تأخري عن الحمل دمر حياتي

[مشكلتي]

السلام عليكم ورحمة الله تعالى وبركاته
أعاني من بكاء دائم ونفسية مدمرة منذ 5 شهر لزواجي لكثرة كلام حماتي عن الأولاد وعن الزواجت اللائي تزوجن في نفس الشهر وحتى اللواتي تزوجن بعدي وحملهم في أول شهر
أصبحت أكره اليوم الذي تزوجت فيه وحتى زوجي انزعج مني كثيرا وأصبح وتحين الفرص لكي أذهب لأهلي ويتهنى مني بصراحة
ساعدوني كيف سأنقذ زواجي وكيف أتحمل كلام الناس
ادعيولي بالذرية الصالحة رجاء
سلام

 

[السلطانة]

رد: تأخري عن الحمل دمر حياتي

وعليكم السلام اختي
اولا هادي حاجة تاع ربي
غير الجاهل لي يعاير غيرو بيها
ربي يرزقك ان شاء لله
كاين لي يجيبو عادي وتصرى حاجة يفقدو ولادهم !
وحدة جابت 4اولاد
في حادث مرور توفااااو مع بعض وهي كبرت ماعادتش تقدر تجيب
هاي جابت وراحو
لي قادر يرزق هاديك قادر ينحيلهاا وقادر يرزقك انتي ولوخرا ولوخرا
قوي ايمانك بالله صلي وادعي
ومتسمعيش لحماتك راهي باينة جاهلة
ربي يهديها
​

 

[Ma$Ter]

رد: تأخري عن الحمل دمر حياتي

السلام عليكم
اختى اعلم كم تعانى والحل الوحيد انك تعالجى وتقدمي الاسباب
وان تكثرى من الدعاء والاستغفار وخاصة بعد صلاة الصبح
وا ن شاء الله يرزقك ربى يالذرية الصالحة
'
قال تعالى
( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاء عَلَيْكُم مِّدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )

//
اختى ساندى العجايز لكبار يعانو من الجهل
يكرهو حيات الزوجة وخصوصا عندما تتاخر الزوجة فى الانجاب
بارك الله فيكم
​

 

[milina75]

رد: تأخري عن الحمل دمر حياتي

السلام عليكم
اختي هدي حاجة تاع ربي
ربي يهدينا انشالله
انا تاني عندي عام و شهرين و ربي مرزقنيش لكن الحمد لله
انا بحثت شوية فالانترنت عن وصفات و لقيت موضوع جد هام عجبني بزاف لكن مزال مجربتش الوصفة خاطرش ماتوفرتليش المستلزمات الي نحتاجها لظرف خاص بصح انشالله غير نشريهم نجربها
قالو بلي مكانش الي جربت هذيك الوصفة و محملتش بقدرة الله طبعا
و الله اعلم
المهم الوصفة لازملها لقاح النخل و ماء كادي الاصلي
تاخذي ملعقة شاي تاع لقاح النخل و نفس الملعقة ماء كادي و تخلطيهم مليح حتى تتحصلي على عجينة
اخدميها كي التحميلات الي تعطيهملك الطبيبة les ovules , وديريها في شاش تشريه من عند الصيدلية compresse و تغلفيها بيه و شديها بخيط باش كي تدخليها بعد نصف ساعة تقدري تخرجيها
و هذي الوصفة ديريها نصف ساعة قبل الجماع بلا ما تغسلي لا قبل و لا بعد
كي تكملي الجماع خلي رجليك مرفوعين للاعلى ربع ساعة و امبعد اغسلي عادي
و تستعملي هذي الوصفة ايام التخصيب اي التبويض
و انشالله خير
و ماتنسايش قراة سورة البقرة كل ليلة و الاستغفار و الدعاء لله عز و جل لانو هو الرزاق
و انشاء الله ربي يفرج على كل واحد
و قبل ما تجربي الوصفة زيدي ابحثي عليها و اذا مفهمتيش الخطوات راني هنا اختي

​

 

[ام سحر و لؤي]

رد: تأخري عن الحمل دمر حياتي

يا اختي اما عندي عامين و 4 اشهر و ما عنديش دراري و العيب مني و الحمد الله على كل حال انا تاني نسمع الكلام من كل جهة بصح نطنش يجوني لحظات وين نضعف و نكره و نقول لوكان عاود نقول تلحمد الله على صوالح بزاف نشوف اللي كثر مني باش نصبر روحي و ندعي ربي يفرج عليا و عليك و كل محرومة
لازم تكون عندك ثقة بالنفس الدراري ماشي كل شي كايم اللي عندهم دراري و ماشي هانيين الحمدالله راجلي راضي و حامد ربي و رلي يعوضنا خير
و نتي 5 شهر يا ختي رلكي عاد تقولي بسم الله و ربي يفرج عليك يا رب

