ماذا ستطبخين اليوم آنستي، سيدتي؟ **42**

[prncess fifi]

رد: ماذا ستطبخين اليوم آنستي، سيدتي؟ **42**

ستيفيان واش راكي ختي ان شاء الله لاباس
انتي رقدتي وندتي وراكي تطيبي فلفطور ديال السبت وانا مازال مارقدت الليل ديال الجمعة هههههه افهميها ههههه​

 

[SAMIRA25]

رد: ماذا ستطبخين اليوم آنستي، سيدتي؟ **42**

السلام عليكم يا شيفات
يعطيكم الصحة كل شيء من يديكم رائع و يشهي
ربي يديم النعمة على الجميع​

 

[حاملـة المسك]

رد: ماذا ستطبخين اليوم آنستي، سيدتي؟ **42**

السلام عليكم
صباح الفل على الناس الكل

ندى البيسكوي تع الصح جاك يهبل
مبروك عليك الخمس سنين في اللمة
سارة المطلوع جاك هايل و بصحتكم الجلبانة
ام ايناس صابلي خفيف مليح للدراري
هيلدا علاه تقولي تلبيزة كاين اكبر منك ميعرفوهش..ربي يحفظك
حدة كلشي هايل من يديك
خيرة ديما يعجبني ارزك و ما شاء الله عليك مزالك حابة تتطوري فيه
و بصحتكم الخبز العربي
نور ام فيروزا بصحتكم القعدة مع العائلة
نهاركم موفق.
​

 

[ام فيروزا]

رد: ماذا ستطبخين اليوم آنستي، سيدتي؟ **42**

الله يسلمك حاملة المسك نهارك زين

 

[رونق الزهور]

رد: ماذا ستطبخين اليوم آنستي، سيدتي؟ **42**

ام سراج الدين هههه والله راني غير معاهم جابلي ربي كي عندي الكونيكسيو كي برتاجي مع الجيران على هديك قليلة خلاص مي معليش تتفك ان شاء الله وان شاركم​

 

[رونق الزهور]

رد: ماذا ستطبخين اليوم آنستي، سيدتي؟ **42**

الصباح الخير والخيرات لبنات تقهواو بصحة والهنا

 

[هــــيلدا]

رد: ماذا ستطبخين اليوم آنستي، سيدتي؟ **42**

صباح الأنوار حبوباتي،، نهاركم زين

 

[nassima 87]

رد: ماذا ستطبخين اليوم آنستي، سيدتي؟ **42**

السلام عليكم لبنات يعطيكم الصحة يصح راكو اطيرو طيران ملحقتكمش انا البارح ماكنتش في داري دخلت حتى فليل او اليوم كملت شغلي او راني قاعدة المسيو ماكانشو انا عندي شويا ماكلة نسخنها او الحمد لله​

 

[هــــيلدا]

رد: ماذا ستطبخين اليوم آنستي، سيدتي؟ **42**

صح فطوركم كامل،، انا اليوم الشغل للي كان عندي تأجل مالا خارجة كاشما نشري حوايج،، كل مانقول كملت نلقا 200 حاجة مزالت،
خخخخ راني نحكيلكم كي شغل تعرفوني،، علابالي بزاف بنات ميعرفونيش هنا، بصح راني مخضرمة جدا جدا غير ليزونسيانات للي يشفاو عليا، نشالله نولي نعرفكم وحدة وحدة، سلامي ليكم كامل

 

[ام ايناس]

رد: ماذا ستطبخين اليوم آنستي، سيدتي؟ **42**

صباحو لبنات نهاركم مبروك وواش احوالكمن
فريدة راني الحمد لله من ظهري تعيشي حبيبتي على السؤال وبصحتك لولو والمسمن امممم والعشا بح ههههه
سمووورة واش احوالك توحشناك
نور ونبيلة بصحتكم التحويسة عند والديكم
اممم خيرورة الخبز يهبل بصحتكم
سلالالالالالالالالالالامي للجميع
​

 

[ام ايناس]

رد: ماذا ستطبخين اليوم آنستي، سيدتي؟ **42**

هيلدا امممم على السفنج والبوتي فور يهبل وانتي راكي من الارشيف ماننساوكش هههه
​

 

[om mimi.mili]

رد: ماذا ستطبخين اليوم آنستي، سيدتي؟ **42**

صباح الخير لبنات وشراكم ان شاء الله راكم لاباس توحشتكم كامل ولي سقسات عليا نقلها يسال عليك الخير راكم كامل 4444444444444444444444 من المالح للحلو وراني جاميتكم كامل////ام هادي صباح النور ونرحب تاني بالسيدة الهام اسمها كيما اختي الوحيدة حتى شكيت بلي هي راهي حابة تنضم لينا من كثر لي نحكيلها عليكم توحشتها وتوحشت ولادها عندي عام ماشفتهاش تسكن في فرنسا ولدت هادو اليامات طفلة سماتها زينب راهي ماما عندها خلاوني وحدي اهىء اهىء المورال راه اليوم هابط شويا درت العدس للفطور ساك وراني نحوس على الشارشور باش نحطلكم لعشى تاع البارح منعرف وين ردموه لولاد درك نولي

