اولا مرسي على الموضوع
ثانيا راني قريت الردود واغلبها راهم ردود متفرجين فقط
اخيرا وصلت لردك غلاتي هههه
وكل الشكر لكـ ع تواجدكـ طبعا:$
الزواج هو سنة ووهو نصف الدين واكيد فيه الحلو والمر كيما اي حاجة في حياتنا ولو تشوفي اي شيء اخر كمقارنة برك خلينا نقولو الخدمة والا القراية الي تخدم تقولو يا ريتني كنت في الدار والي في الدار تقول يا ريتني كنت خدامة يعني احنا هاد من الطبيعة البشرية الي يكون عندنا نخلوه ونتمنو الي ما عندناش وهادو الي يقولو ما نتزوج ما نمرض روحي ماوالو برك ماشي حابين يتزوجو خاطر عندهم برك مشاريع اخرى وربما الزواج مشروع نهائي يسبق تحضيرات كبيرة اهمها انو الواحد يكون قادر على مسؤولياته
اكيد انو احنا بطبيعتنا نتخوفو من بعض الامور ونتمناو حاجات خلاف هذا شيء مفروغ منو مي من ناحية التخوف من الزواج رانا نشوفو عينات والله الراجل ينعل الزواج خلاص ويقول واش اداني:down:
اما راي البنات الي يقولو الزواج ضرك صعيب صعيب من ناحية وش يعني؟؟؟ من ناحية انو ما بقاش كاين امان في الرجال والا من ناحية انو من الصعب تلقاي راجل بالمواصفات الي تحبها فتقبل بالي يجي ومن بعد تولي تكره حياتها وتكرهلو حياتو
والا من ناحية انو حتى الاهل تاع ضرك ما ولاوش يحملو الكنة كيما قبل واحتويوها كيما بنتهم وحتى الكنة كي تدخل في وسطهم بنية اعتبارهم اهل تلقى منهم رفض ربما خاصة لو كان في هاد الدار مازال كاين بنات في الدار ويبدا الحسد مع قلة الرجال وتبدا الحرب والا انو الكنة اصلا تجي وهي معولة خاطر سمعت حكاية الجارة والا اختها والا فلانة مع دار حماتها فلازم توريلهم العين الحمرا وووو
هاذيك هو مربط الجمل
العروسة اتجي كيما نقولو لهنا محرشة ع دار راجلها تولي تقول هاذي بيتي خوك مانحبوش يدور باباك راهو ديما راقد يماك تعرف غير تتشرط ولوكان تشوفي حاجات رانا نسمعوهم ونشوفوهم والله نعذر الشباب لي اعزف ع الزواج بسبتهم
يعني الواحد يعترف علاش قليل وين اتصيبي العروسة اتشوف دار راجلها واماليه كلي اماليها علاش التخصيص ف المعاملة؟
المهم لو فركتنا على اسباب العزوف ماشي من خوف الرجال من تكسار الراس تاع المرا لخاطر هادي كاينة من زمن جدي وجداتك ولكن من ضيق القلوب الي ولى ضرك ومن الازمة الي عايشينها على كل المستويات والي ولى فيها العبد ما يحملش حتى خوه بالاك
حاجة اخرى جات في موضوعك وهو انو الواحدة كي تكون في دار باباها تخدم وكي تروح لدار العجوز ادار تتشكى الواحدة قبل الزواج ما في راسها والها ولا وراها لا اولاد ولا غيرو بعكس بعد الزواج والولادة وراها حتى قدرة المرا الصحية ما تبقاش هي نفسها وزيد المرا بشكل عام تحب تسمع على الاقل كلمة شكر على واش دارت وفي دار الحماة ممكن ما تسمعش هاد الكلمة خاطر كاين الي يحسابلو انو خدمة الكنة للحماة ما عليهاش كثر خيرك فشكوة المرا ماشي غير نوع من انها تقول راني درت قولولي اعطيك الصحة
لهنا نقولك عندك الحق مانجادلكش ف هذا الامر بذات الا كيما قلتي خدمت مي مالقاتش لي يقوللها صحا
مي الا كانت غير هي والعجوزة ف الدار يعني منين تستنى الشكر م يماها مثلا راهي كبيرة وياسيدي ادير فيها مزية كي تخدملها ع الاقل راهي ف مقام يماها ومايلزمش الام تشكر بنتها ع كل شي ولا راني غالطة
والزوج اكيد راهو يشكرها بمعرفتو لما يكونو لوحدهم ( هذا رايي الشخصي )
نقطة اخيرا الرجال راهم احوسو على لميس وسمر والنسا راهم احوسو على مهند وكريم وبالنهاية النساء والرجال نهار يتلاقو يلقاو دايم الله ومرطو وبالنتيجة تكثر المشاكل وما تفضش غير بالتنازل من كل منهم على احلام وردية رسمها بالامس وبمعاونة من اهل الطرفين