مشكلتي في المراجعة

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم و رحمة الله و بركاته

انا عندي مشكلة و يعاني منها الكثير
انا هذا العام عندي الباك و كي نبغي نراجع و لا نحفظ اي حاجة تبالي
ناكل ولا نتفرج و لا يجيني النعاس

اي حاجة المهم هو منقدش نراجع

و المشكل هو الايام راهي تفوت و الاختبارات قربو و علابالكم المجتمع نتاعنا ميشجعش كامل يقولو نتي غادي تدي الباك


ساعدوني في الحل ربي يخليكم
 
رد: مشكلتي في المراجعة



السلام عليكم

شعرت من خلال كلامك أن يكون هناك أمران :
إما أنك كسولة ولا تقَـدرين مدى أهمية المستوى الذي ستقبلين عليه ومدى فائدة الحصول على شهادة البكالوريا
أو أن هناك عين أصابتك بحيث تمنعك من التركيز والحفظ

في كل الاحوال حاولي أن ترقي نفسك بنفسك وتتعوذي من الشيطان الرجيم
قبل كل حفظ اعملي دش خفيف ليدب في جسمك النشاط
بعدها احضري كل الكتب والمراجع التي تساعدك على الحفظ وابدئي وحاولي التركيز..
ولكي تتجنبي الكسل والخمول حاولي أن تراجعي مع بنات متفوقات
اجمعيهم في منزلك أو اذهبي انت لهن واعملوا مجموعات متناسقة
وابدؤوا بالحفظ المراجعة وعمل تمرينات وترسيخ الحفظ
ضعوا اسئلة لبعضكم البعض وبعدها كل واحدة تصحح للأخرى
هذا من شأنه أن يحفزكم أكثر ويبث في نفسيتكم الاصرار على التفوق

شهادة البكالوريا شهادة مهمة جدا..وهي وسيلة لتسعدي بها والديك
فكري في هذا الأمر ولا أظن أنكِ ستبخلين عليهم بتلك السعادة
وهما من تعبا لكي يجعلان منكِ إمرأة صالحة ونافعة..
لا تخيبي ظنهما بأن يفتخران بكِ

حظ موفق..


 
رد: مشكلتي في المراجعة

بالاضافة الى ما تفضلت به الاخت روز
حاولي النوم مبكرا
و الاستيقاظ لصلاة الفجر و بعدها راجعي و احفظي دروسك​
و بالتوفيق ان شاء الله​
 
رد: مشكلتي في المراجعة

الحل تاعك ساهل ختي
لازمك شوي صبر وإرادة وسمانة سمانتين تعالجي روحك
كي تقعدي تقراي يجيك واش يجيك فبالك ماتنوضيش لا تشربي الما لا طلي على البالكون لاوالو
عندك مثلا ساعتين مراجعة ساعتين ماتوقفيش أعفسي على قلبك وكمليه
تجيك واعرة شوي مع اللول بصح سمانة سمانتين خلاص تولي مليحة

ربي نجحك فالباك
 
YAHIA S، تم حظره "حظر دائم". السبب: مخالفة القوانين
رد: مشكلتي في المراجعة

السلام عليكم

عليكي بابتاعد على رفاق السوء و كذلك استغلال وقتك بانتظام في دراسة

و ليس الدراسة اي تدرسي لتدرسي فقط يعني دراسة الدروس التى هي صعبة عليك

و محاولة تفتيش و بعث و حفظ لكي تزيدي من مستواكي الدراسي و مع الاكل الصحي و مفيد لكي

يساعدك الامر في دراسة

و كذلك الثقة في النفس يعني ناس كامل جابه غير انتي الى ما متقدريش تربحي

لازمك انتي ثاني ثيقي في نفسك و ثابري

و مع ربي ان شاء الله اتجيبه مراحش اضيع جهدك


موفقة باذن الله
 
رد: مشكلتي في المراجعة

السلام عليكم
اختى لازمك الاصرار ومجاهدة النفس
وتنضيم وقتك وادعى الله يصلح امرك وينجحك
حاولى قدر الامكان تبعدى على الحوايج لى يشغلوكى على قرايتك واولهم الانترنت + التلفاز
ربى ينجحك ويوفقك