 

[منايا الجنة]

رد: تأخري عن الحمل دمر حياتي

عادي اختي كلشي بيد ربي ما يهمكش كلام الناس انتي اصبري و استغفري و ربي يفرج عليك

 

[اسماء16]

رد: تأخري عن الحمل دمر حياتي

ان شاء الله ربي يزقك بدرية الصالحة
وكيما قالو لي قبلي هدا تخمام تاع بكري مديريش عليه
ةكل تاخيرة فيها خير
عندي صحبتي 5 سنين باه جابت
ادعي ربي وبلاك تفررطي في دارك
​

 

[حاملـة المسك]

رد: تأخري عن الحمل دمر حياتي

و عليكم السلام

متعدميش روحك بالبكا حنونة ..مزالك على باب ربي
و لا حبيتي تطمني زوري طبيبة مختصة تعاينك و تمدلك تعملي بعض التحاليل..
ريحي بالك قد ما تقدري لانو القلق الزائد يساعد في تاخر الحمل
ثقي في الله و اكثري من الدعاء و الاستغفار.
ربي يسرلك امورك و يقسمك بالذرية الصالحة عاجلا غير آجل
لكي و لكل الاخوات لمرو قبلي و لكل مشتاقة للامومة. ​

 

[زهور96]

رد: تأخري عن الحمل دمر حياتي

ربي يصبرك

 

[ROUAKIMOURAD]

رد: تأخري عن الحمل دمر حياتي

السلام عليكم ورحمة الله تعالى وبركاته
أعاني من بكاء دائم ونفسية مدمرة منذ 5 شهر لزواجي لكثرة كلام حماتي عن الأولاد وعن الزواجت اللائي تزوجن في نفس الشهر وحتى اللواتي تزوجن بعدي وحملهم في أول شهر
أصبحت أكره اليوم الذي تزوجت فيه وحتى زوجي انزعج مني كثيرا وأصبح وتحين الفرص لكي أذهب لأهلي ويتهنى مني بصراحة
ساعدوني كيف سأنقذ زواجي وكيف أتحمل كلام الناس
ادعيولي بالذرية الصالحة رجاء
سلام

وعليكم السلام ورحمة الله
اختى والتاخرفى الحمل تزوجت منذ 5اشهر فقط وماذا تقول التى تزوجت منذ سنة او 2 ا3 او حتى 5و6سنوات انت اختى الى حتى هذى السطوار الامر طبيعى لا تقلقى وخليك ايمانك كبير بالله وحفضى على بيتك وزوجك واكثر من الاستعفار حتى لو ذهبت الى الطبيبة الان راح تقولك المشكلة بعد عام وانت 5اشهر فقط
وانا العبيد الضعيف تزوجت ومرت على زوجتى التجربة ولكن بعد 4سنوات فتح الله ابواب الخير وجاء قصى وجاء معه كل الخير معليك سو الصبر والاستغفار وابتعدى عن جو القلق لانه مشكل قد ياخر الحمل
وفى الاخير اسال الله رب العرش العضيم ان يرزقى اختى

 

[la_safa]

رد: تأخري عن الحمل دمر حياتي

السلآم عليكم ..

سبحآن الله حآجة حآجة ربي
و زيد رآكي في 5 شهور بركـ !

يآ أختي علآه عليكـ تغبني على روحكـ احمدي ربي
الحل يآ ختي ادعي ربي يرزقك الذرية الصآلحة
و زيدي روحي للطبيبة خليهآ تعآينكـ آسكو كآين مشكل ولآلآ

يآ ختي مآتغبنيش روحك و حآولي تكبري قلبك برك و خلآص
رآكي عروسة جديدة ، زوجك حآولي تجبديه ليك
و تقوليلو حآجة ربي ..

من نآحية أخرى كآين بزآآآف لي طولو و مبعد رزقهم ربي ..

