قاتلي حاجة مهمة ومنقدرش نستغنى عليها !!

[السلطانة]

رد: قاتلي حاجة مهمة ومنقدرش نستغنى عليها !!

عادي كيما كي راحت لحانوت يبيع الذنوب وشرات أكبر ذنب بأغلى ثمن هكذا كي نخمولها من الجانب هذا نقدر نردلط ونقول ربي يسهل عليها كل واحد يتحاسب لعمرو ويعطيك الصحة​

عادي عادي :p
شكرا للمرور السيريو ​

 

[السلطانة]

رد: قاتلي حاجة مهمة ومنقدرش نستغنى عليها !!

بارك الله فيك اختي الكريمة على الموضوع الرائع

عفوا اخي شكرا للمرور الكريم
​

 

[السلطانة]

رد: قاتلي حاجة مهمة ومنقدرش نستغنى عليها !!

هههههههه ضحكتيني
انا وحدة من الناس من لي يمووووتوووووو على البرفان .
نموووووووت تعرفي شولا نموووت عليها سبحان الله من لي كنت صغير نلم الدراهم و نشري بارفان كيما كاين لي تبغي الدهب و كاين لي تبغي القش انا نبغي لي بارفان سبحان الله نكون مغمومه نشمها نريح و درك راني نشري بارفان تاع مليون و كي نولي نخدم ان شاء الله نشري بارفان الغالية الغالية و الغاااااااااااالية و نشمها بشي باش نغير الناس و لا نقول شوفوني عندي دراهم بصح نبغي الروايح الشابين و من جيهة القش ولا الماكلة و لا اي حاجة وحدخرى الحمد لله عايشة على حسابي مانخسرش بزاف تسما غي البارفان و مسلتلزماتها لي يكلولولي دراهمي ^^

شوفي شحال من دنب لميتيه اختي
وشحال من واحد شم ريحتك من غير المحارم
اكيد حاجة كبيرة
تموتي ولا تعشقي في البارفان اخرتها لميتي منها غير الدنوب عارفة بالحكم ولا ماش عارفة انا نظن انك عارفة ومطنشة وكامل نعرفو البارفان بلي تخلي ريحة قوية بزاف
كي تفوت المرا ولا الطفلة بيها على جماعة رجال اكيد كلهم يشموها
شكرا للمرور الكريم
​

 

[السلطانة]

رد: قاتلي حاجة مهمة ومنقدرش نستغنى عليها !!

كل مرة نقول ندخل نحط رد وتجي حاجة تديني

بون علابالنا كل واحد ومقدورو والشي لي يجيبوه احوالو المادية
والطفلة هادي ادا راهي قادرة وماكان حتى عبء على باباها وزوجها
مافيها والو تقلش روحها شوي،،،، بويسك ديفوا تشري باغفان مليح يقعدلك شحاااال ونتي ديري فيه
خير ماتشري كل مرة باغفان كلي مادرتيش وراح يسقاملك تانيك
والمناسبات راكي علابالك لازملهم غير الماركة
تكوني معروضة لعرس ولا يجوك ضياف ولا في العيد ولا ولا ولا
تروحي تجبدي الباغفان الغالي الله الله وتحطيه ​

مثلا انا كي يكون عندي باغفان غالي ومليح ندير منو بالشوي ...بالقطرة
امالا هداك الرخيس راني نديرو كي الماء ديفوا نحل لخزانة نرشو ونعاود نقفلها:-o
عآآآدي
وهدا ثاني تبذير​

هاني درتلك رد حنونة وماتقصفينيش
باايات​

قصدك تشري بارفان غالي وتخبيه وتديري منو غير في المناسبات وتخبيه
:d
هيا شكرا للمرور الطيب ​

 

[السلطانة]

رد: قاتلي حاجة مهمة ومنقدرش نستغنى عليها !!

