( في بيتنا فأر ) مشاركتي في مسابقة أطرف موقف حصل لك

الحالة
مغلق ولا يسمح بالمزيد من الردود.

ندى الورود

:: عضو بارز ::
أحباب اللمة
إنضم
13 أوت 2008
المشاركات
5,789
نقاط التفاعل
7,197
النقاط
351
السلام عليكم

الحقيقة عمري ما شاركت في هذا الركن
وكي شفت الاخت ملينا طرحت المسابقة تشوقت باش نحكي على موقف صرالي ديما كي نتفكرو نضحك وحدي
الحقيقة حكاياتي مع الفيران بزاف وأطرفها هذا الموقف
مرة جاو عندنا خويا ومرتو واولادو 2 ضرك ولادو عندو 4 ماشاء الله
المهم في الليل تعشينا غسلنا الماعن احنا نتعشاو بكري المهم بعدها اخواني الذكور راحو يصلو صلاة العشاء في المسجد وبقينا احنا النسا في الدار انا و الوالدة ومرت خويا وولاد خويا الصغار الطفلة عمرها في هذاك الوقت 3 سنين والطفل عمرو سنتين
جيت رايحة نتوضا باش نصلي العشاء نشوف فار يجري في الكولوار هذاك الفار صغير خلاص
انا شفت الفار وبديت نعيط فار فار فار فار مفزوعة انا قلت فار وتنفجر الداار بالعياط
طوارئ مرت خويا تعيط ولاد خويا يبكو الدموع ويدان اول مرة يشوفو فار قدامهم يشوفوه غير في الرسوم انخلعو من هذاك المخلوق والوالدة لا علاقة ماعلبالهاش واش صاري راحت تصلي
مرت خويا هربت وخلات ولادها يبكو وانا كيفاش ندير انا نخاف من الفار بصح مرت خويا اكثر قريب وتغاشات الفار من العياط بزاف هرب للصالون كيفاش ندير تبرعت انا باش نقتلو رحت جريت جبت بالي ورحت زعما نخرجو من الصالون قريب تغاشيت جريت جريت جريت وبالسيف وين قدرت نخرجو من الصالون وبعد ما انقطع فيا النفس حكمتو في كوانة نضرب ونعيط خفت يزيد يصوطي ليا ويعضني
والله العظيم ما شتيتش نقتلو غاضني بصح الله غالب لازم نقتلو الفار فيه ميكروبات والخلايع تاعو اكثر كون بقى هذاك النهار في الدار واحد ما يزيد يرقد نباتو نعسو ا وانا اولهم وتوتة توتة خلصت الحدوثة
إن شاء الله ضحككم الموقف تاعي


 
رد: ( في بيتنا فأر ) مشاركتي في مسابقة أطرف موقف حصل لك

هههههههه قاتلة الفأرة الصغار هههههه

ايماجين كانت طوبا واش كنتي تديري

و تخايليه سمينة وااااااااع و انت بلبالي تضربي يااااااااااااااااع

رني نتخايل و الله قتلتيني بالضحك

من الكوزينة لنكت و دخول بقوة ههههه

موفقة ختيتي​
 
رد: ( في بيتنا فأر ) مشاركتي في مسابقة أطرف موقف حصل لك


حكاية الفار واش دارت هههه



حالياً الأعضاء النشيطين الذين يشاهدون هذا الموضوع : 6 (5 عضو و 1 ضيف)
mlina4algeria, ‏═♥° شجـ الروح ـون °♥═, ‏ملكًة الاحسآس,ندى الورود,mimi sinyorita
 
رد: ( في بيتنا فأر ) مشاركتي في مسابقة أطرف موقف حصل لك

السلام عليكم ورحمة الله تعالى وبركاته
ااااااااااااه يا الفار وما درت فينا هههه
سلامة راسك ندوشة اي الفاااار مصيييبة
فكرتيني في نهار خالي كمل بنا دارو جديدة
ورحت مع بناتوا نسيقوها
الخدامين خلاو شوية حوايج نتاع البنيان جيت نحركهم خرجوا منهم زوج فيران الواحد اكبر من خوه
نتفكر كمية عياط عيطتها هداك النهار 3 ايام وصوتي رايح بعدها ولاطونسيون هابطة
نشوف غير فخالي طايح فالكولوار ويضحك عليا اللي قاعدة ننط من بلاصة لبلاصة
يعطيك الصحة ندى عالموضوع الباهي
ان شاء الله ماعادش تشوفي فار في حياتك ههه
 
رد: ( في بيتنا فأر ) مشاركتي في مسابقة أطرف موقف حصل لك


حكاية الفار واش دارت هههه



حالياً الأعضاء النشيطين الذين يشاهدون هذا الموضوع : 6 (5 عضو و 1 ضيف)
mlina4algeria, ‏═♥° شجـ الروح ـون °♥═, ‏ملكًة الاحسآس,ندى الورود,mimi sinyorita


نقطة ضعف مشتركة فلفولة هههه :$
 
رد: ( في بيتنا فأر ) مشاركتي في مسابقة أطرف موقف حصل لك

وعليكم السلآآآم
هههههههههه والله يآلفآر يعني حتى جيتي تتغآشآي ماتغاشيتيش صح
ولآ مرت خوكـ الي خلآت ولآدهآ وهربت ههه
والله ضحكت ، موقف طريف صح
اممم وانآ فرحت كي شفت مشآركتكـ بويسك
مآنشوفكش بزآف برآآ المطبخ
هيا موفقة في المسآبقة


