الحلقَة السآنكيآم من كآميرآ مخفية ( شدينآكـ ) مع " FATIMA 19 " ‏

[ملكًة الاحسآس]

ان شآء الله تكونو بخير ،،ربي يتقبل صيآمكم

كمآ أعلنآ من قبل عن :

كآميرآ مخفية '' شدينآكـ ~ مع مجموعـة عآلم المرأة

اليوم الحلقة السآنكيـآم من كآميرآ مخفية

مع الأخت : FATIMA 19

والي بعنوآن : هدو همآ قُدرآتكـ

هآد الطفيلة نحبهآ بزآف ومن بين البنآت الي حبيتهم بالخف

دخلت على صبآح ربي لقيتهآ تدور

هيآ جآت في بآلي طول نشدهآ

جربت وصلحت


تبـعوني وتعرفو كفآه

بعتلهآ فالأول زعمه نسقسي عليهآ بركـ

السلآم عليـكم
صبآح الفل واليآسمين فطوومة
وآش رآكي ؟؟ وآش احوآلك مع رمضآن ؟؟
ان شاء الله تكوني بخير

هي ردتلي بكل برآءة وسهلتلي منين ندخلهآلهآ بلآ مانحل فمي

و عليكمـــ السلامـــــ
صباح النور يا ميساء
أنا راني لاباس و نتي؟
راني مع الاوراق نتاع التسجيل للجامعة عطانوي بيولوجي
والله غير تقولي طليتيـ على قلبي كنت نسقسي عليكـــ
عندي وقت ماشفتش مشاركاتك؟

علآش تجبدي السوجي يآطفلة ،هآآو جبتيهآ لروحكـ
وهنآ بدى شغلي أنآ

أهلآآ حبوبــة
يسقسي عليكـ الخير ، والله الحمد لله آو مع رمضآن
مآمآ مش فالدآر وخلآتلي كلش ليآ علبيهآ ندخل نطل ونخرج
مآتقوليش بعتوكـ بيولوجي يآآآه انتي حبيتيهآ ؟

آي تسقسي وتسهلي فيهآ بالبيآن يآلآ سعآدتي

ايــــــــــــه امالا راكيـ في الكوزينة وحدكـــــ كي الفحلة ربيــ يعينك
و ان شاء الله ترجعلكمـ أمك وين ماكانت
أنا اللي درت بيولوجي وعلاه مااتحبيهاشـ؟؟؟؟و
نتي واش مدايرة؟

جآ دوري وطبعآ يلزمني نشكرلكـ فلآبغونش
أوه قصدي نعيبلكـ فيهآ

ان شاء الله
ايه بيولوجي مش مليحة خلآص ، عندي بنت عمتي دآيرآتهآ تقولي تبهدل
هي حتى بلوكآت العآم والعآم هدا بدلت أغشيثآكتيغ
انا درت حقوق

بدى يبآن الهدف من هدرتي معآكـ يآفطووم

واااااااااااااااااااع هبطتيليـــ المورال واش راح ندير
كل واحد يقولي ديريــــــ حاجة
architecture قالولي واعرة وكي تخلصي تخدمي مع الرجالة
englai قالوليـــــ نتي ضالة تندبي مع المات و فيزيا ومبعدا تقرايـ أدبي
math et informatiqueقالولي ثاني واعرة

مالقيت واش ندير هههههههه فلاحة ولا نعود نمثل في المسرح
حتى نتونا حقوق يقولوليـــ واعرة بزااااااف كيفاه قدرتيــــ تقرايا سيرتو مع الحفاظة

أستناني نتفلسف عليهآ شويآ ونكمل رحلتي في تطييح المورآل

امم دركـ هنا كل وآحد ووآش يحب ، بصح اان قلتلكـ وآش نعرف
حتى بنت عمتي تقولي الي يقرى بيولوجي غير الحآبسين خخ
ايه انا قريت حقوق مش حآجة ، صح فيهآ حفآظة بصح الآ فهمتي هدآكـ هو الصح
الحفآظة فـ دي موديل بركـ ، يعني تقآلبنآ من ومن حتى خلصنآ والحمد لله
قوليلي شحآل جبتي المعدل فالبآكـ ؟؟