سآندي يآسآندي شبعتيني دحك هههههههههههههـ ودخلتيني لركني المفضل لي عندي 5 اشهر مطليتش عليه تبا شحآآل توحشتوا وتوحشت لاكولور بلوسيآآل اممم تفكرني بنآس عزيزة :d ايا بزآيد
ههههه نطيبلك الغرايف ليوم مرحبا بيك

نرجعوا لموضوعك ههههههـ يآآو وش دخلك غرتي ولا وش هههـ نقصر برك
ههههه وي شتي الغيرة
شوفي نقلك مكآنش وآآحد يستخسر في روحو بارفآآن تآآع مليون ايدا قدر عليهآآ ابآر ايدآ كآآن وآحد يحسب للدرآهم حسآب وميهتمش بروحوا بزآآآآآآآف انا ايوختي نشتي نقلش روحي ومهيش خسآرة فيآآ ريحة تآآع مليون عندك حكآية الزوخ هآآدي نحطوهآ اكوتي بآسكو انآ نحتآآقر هآآد الجونر لي يشري حآآجة غألية على جآل النآس بش يزوخ بيهآ قدآآمهم وهو رآآه محتآآج لأبسط ليشوز مي بقآآت في انهآآ عندهآآ درآهم لي يخلوهآآ توفر بش تشري هآآد لبآرفآآن بصحتهآآ تشري وتزيد هههـ وايدآآ كآآن رآجلهآآ يحب يقلشهآآ عندو درآآهم نورمآآل خليهآآ تتحف روحهآآ لرآجلهآآ :d ديجآ غرت احم ههههـ
راكي قستيها لي تديرها تديرها لراجلها ادا عاد قادر
مي لاشوز لي ركزت عليهآ بزآآف هي حآآجة مهمة مفهمتش وش هو المهم في لبآرفآآن هآآدي كآآين ديبآرفآآن مش غآليين بزآآف وريحتهم هآىيلة كيمآ لي نديرهآآ انآ توندر موود ادير 120 الف وهآيلة ومنديرش منهآآ بزآآف نشري ليديودورون ندير منهم مرآآت برك لبآرفآآن انآ منشتيش نديرهآ ديمآ نشتي نديرهآآ مع كي ندوش بعد ولا نديرهآآ فاليل كي نرقد خخخخخـ متضحكيش عليآ نشتي نديرهآآ فالليل
منعرف عمآآه بإختصآآر انا نشتي نقلش روحي ليآآ برك منشتيش ندير بآرفآآن قآوية كل وين نخرج الغآشي يتمتع بريحتي كآآن اوموأ جيت منتحآسبش نتحآسب عند ربي اون + كآين شي نآس متستآهلش تشم لبآرفآآن تآآعي خسآرة فيهآآ ههههههههـ
هههههه كي تديريها لروحك هاكي منعتي من شكارة دنوب
تفكرت وآآحد ليستوآآر خطرة بقيت هكدآآ وحدي رحت درت دوش سآشيت شعري ومشطوا ودرت من لبآرفآآن تآعي حبوبتي ولبست اروب هآيلة وجيت قآعدة جآت جرتنآ فالزهر حتى هي من لوجونر لي يهمل روحوا وبخيلة خلآآه تستخسر في روحهآآ كلش هههـ قالتلي وش الالة رآآكي رآيحة للعرس ولا وش خخـ قلتلهآآ انت بآين على حآلتك تقلشي روحك غير على جآآل النآىس فالعرس قالتلي ايه لازم بش يشوفني ملآحة قلتلهآآ امم قلتلهآ انآ نعدل روحي ليا برك احنونة قتلتهآآ بالبآآرد نشوف في وجهآآ تلون :d
هههه قصدها تعدل روحها في العراس باه يدهشو فيها ابار سا تبقى تخوف في الدار لاعلاقة
نكره تآىني هآد لوجونر لي عندهم دٍرآآهم بزآآف ويبآنو جيعآنين اوووه شحآآل نكرهم تلقآآيه مستخسر في روحوا مآآم حآجة تآآع 60 الف وهو الدرآآهم قآآدر يرميهم عمآآه كيمك مش مليح وآآحد يحقر روحو بزآآف وميهتمش بروحو ومش مليح وآآحد يبدر ويخسر روحوا على حوآيج مش امبورتون في حيآآتو
انآآ الحمد لله مشني من لي 2 جونر هآآدو انآ نقلش روحي بليشوز لي نقدر عليهم منخسر روحي منبدر منحرم روحي من حوآيج عندي بش نشريهم وحكآية لبآرفآآن تآىع مليون يستآهلوهآ 2 بآآرصون برك عندي هومآ انآ ورآجلي ان شآء الله ههههـ نديرهآآ ونتقلش بيهآآ معآآه هههههههههـ
ههه يبان جيعان وهو يزوخ المشكل هادا لي يحير اقعد ترونكيل برك
واكيد لي يستاهل تتقلشي قدامو هو راجلك ان شا ءالله معاه متربحي دنوب ماوالو
مي دوكآآ كي رآآني وحدي رآني نعدل ليآآ برك النآس ميستآهلوش نعدللهم بآسكو مآآم شريت حآجة غآلية لروحي ويشوفوهآ يردوهآآ زوخ وكآآن زدت طحت في وحدة كيمآ انت يآسآندي وتشوفني شحآآل مقلشة روحي اديرني في موضوع هههههـ نقصر برك لاتزعفي حنونــــــة
ايه الور بلا منطول ديجآآ طولت نسيت حآبة نكوفري برك :d
هههه شو كي دارتلي النية في لهبال درك بعد ندير موضوع جديد عنوانو امونة المجنونة بالحطة والستيل خخخخ
الخلآصة "
-الزوخ بزآآف وانا منيش قآآدرة مش مليح
-نشري على عيون النآس ماهي ملاحة ليآ ماهي ملآحة عند ربي سيرتوا في حوآيج مايفيدونيش كيمآآ لبآرفآآن ادي كآآن شرآآت دهب مآم غآلي نورمآآل اطيح بيهآ كش يوم تقدر تبيعوا :p
-نقدر على حآجة ومنشريهآش لروحي هآدي كتآستروف عندي فرد حيآآة لازمتني نعيشهآآ :d
والسلآلآم عليكم
رآآني نشوف في امآني نوكآآتي عآدت عودة قوية لهآآد الركن ههههـ
ايه نسيت وصحيتي على الموضوع البآهي يبرد القلب
سلآآمي ..​

