طريقة صنع العجين في المنزل لطفلك

الحالة
مغلق ولا يسمح بالمزيد من الردود.

ام منصف

:: عضو بارز ::
أحباب اللمة
إنضم
11 سبتمبر 2009
المشاركات
5,472
نقاط التفاعل
9,786
النقاط
351


do.php


من مدة شفت في النت طريقة صنع العجين
la pâte à modeler

وبما انو اولادي يحبوا يلعبوا بيه بصح السلعة الموجودة في اسواقنا ناقصة في النوعية وماهيش صحية قلت نخدمهالهم
وجبتلكم الطريقة تشوفوها سهلة وصحية

- كاس فرينة
- كاس ماء
-
1/2 كاس ملح
- 2 ملعقة زيت
- ملعقة خل او قارص

- ملونات غذائية احمر - اصفر - اخضر - ازرق ,,,,الخ
ممكن نعوضوا الملونات الغذائية بالوان مائية او ترابية -
gouache -

***
- حطي ال فرينة الملح الماء الزيت والخل في كاسرونة وخلطي بملعقة خشبية
- حطي الخليط على النار وحركي حتى تتشكل عندك عجينة ملساء وطرية
- نحيها واعجنيها بيدك شوية واقسميها كرات صغار ولوني حسب الحاجة
- احتفظي بيها في علب بلاستيكية في الثلاجة


do.php


do.php


do.php


في امان الله
 
آخر تعديل:
رد: طريقة صنع العجين في المنزل لطفلك

السلام عليكم ورحمة الله وبركاته
رااااااااااااائعة جدا يا طاطا ^^
عجبتني الفكرة وفالحقيقة توحشت نلعب بالعجينة ههههههه
نجربها و نعاود نرجع يامات كنت نخدم ماعن تاع الكوزينة بالعجينة قدرة و مغارفة و صحون و طابلة ههههههه
يعطيك الصحة على الطريقة​
 
رد: طريقة صنع العجين في المنزل لطفلك

يعطيك الصحة شريفة هذي عجينةصحية اذا لعبو بيها اطفالنا انا معتز احب ياكلها والعجينة الاصطناعية معلبلاناش واش فيها وبهذا نطمن عليهم كي نخليوهم مع العجين شكرا لكي على الفكرة الرائعة
 
رد: طريقة صنع العجين في المنزل لطفلك

yildiz
درتي كيما انا كي شفتها تمشي وحدها في يدي قعدت نلعب معاهم
اخدميها وحطيلنا نشوفوا واش شكلتي بيها
شكرا على المرور الطيب
 
رد: طريقة صنع العجين في المنزل لطفلك

نور الحبوبة
عليها خدمتو لانو صحي على الاقل على بالنا باش راهم يلعبوا اولادنا
اخدميه لمعتز وماتخافيش عليه
 
رد: طريقة صنع العجين في المنزل لطفلك

يعطيك الصحة اختي شريفة وصفة مليحة على الاقل ويدا حكمهم الفضول او كلاوها مايصرالهم والو​
 
رد: طريقة صنع العجين في المنزل لطفلك

والله غير تسلم ايدك يا شريفة مواضيع هايلة انا انريس تموت على العجينة ومنين نشريهالها تفسدها وانت راكي خدمتيلو خير ربي معندو ما يفسد
والله راكي حليتيلي ازمت العجينة ربي يحللك كل ماهو عالق من امورك
بارك الله فيك و باركلك في اولادك
ميرسي يا زهرة المنتدى
مواضيعك دايما منورة كيما انت
 
رد: طريقة صنع العجين في المنزل لطفلك

هااااايلة شرييفة كيما لي دارتها خيرة لزاكو
نوعدك نطبقها ونحطلك التطبيق وابداعات ندوش هههه تظل تخدم في القاطو بالعجين المدرسي
 
رد: طريقة صنع العجين في المنزل لطفلك

nassima 87
هذيك اللي رانا نهربوا منها يا نسيمة عليها خدمتهالهم حتى اذا غلط منصف وكلاها ماتضروش
 
رد: طريقة صنع العجين في المنزل لطفلك

انريس
امالا اخدميهالها وادعيلي
الخدمة بيها حلوة خير من المشرية
شكرا لك على المرور يا حلوة المنتدى
شكرا لكلامك الحلو هذا من ذوقك حبيبتي
 
رد: طريقة صنع العجين في المنزل لطفلك

nada242008
راكي تشوفي يا عفوف عدينا اولادنا بالطياب والكوزينة هههههههه
الصورة اللي حطيتها راهي تعبر
اول حاجة خدمتها ندى هي ماكلة
ومنصف يموت على بن تن قاعد يبكي اخدميلي بن تن
بانتظار تطبيقك للوصفة
وابداعات ندوشة الزينة
شكرا للمرور
 
رد: طريقة صنع العجين في المنزل لطفلك

يعطيك الصحه علي الوصفه


ان شاءالله نجربها للاولاد
 
رد: طريقة صنع العجين في المنزل لطفلك

ايييييييييه يعطيك الصحة هكذا لما يلعبو بها الاولاد تكون امنة
ربي يعيشلك اولادك
 
رد: طريقة صنع العجين في المنزل لطفلك

صح شريفة تاع برا ماعرفناش واش فيها
طريقة سهلة انشاءالله نجربها لولدي كي يكبر
ياعمري على منصف وندى كبرو مشاءالله ربي يحفظهم
مشكورة شريفة

 
رد: طريقة صنع العجين في المنزل لطفلك

شكرا لك أختي الكريمة أبناي يحبون كثيراً اللعب بالعجين خاصة عندما أكون أعجن العجينة للأكل لاكن لا إبني الأول عمره 4سنوات لا أعطيه العجينة التي نشتريها لأن أخوه الأصغر يأكلها وأنا لا أعلم مما صنعت فحرمتهم منه ولكن الآن عندما علمت بهذه العجينة المصنوعة في البيت سأصنعها لهم وألف ألف شكر لك أختي أم منصف وجزاك الله كل خير
 
رد: طريقة صنع العجين في المنزل لطفلك

صحيتي شريفة والله هايلة
نخدمها لحنين وادم ونخليهم يكعبرو
 
رد: طريقة صنع العجين في المنزل لطفلك

السلام عليكم

هذي فكرة ههههههههههههه يعطيك الصحة يا شوشو

عجبني الموضوع بزاااف حصري ومفيييييد يعطيك الصحة

تحياتي للامامير ندى ومنصف ^_^

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top