واش هد المهابيل المساخيط

[R@MA]

رد: واش هد المهابيل المساخيط

السلام عليكم ورحمة الله
كاين بزاف ناس ما يعرفوش النعمة حتان ربي يحرمهم منها لانو كاين ناس مشتاقين كلمة أبي على هاديك نلقاوهم يدعيو في ربي ليل مع النهار باش ربي يستجيب ليهم بلا ما يتشرطو المهم برك ما يتحرموش من الخلف وفي المقابل نلقاو ناس ربي رزقهم بعد الزواج مباشرة يتشرطو باش يكون ولد وماشي بنت كي شغل الولد راح يدخلو للجنة او انو هاذ الشي بيد المرا هذا واسمو الجهل ربي يسترنا من امثال هاذ الناس
​

اكيد هدا امر يحير
واحد مشتاق ولا خر ملاق
الله يهدينا
شكرا على المناقشة الطيبة
بارك الله فيك
​

 

[R@MA]

رد: واش هد المهابيل المساخيط

مسكينة هاد المرا ماعندها زهر لانها مزوجة براجل جاهل
الله يهديه ويرزقو العقل لي مزال ماعندو والمرا ربي يكون معها

امين
ويهدي الامة جمعاء
هدا المستوى لي وصلولوا
بعض متطورين نحو التخلف
مرس حنونة
​

السلام عليكم
الله يعافينا من هاذو الرجال
كون جا قاري وفاهم راه علابالو كيفاه يجي الطفل والطفلة
تالمون جاهل مايقدروش حتى يتجادلو معاه ويفهموه كيفاه يجي الطفل من نطفة لعلقة لـ.......
حتان يولي جنين
قال تعالى
وَاللَّهُ خَلَقَكُمْ مِنْ تُرَابٍ ثُمَّ مِنْ نُطْفَةٍ ثُمَّ جَعَلَكُمْ أَزْوَاجًا ۚوَمَا تَحْمِلُ مِنْ أُنْثَىٰ وَلَا تَضَعُ إِلَّا بِعِلْمِهِ وَمَا يُعَمَّرُ مِنْ مُعَمَّرٍ وَلَا يُنْقَصُ مِنْ عُمُرِهِ إِلَّا فِي كِتَابٍ إِنَّ ذَٰلِكَ عَلَى اللَّهِ يَسِيرٌ.
واش نقولو الله لا يبلينا وربي يرجعو لعقلو.

​

والله يا اختي تحيري
سيرتو لا لقيتي انسان قاري
بصح ناقصاتو الفهامة
وين رايح توصلي معاه اكيد
لطريق منغلق
الله يثبتنا على الدين
مرسي حنونة على المناقشة الطيبة

​

وعليكم لسلآآم
ربي يهديه ، والله حرت بآنتلي دركـ مكآنش الي يخمم هكدآ
جآني مازآلو عآيش فالجآهيلية الرآجل هدآ
سبحآن الله كآين الي راهم يحوسو على الي يقولهم بآبآ ومآيهمش طفلة ولآ طفل
وهدآ يعآرض فالقضآء والقدر كي شغل مرته حبت تجيب طفلة
لآ حول ولآ قوة الا بالله ، ربي يهديه ويهدي الرجآل الي مآزآلو يخممو كيفه
​

مرحبا بيك ختي
اكيد زمانا مايخلاش من عباد كيما هدوا
هدا طيح بربي سبحانو وعارضو ورتكب
اكبر معصية
الله يعافينا من ناس كيما هدوا
نطلبولهم الهدايا
بارك الله فيك
​

 

[R@MA]

رد: واش هد المهابيل المساخيط

هدا الراجل ميستاهلش حتى يكون اب وعلميا الرجل هو المسؤول عن ولد او بنت
تتميز بويضات المرأة باحتوائها دائما على الصبغة X فقط بعكس الرجل بحيث تحتوي نصف الحيوانات المنوية على الصبغة X والنصف الآخر على الصبغة، Y، وفي حالة التقاء البويضة X بالحيوان المنوي X كان المولود انثى اما اذا التقت بالحيوان المنوي Y ، كان المولود ذكرا.

