الحلقَة النآvــيآم من كآميرآ مخفية ( شدينآكـ ) مع " amira94 "

ملكًة الاحسآس

:: عضو بارز ::
أحباب اللمة
إنضم
30 ماي 2009
المشاركات
5,835
نقاط التفاعل
4,223
النقاط
351
محل الإقامة
جيجلية بسطيف
الجنس
أنثى
r9D82811.gif




ان شآء الله تكونو بخير ،،ربي يتقبل صيآمكم

كمآ أعلنآ من قبل عن :

كآميرآ مخفية '' شدينآكـ ~ مع مجموعـة عآلم المرأة

اليوم الحلقة النآvـيآم والأخيرة من كآميرآ مخفية

مع الأخت :amira94

والي بعنوآن : ايه مش نآس ملآح ، علآه تنكري ؟؟



دخلت فالصبآح ونآوية نشد ضحية جديدة
طآحيت عيني على اميرة وهي ترد فالموآضيع
قلت بــس يآطفلة هدي هي

تبليتهآ وصلحت


تبـعوني وتعرفو كفآه

5fc0f220.gif



كمآ العآدة بعتلهآ نسقسي
confused-onion-head-emoticon.gif


السلآم عليكم
صبآح الخير أختي ، صحآ رمضآنكـ
وآش رآكي صآفآ ؟؟
حبيت نسقسيكـ دآيرة بلي انتي من ميلة صح ؟؟


أميرة ردت عآدجي ومآدآرت في بآلهآ وآلو

و عليكم السلام ورحمة الله وبركاته

صباح النور أختي .. الله يسلمك وانتي زادة

الحمد لله بخير

ايه أختي من ميلة

أنآ كنت نخربش من جهة أخرى وطولت مارديتش عليهآ
عآودت بعتتلي ، يآأموورة أنتي حوستي
th_107_.gif


أهلا أختي

مي علاه سقسيتيني ؟؟
فالوقت هدآكـ بيبآتلي بنت خآلتي ، جاتني طق نألفلهآ حكآية
015.gif

أهلآ اختي
حبيت بركـ نسقسيكـ على نآس ميلة
بنت خآلتي مورآ العيد ان شاء الله نورمآلمون يجو يخطبوهآ من ميلة
بصح رىهي خآيفة ، سقسآت قآلولهآ مش ملآح نآس ميلة ؟؟؟؟
قلت نسقسي الي نعرف هنآ فالمنتدى
علبآلي تتفآعلي ، نستنآكـ تجآوبيني
sillyp1.gif

أول حاجة ربي يكمل لبنت خالتك و ربي يهنيها

وهذه الهدرة ماكانش منها ومانقولكش كامل ملاح لانو منين تروحي كاين لمليح وكاين الحاير

علاه واش شافو من ناس ميلة حتى قالو مش ملاح

المهم قولي لهذه بنت خالتك سقسي على الولد الي راح يخطبها ماشي وين يسكن

الله يبآركـ كلآمكـ يقنع ، mais انآ دوري نشدكـ مش تقنعيني
063.gif


آمين ، ربي يعيشك ولعقوبة ليكـ ان شاء الله
صح مآم حنآ قلنآلهآ منين تروحي كاين المليح والقبيح
والمهم هو، بصح ثآلمون الي تسقسيه يقولهآ اخطيكـ
أحم أحم آي بدآت تتمزى عليــآ
th_092_.gif


والله يا أختي الحمد لله الي يجي عندنا نحطوه فوق العين والراس

نقيمو بالضيف والحمد لله والناس ذرك اذا ماعجبهمش واحد يعني الولاية تاعو كامل ماشي مليحة

والله ربي يهديهم هذا ماكان

والراي الاخير يولي لبنت خالتك ربي يجيب الي فيه الخير
وآقيلآ كنت نهدر بالظرآفة ، ايآ بسم الله نبدآو رحلة الاستفزآز
th_117_.gif


امم صح هكدآ في كآمل البلآيص
أنآ مآنكدبش عليكـ قرآو معيآ بزآف من ميلة
سوآء كي قريت هنآ في جيجل ولآ في قسنطينة
عطآوني صورة مش مليحة على نآس ميلة سوغثو البنآت هدوكـ
يآيمى مشرآرآت ووآحد مآيسلم منهم ، وتآني يحسبو روآحهم وهمآ وآلو يبهدلو
أمورة ولآ همهآ كلآم النآس
th_085_.gif


