​

 

[بنـ MaPa ـت]

وعليكم السلآم

الديفو تع رجالهم طالقيلنهم

​

 

[سلفي والحمد لله]

شكرا على الطرح

بالنسبة لرايي
المراة لازم عليها تخرج و تمشي أثناء الحمل
علاجال الصغير
مي كيف لازم عليها
تلبس لبس فضفاض بام ما يبينش جسدها
مشكوور مرة أخرى​

بارك الله فيك هذاك هو المشكل كيف لازم عليها تلبس؟؟؟
وانا بنظري المراة الحامل المتبرجة اشد اشمئزاز من المراة العادية
شكرا لمرورك اختي

 

[سلفي والحمد لله]

خويا نقلك حاجة وحدة ... أنا راني معاك فيها
لهدرة قليلة ​

يعطيك الصحة خويا لي راك معايا
شكرا لييييك

 

[سلفي والحمد لله]

شكرا على طرح الموضوع القيم



المراة الحامل ممنوع تلبس ملابس ضيقة

بارك الله فيك على المرور اختي نعم ممنوع على المراة الحامل تلبس ملابس ضيقة وحتى المراة لي مايش حامل ممنوع عليها ثاني

 

[سلفي والحمد لله]

السلام عليكم

ما لقيت ما نقول غير كل شيء بالمقلوب
التباهي بالحمل هادا ادا كان من حلال

الله المستعان اخي برك كلش ولا بالمقلوب نسال الله العافية
بارك الله فيك خويا على المرور شكرا ليييك

 

[سلفي والحمد لله]

و الله ما نقولو إلا ربي يهدينا ​

هذاك ماكان يا خويا نسال الله الهداية والستر لنا ولجميع نساء المسلمين
شكرا ليك اخي

 

[سلفي والحمد لله]

قاللها الطبيب مليحة لاماغش :d​

ههههههههههههههههههه
وي لاماغش افاك صون ماغي لي عندو عقلية تاع واحد فخونسي ههههههههههههههه

 

[سلفي والحمد لله]

السلام عليكم

مشكور على الموضوع.
أنا نقولك علميا اللباس الضيق للمرأة الحامل مضر للجنين هاذي أول حاجة.
وثاني حاجة نفسية المرأة تتبدل من اللباس.
وبارك الله فيك.​

وعليكم السلام ورحمة الله وبركاته
شفتي يا ختي ونظن بلي اي مرى تعرف بلي الباس الضيق لما تكون حامل ماوش مليح ليها بصح هوما لالا المهم يتبرجو وخلاص نسال الله العافية

 

[سلفي والحمد لله]

بكري كيما كانت الدنيا دنيا والرجال صح بحكمتهم كانت المراة ما تقدرش تقول لمواليها ولا لمواليه اني بالحمل باسكو كانت الحشمة

عندي خواتاتي واله العظيم ما تفيق بيهم يما بالحمل حتان يلحقو للشهر 7 ولفوق تالمون يقادروها
درك رجع وقت مكشوف وعلى قد ما انكشف ظهرو فيه المحاين
لازم المشي للمرا والبيي معوج ووووو
الوغ يعني حتى والمراة لازملها تمشي كيما يقوللها الطبيب ولا عندك صالحة تقضيها
كاين دي غوب سبيسيال للحوامل عراض وفضفاضين وطوال ما يبينو ما يفصلو علاه محتمة عليك تحطي جلابة ومحزوقة في كرشك وانتي تتعوجي والنفس رايحتلك فيها ؟؟
والله انا تاني ضد ضد ضد هاذ الفكرة انه الحامل تلبس لبسة مزيرة عليهاوتخرج تسوج وتلوج
مادام كاين البديل علاه الضيق
ربي يسترنا في وقت السترة فيه قليلة ويرجعلنا شوي رجولية اللي كانت زمااان
يعطيك الصحة خونا السلفي والحمد لله
عندي مدة مانيش نهدر وموضوعك خلاني نحكي شوي :up:​

يعطيك الصحة اختي الكريمة على ردك القيم
صح ناس بكري مستحيل لمرى تبان بالحمل بصح زمان تاعنا تاع درك راحت منو الحشمة الا من رحم ربك وقليل ماهم
شكرا ليك مرة اخرى اختي
ردك عجبني بزاف وهدرتي فيه وش كان في راسي
وفقكم الله وستركم في الدنيا والاخرة