في خاطر وليدات و بنات اللمة /* البطوط المبروك */

[بنـ MaPa ـت]

ههههههههههههههه الباطوط الباطوط داروه الدايريات :d
كلمة غريبة من نوعها


​

 

[حاملـة المسك]

يتبث 3 أيآم :d

في خآطر البطوط المبرووك

​

:-oو في خاطر البطوط المبروك يا حفيدة الضاوية :up:​

هه حنا نقولولو بومهراس

بومهراس و البطوط رغم الشبه بصح كل واحد و مكوناتو​

متقولوليش غير فيها حااااااااااااااااااار

الـgـنطس و الفلفل الاخضر و بوفجوخ​

ماشي حرام عليكم وش راكم تديرو؟
انا خلاص مصاريني تلاصقو و انت توريلي في البطوط؟؟
اذا درت لاسياست اليوم سور نومو

اشفاي عليها حاملة المسك
مخلوفة ان شاء الله

:down: بعد البطوط مكاش باش تخلفيلي هههه​

اممممممممممممممم باطوط تليقلو لمة ونتقابلو عليه هههههههههههه

المريس عليك و الاستهلاك علينا :d
و البطوط كما قلتي سبيسيالتي بسكرة ​

يعطيك الصحة ختي رغودة ...رجعتيني عشر سنين اللور .. وحد العوام كنا تقريبا يومي نتغداو بطوط ...

المهراس زي و البطوط زي خلاف ... سلاطة المهراس تجي حارة ...


وحد الوقت كنت نديرو وحدي ..نحكم خبز تاع البارح و ندير زوج حبات طماطم و نقطع شوي بصلة و نبدى ندg ..ندg و نزيد معاه كاس لبن يا دلالي ...

الواحد ذرك عاد كي يجوع يروح يدير مطارق شوى و لا طرف جاج في الرسطورون ... راحت هذيك العقلية

اخر مرة كليت فيها البطوط تعود لسنة ميلويصون و دزني نطيح هههههه و الله ما ني شافي ..

المهم يعطيك الصحة على البطوط :up:

ميرسي ليكم



​

ايه خويا راحت عوايد زمان بكري كان كيبقى الطعام و الكسرة نشخشخوهم
في العشيوات و نتلمو على القصعة ضحكة و قصرة
راحت أيام زمان

بلا مزيا خويا محمد و دوريا بالنيابة على خوتاتي.


باقي الاخوات شكرا لردودكن البهية​

 

[ibtesem]

امممممممممممممم يارغود
الله يعطيك الخير بصح ماقلتليش انت شكون صخرية ولا ام هاني
هدا في زوج هادو في زوج خواتات في بسكرة
الله يحفضك على الموضوع​

 

[imane27]

y3atik asaha
​

 

[samah06]

الباطوط منسيتوهش حتى في رمضان
ابتسام ضهرتي ولاية اختي
تعرفي حتى صخرية وام هاني في بسكرة
هذا اذا ما شفناش بلي راكي فالماريكان هههههههههههههههه

 

[ام فيروزا]

يخي تعرفوا لبطوط العقبي برمان الحامض نتاع جماعت سيدي عقبه

 

[ام فيروزا]

عندكم تنساو المحكوك المرخوس و زريقه

 

[ندى الورود]

والله يا رغود وحدك
كيفاش درتيه عبزتيه بيديك ولا في المهراس ولا كيفاش
راهي ابتسام نهار وراتهولي قالتلي اطلقي العنان وعبزي بيديك حتى يتورمو من الحار
يعطيك الصحة كاش نهار نخلعكم ونديرو بصح ماشي في رمضان
​

 

[حاملـة المسك]

امممممممممممممم يارغود
الله يعطيك الخير بصح ماقلتليش انت شكون صخرية ولا ام هاني
هدا في زوج هادو في زوج خواتات في بسكرة
الله يحفضك على الموضوع​