مسكينة تبينلي فالسبب وتحآول تقنعني بلي مش حآبسة

يقراوها غير الحابسين معليش أنا حابسة هههههه
جبت 12.9 أنا حنا في سطيف شددو بزاااف في التصحيح كي شفت les notes نتاوعي تشوكيت

أنتي برري وانا عندي وآش نردلكـ ، قلتلكـ حآبسة يعني حآبسة

اسمحيلي منيش نقول حآبسة بصح مآدآمكـ درتيهآ يعني حآبسة
12.9 بركـ ، بصح يآفطوم مهمآ يزيرو مآتجبيش غير هآد المعدل
أوموآن 14 هكدآ تضمني بغونش مليحة ، ولآ هدو همآ قدرآتك ؟؟

تغزلتي مني آ فطوم وزعمه تهدري معيآ بتغزآل مع شويآ ظرآفة
مآعلينآش اهدري وجآيآتكـ

معليش قولي حابسة على روحك
كيما يقولو{الحجرة من عند الحبيب تفاحة }
مقبولة منكــــــــ اختي مي كون جا واحد آخر راني نشعل فيه.
راكي قلتي أنا حابسة 12 وبزاااااف عليا 14 مايجيبوهاش الحابسين.
حتى واديت 14 ماكاين حتى بغونش عاجبتنيـ

هنآ وين حلآتلي انآ ، وحبيت ننصحهآ زعمه
ومآزآلني على قولتي هدو همآ قدرآتكـ

اسمحيلي فطوومة يآخي علبآلكـ بمعزتكـ
وهدي الهدرة كي نقولهآلكـ انا خير من يقولهالك من وآلآ
12 مآعندك ماتديري بيهآ ، بصح الآ هدو همآ قدرآرتك الله غالب عليكـ اقنعي
معليش اقراي بيولوجي وخلي النآس يضحكو عليكـ

قلتلهم ظريفة ، شكرتني على النصيحة وزآدتلي فوقهم

مشكوووووووووورة على النصيحة و أنا قدراتي أكثر ببزاف مي معدل الباك مايحمش على العبد والله غير الفيزيا والمات كامل يشهدو على اني نفهمهم مي في لحظات ماتديش واش كنتي تحبي و واش تعبتي .
بصح علاه يضحكو عليا نقولو يا لالا البيولوجي ماشي مليحة بصح اي قراية مافيهاش عيب
علاه يضحو عليا ماني ندير في والو راني رايحة نطلب العلم
نتي تحوسيني نعاود الباك ونزيد نقرا حاجة واحدة بصح اي حاجة من عند ربي وكتبهالي مليحة و نقبلها ممكن ربي ماشافليش الخير في حوايخ اخرينــــــــ

كلآمكـ على الرآس يالسطآيفية بصح مهمتي نشدكـ
نزيدكـ فلآدوز ونشوف وين تلحق الظرآفة تآعكـ
ونبقى نأكدكـ هدو همآ قدرآتكـ

ايه صح القراية مافيهآش عيب ورآيحة تطلبي العلم كمآ تقولي
بصح قرآية من قرآية ، كون جيت انآ نبدل علآش حتى نقرى بغونش بآينة كي تقوليلهم بيولوجي يقولو حآبسة
وخيرتهآ ثآلمون ماكانوش عندهآ دي شوآ ملآح
اقرآي مآلآ بيولوجي خير من فلآحة مع انهم بخآسك نفس المفهوم ونفس القرآية
مآدآمهم هدو همآ قدرآتكـ ربي يوفقك

هنآ حسيتهآ مآلقآت وآش تقولي حولتهآلي رمضآن غآلبني

هههههههههه أواه تبانيلي اليوم غالبكــــــــ رمضان
ولا التعب نتاع الماعن كي عادت أمك ماهيش في الدار؟
مزلتي برك تقولي حابسة ؟؟؟؟؟؟؟ وعلاه؟؟؟؟؟؟
أنا مانيش حابسة وكامل علابالهم

