نخليه ولا نوقف معاه؟؟ راني احترت...

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم ورحمة الله وبركاته

والصلاة والسلام على رسول الله

جيت نحكيلكم على مشكلتي ونتمنى تعاونوني
بون هادي من عامين كنت مع واحد ،،تعرفت عليه وحكينا وكامل ،، وقداه نواحد يقوللي عليه بلي ناس ملاح وعاقل ..
من بعد صرا بيننا مشكل تفارقنا على جالو وكل واحد راح في طريقو،،
والعام هدا رجعنا لبعضانا ،، ودك هو في الجامعة وانا السنة نفوت الباك

ما يخفاش عليكم بلي هو عاقل وطيب معايا ويبغيلي صلاحي وديما ينصحني وما يحبليش العوج،، مي ديفوا نحسو تايه وضايع وماعلابالوش بروحو وش راه حاب وهو يحس ديما بلي الناس مايفهموهش...


وزدت مؤخرا سمعت عليه هدرة بلي راهو يتعاطى المخدرات ربي يعافينا،،
انا في اللول ماصدقتش ومكان حتى دليل عليه بصح قلت لوكان تكون منها!!

اسكو نخليه ونبعد عليه ولا نوقف معاه ونعاونو باش يبعد على هاذ الشي؟؟؟

المشكل اني مانحكيش معاه ديما ولوكان هو مايصارحنيش انا مانقدر ندير واالو

حقيقة انا حبيت نبعدو على هاذ الحوايج لانو الظروف لي عايش فيها شوي صعيبة بلاك هي لي خلاتو يدير هكذا ،، وهو راه حاب يكون روحو ويكمل قرايتو ويخدم مي ماهوش قادر وفي المقابل خفت انا لا نتضرر من الحكاية هاذي باي طريقة ....رغم اني وعدت روحي بلي نبقى فيدال ليه وجامي خليه


قولولي لوكان كنتو في بلاصتي واش ديرو؟؟ وواش تنصحوني؟؟
 
رد: نخليه ولا نوقف معاه؟؟ راني احترت...

تمت الموافقة
الكلمة الطيبة صدقة

أرجوا الإلتزام بقوانين المنتدى حين الرد !


 
رد: نخليه ولا نوقف معاه؟؟ راني احترت...

كنتـ اضننـآ لانشجع العلاقــآتـ

غاليتي لااحبذ فكرة هاته العلاقــآتـ تحتى مـٌسمى الحب ومع ذالكـ سـأجيبكـ
قلتـ راح تكوني فيدال ع جالو وماعندكش نية تستغناي عليه صايي قوليلو يجي يخطبك عندو هو هاذي النية ؟؟؟
الا كان تبع طريق المخدرات نضملك تبعدي عليه احسن لانو طريقها واعرة بزاف وراح تندمي
 
محبة الدراسة، تم حظره "حظر دائم". السبب: مخالفة القوانين
رد: نخليه ولا نوقف معاه؟؟ راني احترت...

اخطيه و بعدي عليه قد ما تقدري

هاذ العام عندك باك donc لازم تقراي و اخطيك من لعب الذر

و لازملك تعرفي بلي الرجال ماكانش ثقة فيهم سيرتو اللي يتعاطو المخذرات يا لطيف
 
رد: نخليه ولا نوقف معاه؟؟ راني احترت...

كونه يتعاطى المخدرات فهذه وحدها تستلزم الابتعاد عنه ...

نصيحتي ابتعدي وانسي انك يوما عرفتيه ....
 
رد: نخليه ولا نوقف معاه؟؟ راني احترت...

الحمد لله انك خممتي للبعيد وخممتي أنك قادر تنظري وتزيدي تتعلقي بيه وتبني احلامك في الفراغ وخيط رهييييف
المخدرات ادا دخل فيها صعيبة يجبد
وباه يجبد عليها الا اذا كان متعلق بيك بزااااف وتخيريه بينك وبينها
 
رد: نخليه ولا نوقف معاه؟؟ راني احترت...

kheti a mon avis akhetik men hd terig w zad than yedrogui aaaaaaaaaaaaaa khalik 3andek lbak e9ray had lannée w kelech yeji bessaha a bientot
 
رد: نخليه ولا نوقف معاه؟؟ راني احترت...

شوفي اختي الطريق اللي راكي من الاول ماشيه فيه راه غالط عند العقلاء والمجربين.

فكري امليح قداه يلزموا باه يكمل قرايتو ... وباه يتوظف ... وباه يدير الدراهم .. وباه يخطبك ويزوج بيك ..

لربما كي يكون في عمرو 30 سنة على الاقل اذا مشت الامور امليح وكان قافز وفاهم ..