 
رد: مشكلتي في المراجعة

السلام عليكم و رحمة الله و بركاته

انا عندي مشكلة و يعاني منها الكثير
انا هذا العام عندي الباك و كي نبغي نراجع و لا نحفظ اي حاجة تبالي
ناكل ولا نتفرج و لا يجيني النعاس

اي حاجة المهم هو منقدش نراجع

و المشكل هو الايام راهي تفوت و الاختبارات قربو و علابالكم المجتمع نتاعنا ميشجعش كامل يقولو نتي غادي تدي الباك


ساعدوني في الحل ربي يخليكم

وعليكم السلامورحمة الله
اختى الكسولة اولا عليك بالتركيز فى الدراسة دخل القسم ثم
استعيني بالله عز وجل مع قراءة القرآن الكريم والاستغفار الدائم والمحافظة على الصلاة في وقتها.
وإني واثق يا اختى سوف تكونين من المتفوقات بإذن الله تعالى
ما عليك الا تنظيم وقتك والانتهاء أولا بأول من واجباتك ونحن الآن على أعتاب الاختبارات الفصلية فلابد من هذا الأمر ولا تضيعي الوقت أكثر من ذلكوفى الاخير عليك بهذا الدعاء(اللهم افتح علي أبواب حكمتك وانشر علي رحمتك وامنن علي بالحفظ والفهم سبحانك لا علم لنا إلا ما علمتنا إنك أنت العليم الحكيم)
(رب اشرح لي صدري ويسر لي أمري واحلل عقدة من لساني يفقهوا قولي).
 
رد: مشكلتي في المراجعة

السلام عليكم
اختي راني فاهماااااااتك ملييييييح لاني مريت بنفس التجربة القاسية

مع الرغبة في الدراسة و الحب الكبير للنجاح إلاّ أنّ ثَمة ما يعيق و يعرقل .. !!!

انا تانيت من نهار طلعت لليسي و انا نعاني من هاد المشكل نقرا اي حاجة في اي وقت إلاّ قرايتي مانقدرش يطيح عليا وحد النعاس عمري لا شفتو !!! وخاااصة في فترة الامتحانات سبحان الله
قالولي عين و العلم لله
مالا نصيحتي اقراي القرآن والأذكار دائما و ارقي نفسك بنفسك وكاين الطريقة فالانترنت تلقايها
و كلما تجي تقراي استغفري و العني بليس و استعيذي بالله منه وحصني روحك بالاذكار مليييح
وادا عندك حلم حابة تحققيه في قرايتك او حابة تقراي حاجة معينة ما تخليش عينين الناس تبعدك عليها كيما صرالي
ضاعت كل احلامي و راني في حاجة ماكنتش نخمم نديرها ..!!!
المهم المشكلة نظن ماهيش في نفسك او مستواك بالعكس ربما مستواك جيد لكن الظروف والقلق والتوتر خلاوك تفقدي التركيز تاعك
ورح تتغلبي عليهم بإذن الله بتحصين نفسك و شحنها بالطاقة الإيجابية من القرآن وماكانش حاجة خير من القرآن
نصيحة من وحدة جازت على مشكلتك ومازالت نوعا ما ..
إيااااااااكِ تفرطي في حلمك بسبة تفريطك في حاجات ساهلة ترضي بيها ربي
حصني روحك بالقرآن والأذكار وربي يوفقك بإذن الله
 
رد: مشكلتي في المراجعة

انا تاني نعاني من نفس المشكلة
و حبيت نوضح الي قالو كسل لا هو ماعنده حتى علاقة بالكسل

انا في القسم نتاعي اكثر من النصف كبار عليا بزاف و هذا بالنسبة ليا عامل سيء فانا ف اواخر 95 و نلقا معايا 92 و الي يمثلو اغلب القسم

و حاجة الثانية هي التوتر و الارتباك هما العوامل الي بببهم منقدوش نركزو في المراجعة

و لكن انا الحاجة اللولا الي قمت بها هي غلق الفاسبوك الي كان يديلي وقتي


بصح ربي ينجحنا ان شاء الله و ندوه بمعدل عالي
 
رد: مشكلتي في المراجعة

عندي نفس مشكلتك وانا مشي كسوووووووووووووولة بصح معلاباليش افففففف
رني خايفة من البااااااااك
 