قآل شو غآلبني رمضآن ، صح غآضتني شوبآ
بصح صححت وجهي وكملت عآدجي

ههه رمضآن يغلبني مع لعشية مش مع الصبآح
أمم علآش آ فطوم الي يحب ينصحكـ يعني غآلبه رمضان
قلتيلي رآيحة نقرى بيولوجي قلتلكـ رآيي ؟؟ وكون مآجتيش حآبسة مآتخمميش تقرآيهآ
بويسكـ اختي حبيت نصحكـ قبل لتقرآيهآ والآ انتي قدرآتكـ يحبسو هنآ أقرآيهآ وربي يسهلكـ

أول مرة يقولي وآحد انتي تهبطي المورآل
آو قلنآ ده المطلوب

أنا الحمد لله ربي عطاني قدرا في كلش حتى في القراية ومانيش حابسة أخاااااااااه
مي نتي تهبطيــــ المورال صح
ونتي اللي يعجبني أسلوبكـ بزاااف و الله شوكيتيني
هاذيكـ النهار عرضوني في كرسي الاعتراف
قالولي
عضو يعجبك في أسلوبو ؟
قلتلهم ملكة الاحساس
شكرا على النصيحة و مهما كان يقعد يعجبني أسلوبكــــــــ
و أنا نقعد نبانلك حابسة .

تؤبشي قلبي يآمولآت القدرآ
هنآ غاضتني وقلت خلي مآنزيدلهآش مع السخآنة ورمضآن

أمم الحمد لله كي عطآكـ ربي قدرآ في كلش
علآش رآكي تقلقي في روحكـ ، مآدمكـ تعرفي روحكـ بيآن
حبيت نقولكـ بركـ بلي شديتكـ في كآميرآ مخفية هدآ مآكآن ههه
وهدي حلقة من بين الحلقات الي رآيحة نعرضهآ الايآمآت الجآية ان شاء الله
يآخي تسمحيلي نعرضهآ يالسطآيفية القآرية

يآآه هدآ وين فقتي ، mais عجبتيني وانتي مستعرفة

الله لا يتربحكـــــــ شعشبونة لعبتيليـــــ على المورال صح هههههههه
هههههههههههههههههههههههه درتيها بيا معليــــــِشو
أخاااااه عليا وانا نقول واشنو هذا الأسلوب وهاذي الطريقة نتاع الهدرة
نتي راكيــــــــ تتمسخري بيا
معليــــــــــــــــــش درتيها بيا هههههههههههههههههه
ايه نسمحلكــــــ تديريها مكانش مشكل

هكدآ كآنت حلقتنآ السآنكيآم من كآميرآ مخفية تآعنـآ

فطومة تغزلت صح مني ، وحسيتهآ تغلي لدآخل
بصح ثآلمون نآس ملآح وماتحبش تخرج للعيب
بقآت ترد وهي حريصة على وآش راهي تقول
يعطيهآ الصحـة ، ونعآود نقولهآ أنتي من بين البنآت
الي حبيتهم بالخف ، ربي يحفظكـ حبوبــة


نتمنى تعجبكم الحلقة هآذي
و غدوآ ان شآء الله مع حلقة أخرى مع صفصوفة

في أمآن الله

​

​

​

 

[{مُدَلَّلَتُهُ}]

اليوم جيت اللولة يا عمري كي الفحلة :$

يا ختي ماينة عليك طيحتيلها المخلوقة المورال مي الله يبارك شدت أعصابها لآخر دقيقة :up:
مبروك عليك الباك فطومة و ربي يسهلك في الي راكي راح تقرايها

اما انت يا ميوسة يجي النهار وين طيحي في الشبكة :p راني نشم في ريحة الإنتقام

صح فطوركم

سلاام
​

 

[أمــ وليــد الجزائرية]

و الله يانتي

مسكينة فطيمة


قتلتيها المخلوقة

واش هذي الهدرة الي جبتيها هههه و الله غاضتني في بلاصتك


نقول لفطيمة الله ابارك عقل و رزانة و فهامة ربي يحفظك



هاني نستنى في القادم نروح نشوف واش فاتني

:d:d
​

 

[ابوندى]

لو زدتي عليها شوي برك راح تدخلك على الميكرو هههههههه
الله يعين من يكون في وسط المقالب
تعيشي وتاكلي غيرها اختي فاطمة

