نداء انساني

الحالة
مغلق ولا يسمح بالمزيد من الردود.

rezgui

:: عضو مُشارك ::
إنضم
18 أوت 2006
المشاركات
482
نقاط التفاعل
2
النقاط
17
:movie::yes:
0001.gif



لوسمحت يا جماعة انتم شايفين الفقر عامل ازاى الايام دى وغلاء المعيشة وفى ناس مش لاقية تاكل ولا تشترى عيش لاولادها فانا بطلب منكم طلب ومش حيكلف حاجة خالص الطلب هو: ياريت كل واحد عنده بقايا عيش او اكل بايت عنده او اى نوع من انواع الاكل حيرميه فى الزبالة ياريت بدل ما يرمى البقايا دى فى الزبالة ياريت يحطها فى كيس بلاستيك صغير ويحط الكيس الصغير ده جوه كيس الزبالة ويرمى الزبالة عادى فى ناس حتقولى ليه كل ده انا زمان كنت بشوف الناس بتلم الاكل من الزبالة افتكرتهم بيلموه عشان طيور بيربوها او كده بس دلوقتى انا شفت بعينى ومش بكدب شفت بعينى ناس بتفتش فى الزبالة على اكل واى اكل بيلاقوه بياكلوه على طول حاسين بقول ايه ناس بتاكل من الزبالة مباشرة زى القطط والكلاب (وانا اسف فى التشبيه) بس ارجوكم تخيلوا الصورة.فمش لازم وهما بيدوروا على الاكل نعذبهم اكتر ونرميه فى وسط القاذورات والفضلات.فاتوسل اليكم كل واحد عنده اى بقايا طعام او اكل وحيرميه فياريت يحطه فى كيس صغير جوا كيس الزبالة وحتى لو حبة رز بايت او عيش ناشف او اى بقايا طعام انتا بتكرهه فى غيرك محتاجه.فى ناس حتقولى ياعم هو احنا لاقيين ناكل احنا فقراء زيهم بس انا حقول لو انتا فقير اعرف انك بالنسبة للى بيمد ايده فى الزبالة انتا ملك بالنسبة له ومعتقدش ان اى حد فينا حيقبل يمد ايده فى الزبالة وياكل منها مباشرة الا لو هو خلاص حيموت من الجوع وبعدين انا مش بطلب من اى حد انه يحط فرخة مشوية جوه الكيس الصغير ويحط الكيس الصغير جوه كيس الزبالة الكبير لا انا بطلب منكم جميعا سواء فقير او غنى مسلم ولا مسيحى انكم تحطوا بقايا اكلكم اللى كده كده حيترمى فى الزبالة بقايا عيش او بقايا سمك او عظم وجلد فراخ او مكرونة بايتة عندك اى حاجة مهما كانت حطها فى الكيس الصغير والغلابة حياكلوها ومتقولش فى حد حياكل العك والقرف والاكل المخلوط على بعضه ده حقولك والله فى ناس محتاجه.فارجوكم واتوسل اليكم ناخد الموضوع ده بجديةومحدش يتريق على كلامى لانى مش كاتب رقم تليفونى وبقولكم انا بلم تبرعات ولا حد يدينى اكل واوزع عالفقراء لا انا بس عايزنا نتكافل بالقليل وطبعا اللى يقدر يطلع الكتير ربنا يوفقه ويطلع.انا طولت عليكم واسف جدا بس ياريت تنشروا الموضوع ده لاصحابكم واهاليكم ومعارفكم وحتى للناس اللى مبتدخلش نت عرفوا كل الناس الطريقة دى وربنا يوفقنا جميعا وشكرا
اتمني المناقشة و ابداء الرايمنقول
منقول​
 
رد: نداء انساني

بارك الله فيك اخى
 
رد: نداء انساني

شكرا على الموضوع
 
رد: نداء انساني

شكرا جزيلا لك أخي الكريم
أولا في موضوع الخبز أو العيش كما تقول
نحن في البيت منذ أن كنا أصغار و أمي تقوللنا أنو حرام تضع الخبز مع القمامة و نخصصولها كيس لحالو و
و نعطيها لصاحب البقر أو الكباش دائما يجي يدور علي المنازل و الكل يعطيلو ا
ثانيا في الإحساس بالفقير أقولك أنو و لا واحد صار يحس بجارو كان زمان الجار ما ياكلش حتي
يعطي القليل من أكله لجاره
المهم
فكرة حلوة و مفيدة إنشا الله يطبقوها
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top