نآس بكري قآلوا لكلآم الزين الحكمة ولمعآني

[عماد خطاب]

قالو ناس بكري
عز الطفلة مع بوها.. ومن غير بوها تتهان، حتى لو كان شيخ القبيلة خوها.. وراجلها ولد السلطان.​

 

[❤️كلي أمل❤️]

السلام عليكم

توحشتكم يا ناس اللمة هدى مدة ما بنتش كانت لب
ظروف
وأنتم باأعز الناس راكم ديما معي
تقبلوا تحياتي

يتوحشك الخير اختي @نعمات
مام حنا توحشناك ولله هادي غيبة
ان شاء الله تكوني مليحة

 

[❤️كلي أمل❤️]

جا من تاااااالي وقااال يا مااالي...

 

[❤️كلي أمل❤️]

كل خنفوس في عين أمو غزاااال...

 

[❤️كلي أمل❤️]

لي يحب الشبااااح ما يقول اااح

 

[همس الجفون 93]

اذا قلبوك بالكثرة اقلبيهم بنواض البكرة

الصباح والرباح وميات نعجة في المراح للمة كامل هههههه

 

[نعمات]

صباح الخير يا أحلى للمة

 

[❤️كلي أمل❤️]

اذا قلبوك بالكثرة اقلبيهم بنواض البكرة

الصباح والرباح وميات نعجة في المراح للمة كامل هههههه

صباح الخير يا أحلى للمة

وصبااااحكم اسعد وأروع واحلى

 

[نعمات]

شكرا على هدا الرد الطيب

ايه يا زمان راحت راحت أو وليت

ناس بكرى قالوا غير لجبال لميتلقوش صح عندهم الحق جاب عليها المدح

 

[Soumia hadj mohammed]

لعرض هذا المحتوى، يتوجب عليك الموافقتك على تعيين ملفات تعريف الإرتباط (الكوكيز) للطرف الثالث. لمزيد من المعلومات، الرجاء زيارة صفحة ملفات تعريف الإرتباط.

قبول ملفات تعريف الإرتباط للطرف الثالث

 

[عماد خطاب]

نعطيكم جديد



عماد خطاب

قالو ناس بكري :

يروح زمان ويجي زمان.

ترجع فيه : السماء تمطر

والتراب عطشان

والفلاح يحصد

في السبول فرغان

والمرأة المستورة

قسمها ما يبان

والمرأة العريانة

عليها يدور الذبان

ولمليح مخبي

والفاسق يبان

والجيب معمر

و الرأس فرغان

واللسان معسل

والقلب قطران

​

 

[عماد خطاب]

قالو ناس بكري:
لا تهزّك نفخة ولا تغرّك عباد النار عملت من الفحمة جمرة و خلاّتها رماد​

 

[عماد خطاب]

قالو ناس بكري:
ماتبكي على لي كرهوك ابكي على لي حسبتهم احباب وغدروك وفي لحظه باعوك وماراعوش العشرة وخانوك​

 

[عماد خطاب]

ناس بكري ..
قالو شمس تطلع ونجوم تغيب.... وصغير يكبر و الكبير يشيب.... والدنيا تفارق والفراق صعيب...
والعزيز عزيز ولو كان بعيد ...:kiss::Love::kiss::Love:​

 

[عماد خطاب]

غير جديد معيا


عماد خطاب

قالو ناس بكري:

لي ما عندو بنات ما عندو وين يبات...
البيت بلا بنات كي الأرض بلا نبات
ولي ما عندو بنات ما عرفو وين مات

​

 

[عماد خطاب]

قالو ناس بكري

"لي بغا الزين يبكرلو"

و انا نقولكم بكرو بصح هاو وجهي لالقيتو الزين

هاني نضت بكري و مالقيت لا زين لا والو لقيت غير العجايز و الشيوخا.

هههههه

​

 

[عماد خطاب]

ناس بكري قالو
لي يقيمنا ويحوس علينا نديروه في عينينا و لي ميقمناش غير يروح الله لايرجعو لينا

 

[عماد خطاب]

ناس بكري قالو :
البقرة المليحة تتباع في دوارها ... ماتروحش للسوق.... .​

 

[عماد خطاب]

غير جديد مع الشاب والكهل


عماد خطاب

ناس بكري قالو

الي خانك احسبو كي دخانك

(بفلوسك تشريه و بصباطك طفيه

...)

​

 

[عماد خطاب]

ناس بكري قالو

اللي ماعندو ما يشد يشد فمو ​