 

[ملكًة الاحسآس]

اليوم جيت اللولة يا عمري كي الفحلة :$
هه فحلة بسلآمتكـ ، ربي يجعلك ديمآ فاللول :d
يا ختي ماينة عليك طيحتيلها المخلوقة المورال مي الله يبارك شدت أعصابها لآخر دقيقة :up:
ايه شفتيهآ ، بصح حسيتهآ تغلي لدآخل مي ماحبتش تخرجهآ
مبروك عليك الباك فطومة و ربي يسهلك في الي راكي راح تقرايها
آمين يآربي
اما انت يا ميوسة يجي النهار وين طيحي في الشبكة :p راني نشم في ريحة الإنتقام
ههههه المزية قلتيلي بآش نخفف زيآرآتي :p
صح فطوركم

سلاام
​

ميرسي نور على مروركـ حبوبــة
وصحآ فطوركـ انتي زآدآ
​

 

[ملكًة الاحسآس]

و الله يانتي

مسكينة فطيمة


قتلتيها المخلوقة

واش هذي الهدرة الي جبتيها هههه و الله غاضتني في بلاصتك

ههه والله يآملينآ حتى لقيت روحي نقولهآ حآبسة :d
حتى انآ غآضتني :$
نقول لفطيمة الله ابارك عقل و رزانة و فهامة ربي يحفظك

ايه الله يبآركـ عليهآ

هاني نستنى في القادم نروح نشوف واش فاتني

:d:d
​

ميرسي فلة على مروركـ
وربي يجيبلكـ الشفآ ان شاء الله حبوبة
​

 

[ملكًة الاحسآس]

لو زدتي عليها شوي برك راح تدخلك على الميكرو هههههههه
الله يعين من يكون في وسط المقالب
تعيشي وتاكلي غيرها اختي فاطمة

وأنآ علآش عآجباتني ثالمون علبالي متدخليش على الميكرو:p
ميرسي على مروركـ خويآ ، صحآ فطوركـ
​

 

[*Sarah Dz*]

هههههههههههههههههههههههههه
ميسو و الله حتى انا طيحتيلي المورال في بداية النقاش
و انا نهار سقستني فطومة على البيولوجي قعدت نشكر
جيتي انت حطمتيلي هدرتي ههههههههههههه
حسيت بلي انا المدنبة في اختيار فطومة ههههههه
سعطيك الصحة احساسوو حوااار رائع و مضحك
حتى انا رحت معاه و نسيت قاغ بلي كاميرا كاشي ههههه :d
​

 

[Melia azedarach]

هههههههههههه

أواه واعرين بزاف نتوما نتاع الكاميررات

مولاه ما يخلطش فيكم بزاف
ههههههه نزعق

تالمو سبيتيها مي والله غير بقات هادية
حبيت نحييها على عقالتها ورزانتها

ههههه
ملكة الاحساس وصفصوف
شكلكم طايحين غير مع العاقلين

مقدرتوش تصيدو فريسة واعرة
هههههههههههههه
ولا مزال الواعرين مخبيينهم للنهارات الجاية ؟ يعني آخر رمضان نضحكو بزاااااااااااااااف
هههههه

تحية ليكم كبيرة
وأكبر بوسة
على هذي المقالب
ونقول رب يسترنا من الشباك ديالكم​

 

[Ma$Ter]

هاذيكـ النهار عرضوني في كرسي الاعتراف
قالولي
عضو يعجبك في أسلوبو ؟
قلتلهم ملكة الاحساس


خخخ ايه يا قلبى
شريرة
​

 

[ايمان مي]

غاضتني مسكييينة
بارك الله فيكم

 

[مطبخ الأحلام]

السلام عليكم

صح فطوركم ^^

هههههه كينشوف فاطمة 19 نتفكر وقت صوتت لاحد اشغالي بانه عمل ماشي شباب :d:d

ياستوته انتي يا ميساء حاولي على الناس راهو رمضان ياويلك:p

مزية البنوته جا قلبها كبير واسع

بصحتك الباح حبيبة وموفقة في شعبتك ^^

يعيكم الصحة
​

 