واش نقولوا حتى العلم عجز على
ادخال المعلومة في راس
الطبل هدا الله يهديه
مرسي على المعلومة
​

أهلا بيك راما
يعطيك الصحة على الموضوع الباهي والواعي
بالصراحة للأسف كاين ناس والله الحيوان أفضل منهم بكثيييييير
والله لقب حيوان أرقى منهم
وهذ الأمور وطفلة وطفل بيد الله عز وجل والإنسان مايجهلش في مثل هذ الأمور
تاع الجاهلية بكري ألي مايحبوش الطفلة
يعني جهل في جهل
والإنسان هذا مليح يبتلاليه ربي مايجيبش لولاد خلاص باه يحس بالنعمة ..
​

اهلا خويا
مايحس بالجمرة غير لي كواتو
لوكان ربي حرمو تلقاه يحلل ويدعي
ليل مع نهار باه يشوف ظفر بيبي
لكن كي ربي كرمو هبل
وسب ربي سبحانو باللفظ وبالفعل
الله يهديه واش نقولوا
بارك الله فيك خويا
​

 

[R@MA]

رد: واش هد المهابيل المساخيط

هذآ المخلوق مآيستعرفش بالنعمة لي عآطيهآلو ربي سبحآنو

الله غآآلب جآآهل مآعندوش عقل يفكر ،

لآ حول ولآ قوة الا بالله ، مآلقيت وش نقول ​

لامش جهل بل قمة الجهل
الكفر بنعمة الله
ربي يهديه
مرسي ختي لعزيزة
​

راجلي ربي يخليهولي قالي كون غير تجيبي طفلة تكون حلوة كيفك وانا راح نموت على ولد ماشي لدرجة الجهل
لا لا وش عطانا ربي مرحبا بيه

عملت ليكو قاتلي ولد راح نطير من الفرحة وراجلي اوسي حمدولله لعقوبة ليكم

ربي يخليهولك ويحفظلك ضناك
ويخرج لدنيا بخير
وعلى خير
وربي يكرمك بصلحو وربحو
ان شاء الله
​

المراة نصف المجتمع وهي تربي النصف الاخر
الله يهديهم و يهدينا معاهم

امين
راكي تشوفي للجهل ياختي
كرمو ربي بنعمة الابوة
رفضها وهل يرفض شيئ من عند ربنا سبحان
الانسان يقبل الابتلاء فكيف
يرفض النعمة
الله يهدينا
مرسي على المناقشة الطيبة
​

 

[R@MA]

رد: واش هد المهابيل المساخيط

وعليكم السلام ورحمة الله تعالى وبركاته

في الوقت الي يتمنى فيه بعض الناس حتى قطة في الدار توانسهم
مازالت كاين عقليات ناس جاهلة لدرجة لا تتصور..والواقع كل خطرة
يبيننا خرجة من خرجات العقل البشري كي يتحول من صفة الانسانية
الى الصفات الحيوانية..بالنسبة للقصة الي حكيتيها قصة معبرة و مخجلة حقا
لأنو وصلنا لهذا الوقت و مازال تفكير بعض الرجال بهذه الطريقة اذا جاتوا بنت
في اعتباره انها عار او ستجلب له البلاء...فهم يحكمون على ما في البطون قبل
ان يخرجوا منها..هذا ما يسمى كفر بالنعمة الي منحه الله اياها..فعوض ان يحمد الله على نعمة الانجاب و يفرح كبقية الناس فهو يسب النعمة التي رزقه الله اياها في حين أن العديد من الناس يرجون الله ويتضرعون له بالدعاء ليل نهار ليرزقهم بالذرية ...الله يكون في عون هاته المرأة و كما سبق وذكرت فإن نفسية المرأة جد حساسة في هاته المواقف وكيف وهي التي سوف تتعب وتشقى وتسهر الليل وتتحمل الالم الكبير جراء ماتحمله في بطنها فما هوا ذنبها ؟...وهاته قصة من بين العديد من القصص..كمثال لي قريب هو الان كبير في السن كان دائما يقول في صغره حسب مايروى لي انه لو انجبت زوجته فتيات فسوف يفعل بهم كما كان يفعل بالبنات في الجاهلية يدفنون و هم أحياء فشائت مشيئة الله أن رزقه 6 بنات وولد واحد وبناته وبفضل الله كلهم الان طبيبات و اساتذة بقدر من العلم الوفير..على الواحد منا أن يحمد الله كثيرا عما يرزقه في الحياة
فالعديد من الاشياء التي نستاء من وجودها في حياتنا احيانا قد تجلب لنا اشياء جميلة بالمقابل ..قال تعالــى :
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