هههه والله يالخلاصة لي جملتي فيها النقاط لي هدرتي عليهم بتوسع في الرد
تقول جاوبتي في فرض مقالة عربية ولا تاريخ وجغرافيا
شكرا حبيبتي على المرور الطيب
لي مد جو حلو للموضوع تغميت بالردود الجدية هههه
نضحك برك يزيدو يزعفو مني الناس :-r
تحياتي​

 

[السلطانة]

رد: قاتلي حاجة مهمة ومنقدرش نستغنى عليها !!

موضوعك هايل كيفك اختي هههههه

مهم واش حبيت نقول ختي الناس راهي ضيع دراهمها في بزاف صوالح ماشي غير فلبارفان
كيما الدهب و القش و الماكله و التيليفونات و غيرها
اهلا عفوفة
ركزيلي على التيليفونات والفليكسي تاعهم
يعني المشكل الاساسي هو طريقة التصرف في الدراهم سي تو
بصح نقولك حاجة عندي صحبتي شرات ريحة ب 2 ملايين عندها عام و مزال غير ديرها انا انا راني شارية في هاد العام كتر من 20 قرعه
يعني هي خممت مليح و دارت حاجة مليحة
هههه هنات روحها ضربة وحدة
بصح انا عن نفسي هههههههههه ماندريهاش خلاص هاديك 2 ملايين نشوف فيها بزاااف مشاريع

تبقا هادي قضية ادواق و عقليات و خلاص​

ههه تديري بيها طريق شرق غرب وتفضال
شكرا للمرور الكريم
سلامي ​

 

[السلطانة]

رد: قاتلي حاجة مهمة ومنقدرش نستغنى عليها !!