دعوآتي ليك ^^
مآتنسآيش صلآتك و الدعآء و ربي يسهلك ان شآء الله

 

[عفيفة الحبوبة]

رد: تأخري عن الحمل دمر حياتي

ربي يرزقك بالدرية الصالحة
كيما قالولك الاخوة قبلي
هدا رزق من عند ربي و ربي اعلم بيه و عنده حكمة في كل امر و ان شاء الله تكوني مؤمنة و تتفهمي
اما بالنسبة لعجوزتك فساعفيها هكا يخمموا لكبار يحبوا لولاد و ينسوا باللي هادي حاجة ربي
سايريها و كوني مليحة معاها هدا مكان
اما على زوجك فاحسن حاجة ماتبقايش ديما تبكي قدامه و تحكي غير على الدرية راه يتقلق منك
بدلي الجو
راكم في 5 اشهر زواج هدا مكان
احكي فاجي عليه فكري في افكار جديدة تنحي على خاطرك انت وياه
لانه ادا قعدت عليه غير ولاد ولاد و تبكي
فمسكين راح يكره
ربي يعطيك ما تتمناي و يرزقك الدرية الطيبة​

 

[Moha le sage]

رد: تأخري عن الحمل دمر حياتي

وش نقلك يا ختي ...


ربي يهديهم ..حاطين المرا ترقد على بيضات و يفرخو ...


ربي عالم وش كاين في الارحام ووكتاش تتلقح و وكتاش يتكون الجنين ...

5 اشهر ...... انا عمبالي عام ولا عامين ولا ثلاثة ... عندي خالي عشر سنين باش جاب رزقو ربي بطفل ...




المهم نتي ما تعانديش الناس الجاهلة .. حماتك ربي يهديها .. و راجلك ما تلوميهش ..اذا الوالدة تاعو حرضاتو هو تلقايه يسمعلها بلا ما يفيق ....... و زيدي العايلة كامل كيما قلتي تلقايها تهدر .... و بلاك الديفو راه فيه هو ...


نوصيك ختي بزوج حوايج ... اولهم الصبر ولازم تصبري و ما تكونش نفسيتك ضعيفة ..كوني قوية ... و ما تخلي حتى واحد يقلقك و يطيحلك المورال تاعك .. و هاذي لازم تفهميها لراجلك ..انو حياتكم الخاصة ...


الحاجة الثانية هي كثري من الدعاء و ابحثي في القوقل على دعاء الحمل ..او دعاء الرزق بالاولاد


{رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ} ..


و ما تقنطيش من رحمة ربي .. وكل يوم ادعي في صلاتك و في سرك ...



ربي يرزقك ان شاء الله بذرية صالحة





​

 

[YAHIA S]

رد: تأخري عن الحمل دمر حياتي

السلام عليكم

الاولاد و البنين مثل الرزق
فهو كله من عند الله
ليس من عند زوج او زوجة
لهذا لا يهمك في كلام الناس
استغفري و انزعي وسواسك
موفقة باذن الله
تحياتي​

 

[Ŝĥåĥĭйëž Ïķřăмơǖ]

رد: تأخري عن الحمل دمر حياتي

يا اختي هادي حاجة ربي
وهادو راهم جاهلين
وانت راكي غير 5 شور زواج ماشي حاجة كبيرة و يعايروك لوكان راكي في 5 سنين ولا بلاك واصلا نورمالمو ميعايروش على حاجة ربي
انت شوفي طبيبة خاصة وتكون مليحة ديرلك فيزيت جينيرال و تقولك شكاين
ولا شوفي دواء تاع عرب بلاك على ربي
وخليهم يعايرو حاجة ربي انتي قاع متخميش بلاك العيب في ولدهم ميحكموش على حاجة قبل ميشوفو شكاين
وربي خير وربي معاك الله يسهل انشاء الله ربي يرزقك الدرية الصالحة و يرزق كل ميتناها ​

 

[ليليا مرام]

رد: تأخري عن الحمل دمر حياتي

السلام عليكم اختي
خمس اشهر فقط وراكي مقلقة أختي وإنت علاه تعمري راسك اكيد حماتك ام وماذا بيها تفرح لوليدها وأيضا لما تسمع عروس بعدك حملت تتمنى لو إنت كيما هي لكن امر الله لكن لو وصلوها للمعاير ماشي حق عليهم مازال الحال ومازلت عروس وزيدي اختي امر الله هذا الناس قعدو سنوات ورزقهم ربي
والله نشوف زوجك وأهلو من نوع اللي ما يحبوش ربي يبتليهم وما يحمدوهش هذي خمس اشره فقط وراهم يديرو هكذا لا سمح الله لو طولت أكثر واش يديرو من رأي تقربي لربي بالدعاء وخلي زوجك يتقرب ايضا لانو لو يعرف ربي فعلا ما يلومكش على امر الله
وإما إنت توسوست إنو يتهنى منك لما تروحي لأهلك إمالا علاه تزوجك لا اختي ما دمريش حياتك بشكوك وفقط الدعاء ربي يرزقك

 

[حسان]

