رواق الاواني المنزلية حصري لرائدات اللمة الجزائرية

[ام ريهام]

رد: رواق الاواني المنزلية حصري لرائدات اللمة الجزائرية

ايا خلاص هيلدا كي نجي لباتنة نقولك باش توريلي الحانوت كاش ما نسلع من ثم ياخي على بالك خنا نسا نحبوها سمينة ورخيصة فهمتي معناها

 

[ام ريهام]

رد: رواق الاواني المنزلية حصري لرائدات اللمة الجزائرية

اخر مشترياتي كسيان هاذ زوج مودال ب 60الف علبة فيها 6كسان

وهاذو تاع سلاد دو فروي شريتهم من مدة حبيت نحطهم شريتهم ب 50الف

وهذا بلا تاع الفور 2في 1 شريتو ب 90 الف

وهاذي قطاعة البطاطا فريتلاشريتها ب 180الف

 

[ام سراج الدين وملك]

رد: رواق الاواني المنزلية حصري لرائدات اللمة الجزائرية

ام ريهام فكرة هايلة مشكورة اختي اميليار 2 فووووا
راح نشارك معاكم ان شاء الله
حتى نصور وحطهم في امان الله
بالتوفيق للجميع

 

[serinee]

رد: رواق الاواني المنزلية حصري لرائدات اللمة الجزائرية

موضوع رائع مثلك
ان شاء الله سأشارك
​

 

[prncess fifi]

رد: رواق الاواني المنزلية حصري لرائدات اللمة الجزائرية

موضوع شباب ختي يعطيك الصحة
ان شاء الله راح نكون من المشاركات​

 

[نور الحبوبة]

رد: رواق الاواني المنزلية حصري لرائدات اللمة الجزائرية

مساء الخير هذي بعض مشترياتي
ليمول انتاع السيليكون عدة انواع شريتهم 20 الف للواحد

[/url]

[/url]

[/url]
وهاذوب260 الف

[/url]
وهذي لوح التقطيع ب100 الف
]

[/url]
وهاذي واحد الغردةبا خمسةالف انتاع لفابو انتاع الكوزبنة ولا الدوش فعالة جيدا وكثيرة الاستعمالات ديري فيها ازيس الساءل والصورة توضح

[/url]
/]

[/url]
]

[/url]
وهاذو رفوف انا درت فيهم لمفارف ولفراشط والسكاكين شريتو ب 60 الف

[/url]

[/url]
]

[/url]
ان شاء الله يعجبوكم وين عندي الوقت انزيد انحطلكم

 

[نور الحبوبة]

رد: رواق الاواني المنزلية حصري لرائدات اللمة الجزائرية

وهاذو

[/url]
]

[/url]

 

[ام ريهام]

رد: رواق الاواني المنزلية حصري لرائدات اللمة الجزائرية

بصحتك ختيتو بصح على حساب ما ني نشوف باتنة فيها الرخس بزاف
كيما لي مول في بومرداس اديرو 35 الف للواحد
وهذيك تاع الرفوف صح لقيتها هنا ب 60 الف فيها 4 ادراج وتاع 5 دير 75 الف

تستعمليهم بالصحة والهنا اختي
وشكرا لمشاكتك في موضوعي

 

[هــــيلدا]

رد: رواق الاواني المنزلية حصري لرائدات اللمة الجزائرية

هههه ام رهام الشهرية الجاية جيبيها وارواحي هنا، تزهي روحك
نور الحبوبة بصحتك لحوايج تستعمليهم في الفرح نشالله، مي قوليلي هاذيك الخردة تاع 5 الاف منين فكرتيها ملقيتهاش

 

[SAMIRA25]

رد: رواق الاواني المنزلية حصري لرائدات اللمة الجزائرية

الله يبارك موعنات رائعيين تستعملوهم بالصحة و الهناء

 

[هــــيلدا]

رد: رواق الاواني المنزلية حصري لرائدات اللمة الجزائرية

جبتلكم شوي حوايج شريتهم اليوم،
سارفيس نتاع تاي،، علابالي راح يجيوني كادوات هكا، بصح عجبني نتاعي خير:-r:-r شريتو ب 130 الف

وهاذو شريتهم ب 120 الف كامل، راهم ملاح ميفسدوش، كي شفنا سومتهم حرنا،باسكو شريناهم من قبل غاليييين علا هكذا بصح شراتهم ختي وغسلتهم وخلاتهم وماكحالوش