 
رد: ( في بيتنا فأر ) مشاركتي في مسابقة أطرف موقف حصل لك

هههههههه قاتلة الفأرة الصغار هههههه

ايماجين كانت طوبا واش كنتي تديري

و تخايليه سمينة وااااااااع و انت بلبالي تضربي يااااااااااااااااع

رني نتخايل و الله قتلتيني بالضحك

من الكوزينة لنكت و دخول بقوة ههههه

موفقة ختيتي​
ملا تخايلتيني سمينة او لمزية ماشي سمينة نقدر نجري وصيدتو كون وحدة سمينة ما يعولوش عليها خلاص في دارها يسكن الفار ويزيد يجيب اولادو واحفادو واش يخصو متكسل ساكن راقد وواكل باطل
 
رد: ( في بيتنا فأر ) مشاركتي في مسابقة أطرف موقف حصل لك


اممم وانآ فرحت كي شفت مشآركتكـ بويسك
مآنشوفكش بزآف برآآ المطبخ
هيا موفقة في المسآبقة





و هذا دليل انو المسابقة ديالي نجحت :yahoo01::yahoo01:

ياو شفت ثانيك عمي أب ليث يدور هنا زعمة هو ثانيك يشارك :d:scared01:

:p:p
 
رد: ( في بيتنا فأر ) مشاركتي في مسابقة أطرف موقف حصل لك

ملا تخايلتيني سمينة او لمزية ماشي سمينة نقدر نجري وصيدتو كون وحدة سمينة ما يعولوش عليها خلاص في دارها يسكن الفار ويزيد يجيب اولادو واحفادو واش يخصو متكسل ساكن راقد وواكل باطل



مفهمتينيش قلتلك تخايلي ذيك الطوبة كبيرة و سمينة قصدي ممات الفأر الصغيرون :d​
 
رد: ( في بيتنا فأر ) مشاركتي في مسابقة أطرف موقف حصل لك


و هذا دليل انو المسابقة ديالي نجحت :yahoo01::yahoo01:

ياو شفت ثانيك عمي أب ليث يدور هنا زعمة هو ثانيك يشارك :d:scared01:

:p:p

ههههههههههه مصيبة
الا شارك هو نشارك انا بعد:$:p
فضحتي العباد :-o:p
 
رد: ( في بيتنا فأر ) مشاركتي في مسابقة أطرف موقف حصل لك

السلام عليكم ورحمة الله تعالى وبركاته
ااااااااااااه يا الفار وما درت فينا هههه
سلامة راسك ندوشة اي الفاااار مصيييبة
فكرتيني في نهار خالي كمل بنا دارو جديدة
ورحت مع بناتوا نسيقوها
الخدامين خلاو شوية حوايج نتاع البنيان جيت نحركهم خرجوا منهم زوج فيران الواحد اكبر من خوه
نتفكر كمية عياط عيطتها هداك النهار 3 ايام وصوتي رايح بعدها ولاطونسيون هابطة
نشوف غير فخالي طايح فالكولوار ويضحك عليا اللي قاعدة ننط من بلاصة لبلاصة
يعطيك الصحة ندى عالموضوع الباهي
ان شاء الله ماعادش تشوفي فار في حياتك ههه

الله يسلمك حبيبتي شجون
سلامة صوتك او انا ثاني بلاك الجيران سمعوني نعيط كي المهبولة تقولي شفت وحش
قولتيلي ماعادت تشوفي فار في حياتك إن شاء الله والله كي نشوفهم تحكمني الرهبة
وعليكم السلآآآم
هههههههههه والله يآلفآر يعني حتى جيتي تتغآشآي ماتغاشيتيش صح
ولآ مرت خوكـ الي خلآت ولآدهآ وهربت ههه
والله ضحكت ، موقف طريف صح
اممم وانآ فرحت كي شفت مشآركتكـ بويسك
مآنشوفكش بزآف برآآ المطبخ
هيا موفقة في المسآبقة


او هذا فار اللي نسا كامل يديرولو حساب كيفاش ما نتغاشاش قلبي ولا يضرب 100 ما فوق على بيها ولا شايف روحو وما يخافش
موفقة حبيبتي انت ثاني


مفهمتينيش قلتلك تخايلي ذيك الطوبة كبيرة و سمينة قصدي ممات الفأر الصغيرون :d​
:scared01: الطوبة مامات الفار او نتغاشى صح
ماعليهش كي تفكرت صدمة الفار وليت ما نشوفش
 
رد: ( في بيتنا فأر ) مشاركتي في مسابقة أطرف موقف حصل لك

.................... :d .......................... :up:
 
رد: ( في بيتنا فأر ) مشاركتي في مسابقة أطرف موقف حصل لك

هههههههههههه مجرمة
مي راكي تشعتي وقتلتيه
 
رد: ( في بيتنا فأر ) مشاركتي في مسابقة أطرف موقف حصل لك

هههههههههههه الله يالفران الي خلعوك
انا منخافش منهم كاااااااااااااااااااااااااااااااااااااااااااااااااااامل
احوجي راكي كوراج وقتلتيه لوكان انا ندير كي مرت خوك نهرب من الدار حتى يجيو يحوسو عليا في جاك المرسول ومنعرف ادا نولي ههههههههههههههههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top