هههه الله غالب انتي طحتي غير في الي ماشي ناس ملاح
انا مثال نعرف وحدة من جيجل ماشي ناس ملاح يعني ناس جيجل كامل ماشي ملاح ؟؟؟ لالا أنا أختي كل واحد في بلاصتو
خلي يقولو متخلفين ..يقولو ماشي ناس ملاح ... يقولو واش يحبو والله ماتهمني خلاص لان ارضاء الناس غاية لا تدرك
أمم قآلتلكـ ارضاء الناس غاية لآتدركـ
وآقيلا لآزمنآ نزيدولكـ فلآدوز ، معليش نزيدولكـ
014.gif


مآقلتلكش تحكمي على النآس من وآحد
بصح بآش تشوفي بزآف هنآ ، وكيف كيف الي قرآو معيآ في قسنطينة بزآف
كآمل مش ملآح ، يعني نبقى انا نستنى انا حتى نتلقى وآحد مليح ونحكم عليه من أصل 100 ولآ أكثر ؟؟
واون + كوآvــآ في كلش واسمحيلي على الهدرة هدي
بصح انتمآ الي درتو هآد الصورة عليكم
بدآت الطفلة تتحركـ
069.gif


أختي واش تقصدي بلي شفتي بزاااف هنا شكون هذوا ؟؟؟ أختي ماتغلطيش بالهدرة
كوافا ؟؟؟ خلينا التقدم للناس الي يفهمو
أختي كنا في موضوع ودخلتيلي في موضوع قولي لبنت خالتك هذه تدي واحد من ثم من جيجل وتتهنا

سلام
رآكي تليكيدي فيآ بسلآم هديكـ ، معليش اقراي ردي ونشوفو
6f428754.gif

أختي انا قلتلكـ وآش فتكـ وبيآن سير حآشآ الي مآيستآهلش
مي انتي قلتيلي مآتحكميش على وآحد ولآ 2 قلتلكـ انا مآحكمتش على 1 ولآ 2
حكمت على الاغلبية ، وزيدي علآش تنكري بلي كوآvــآ قولي ايه ولآ راني نكذب ؟؟
ننكــر ؟؟؟
confused-onion-head-emoticon.gif


اختي روحي شوفي واش كتبتي مليح قلتي بلي شفت هنا بزاااف يعني أنا وجماعة ميلة

ايه اختي رانا كوافا ومن بعد قلتلك مايهمنيش راي الناس

والله يا اختي العبد صايم وزيد السخانة وزيد انتي من فوق فكينا من الحكاية هذه الله يسترك
اهئ اهئ اهئ واقيلآ السخانة غير عليكـ يآلآلة
استنآي نزيدلكـ سخانة على سخآنة مآلآ
64caf316.gif


علآه غير انتي صآيمة ، كآمل رنآ صآيمين
ايه قلت شفت هنآ ولهيه وكآمل نفس الكآليثي ؟؟ ونورمآلمون تفهميهآ وحدكـ تآع حاشا الي مايستاهلش
ياخي يقولك السفيه مايقرى الا مافيه ؟؟؟
الطفلة تكودآت ومآلقآت ماتقول بقآت غير تحصل في رمضان
7f5341cc.gif


اااااه اختي دخنتيها بزااااف شوفي اختي راني مقادرتك اعرفي واش تهدري

وعلى حساب الشوفة رمضان اليوم غالبك ما نلومكش
هنآ بقيت نستنآهآ مآردتليش رد يفرح ، قررت نزيد نتبلآهآ
th_113_.gif


علآه سكتي ، على العموم اسمحيلي بلكـ قلقتكـ
النآس تآعنآ هدو هكدآ الآ هدرتلهم حآجة كآينة منهآ مآيستعرفوش
اني فآهمآتك
قلتلكم تكودآت
th_093.gif