اهلاااااااااااا سندريلا

كلامك صح وكاين اللي يديروا هاك
وكاين شي بنات غير بالهف
لا ريحة نتاع مليون لا والو هههههههه
حابين يزوخو بالكذب​

ريحة نتاع مليون بزاااااااف
هاد راه تبذير
عندك الحق تصرفي على روحك
وتكوني بكامل اناقتك
بصح مش مشروط الريحة وانتي خارجة
كيما قلتي حتى من ناحية الشرع ماراهيش مقبولة
الواحد يحاول يعيش صح
وهادي الريحة راهو مبالغ فيها ​

بالنسبة ليا انا
مانحطش مليون على قرعة ريحة
نزيد عليها ونشري غوب مونتو خير لي
من هاد الشكيل
ناس تحب المظاهر
عند بالهم الريحة تزيد في شخصيتهم​

شكرااااااا ليك على الموضوع
وكاين شي عباد عجب
كل يوم نشوفوا جديدهم​

اهلا اماني
وي عندك الحق
شكرا اختي
​

 

[السلطانة]

رد: قاتلي حاجة مهمة ومنقدرش نستغنى عليها !!

soob7an lah kima ta3i

:s:s:s​

 

[السلطانة]

رد: قاتلي حاجة مهمة ومنقدرش نستغنى عليها !!

mercii pour le sujet ana nacheri riha ta3 700 ou 600

يعني قريب قدهم :d
شكرا ​

 

[السلطانة]

رد: قاتلي حاجة مهمة ومنقدرش نستغنى عليها !!

السلام عليكم
والله اختي انتي وضحتي رايك في الموضوع هههههه
من موضة حتى للوصلتيها لل....ههههههههه
قولي الله ابارك
بالنسبة ليا اذا كان عندي امكانيات
باش نشري قرعة ريحة زوز ملايين كيمااتقولي انتي
راح نشري لانها سعرها يكون على حسب رائحتها
قرعة ريحة انتاع مليون ولا 2 ريحتها مش كيما ادير نص مليون و مش كيما انتاع 1000 دج
راح اتكون فري ريحة و مش شرط الريحة لل....
بالعكس الريحة الطيبة شئ جميل ان يكون انسان لديه رائحة مميزة و طبيبة له
لكن المبدا هنا ليس في السعر بل في امكانيات و المدخول لهذا انتي مستغربة من الامر

وعليكم السلام
يااخي انت راك راجل
ودير الروايح كيما حبيت معليكش دنب
ماش كيما لمرا روايح بمليون وتتكتب عليها زانية وهادا امر واضح حنا برك تساهلنا بزاف
ومنيش مستغربة من الأمر وداهشة في الدراهم داهشة في لي تقرى الحكم بلي العطر =زنا
وتبقى مصرة على انها على حق
شكرا للمرور الكريم
سلامي ​

 

[السلطانة]

رد: قاتلي حاجة مهمة ومنقدرش نستغنى عليها !!

هههه فيف الانسيدونس و الا دي ان
عندك الحق وانا نعرف بنات هاك
ولله حررااااااام كي تعود فاضلة عليا منديرهاش

الله يحفظك
اختي هاو راكي شفتي وقلبك طلع ههه
شكرا ​

 

[السلطانة]

رد: قاتلي حاجة مهمة ومنقدرش نستغنى عليها !!

