السرقــة في الجامع

[زهرة الندى]

السلامـ عليكمـ ناس اللمة

واش راكمـ مع السخانة

ربي يعينا ويعينكم عليها

لا علينا ندخلو للميضوع

السرقة في الجامع يا عباد ربي !!

مش واحد مش زوج نعرفهم يسرقولهم **بليقة **النعال** {حشاكم وحاشا قدركم} في الجامع .. بلاك تجيني نورمال تع يسرقو في صلاة الظهر حتى صلاة العشاء .. مي في وقت الفجر تاني !!!!!!!

والله ما فهمت

واش راه صاير يا ناس وين رايحين نوصلو بهاد العقلية ؟

الناس يروحو للجامع مش خاشعين في صلاتهم يصلو وهم يخخمو باه يرجعو لديارهم >>>>> وشمن صلاة هادي:down:

حسبنا الله ونعم الوكيل

يا درا هدي الظاهرة عندكم انتوما تاني ولا ق حنا ؟ وعندها حل ؟؟
اليكم المايكـ

:regards01:
​

 

[حفيد هواري بومدين]

موجودة في كل مكان هادي ناس ماتخافش ربي وتزيد تسرقلو في بيتو
وافقت على الموضوع

 

[ђ@ĸĭ๓]

يعطيــك الـصـحة خـتي على هآذ المــوضوع عندك الصح
لعقلية هذي مزآل كآينة وانآ كنت ضحية هههه للأسف وفي
صلآة لجمعة دخلت للجآمع بكلآكيـت وقريب رجعت للدآر حفيآن
والله غيـــر لعجـــب تــجي تصلي ودآخل لبيت ربــي من المفروض
يكون الخشــوع والقيآم بالعبآدآت مي لآلآ دآخل وخآيف على صبآطك
تخـرج مآ تلقـآهـش وهـذآ مـزآل مآشـفتــي وآلـو كآين لي يسـرقوحتى
التقآشـــر وأنآ لي يقلقنــي كي يبدلولك لبليغة ديآلك
مي وش نقولك سرقة لبلآيغ والنعآيل رجعت عآدي نحكيلكم على جآري
مسكين عندو فيلو يروح بيهآ يوميآ بآه يصلي لفجر وآحد النهآر في فجر
تآع نهآرالجمعة كمل الصلآة خرج كي لعآدة مآلقى وآلو والله غير
غآضنــي مسـكيـن ووصلو سرقوأ حتى صندوق الزكآة والله غير تغيضك
عمرك وش رآه يصرآ في المسآجد و يآحسرآه ولوكآن نبدى نحكيلك
مرآحش نحبس مي وش نقولك لي يخآف على لبليغة ديآلو
لآزم يحط بليغة في الشرق وبليغة في الغرب وخلي لي حب
يسرق يسرق وهآذ النآس ندعولهم بالهدآية هذآ مكآن....


​

 

[SETIF étudiant]

واشي هذا.. الجامع وما سلكش والله ما يحشمو (ولا لي حشمو ماتو) ياخي حالة ياخي حتى المؤمن اصبح غير امن في بيت ربي
تحير تشوف في كنائس وما فاتتش عليهم هاذ العفايس:s خخخخخخخخخخخخ
غادي من ولجاي ندي معايا كلاكيت ونكادنيها بسكارة وصاي ههههههه ولا كي نبدا نصلي نحطها قدامي .....