رد: تأخري عن الحمل دمر حياتي

السلام عليكم ورحمة الله تعالى وبركاته
أعاني من بكاء دائم ونفسية مدمرة منذ 5 شهر لزواجي لكثرة كلام حماتي عن الأولاد وعن الزواجت اللائي تزوجن في نفس الشهر وحتى اللواتي تزوجن بعدي وحملهم في أول شهر
أصبحت أكره اليوم الذي تزوجت فيه وحتى زوجي انزعج مني كثيرا وأصبح وتحين الفرص لكي أذهب لأهلي ويتهنى مني بصراحة
ساعدوني كيف سأنقذ زواجي وكيف أتحمل كلام الناس
ادعيولي بالذرية الصالحة رجاء
سلام

الاخت الفاضلة

لا يصيبنا إلا ما كتبه الله لنا

إذا كتب الله لك انك ستتاخريين بالإنجاب سنوات فهؤلاء الجاهلون ما دخلهم في هذا الموضوع لا يخصهم


تجاهليهم فهم جاهلون و ستنجبين ذرية و تفرحين فرح كبير مثل انا تمام
و يكون ابنك الاول هو ذكر صدقيني من كلامك احسست بالفرج قريب لك

و الله تستحقينه

عليكي بتوكل على الله وحده و تجاهلي كلام الناس فهو مكتوب و أصبري مع هؤلاء الجاهلون


نحن انا و زوجتي تاخرنا على الإنجاب 6 سنوات

اما يوم اتذكر تلك الأيام بدون الاولاد ذكريات لا تعود أبدا فقد كرهت هؤلاء الاولاد هبلوني احببت ان ارجع غلى شبابي

و عندي قريب عنده 15 سنة زواج بدون اولاد فهو يعيش في السعادة الناس يحسدونه عليها


اختاه انصحك بكتاب لا تحزن للعائض القرني فهو احسن كتاب تستحقينه

إذا كان عندك النت في الدار

تحميل الكتاب مكتوب على ملف وورد Word
http://www.jsoftj.com/Start-Download/10603/

تحميل الكتاب مكتوب على ملف وورد PDF

http://www.jsoftj.com/Start-Download/10602//






​

 

[aljentel]

رد: تأخري عن الحمل دمر حياتي

السلام عليكم ورحمة الله تعالى وبركاته
أعاني من بكاء دائم ونفسية مدمرة منذ 5 شهر لزواجي لكثرة كلام حماتي عن الأولاد وعن الزواجت اللائي تزوجن في نفس الشهر وحتى اللواتي تزوجن بعدي وحملهم في أول شهر
أصبحت أكره اليوم الذي تزوجت فيه وحتى زوجي انزعج مني كثيرا وأصبح وتحين الفرص لكي أذهب لأهلي ويتهنى مني بصراحة
ساعدوني كيف سأنقذ زواجي وكيف أتحمل كلام الناس
ادعيولي بالذرية الصالحة رجاء
سلام

اسمحيلي اقولك زوجك خبل !!

خمسة أشهر بس يعني شنهو دجاجه تبيض على طول ...
اصبروا شوي انتم لازلتم بشهور العسل ,, بس مادام زوجك يستانس لما تروحي لاهلك فالجواب باين من عنوانه ,,, بس الله يعينك بالصبر اما مسألة الحمل فتلك بقدرة الواحد الاحد ....

 

[أم نورس]

رد: تأخري عن الحمل دمر حياتي

Ya banti staghfri moulak wach man taakhour li rak tahki 3lih 5 chhour machi haja faloua9t hadda hatta atbib loukan trouhi lih rah i9oulak assanai 3ala ala9al 3amme baiach na9adrou n9oulou kaian mouchkil
Oua3jouztak rabi iahdiha ou iahdi na jmi3

 

[السلطانة]

رد: تأخري عن الحمل دمر حياتي

السلام عليكم

اختى اعلم كم تعانى والحل الوحيد انك تعالجى وتقدمي الاسباب
وان تكثرى من الدعاء والاستغفار وخاصة بعد صلاة الصبح
وا ن شاء الله يرزقك ربى يالذرية الصالحة
'
قال تعالى
( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاء عَلَيْكُم مِّدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )​

//
اختى ساندى العجايز لكبار يعانو من الجهل
يكرهو حيات الزوجة وخصوصا عندما تتاخر الزوجة فى الانجاب
بارك الله فيكم​

عندي مرت خالي 4سنين ماانجبتش
وعندي جدة 70 سنة عمرها لاقاستها بكلمة ولاشرتلها على لولاد
بصح كيما عجوزة الاخت ربي يكون في العون
كاين عجايز جاهلات وكاين متفهمات والاغلبية جاهلات
​