مطبخك في رمضان ..في اللمة الجزائرية تحلى جمعتنا

[ibtesem]

مشاء الله مشاء الله ربي يحفضكم يالاخوات والله من كثر ما تفرجت
على اكلاتكم نسيت الاسماء اغلبها اول مرة نشوفها تشارك معانا في المطبخ
====================
ختي ابتسام بصحتكم
تعيشي حبيت نسقسيك
واش هذيك الي مسامي القدرة؟:$
ماشي الي مسامي الحليب لخرى :-r
اني كبيرة وعينيا ما يلحقوش :d
هداك روز بافخاض الدجاج يعني كي المقلوبى شوية في الشبه​

 

[stella.m]

السلام عليكم اختي لا هادي وصفة اخرى راني درتها في المنتدى على هاد الرابط
https://www.4algeria.com/forum/t/377919/

صحا فطورك

يعطيك الصحة
يسلموا يدياتك حبيبتي ربي يخليك
الله يسلمك وصحا فطوركم
​

مشاء الله مشاء الله ربي يحفضكم يالاخوات والله من كثر ما تفرجت
على اكلاتكم نسيت الاسماء اغلبها اول مرة نشوفها تشارك معانا في المطبخ
====================
ختي ابتسام بصحتكم
تعيشي حبيت نسقسيك
واش هذيك الي مسامي القدرة؟:$
ماشي الي مسامي الحليب لخرى :-r
اني كبيرة وعينيا ما يلحقوش :d
هداك روز بافخاض الدجاج يعني كي المقلوبى شوية في الشبه​

مممممم ممكن لاغوسات حبيبتي :$
تعيشي
وربي يخليك وصحا فطوركم
​

 

[ziassia]

 

[عفاف الجزائرية]

ايه اختي وضعتلك الضورة في الاخير يمكن ما لاحظتيش هادي لي في وسط الفلفلة

وشكرا

اااه قصدك على فلفل حميص هاذاك فلفل مشوي في الطاجين حلو وحار ومباعد تنقيه وتهرسيه في المهراس واذا ما عندكش ترحيه في الروبو وتطيبي الطماطم مرابية مع سنة ثوم وكي تطيب حطيلها الفلفل نتاعك وحطي شوي ملح وزيت وخليه ييطيب وحد 8 دقايق وطفي عليه

سلام الله يبارك عليكم يعطيكم الصحة
اختي عفاف الجزائرية حابة نسقسيك فلاصوص تاع كعيكعات الباطاطا كفاه درتيها

لاصوص نتاع الكعيكعات صوص طوماط عادية انا نديرها طماطم مرابية سنة ثوم ملح فلفل احمر شوي كسبر مطحون ورقة رند شوي زعيترة ونخليها تطيب بعد ما تطيب نحطلها قرصة صغييييرة سكر وشوي زيت ونخليها تخثار اذا كنت رح نقدمها ولا نخليها شوي جارية ااذا كنت رح نديرها مع كاش غراتان

 

[ziassia]

و هذى لبات فيتي محشية بالطرشي

 

[روز]

السلام عليكم
صحا فطور صحاب الخليج ولعقوبة لصحاب الدزاير وربي يصبر ناس ماريكان

سمووووورة مائدة تشهي من الصباح نحوس على ردك مالقيتوش شفتها في اقتباس نتاع مايا برك
حابة نديرلو جام وتقييم
راني مش نتبع مليح وقيل
اعطينا وصفة لي كورني خرجو هايلين ومرسي على كلامك
وقيل تاني شفت مايدة ام ندى ولا راني نخرف :s
اسمحولي راني تعبانة ودايخة تاع الصح
زدت درت وحد التشير كيك بالمالتيزرس ممممم منين ناكلو نفقد الذاكرة من حلاوة طعمو ههه
نريح ونحطها في الايام لي جايين في موضوع ان شاءلله
صحا فكوركم مقدما

 

[nina usma]

صحى فطووووووووووركم

كاش طياب

 

[ام قصي]

اليوم درت
لحم مرحي امحشي بالفرماج و المرقاز
والباقي كوبي كولي انتاع 1و2 انتاع رمضان
صحا افطوركم ​

 

[nada242008]

صحا فطورك روز
ام قصي وقيلة بدلتي مكان الاقامة هههههه مازالت سويعة على الفطور
جاك هايل المحشي اممممممممم .. انا كرشي طبقت من الجوع
يعطيكم الصحة كامل على ماقدمتو

 

[كوثر الوهرانية]