**********
اشحال ايكون في عمرك حينها ؟؟؟؟
من يضمن لك ان يبقى ولا يتغير .. ويجد ضالته في غيرك .. والقلوب كل يوم تتقلب ..
*********
اما موضوع المخدرات فذاك موضوع اخر فانتي لست مسؤولة عنه لا شرعا ولا قانونا ولا عرفا ..

*******************************

انصحك نصيحة الاخ لاخته الشقيقة ... ركزي على دراستك وقرايتك .. والتزمي بعبادة ربك
مع حسن الاخلاق .. واقطعي كل علاقة مع الرجال والشبان .. وكل حاجه في وقتها تصلح..

*********

فالشيء الذي انتي فيه الان هو احلام .. واحلام .. واوهام ... وسحابة صيف .. وسراب ...
وسرعان ما تدركين ذلك ... لكن اخشى ان يكون ذلك بعد فوات الوقت والزمن ...حيث لا ينفع الندم.
***********

رزقت الفهم والعافية.
 
رد: نخليه ولا نوقف معاه؟؟ راني احترت...

اختي راكي تقولي ينصحك و يوريلك صلاحك و ما يحبلكش لعوج و هو اصلا مش عارف صلاحو و ضايع على حد قولك!!!
اذا يحبلك صلاحك صح يخليك في حالك تركزي مع قرايتك و ما يحبلكش تدخلي في علاقة محرمة و اذا حاب لحلال يتوقف اولا على السم الهاري اللي يتعاطى فيه و يكون راجل عن حق و يتقدم لاهلك بطريقة طبيعية اما هاذ العلاقات اللي مور ظهر الوالدين راهي لا تسمن ولا تغني من جوع و تلقاي روحك انت الخاسرة الوحيدة في الاخير
 
رد: نخليه ولا نوقف معاه؟؟ راني احترت...

اخطيه و بعدي عليه قد ما تقدري
افضل اك
 
رد: نخليه ولا نوقف معاه؟؟ راني احترت...

ختيتو المرا هي لي بيديها كلشي قادرة تسقم الراجل و قادرة تديه للهلاك
راي نتاعي اوقفي معاه و زاد تبغيه متقدريش تبعدي عليه
بصح تفدري تبدليه تقدري انتي توريلو الطريق و بالاكي تسمحي فيه اذا صح تحبو بعضاكم
و ربي يجيب الخير ان شاء الله​
 
داليا الشيح USA، تم حظره "حظر دائم". السبب: مخالفة القوانين
رد: نخليه ولا نوقف معاه؟؟ راني احترت...

السلام عليكم اختي شكرا لك على فعل الخير

اولا اليك طرقة انت قوليلو بلي قالولي عليك هدرة راك تتعاطى المخدرات و قوليلو اذا كنت راجل و تحبني صارحني اذا صح ولالا اوكي يصارحك ويقولك صح منها حاولي بقدرالمستطاع انك تنصحيه وقوليلو انت شاب جاي لدنيتك بعد من هاذي الطريق على خاطر راح تندم عليها واذا ماوخرتش عليها وليلو ماتعرفني مانعرفك ونساني

ثانيا اذا ماحبش يسمع لكلامك بعدي عليه على خاطر اذا كان وقفاتو الشرطة يقدر يديرها بيك يجبدك معاه وهذا الشي خطير

شكرا اتمنى اكون افدتك
 
رد: نخليه ولا نوقف معاه؟؟ راني احترت...

عليك تحقيق النجاح في الباك و لن يكون ذلك ممكنا إلا إذا تخليت عن هذه التفاهات
ابتعدي عنه و انشغلي بالدراسة فهي لوحدها كافية لكي تبعدك عنه
اعلمي النجاح في الباك هو أعظم فرح خاصة إذا كان بمعدل كبير ما يفتح أمامك عدة مجالات للحياة الكريمة
لا زلت صغيرة و مدللة عند والديك فلما تشغلي نفسك بغيرك
لو يعلم والديك بهذه العلاقة هل سيسمحان لك بالإستمرار ؟
فكري في العواقب التي ستجرك إلى الهاوية حين يعلم أهلك بذلك عندئذ ستخسرين حياتك و مستقبلك
انتبهي جيدا و خذي نصيحتي فأنا أم و جدة و لا يعجبني أن تقعي في الهاوية
دعيه إلى الأبد و انتظري نصيبك الذي قدره الله لك لعله أحسن من الذي اخترته لنفسك
ربي يوفقك لما فيه الخير و الصلاح لحالك
 
رد: نخليه ولا نوقف معاه؟؟ راني احترت...