رد: مشكلتي في المراجعة

وعَليكُم السَلآم ورحمةُ اللهِ وبرَكآته


قبلْ البدءْ في المُرآجعَة إقرئي مآتيسرَ من القرآنْ ولآ تنْسي دُعآءْ مآقبلْ المُذاكرَة ..
- نظمّي وقتكِ وعليكِ بأخذْ قسْط كآفٍ من النومْ,بالإظآفةْ إلى أنْ العآملْ النفْسي يلعبْ دوْر كبيرْ جدًا..
خَلي ثقتكْ بنفْسك كبيرَةْ وتوَكلي عَلى اللهْ ورَبي ينجحّك


مُوفقَة إنْ شآءْ اللهْ

~
 
رد: مشكلتي في المراجعة

فعلا الدراسة والمراجعة تحتاج الى ظروف مهيئة ...لتؤتي ثمارها.

1-اختيار المكان المناسب.
2- اختيار الوقت المناسب.
3-البدء بالاسهل ثم الانتقال الى الاصعب.
4-الاستعانة بالمراجع والتمارين المحلولة .
5-الاستعانة برفقة مجدة ، تقوي العزيمة .
7- تجنب كل ما يسبب الكسل والخمول ، والنعاس : مثل الاكل الكثير قبل المراجعة ، المراجعة فوق السرير :d
ضوء خافت ، وضع حزمة كثيرة من الكراريس والكتب امامك..الخ.:s

*****
وكما ذكر جماعة من قبلي : اذا شعر المرء بعد توفير كل ما يساعد على المراجعة والدراسة ...ولم ينفع عليه
ان يرقي نفسه بالمعوذتين واية الكرسي وغير ذلك من الادعية الواردة لدفع اذى العين.

وفقني الله واياكم ، وسدد خطانا وخطاكم.:regards01:
 
رد: مشكلتي في المراجعة

انصحكي بتنظيم وقتك و التعود عليه
و قبل البدئ في اي مراجهة عليكي بالتوكل على الله عزوجل
و في وقت المراجعة انسي كل شيئ يشغل بالك و حاولي انك تراجعي في مكان هادئ
ربي يوفقك و ينجحك
 
رد: مشكلتي في المراجعة

اختي حاولي تحطي في بالك بلي راك حتحصدي وش زرعتي
اذا انت راجعتي واحفظتي دروسك وحليتي تمارينك وركزتي على قرايتك حتحصدي النجاح وتنالي العلا
والنجاح هو الهدية ليك والفرحة لوالديك لي راهم يسناو يشوفو ويقطفو ثمار التعب لي راهم تعبو عليك
املا اختي انعلي الشيطان وابتعدي عن معيقات المراجعة منها الحكايات والشياخة مع صحاباتك ولا التجمع مع الضياف لي يجو عندكم ولانترنت استعمليها فقط لحاجة احتجتيها ....
ارقدي مليح وراء صلاة العشاء ونوضي وقت الفجر صلي وتكون المراجعة لمليحة في الوقت هذا الانسان ينوض مرتاح ومخو فارغ من الحس تع اليوم كامل
فنجان قهوة خفيف ونت تكوني هادية ومركزة ومستعدة للمراجعة
وحظ موفق
 
رد: مشكلتي في المراجعة



نظمي وقتك حددي الهدف نتاعك لي هو النجاح
مدي لكل مادة حقها
نحي الكسل وديري ثقة في روحك
كون اكيدة النجاح ميجيش من عدم
لازم تتعبي باه تنالي
بالتوفيق​
 
الحق سلاحي، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
رد: مشكلتي في المراجعة

السلام عليكم
حدي هدفك الشخصي الخاص بك نظمي وقتك وكل ماتتعبي ذكري اهلك وسيرتو الاب ولا الام بان عندك هدف حابة تحقيه
اهدريلهم على الchoix انتاعك انتي افرضي رايك الشخصي في المنزل =)
واخيرا ماتضغطيش على روحك بزاف.. لا يكلف الله نفسا الا وسعها لها ماكسبت وعليها ما اكتسبت
وربي يوفقك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top