 

[mimi53]

رد: ماذا ستطبخين اليوم آنستي، سيدتي؟ **42**

صباح الخير لبنات
راضية حامدة ربي يخليك حبيبتي تسلميلي
السيدة الهام مممممم طبق يشهي يعطيك الصحة ومرحبا بيك معانا في عائلة هايلة تحت اشراف امنياتي
ام ايناس ربي يحفظك حبيبتي انا تاني توحشتكم مي الله غالب انشاء الله غالب انشاء الله تكوني بخير
وتسلم ايد على القاطو والطيابات الزينة
برانسيسا الزينة واش احوالك حنونة والف شكر ليك على كلامك الزين يالزينة
امنياتي حبيبتي انا تاني توحشتك وربي عالم راني جيت لكوزينتك ويعطيك الصحة الي استقبلتينا فيها
بسومتي توحشتك واش احوالك واش احوال بنوتك الصغيرة انشاء الله بخير
ويعطيك الصحة واش طيبتي
رغودتي حنونة ممم كلشي من يديك عسل توحشت سلاطة ديالك ديكورها ديما فور يعطيك الصحة
حدودة الزينة متخفيش اهنا يموت قاسي يانكلك راسك ياتاكليلي راسي هههههههههه
لا فارس ابيض لا فارس ازرق واااااااااااالوووو الدعوة ناشفة هههههههههه
هيلدا الزينة واش راها التوام ديالك انشاء الله راكم بخير ويعطيك الصحة على البتي فووور شهيتيني فيه
ندوش تسلم ايدك على المحاجب
سرسورة كوين مرسي عليك يا الامر انت وبصحتك الرسالة تستهالي باقة ورد ههههههههههه
ويعطيك الصحة على الطيابك الزين يالزينة
سمورة الحلوة مرسي حبيبتي تعيشي كلامك فرحني ربي يخليك
كوثر حبيبتي تعيشي انشاء الله يارب ونعرضك بلاكي متجيش برك هههههههههه
تعيشي كوثر انشاء الله تكوني بخير
نونو الحبوبة واش احوالك يالزينة انشاء الله لاباس توحشتك
نسوم واش احوالك توحشت طيابك وتفنن ديالك فيه وخص نص ادا كان قدام هاداك الكرسي نتاع الحطب هههههههههههههههه
شهرورة وينك حبيبتي على حسابها خرجتي تحوسي وخليتيني بصحتك حنونة
ام ميلي واش احوالك
لبنات وينها زؤازيؤوووووووووووو راهي عندها شحال مابانتش شكون الي طمني عليها

 

[♥حلم القمر♥]

رد: ماذا ستطبخين اليوم آنستي، سيدتي؟ **42**

صباح النور والسرور

اني رايحة نعاون ماما في كعكة اليمون tartre de citron و القراتا
​

 

[رونق الزهور]

رد: ماذا ستطبخين اليوم آنستي، سيدتي؟ **42**

هههههههه واش مليكة صبحتي متوحشة اليوم بلاكي للوحش ياكلك ههههه
انا اليوم درت روز برك الراجل في الخدمة فطور ديبناج اليوم
بصح العشا فيها شخشوخة ان شاء الله جامي درتها هدي اول مرة
مليكة ماتنسايش الطاجين من بعد كي نبيبيلك ههه

 

[رونق الزهور]

رد: ماذا ستطبخين اليوم آنستي، سيدتي؟ **42**

ربي يعاونكم عبير وربي يشدلك في ماماك فكرتيني انا راني متوحشة ماما بزااااااااااااااااااااااااااااااااااااااااااااااف
ربي يخلينا يماتنا ان شاء الله

 

[رونق الزهور]

رد: ماذا ستطبخين اليوم آنستي، سيدتي؟ **42**

هيلدا راكي تاجرة معنمدة مشي غير مخضرمة ههه
وماتخافيش بلخف ان شاء الله راح نتعرفو يعطيك الصحو على الفطور الصباح حتى انا ماتقهويتش

 

[رونق الزهور]

رد: ماذا ستطبخين اليوم آنستي، سيدتي؟ **42**

ميمي حسابك وحدو غير انا لي مذكرتينيش:$

 

[om mimi.mili]

رد: ماذا ستطبخين اليوم آنستي، سيدتي؟ **42**

ارواحي تدي الطاجين بصحتك الروز اسما والله يا ختي جارتك خرجتني من حبال عقلي القاز طلعلي للراس راني غير نحوس على الكابل باش نحط العشى تاع عبد الله ماستوش تموتو بالضحك على الديكور

 

[mimi53]

رد: ماذا ستطبخين اليوم آنستي، سيدتي؟ **42**

ههههههههههه
تنساك الموت حبيبتيom ahla hadi
حقك عليا حبيبتي واش احوالك اختي انشاء الله بخير
لونا حبيبتي واش راكي توحشتك يا لزينة انشاء الله بخير
والي نسيتها تسمحلي
راكم كثرتو الله يبارك ربي يحفظكم من العين