الكريمات

labed93

:: عضو مُشارك ::
إنضم
20 ماي 2011
المشاركات
202
نقاط التفاعل
285
النقاط
13
السلام عليكم
ممكن طريقة عمل كريمات لكن تكون ما تدروش القلب؟؟؟؟؟:s:s:regards01::regards01:
 
رد: الكريمات

svp up
 
رد: الكريمات

اي كريمات تقصدي
يعني في واش حابة تستعمليها
على الله نقدر نساعدك
 
رد: الكريمات

في تزيين الباتيسري
 
رد: الكريمات

مافهمتش الكلمة التالية
ما تدروش القلب
لتزيين الباتيسري كاين كريمة الشاتيي كريمة الزبدة لكرام باتيسيار ..... الخ
ياريت توضحي سؤالك اكثر وتحددي ادا ركي حابة كريمة للتزيين الخارجي ولا للحشو

 
مافهمتش الكلمة التالية
ما تدروش القلب
لتزيين الباتيسري كاين كريمة الشاتيي كريمة الزبدة لكرام باتيسيار ..... الخ
ياريت توضحي سؤالك اكثر وتحددي ادا ركي حابة كريمة للتزيين الخارجي ولا للحشو


قصدي كتاكليها ما تشيعيهاش
ما تدورش القلب راني غلطت فالكتيبة
 
اختي كاينة لا كريم شانتيي اغلب الطورطات تاع الوقت هذا يديروهم بها هي خفيفة
وتقدري ديري لا كريم باتيسيير خفيفة وكي تحبي تدوريها كريم موسليين تزيدلها الزبدة بصح كمية قليلة ماشي بزاف وهي ثاني تجي خفيفة هاذي يستعملوها الاكثرية في لي تارت وتارتولات
اما كريمة الزبدة راهي ثقيلة وانا ما نحبهاش كيما قلتي يوجع القلب منها
الا تحبي طرق تحضيرها نكتبهملك
 
مذابيك اختي ندى الوروود فضلا لا امرا
 
تفضلي أختي
رايحة نمدلك طريقة تحضير
كريمة الشانتيي
المقادير :
100 غ شانتيي غيرة
كاس حليب أو ماء تاع 200 ملل
2 ملاعق كبيرة سكر قلاصي
فانيليا

التحضير :
اولا قبل البدأ في التحضير ضعي كوب الحليب يبرد في المجمد يعني لازم يكون بارد جدا جدا
حطيه حتى تتكون طبقة جليدية من فوق لكن من دون ما يجمد الحليب
ثانيا فبل ما تبداي بربع ساعة حطي الاناء اللي رايحة تخفقي فيه الكريمة مع المضرببين الحديدين تاع الباطير في المجمد
بعدها اجبدي الاناء والمضرببين حطيه غبرة الشانتيي مع السكر والحليب البارد والفانيليا واخفقي حتى تتكثف
سر نجاح هذه الكريمة هو برودة الحليب او الماء
تبعي الخطوات وبإذن الله تنجحي فيها

********************************************


كريم باتيسسير :
2 كيسان كبار حليب
100 غ سكر عادي
4 صفار بيض
60 غ نشاء
1 كيس فانيليا
أولا في كسرونة على النار نضع الحليب حتى يغلي
في صحن آخر حطي حطي صفار البيض + النشاء + الفانيليا + السكر ونضرب مليح بمضرب يدوي سلكي
بعدها نسكب الحليب بالتدريج على خليط البيض والنشا مع السرعة في الخلط باش ما يطيبش البيض
نعيد الخليط إلى لكسرونة ونضعها على نار هادئة مع الخلط المستمر بالمضرب اليدوي
حتى يتكثف الخليط نفرغوها في صحن ونغطوها بنيلون غذائي بحيث يلامس النيلون الكريمة كي لا تتشكل قطرات من الماء
وندخلها للثلاجة تبرد وعند الاستعمال نعاودو نخفقوها مليح لهذه الخطوة تتتعتبر كريم باتسيير
لكن إذا حبيتي تدوريها كريم موسليين بعد ما تبرد الكرريمة نجبدها ونضيفلها حوالي 50غ إلى 75 غ زبدة طرية ونخفقها مليح مليح وهنا تصبح كريمة الموسليين جاهزة للاستعمال

********************
بالنسبة لكريمة الزبدة فيها خطوات
هي تجي فيها البيض مع تحضير سيرو ولازم التقيد بدرجة حرارة السيرو
انا الوصفة عندي بصح الحقيقة عمري لا جربتها انا ندير كريمة عادية اللي فيها الزبدة + سكر وننكها بالكاكاو او القهوة

 
  • أعجبني
التفاعلات: souss
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top