السلام عليكم

اولا حبيت نقول بلي وحشتوني وحشتوني وحشتووووووووووووني يا صبايا
بصراحة من اول دخلتي لواش راك تهدر شدني العنوان ومبعد شفت كاتب الموضوع
طبعا شوشو وهل يخفى القمر
وعليكم السلام
مرحبا بيك :$

لو نرجعو للموضوع نلقاو بلي الفوخ والزوخ ولعشا قرنينة والحديت قياس
واللي مقلشة صح ما تزوخش يااااااااا حي نندب
وهادي الريحة تع مليون وزوج مخدومة بما الذهب ولا من أزهار الجنة
اخص عليك يا بت هههههههه
هههههه مرات وحايد تليق عليهم هاكي 10 الاف وروحي ادوشي ويزوخو بالمليون
مرة كنت في وحد المحل في بازاغ ايمالا جات الطفلة تسوم قاتلو شحال هاد الساعة ديوغ DIOR
قالها 5 ملاين
الطفلة تشوكات ،، قاتلها يمامها اياي بنتي نشريلك بيها قورمات تع لويزة خير
اههههههههههههههع صدقت نشري انا الماركة بخمس ملاين نهار نلقى صواردي ولا صوارد بابا مرميين فالطريق
هههه 5 ملايين نحط بيها على بقاط نزيد 7 نجيب واحد
ربي يهدي ما خلق ،، مجتمع تع مظاهر
يعطيك الصحيتو شوشو يستهل الكاشي :-h
او ندير سكانير لواش راك تهدر ونريقلو يولي يمشي على الشعرة اصبري برك​

زينتي الموضوع بجيتك هيا متزيديش تطول
حقا قالولي بلي انا وانتي نتشابهو هنا في اللمة :d:d:d​

 

[السلطانة]

رد: قاتلي حاجة مهمة ومنقدرش نستغنى عليها !!

Merci khti ki darti sujet kima hada ou sah chaft bnat hakda houma ki yachrouha ou ydirouha tbanlhoum haja ou hta des fois wahd maychemha fihoum :down: ou ali t9olileha bali ki tkatri mn parfum ou tkharji biha ou ychamouha fik sema raki (zania) t9olk oui 3labali bsah wach dkhalni ndir nrml :s wahna ma3lina ghir n9ololhoum rabi yahdihoum incha alah

وي يااختي المشكل عارفين ويتخباو ورى الحطة والرنة وكي تجي تهدري يحسبوك متخلفة ولا كافية مثلا
ربي يهدي من خلق​

 

[السلطانة]

رد: قاتلي حاجة مهمة ومنقدرش نستغنى عليها !!

اهلا اختي سندريلا​

يا اختي كاين لي يبغي يلبعها و صايي
انا متجنيش قاع في راسي نشري ريحة تاع مليون او انا مهبولة
غير الي تبغي تزوخ دير هكاك
انا نشري ريحة الا كثرث 2000دج متفوتهاش
و هاذو الي يشرو لنساهم ولا لبناتهم راهم في عقلهم ياخي عباد ياخي

شعب كاتلته غير لافريم ماهو ميسواش عشرة دورو ​

واه ياختي كيما تقولو انتم راهو هبال برك
شعب تاع مظاهر ومن الداخل تشوفيهم كيفاه عايشين تتلعي شكرا
​

 

[السلطانة]

رد: قاتلي حاجة مهمة ومنقدرش نستغنى عليها !!

صراحة اناوحدة نحب بزاف لي باغفان , عندي 2 شريتهم كل واحدة مليون مي ندير على حساب القوسطو و المناسبات ماشي كل يوم, و لوخرين اكل جاوني كادو و ماشي شرط نخرج باش ندير باغفان ,نديرو مام كي نكون رايحة نرقد..من قبل كنت نشريهم غاليين و ندير كل نهار مي درك بطلت هاد العادة كبرت ووليت نزير ههههه وليت نشري سعر معقول سلامة لي كادو

مليح كي بطلتي تديريهم وتخرجي
ديريهم في الدار برك
او العبد قد مايكبار قد مايرزان في عقلو
شكرا للمرور الطيب
سلامي​

 

[السلطانة]

رد: قاتلي حاجة مهمة ومنقدرش نستغنى عليها !!