صح فطورك روز بصحتك التشيز كيك
ام قصي فطورك يشهي
ندوشة انا تاني كرشي دخلت من كترت الجوع مبقاش بزاف للمغرب راه قرب
اليوم درت حريرة و سلاطة راهي تخدمها كوثر بنتي و درت كروفات بصوص طماطم و راجلي بغى دنجال مقلي بلاصوصو و درت ميني كيش بالبيشمال و الكفتة و اوملات جلبانة و بطاطة
و لسهرة درت تحلية بافرماج للاخت ام خديجة حفضها الله
صح فطوركم كااااااااامل يا الجزايريات

 

[مايا الجزائرية]

سلام صحا صيامكم
حنا درنا حريرة
طبق غراتان مكون من(طماطم+بصل +جاج )ونخلوه يتحمر
سلاطة (خص+طماطم+خيار+زيتون+خيار مرقد)
وكورجات مقلية فوقها فلفلة +طماطم شكشوكة
راني لا قدرت نصورلكم

 

[mimi53]

يعطيكم الصحة موائد تشهى
قلت نحط فطورى قبل ما نرقد خير من صباح

​

[/QUOTE]

امممممممممممممم ايمانو كلشي يشهي تسلم ايدك مي حبيت نسقسيك على الطبق الرئيسي عبارة عن واش

 

[مايا الجزائرية]

الله الله
فطورك يشهي
يم يم صحا فطوركم تاكلوه بالصحا ولهنا

 

[fatima_19]

الله يسلمك اختي ربي يبارك فيك
الوصفة نتاع كرات الفيونداشي بالمودزاريلا هي :
تجيبي كمية ن اللحم المرحي تغلي 3 بيضات ترابيهم على اللحم المرحي وتدوزنيه فلفل احمل ثوم ملح معدنوس مقطع شوي كسبر مطحون وانتي والتوابل اللي تخدمي بيهم تكسري عليه بيضة وتحطيلو 3 مغارف شابلير ولا 4 حتان تقدري تتحكمي فيه وتشكليه
تغلي البطاطا تاني وتدوزنيها نفس الشي بالمعدنوس الثوم الملح الفلل الاكحل وشوي فلفل احمر باه تجي بنينة ولا تقدري تحطي مغرفة هريسة
تحضري صلصة الطمامط كيما موالفة تديريها انا رابيت الطماطم حطيت عليها ثوم ملح رند وشوي كسبر مطحون وفلفل احمر وقرصة صغييييييرة سكر وخليتها تطيب خليها شوي جارية ماش ناشفة
بعد ذلك تجيبي اللحم والبطاطا تشكليهم كرات وتحطي وسط كل كرة طرف من المودزاريلا يجي هااايل وكي تفتحيها تذوووب
تمرغيها الكرة هذيك في البييض فيه ملح وفلفل احمر وتعاودي تمغريها في لاشابلير وتقليه
بعد ما تكملي نفس العملية مع البطاطا والفيونداشي تحطي لاصوص طوماط في البلاطو نتاعك وتسدفي طريق بطاطا وطريق فيونداشي حتان تكملي الكريات نتاعك كامل
تدخليهم للفرن وحد ربع ساعة برك باسكو كل شي طايب وقبل ما تخرجيها تحطي عليها الغرويار وتقدميها مع رشة كسبر وقارص
-------
المتبل شويت الباذنجان وحطيتو في الروبو حطيت معاه سنتين ثوم ملح فلفل اكحل عصير حبة قارص وعلبة ياوورت طبيعي ورحيت كل شي حتان يوليلك كي الكريمة وتقدميه مع قطرات زيت زيتون وتزينية بالفلفل الحمار كيما شفتيه

نتمنى تكوني فهمتيني كشما سوال اني هنا.. ربي يوفقك اختي
​

شكرا جزيلا اختي عفاف
صح فطورك و البنات كامل

 

[nina usma]

ممممممم راكم غير تشهو فيا

 

[ام فيروزا]

اعطيكم الصحة يا لفحلات والله غير تنشطو لبنات راكم عارفين السخانة و الكرش فارغة بذراع باه انوض ويقابل لكانون غير اخمم بزايد عليه منيش انفشل فيكم يا بنات لجزاير كل صبع بصنعة تحياولي يا احلى لمة

 

[ام فيروزا]

صح فطوووووووووووووووووووووركم حنى راهو قريب يذن عدنا

 

[السلطانة]

يممممم يعطيك الصحة طاطا ايمان فطورك يشهي
هادا فطورنا حنا بقى درج ويأدن

​

 

[ام خديجة1]

مشاء الله عليكم ياغاليات واشي هذا منين نبدى ومنين نخير كل شيئ متول ربي يطرح البركة
هذا فطور البارح عييت ندخل المنتدى صح فطوركم كامل

 

[مايا الجزائرية]

ياطيك الصحا ختيتوووو
صحا فطوركم