ماذا ستطبخين اليوم سيدتي انستي الجزء37

[همسات الندى]

رد: ماذا ستطبخين اليوم سيدتي انستي الجزء37

إيه بمناسبة تأهل منتخبنا الوطني لنهائيات كأس العالم..نقولو مبروك علينا والله يدوم فرحنا..وين راهي بنت بلادي اللي تطبخنا بالمناسبة طبق الفرحة

 

[mimi53]

رد: ماذا ستطبخين اليوم سيدتي انستي الجزء37


عشانا لنهار اليوم





وهادو للقهوة

 

[كوثر الوهرانية]

رد: ماذا ستطبخين اليوم سيدتي انستي الجزء37

ميمي عشاك هايل سخفتيني في الدجاج بلاصوص و البريوش ولا الشريك جاك هايل بصحتكم

 

[mimi53]

رد: ماذا ستطبخين اليوم سيدتي انستي الجزء37

لبنات خاصية الاعجاب نحوها ولا راني غالطة

 

[ام ريهام]

رد: ماذا ستطبخين اليوم سيدتي انستي الجزء37

صباح الخير لكل اللماويات نهاركم مبروك وسعيد

 

[ام ريهام]

رد: ماذا ستطبخين اليوم سيدتي انستي الجزء37

ايه ياميمي خاصية الاعجاب نحاوها

 

[ام نسيبة]

رد: ماذا ستطبخين اليوم سيدتي انستي الجزء37

على سلامتك ام ريتاج ربي يعوضك خيرا ان شاء الله رانى تانى فتت بهده المرحلة وراني حاسة بيك مامعنى التطياح

 

[samah06]

رد: ماذا ستطبخين اليوم سيدتي انستي الجزء37

صياح الخير يا لفحلات يعطيكم الصحة
انا راني لقيت 3او4 صور في بورتابل ميدو من بعد نحطهم معلبليش حتى وقتاه صورتهم
نحاو الاعجابات يعني ذرك ندير ورقة وقلم قدامي تاه مننساكمش
انا راني ضربت طلة برك عليكم توحشتكم وراني مع التسياق والله كرهنا كل يوم نعاودو نفس الخدمة
ام ريتاج الله يعوضك بالاحسن وهاني انا مثلا لك بين ما طرحت حملي الاول وهاذا غير 2 اشهر بدل مراني نكون مع الاول في السابع بهذا راني في الرابع
اتمسكي بربي والجنين راه خباهولك ربي في الجنة تشوفيه ان شاء الله متكونيش نسيتي وماسمتيهش
لان الرسول عليه الصلاة والسلام قال ينادى عليهم باسمائهم
من بعد نرجع اتهلاو في الكوزينة
ميمي ممكن وصفة البريوش حتبيت نديرو للاولاد في المساءوشكرا

 

[روعة2005]

رد: ماذا ستطبخين اليوم سيدتي انستي الجزء37

السلام عليكم ورحمة الله وبركاته
خياتي سامحوني على التقصير وربي يباركلكم في رزقكم ويجعله حلاااااااااااااااالاااااا
ان شاء الله نحط اطباقي ونولي نعلق على طيابكم الزين فقط شجعتني ندوشة كي حطت طيابتها مممممممم نقولك سعد راجلك بيك يعني نتفرج ونزيد نتفرج حسيت ذقتهم مممممم
روز كروكي يطررررربق بصحتكم راكي كيفي انا كنت نهاب الكروكي بصح هذا الرولي يجيني ساااهل وبنين وثاني رجعت نديرو دااايما
هذه صيام 9 وعاشوراء

وهذه عاشوراء سكالوب فارسي فرماج +اولات سبيسيال+جاري مصورتوش

تليتلي

شخشوخة

شفلور مقلي يجي راااااااااااااااااائع طريقة مدهاتلي اختي ام ريماس يهبببل وخفيييف

غدا خفوفي

شطيطحة زلوف

نكملكم....

عدس

القاضي وجماعته

لقاضي وجماعته بعد النطق بالحكم ممممم

انا والسلاد دوفروي حكااااية اولادي كانو مايكلوليش الفاكهة خلاص رجعو مممممم ياكلوني انا ههههه نصورها دايما في الفريجيدار لانو لو تتحط على الطابلة يشبعو بيها ويخلولي الماكلة

حتى الضياف كي نحط ديسار نهزو كيما راه وكي نحطها ممممم يكلوها بكل هه

نكمل

غداء امس كباب مصري+حميس وفريت طبعا بنة المشاوي في سخونتها ولي تطيب تقول الله يرحمني ههههه عليها صورت هنا

والعشاء روطي في الكوكوط ع السريع

بيني تاع شهرا الزينة رووووعة قليلة فيهم

للمرة الثانية

براج من عند بنت خالتي

نسيت توووورته عيد ميلادي

​

 

[ام ريهام]