[hadda0425]

الطفلة فرحانة بشعبتها ومعدلها ولالة ميسا مرقت عليها لقراية ههههههه
قبل ما تقوليلها راهي كاميرا كاشي
دك ايندمت وش داني ندير بيولوجيا تع الحابسين :d
ميسونة الشريرة :p
​

 

[منايا الجنة]

ملكة الاحساس وليتي شريرة هههه و الله مسكينة صح حبطتيلها المورال العاقلين وما العاقلين هبلتوهم مساكن
ماشاء الله على الاخت فطيمة ربي يوفقك في قرايتك
بارك الله فيكم

 

[la_safa]

ههههههه يآ وزتي وش درتي في فطومة ،،
بصح يبقى السؤآل لي يطرح نفسو علآه زهرنآ هكآ !
نطيحو غير في العآقلين هههههه
انآ كل وحدة أعقل من ختهآ
و ذرك تشوفو في الموآضيع هههههه

مي فطومة نستعرف بيهآ الله يبآرك
عليهآ رزينة و رآهي غير بالشوية كون جآت
وحدة وآعرة رآهآ شعلت فيك هههههه

يعطيكم الصحة ~
​

 

[السلطانة]

وعليكم السلام
ههههه اه منك يالكوين
درتيلها قضية على البيولوجي ملقات واش تقول
حلقة طويلة وهايلة
يعطيك الصحة فطوم
ويالشريرة تاعنا الله يحفظك
​

 

[amira94]

ههه اااه منك يا ملكة واااعرة بزاااف

حلقة رائعة :up:

يعطيكم الصحة
​

 

[ملكًة الاحسآس]

هههههههههههههههههههههههههه
ميسو و الله حتى انا طيحتيلي المورال في بداية النقاش
و انا نهار سقستني فطومة على البيولوجي قعدت نشكر
جيتي انت حطمتيلي هدرتي ههههههههههههه
حسيت بلي انا المدنبة في اختيار فطومة ههههههه
سعطيك الصحة احساسوو حوااار رائع و مضحك
حتى انا رحت معاه و نسيت قاغ بلي كاميرا كاشي ههههه :d
​

اهلآآ حبيبة قلبي سرسورتي
هههه أوووه عجبني الحآل كي رحتي حتى انتي فالحوآر خخ
مسكينة غآضتني وهي كآنت فرحآنة بلابغونش
ميرسي على مروركـ قلبووو ، صحآ فطوركـ
​

 

[ملكًة الاحسآس]

هههههههههههه

أواه واعرين بزاف نتوما نتاع الكاميررات

مولاه ما يخلطش فيكم بزاف
ههههههه نزعق
ههه علآ ه يعني عآقلآت حنآ :d

تالمو سبيتيها مي والله غير بقات هادية
حبيت نحييها على عقالتها ورزانتها

ههههه
ملكة الاحساس وصفصوف
شكلكم طايحين غير مع العاقلين

مقدرتوش تصيدو فريسة واعرة
هههههههههههههه
ولا مزال الواعرين مخبيينهم للنهارات الجاية ؟ يعني آخر رمضان نضحكو بزاااااااااااااااف
هههههه
هههه كآين هكـ وهكـ بصح الله غالب ماطحنآش في وآحد
الهدرة بالهدرة وتآعه الشآيطة ، طحنآ غير فالعآقلين

تحية ليكم كبيرة
وأكبر بوسة
على هذي المقالب
ونقول رب يسترنا من الشباك ديالكم​

وأكبر تحية ليكـ أختي
وبوسة ليكـ تآني :$
كون تبقآي عاقلة تطيحي يلزمكـ توعآري شويآ :p
ميرسي على المرور أختي ، صحا فطوركـ
​

 

[ملكًة الاحسآس]

هاذيكـ النهار عرضوني في كرسي الاعتراف
قالولي
عضو يعجبك في أسلوبو ؟
قلتلهم ملكة الاحساس


خخخ ايه يا قلبى
شريرة
​

ههه قتلتني بهديكـ الهدرة آ خويا حكيم :d
ميرسي على مروركـ يالي مآشريرش :p
​