السلام عليكمورحمة الله وبركاته راني معاكومارانيش معاك
ياختى شوفي المراة من حقها تتفشش على راجلها والراجل من حقو يتفشش على مرتو
وكلواحد ومقدورو
هي صح مايجوزش تدير الريحة وتخرج لبرا بصح الراجل يحب يشم في مرتو الريحة الطيبة وهي تانيك تحب راجلها يشم فيها ريحة طيبة بصح مالازمش تكلفو فوق طاقتو عنديشريلها ماعندوش مرة اخرى
انا وحدة رانيحابة نشري ايفيدونس هابلة عليها وكي قلت لزوجى قالى دركمانقدرش باسكو غالية شوية وكان محتاج دراهم
غميتها وسكت بصحراهى تحرق في قلبي باسكو رانى حابة نديرها
المهم كلوواحد ومقدورو ماهيش قصة يعنى

وعليكم السلام
شوفي ياختي السلفية انا مفتيتش في الريحة حرام بين الراجل ومرتو
هادي باينة من حقها تديرلو واصلا تديرلو ليه وللمحارم برك هادا لي قال عليه الشرع
شكرا للاضافة الكريمة
سلامي ​

 

[السلطانة]

رد: قاتلي حاجة مهمة ومنقدرش نستغنى عليها !!

هذي مسالة اذواق وكل واحد يدير لي يقدر عليه انا وين يحبس راسي في شخص مايقدرش و يتلاح للغالي ربي يهدي انا في نفسي هذاك المليون نشري بيه حاجة تدوم خير من ريحة ملي نخرج و اللعنة متبعتني و الا نصدق منوا لشخص ماعندوش خير .و جامي درت ريحة تاع مليون و جامي شفتها منكدبش عليك عايشين و شايفين مي نمشيوا قيسنا .

ايه الانسان يلبس قدو برك هاديك الفايدة
شكرا اختي للمرور الكريم
سلامي ​

 

[السلطانة]

رد: قاتلي حاجة مهمة ومنقدرش نستغنى عليها !!

وانتم يااعضاء اللمة تشوفو فيها عادي؟
ههههههههههههه ماتعمريش راسك بناس كيما هادو تلقاي رسها فارغ بدليلها الموضوع تلقايها عند باغفان تاع بابها تم مازلت حابسة
انتي كعضوة تشري او تطلبي من باباك او زوجك ريحة تاع مليون واكثر؟
ادى جاتني كادو نورمال لاكن باش نطلب طبعا لا خصوصا زوجي مستقبلي:-h كيفاش راح نحلو دار ادى بديتها ب باغفان نتاع مليون

هههه والله يانتي شكرا للمرور الخفيف
والادلاء برايك
سلامي ​

 

[السلطانة]

رد: قاتلي حاجة مهمة ومنقدرش نستغنى عليها !!

لا اظن انها مشكلة ان اشترى احد عطرا غالي الثمن
لا ارا انه عيب او مشكلة فالناس ليهم اطوار غريبة
و اذواق مختلفة و قد خلقنا الله لكي نختلف في ارائنا و اذواقنا
لذا لا اعيب في هذا لو ركزنا لعرفنا ان هناك مقدار ما لاختلاف ارائنا
سواء في المقتنيات و اسعارها هذا رايي
وشكراا اختي

ولي تدير البارفانات ويشموها فيها تعتبر زانية
شكرا للمرور الطيب
سلامي ​

 

[السلطانة]

رد: قاتلي حاجة مهمة ومنقدرش نستغنى عليها !!

حاب نسقسيك سؤال و كون تجاوبيني عليه نعتزل الأنترنت و ندخل في موجة اكتئاب مدى الحياة المفضية الى الوفاة

بون ​

تعرفي حيوان نقدرو نصنفوه مع الحشرات اسمو​

الزحلفون :-r​

ردك قمة التفاهة اخي
مسجل من 2010 مادرت رد حتى تدخل ديراكت ترد في موضوعي الرد هادا لي خارج مجال الموضوع والتغطية
ربي يهدي من خلق ​