اسيدي والا ما سلكتش منهم وسرقوني واش راح ندير ننويها وصاي ها الا كانو محتاجين الله يسامح واذا ماوش محتاجين الله يهدي

 

[hadda0425]

والله موضوع جميل اختي بارك الله فيك
تعرفي حنا هنا كاين واحد زعم سلفي عندو لحية ولابس اللبسة السلفية
كان يروح يصلي في المسجد ديما
واحد النهار قالولي فلان راه حكموه
وش دار ؟
قالك سرق المسجد :s
يا لطيف قتلهم هذاك السلفي قالو هو بالذات سبحان الله
سرق على ما اضن الثريات وميكرو المهم حوايج يتهزو
وش نقولو ربي يهدي
بيوت الله وما سلكتش
​

 

[ماكانش]

ههههههه
مرة حكمنا سراق فالمسجد يسرق فالسبابط كسلناه بطريحة قالنا سرقولي صباطي جيت نسرق واحد

 

[حمزةusma]

ظاهرة مؤسقة للغاية

 

[loujaina]

ih hata 7ena ne3anou menha 3jeb yakhé
lzm errajl yrou7 b'chlaga gdima l'jame3 bech mayarja3ch l'darou 7afyane yakhé 7alla yakhé
rabé yahdé ma khla9
​

 

[الكاتبة الصغيرة]

ربيي وكيلهم هذا ماغاد نقدرو نقولو

 

[كافيري]

هاذي ضاهرة عادت في كل جوامع حنا تاني عندنا وش نديرو الله غالب ربي يهديهم.

 

[جہْےمالہْ الہْےروحہْ]

ايه وي هذي الظاهرة مام عندنا كاينة و كيما قلتي دوكا العبد يروح يصلي ولا يخمم كيفاش يولي للدار ربي يهدي ما خلق هدا مكان

 

[abdellah gourari]

ربي يهدينا ناس ريحين يصلو و ناس ربي ينوب
ربي يهدينا

 

[عفيفة الحبوبة]

الله يهدي النااااس​

 

[زهرة الندى]

تسجيل دخول سريع

ميقسي عليكم كامل لي عودة نرد عليكم

:d
​

 

[ملكًة الاحسآس]

وعليكم السلآآم
أهلآ شعشبونة ، شحآل عندكـ مآدرتيش موضوع
نزغرت مثلآآ كي درتيه ولآ كفآه :p
شفتي وين وصلنآ المسجد ومآسلكش
شفيت مرة مسجد الي قريب لينآ سرقوه ، قىلك السرآق سلفي زعمه
يعني حآميهآ حرآميهآآ ماتديريش فيه خلآص تقول تحطه يعس صبح هو السرآق
وقت الزمآن رنآ فيه يآلطيف ، ربي يهدي من خلق
ميرسي حبوبــة على السوجي المليوح ، عآوديهآ
​

 

[بنت الـ25]

ايه كاينة وبزاف
مثلا عندنا احنا ماما راحت تصلي الجمعة رجعت ببشماق زرق
قتلها يما وين راهو صباطك لكحل؟. قاتلي ما لقيتوش
ومبعد اتضح انو وحد الطلابة وقت الصلاة قدقد دخلت لمت قطع صبابط ملاح وراحت
تبااااااااا
والمخيرة تع لمخيرين يحكيلي بابا
قالي وحد نهار خرجنا برا نلقاو جماعة تع ليزيميقري برا حفايا
خرجو من الجامع ما لقاوش صبابطهم
قالك لحقوهم جماعة وداولهم صبابطهم خاطر مركة يعاودو بيهم السوق
ههههههههههههههههه اضحك يا فمي على همي
شعب لا يستطيع هتلر احتلاله ههههه
​

 

[nina usma]

راهي ف كل بلااااااااااااص


منحافيييييييييش


ربي يهديهم هاد الناس


ميرسي​

 

[رضوان40]

حسبنا الله ونعم الوكيل

 

[نور الجنة 29]

العقلية الخامجة هاذي فكل بلاآآصة:s
وعباد هاذوما ما يخافوش ربي اصلللللل
و ما يخمموش بالصلاة يخممو في السرقة واللعب عندنا هنا معمرة اكثر منكم:-o
ربي يهديهم برك ويهدي اللي يعمل الشي الخآآآمج
عندك الحق صححححححححح:up:

وشكرا للميضوع كيفا قلتييي هههه:p
ميرسي حنونة للموضوعع:d
​

 

[نور الجنة 29]

ربي يهدي برك
​