صخرية بوسعادية و ام هاني بسكرية نسا لواس مديين بساكرة
العام اكل و هما يعبزو و لا اااا راكي تعرفي مع رجالة بسكرة هههه​

والله يا رغود وحدك
كيفاش درتيه عبزتيه بيديك ولا في المهراس ولا كيفاش
راهي ابتسام نهار وراتهولي قالتلي اطلقي العنان وعبزي بيديك حتى يتورمو من الحار
يعطيك الصحة كاش نهار نخلعكم ونديرو بصح ماشي في رمضان
​

هديك الفوتو منين كانت المتحدثة اسمها بائعة الكبريت :-r
التبطبيط في رمضان لازملو العايلة ..الداخل و الخارج و المرامط تخرج ههه
و لبابو مغلوق عليه و على الحميص و طبق خخخخ​

 

[روز]

مانعرفوش البطوط خسارة وماذقوش نحكل عليه من بعيد برك

بصح راكي شايعة يا رغود في اليوتوب :-h

تهليلي في هذ الايقونة يعطيك الصحة ماضيعتيهاش من عام عام

​

 

[حاملـة المسك]

تذكرت امنياتي الله دكرها بالخير منين قاتلي... نلقم و ندووووق نلقم و ندووووق
بـنــــــة عظيمـــــة باليد هههههه

الله يدوم لمتنا على الخير و المحبة.​

 

[M3TaZ eLLMa]

السلام عليكم

صحى فطورك أخت الطيبة حاملة المسك

ما عندي ما نقووووول ما شاء الله والله البطوط روعة

يعطيك الصحة اخت

ومشكورة على المجهود المبذووول والله من عندي تستاهلي عليه وسااام

ربي يحفظك وربي يحميك

وربي يقبل عليك الصيام

تقبلي شكري​

 

[بنت الجسور المعلقة]

يامآ على غناية الفيديو واش تسخف وشمن شاب يغنيها ؟ :d
الله الله على لبساكرررررررررررررررررررة ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
حطهولي نبرد قلبي حار يفاجي لمحان فور هادييييي هههههههههههه بالفلفل لعربي

 

[oumniati]

hhhhhhhhhhhhhhhhhhhh

raghoud ki cheftou tfakkart el moghamara ta3i hhhhhh, kharjat salamat

ya3tik saha, ma bkach bezzaf w terja3 rima lil3ada el kadima enti tbatabti w bassoum trouh tchouf wech kayen fi congelateur hhhhhhhhh

 

[bellafoufa]

هذا هو الزفيطي الأكلة البوسعادية الي حارة بالزاف؟؟؟؟؟؟؟؟؟؟؟

 

[emili]

:thumb_up02:باطوط وعليه الكلام...راكي هولتيهم كلهم بيه غير يخلاص رمضان يديروه وانا اولهم....هذا اذا صبرنا حتى يخلاص رمضان.يعطيك الصحة.

 

[ام فيروزا]

كي يتحط في لقصعه و تكليه بيدك ونتي تلحسي في صباعك و عينيك ادمعو و اذنيك اصونو و نيفك اسيل و كل دقيقة تمسحي و المشكل راكي مكمله نتخرجي على القصعه انا نكلو غير في دارنا و دار شيخي يسمعو بيه حنا نعرضو بعضنا عليه خروف مشوي

 

[نور الرحمان]

هايل يارغود زهيتينا بالبطوط والله غير يكمل رمضان نديرو

 

[hadda0425]

يا رغود حبيتي تخربيلهم جزيئات المعدة ههههههههههههه
نهار كامل وليستومة فارغة ومكمشة الواحد يحطلها تعبيزة من هذا تتفتت ههههههه

وهادي جميع الحقوق محفوظة :p
​

 

[اْई‾ـŞőķѓдֺ]

صحيتي صحيتي بصح زفطي تاع مهراس خير :d