رد: ماذا ستطبخين اليوم سيدتي انستي الجزء37

اولا عيد ميلاد سعيد حبيبتي روعة كل سنة وانت سالمة وسعيدة يارب

ثانيا بصحتكم الاطباق والله روعة كاسمك حبيبتي ربي يبارك ويزيد والسلاد دو فروي راهي يممممممممم
كلشي راه يشهي وفور بصحتكم كامل

 

[oumsif]

رد: ماذا ستطبخين اليوم سيدتي انستي الجزء37

صباحكم بالخير لبنات يعطيكم الصحة كل شئ تحطوه فورررررررررر
فوفتي اطباقك يشهيوا تسلم ايدك يالفحلة وبصحتك الكيكة كل عام وانتي بالف خير

 

[labed93]

رد: ماذا ستطبخين اليوم سيدتي انستي الجزء37

واش نظيب العشا ؟؟؟؟؟؟؟؟؟؟؟

 

[كوثر الوهرانية]

رد: ماذا ستطبخين اليوم سيدتي انستي الجزء37

صباح الانوار
نهاركم سعيد
فوفة شحال نحب و نستمتع بالنضر اليى اطباقك باين كل شيء بنبن و التقديم فووووور الله يعطيك الصحة و عيد ميلاد سعيد كل عام و انتي بالف خير
سماح الله يعاونك على الشقى و التعب نتاع الدار اللي ميكملش
ام ريهام بصحت فطورك اختي
لابد ديري سوب و قلي ايسكالوب و سلاطة عشاء خفيف
اليوم درت بوزلوف شرمولة و سلاطة

 

[nassima 87]

رد: ماذا ستطبخين اليوم سيدتي انستي الجزء37

ميمي بصحتكم شهيتيني في الجاج
روعة لاتعليق كلشييي روعة وعيد ميلاد سعيد

فطورنا روز بالجاج او خبيز كنت درتو البارح ليوم درتو صندويشات

 

[ام ريهام]

رد: ماذا ستطبخين اليوم سيدتي انستي الجزء37

اممممممممممممممممم نسومة الروز راه يبان يشهي بصحتكم

 

[أم نيفين]

رد: ماذا ستطبخين اليوم سيدتي انستي الجزء37

السلام عليكم و رحمة الله وبركاته
أولا مبروك علينا الفوز و ربي يدوم افراحنا جميعا ان شاء الله
و ثانيا يعطيكم الصحة يا حراير على الحلويات لي تشهي ...الواحد مايلقى مايخير بارك الله فيكم
*********
انا اليوم جيت و جبتلكم شوية حلويات

هاذي تحلية سهلة و لذييييييييدة مممم

و هاذي ثاني تحلية جد جد جد لذيذة ماتتشبعش.. اليوم درت منها 2 رايحة نديهم لسلفتي عرضتنا للعشا...درتها 3 مرات

و هاذ الكب كيك دارتو ختي أميرة

 

[أم نيفين]

رد: ماذا ستطبخين اليوم سيدتي انستي الجزء37


المزيد من الصور ههههه
هادو الحلويات درناهم كيما جابو السهم لاختي أميرة فالعيد الكبير

 

[mimi53]

رد: ماذا ستطبخين اليوم سيدتي انستي الجزء37

حالياً الأعضاء النشيطين الذين يشاهدون هذا الموضوع : 44 (12 عضو و 32 ضيف)
‏mimi53, ‏✿أسيـل✿, ‏ام نوسه, ‏ام التوام, ‏ام ريهام, ‏ام سيف, ‏Ilbeldelmondo, ‏labed93, ‏روعة2005, ‏ريمو, ‏sarah11, ‏فايزة1207


اهلا بالملتحقة الجديدة ومرحبا بيك معانا اختي انشاء الله تستفادي وانستفادو من اكلاتك حبيبتي

 

[أم نيفين]

رد: ماذا ستطبخين اليوم سيدتي انستي الجزء37


المزيد هههه

تارت الليمون

غريبية الكوكاو

بيسكوي رولي

هادي تارت القطار درتها العام لي فات لهاني

و هاذي تارت الباربي درتها فالربيع لبنت سلفتي روضة ...داتها معاها للاصلاح و الارشاد ..

 

[أم نيفين]

رد: ماذا ستطبخين اليوم سيدتي انستي الجزء37


المزيد المزيد ههههه ....باش ماتقولوش إيمان راهي فنيانة ماطيب والو ولا هههه...انا يحكمني التفنيين في تحميل الصور

هاذ القاطو مايطيبش بديكور جديد ..درتو في طهارة ولد خالي

و هاذ المجموعة تاع القاطو درناها فالعيد الصغير كي جابو السهم لاختي أميرة

و هاذ الكب كيك ثاني دارتو اميرة اختي

هاذ التارت كومونداتها ماما في طهارة أمين و هاني وأحمد

و هذا قلب اللوز درناه فالسهر تاع الطهارة مع التاي

و هاذا ماكان ههههه خلاصولي التصاور
منا على كاش بضعة اشهر ان شاء الله هههه