اختي راكي امام مصير يا تبعي قرايتك وديجا راكي
العام هذا الباك ..و لا تكملي معاه و هاذو في زوج ما يتلاقاوش
يعني لازم تقرري مصيرك :s:s
على حسب اعتقادي ماتقدريش تركزي على قرايتك و انتي
تخممي فيه :s
جربي وشوفي اذا كان تقدري تنجحي في قرايتك و
تنقديه معاك لانو كان دائما واقف بجنبك و ماشي كل مايقال صحيح :-
و ربي ينجحك في قرايتك و يفرحك في حياتك r
 
رد: نخليه ولا نوقف معاه؟؟ راني احترت...

انا نقولك قرايتك خير من كلش
فرحي والديك بالباك

 
رد: نخليه ولا نوقف معاه؟؟ راني احترت...

سلام اختي

ربي يكون في عونك ويهديك للطريق الصواب

اختي مكانش فالدنيا معندوش المشاكل
مي الانسان الضعيف واللي ايمانو اضعف هو لي يروح للطريق الغالط
ياما صادفونا عقبات في حياتنا مي بالعكس تمسكنا بالله
لانو ربي الوحيد اللي يقدر يعاونا
وظروفو الخايبة يا اختي ماهيش عذر يخليه يتجه للمخدرات هادي من جيهة
من جيهة اخرى يا اختي الشئ لي راكي ديري فيه حرام
لانو لوكان جا حلال راكي ديري فيه قدام فاميلتك
ما تغلطيش وتقولي الحب
اسمعي قوله تعالى : ' ولا تواعدوهن سرا'

اختي ننصحك
بعدي على هاد الطريق

ومهما كان ينصحك ومهما كان هاد الانسان يحبلك الخير ما يحبلكش الخير في طريق بعيدة على ربي سبحانو


انت انصحيه و فهميه بلي طريق غالطة
وابعدي عليه
اذا شافلك ربي فيه الخير راهو يجيبولك وتحبيه في الحلال قدام ربي وعبادو

واذا كان شافلك تاني الخير راهو يبعدو عليك
وصدقيني يا اختي
مكانش قد الحب فالحلال
كي تكوني تحبي راجلك ماشي بالسر مي قدام ربي وعبادو

ربي يسهل امورك وان شاء الله تجيبي الباك
اهتمي بدراستك
واخطاك من هاد الطريق والله نهايتها ندامة
وربي يبعد عليك الندم

ربي يوفقك اختي في دراستك
وارجوك ثم ارجوك ابعدي من هاد الطريق وخليك عفيفة
باش ربي يرزقك بولد الحلال لي يستاهلك
وشكـــــــــــــــــرآآآ
 
رد: نخليه ولا نوقف معاه؟؟ راني احترت...

من الافضل تلتهاي بدراستك لانك قادرة تضري روحك
 
رد: نخليه ولا نوقف معاه؟؟ راني احترت...

مساء الخير اختي
حاولت نحط روحي في بلاصتك صح صعيبة بزاف خصوصا ادا كنت تحبيه تلقاي روحك تايهة هو صح في الاصل العلاقات هدي حرام بصح حنا دايما نغلط ونطيح فيها نصيحتي ليك كأخت انت عندك باك حاولي تركزي على قرايتك وحاولي تاني تشوف لجاي فالمستقبل ان شاء الله ومشكل المخدرات مشي حاجة ساهلة الواحد مستحيل يقدر يخرج من هاد الطريق بسهولة ومتدري ممكن طريقت التعامل تاع معاك تتبدل توقعي من اي حاجة لان كيتعاط المخدرات راه يولي انسان دون عقل خممي مليح واليوم قبل غدوة مزالك صغيرة والمستقبل قدامك ويستاهلك مليار واحد ديري في بالك اي وحدة تحوس على وليد حلال متربي مشي واحد يتعاط المخدرات هدي حاجة مشي ساهلة ورب يوريلك طريق الخير ان شاء الله.
 
رد: نخليه ولا نوقف معاه؟؟ راني احترت...

اخت موضوعك شدني بزاف مي خليني نقولك بلي الانسان هذا راكي تقولي عليه راهو يتعاطى الممنوعات وزيد تقولي عليه تايه و نتي مزالك صغيرة وشوفي حياتك و عندك باك شوفي قريتك وفرحت الباك تتعوضش و هو دعيلو ربي يهديه و املي حياتك بالقراية و ربي ينجحك
 
رد: نخليه ولا نوقف معاه؟؟ راني احترت...

اختي لعزيزة أنا كون ليا نعاونو و نرجعو لطريق الصح و مانخليهش يزيد يغرق كتر و كتر
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top