وهاذو قصعة وبنتها :-r:-r وحدة للعجين ولوخرا صحن للأكلات التقليدية، ممم بركوكس سخون فيها،، الكبيرة ب 40 الف، والصغيرة ب 20 الف، ام رهام متحيريش في ليبري، راهي الحلانوت هاذي برك، لقيتهم غاليين علا هكذا في الحوانت لخرين

وهاذي بونبونيار، راهي كبيرة مبانتش كليح في لافوطو والله شريتها ب 20 الف هذا مكان، لقيتها ب 55 الف، ولوخرا نتاع المكسرات يجيو 3 مع بعضاهم ب 35 الف

مزالو بزااف حوايج شريتهم ومخبيين كي نحب نلم جهازي نصورهملكم، والشيء الجديد راني نحطو مباشرة

 

[ام ريهام]

رد: رواق الاواني المنزلية حصري لرائدات اللمة الجزائرية

ان شاء الله هيلدا راني بديت نقيسهالو قالي نهار لي يكون روبو تاع خدمة نروحو و ان شاء الله

 

[shahrazad]

رد: رواق الاواني المنزلية حصري لرائدات اللمة الجزائرية

الله يبارك يالبنات مواعنكم هايلييين تتهناو بيهم ان شاء الله​

 

[ام ريهام]

رد: رواق الاواني المنزلية حصري لرائدات اللمة الجزائرية

امممممممممممم يا هيلدا ماعنك شابين الله ابارك تتهناي بيهم ان شاء الله
قوليلي برك الحانوت وين جاي في باتنة نزدم عليه ما نخليلكم والو ههههههههه والله جابلي ربي هذا راه يصدق ماشي يبيع راه الرخا يدهش عندكم
هههههههههههههه بصحتك يا الحنونة

 

[هــــيلدا]

رد: رواق الاواني المنزلية حصري لرائدات اللمة الجزائرية

هههههه ام رهام ضحكتيني،، شوفي هاذ الحانوت مهيش بعيدة علا دارنا، كل أربعاء ولا ثلاثاء يجيب سلعة جديدة، انا كل اربعاء نروحلو، بصح لوكان تروحي الخميس تلقاي الحانوت تصفر،، حوايجو صحصح يصدق فيهم،
شوفي هو يخدم بلاكونتيتي، مثلا حانوت يجيب الطباسا بالجملة ب 10 الاف يبيعهم ب 15 الف، يبيع 10 في اليوم يربح غير 50 الف
بصح هذا يبيعهم مثلا ب 11 الف، صح يربح الف في كل طبسي بصح يبيع 100 وهكا يربح 100 الف يسما خير من الأول

 

[ام ريهام]

رد: رواق الاواني المنزلية حصري لرائدات اللمة الجزائرية

يسما هكذا نجي لباتنة بالثلاثاء ونبات والاربعاء صباح نبكر عندو هكذا ما يسبقني حتى واحد
ومنها نشوف زروال نتلقاه تلقيتو كي كان رئيس ومتمنية نزيد نتلقاه

 

[SaRa QuEeN]

رد: رواق الاواني المنزلية حصري لرائدات اللمة الجزائرية

الله يبارك البنات كلش فور تتهناو بيهم
مي اللي حيرتني لي بري في باتنة ملااح بزاااف والله
نروح نصور حويجات ونولي

 

[SaRa QuEeN]

رد: رواق الاواني المنزلية حصري لرائدات اللمة الجزائرية

هاذا شريناه عندو مدة تبانلي ب500 الف

وهاذا تاع التاي تاني عندو وقت والله ماني متفكرة قدقد مي يفوت 200

بالبلا تاعو

دوك نزيد نشوف اللي على طريق اليد نصورهملكم

 

[SaRa QuEeN]

رد: رواق الاواني المنزلية حصري لرائدات اللمة الجزائرية

والله ماني شافي ع ليبري مليح باسكو صاحب خويا يجيبلنا نشوفو ونحكمو عليه قداش من حاجة مبعد نسلكو

to be continued :d

 

[ام ريهام]

رد: رواق الاواني المنزلية حصري لرائدات اللمة الجزائرية

واوووووووووووو يا صارة مواعنك هايلين هندك ذوق هايل بصحتك وتستعمليهم في الهنا