أشكرك على الإلتفاتة الطيبة لهذا الموضوع الحساس
بارك الله فيكـ...بالتوفيق لك
​

اهلا بيك خويا
كيما قلت الناس مشتاقة قط يقابلهم
وهو رفض بنت لم تتعدى 5اشهر
في بطن امها فما ذنب الاثنين
والله انا نظن التربية تلعب
ان كان طفل ولا طفلة قادر اثنين ينحرفوا
كيما قادر الاثنين ينضابطو
ويخرجوا صالحين وهدي بمبادرة الوالدين
شفت القصة لي ذكرتها انت اعتبر بنات نقمة اصبحوا له نعمة
الله يصلح جميع المسلمين والمسلمات ويبعدوا عليهم الافكار
لي تأذيهم وتفرقهم كشمل وكأسرة
بارك الله فيك خويا وزادك الله فضلا
مشكور على المناقشة الطيبة

:regards01:
​

 

[R@MA]

رد: واش هد المهابيل المساخيط

بارك الله فيك ..على الموضوع الهادف.

هو الرزاق .. سبحانه يرزق من يشاء بما يشاء ..

ولا دخل للمرأة في الامر ..

ولعلهم يبصرون ..

اهلا بيك خويا
اكيد كل شي بيد ربي سبحان
هو الرزاق
الله يهدي هدا الانسان
بارك الله فيك
على المداخلة الطيبة
:regards01:
​

ايه ياختي مزال الناس تخمم هكا يا سبحان الله

الي يقرا يقول رنا في عهد بكريييييييييييي

تخمام اخر زمان

الله يستر وربي يمدلها لعقل لهذي الي حكيتي عليها

والله يهدينا اجمعين

لا حول ولا قوة الى بالله​

مرحبا بيك
هدا جهل الانسان بما كفر
واستكبر الله يهديه
لان لو عندو ذرة عقل لما تفوه بحمق الكلام
مرسي على المناقشة الطيبة
​

 

[BHARIZIA]

رد: واش هد المهابيل المساخيط

الله يهدي ما خلق كاين اللي راه يحوس علي الذرية وما لقاهاش وهذا ربي رزقه وما رضاش باينة جاهل لان ااجنس من الرجل

 

[R@MA]

رد: واش هد المهابيل المساخيط

الله يهدي ما خلق كاين اللي راه يحوس علي الذرية وما لقاهاش وهذا ربي رزقه وما رضاش باينة جاهل لان ااجنس من الرجل

اهلين بيك ختي
بارك الله فيك ويسلمك فمك
الله يهديه
مرسي
:regards01:
​

 

[لصمتي حكاية]

رد: واش هد المهابيل المساخيط

ربي يهديه كون جا في عقلو مايدير هكا
دجا كامل علابالنا بلي الرجل هو المسؤول غلى هذ الشيي

 

[رونق الزهور]

رد: واش هد المهابيل المساخيط

واش نقول حسبها الله ونعم الوكيل