سكت مناه ماشي حابة نزيد نكمل نحكي في هذا الموضوع

واش فاهمة ماراكي فاهمة والو و هدرتي حاجة ماكانش منها

يا أختي واش رايحة نقولك ربي يهديك ويهدينا هذا ماكان
حلآتلي وكنت قآعدة مآورآيآ وآلو
استلمي بقى ووريني ردكـ يآأموورة
..
th_102_.gif

آمين يهدينآ أجمعين ، لآلآ رآني فآهمآتكـ
يعني كي الوآحد يهدر على ولآيتك هكدآ وتلقآيه عنده الحق في وآش راه يهدر تسكتي
شفتكـ تغششتي مآلgــري الموضوع مآيستآهل تتغششي منه معرف علآه ؟؟؟
أميرة مافاهمة فيهآ وآلو
087.gif


عندك الحق ؟؟؟ اووووه فاه عندك الحق هذاك يبقى رايك انت

ما تغششت ماوالو راكي انت وحدك تبني وتريبي
قلتلكـ نآس ميلة مش ملآح ومآزآلني مصرة
th_059_.gif


ايه عندي الحق كي قلتتك نآس ميلة مش ملآح صح
الآ رآني غالطة اقنعيني ياخي رنآ نحكيو بركـ
هنآ لقآتني لصقة ومآحبيتش نخطيهآ ، وعآودت لحكآية راي الناس مايهمنيش

كانش ما شفتي جاست مني ما عجبكش كانش مادرتلك

شوفي اختي ما لقيت مانهدرلك وناس ميلة ملاح ماشي ملاح كل واحد يمثل نفسو

وميلة ولايتي ونحبها ومانبدلهاش بأي بلاصة و راي الناس مايهمنيش

حسيت بلي السكر صح طلعلهآ قلت استنى ندخلهآ النية فالهبآل
875328cc.gif

الله يبآركـ شكون قآل مش ملآح ؟
مأخصهآ تقولي المسكينة روحي تدآوي بقات بلآ رآس خخ
9bbc76d5.gif


:s:s:s:s

أختي من بعد لفطور أرواحي أهدري معايا

راني نشوف بديتي تخرفي
فاللحظة هدي عيطتلي مآمآ ، هيآ قررت مانزيدش نطولهآ نفض الحكآية ونخرج
لآلآ مابديتش نخرف انتي الي خآرفة
والدليل أني شديتكـ في كآميرا مخفية الي رايحة نحطهآ الاايمآت الاخيرة من رمضان هدآمآكآن :p
اييييه ايييه يآأميرة استعرفي شدينآكـ ومابقآش
d16c4689.gif

اااااااااااااااااااااااااااااا اه :-oههههههههههههههههههههههه خسارة عليك :(
و أنا نقول واش بيها هاذ الطفلة حرشوها اليوم عليا ولا كيفاه
دخلتها غير ماشي ملاح ... كوافا ..... مي برافو لعبتيلي على المورال
المهم ياخي ما هدرتلكش كلمة جرحاتك برك :$
طحتي في الفخ يا أميرة :down:
وكمآ في كل مرة يلزمنآ نطلبو السمآح من الضحية، ايييه هدي دنيآ ولآشتى تمسخيرة
بلآ ماننسآو نستسمحوه في عرض الحلقة
014.gif


ههه طحتي وقريب مآطحتيش نستعرف بيكـ
وعندك تأمني نآس ميلة جيرآني ومآشآء الله سوآء الي قرآو معيآ عنآ ولآ في قسنطينة
عطآونآ صورة مليحة على نآس 43

اسمحيلي الآ gـستك بكلمة بركـ
أهآآه تسمحيلي نعرض الحوآر الي صرى بينآتنآ في حلقة ؟؟
الله يعيشك أختى حتى ناس جيجل ما عندي ما نقول عليهم ومنهم الملكة الي طيحت فيا السكر ههه

أوكي أختي اعرضي الحلقة

هكدآ كآنت حلقتنآ الأخيرة من كآميرآ مخفية تآعنـآ

أميرة كآنت نآس ملآح فالأول ، وبعدمآ دوزيتهآ بالهدرة بيآن
قدرت نستفزهـآ بلآ ماتحس بلي كآميرا كآشي بركـ
بصحتكـ كليتيهآ ويعطيكـ الف صحــة حبوبـة


نتمنى تعجبكم الحلقة هآذي


مآعلينــآ غير نقولولكم ربي يتقبل صيآمكم وصلآتكم
ان شاء الله كنآ خفآف ظرآف عليكم بـالتسع حلقات هدوو
الي زعفنآه يسمحلنـآ ، كون مامحبتنآ ليكم مانديروهآش فيكم
صحــآ عيدكم ، كل عآم وأنتم بألف خيــر يآناس لمتنآ العزآز



في أمآن الله

967339c1.gif






 
وعليكم السلام
ههههه هلكتيها بكلمة كاvيا
حلقة فور معاك اختي اميرة
اكلتيها نحييك على سعة صبرك
كون جيت في بلاصتك كنت قضيت عليها هادي الملكة الشريرة هههه
ويعطيك الصحة يالكوين تاعنا
ماكش محامية في الباطل تعرفي كيفاه تقنعي العبد ههه
كانو حلقات فور وفور
يعطيك الصحة انتي وصفاء
ياريت كون كانو اكثر
مي معليهش حاجة قليلة ومليحة
رجعتولنا رمضان أحلى وأحلى

 
وعليكم السلام
ههههه هلكتيها بكلمة كاvيا
خخخ مسكينة حتى مادارت وآلو
حلقة فور معاك اختي اميرة
اكلتيها نحييك على سعة صبرك
كون جيت في بلاصتك كنت قضيت عليها هادي الملكة الشريرة هههه
:$:p
ويعطيك الصحة يالكوين تاعنا
ماكش محامية في الباطل تعرفي كيفاه تقنعي العبد ههه
ههه بآغآزاغ ماسمعتيش بآبآ كي قالي هآد الجملة :p
كانو حلقات فور وفور
يعطيك الصحة انتي وصفاء
ياريت كون كانو اكثر
مي معليهش حاجة قليلة ومليحة
رجعتولنا رمضان أحلى وأحلى


يآو انتي أصل الحلى كله حبوبتي
ميرسي على مروركـ ، منورة كعآدتكـ شوشوتي
 
السلآم عليكم ميوس ،،
ههههههههه مسكينة طحتي في الطفلة كوآvـآ قريب تهبل
عجبتني كي قآتلك وآقيلآ خرفتي ارجعي بعد لفطور هههههههه
يعطيك الصحة شريكتي :-h ،،
 

وعليكم السلام
ههههه هلكتيها بكلمة كاvيا
شفتي يا أختي داخلتها غير كاvيا ووو :(
حلقة فور معاك اختي اميرة
ربي يعيشك احتي أنتم الي فووور
اكلتيها نحييك على سعة صبرك
كون جيت في بلاصتك كنت قضيت عليها هادي الملكة الشريرة هههه
ههههه كنت ماشي حابة ندخل معاها في مشاكل كبار
لازم نوسع عقلي ;)
ويعطيك الصحة يالكوين تاعنا
ماكش محامية في الباطل تعرفي كيفاه تقنعي العبد ههه
كانو حلقات فور وفور
يعطيك الصحة انتي وصفاء
ياريت كون كانو اكثر
مي معليهش حاجة قليلة ومليحة
رجعتولنا رمضان أحلى وأحلى


شكرااا أختي ساندريلا على المرور الطيب :regards01:

وصح عيدك وكل عام و انت بخير
 
السلام عليكم
:d
تصيدي غير العاقلين
مرسى ملكة + اميرة



وعليكم السلام ورحمة الله وبركاته

أهلا بيك خويا حكيم نورتنا بردك الطيب

أحم احم انا عاقلة :$:$
 
السلآم عليكم ميوس ،،
ههههههههه مسكينة طحتي في الطفلة كوآvـآ قريب تهبل
عجبتني كي قآتلك وآقيلآ خرفتي ارجعي بعد لفطور هههههههه
يعطيك الصحة شريكتي :-h ،،

وعليكم السلام ورحمة الله وبركاته

ههههه شفتي يا أختي صفاء دخلتها عليا غير كوافا .. ماشي ناس ملاح

شكرااا صفصوفة على مرورك العطر



 
الحلقة تع اليوم فور بارك الله فيكم ما لقيت واش نزيد نقول
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top