صداقة ثم حب ثم عشق ثم يجي واحد يخدم في سونطراك يديها

βïģ βôşş

:: عضو بارز ::
أحباب اللمة
إنضم
18 جوان 2010
المشاركات
5,138
نقاط التفاعل
1,620
النقاط
351
سلاام عليكم كيف حاالكم صافا ان شاااء الله بخير عليكم
اي شخص في هاد الدنيا يتمنى يتلاقى بشخص وفي ويحبو ويكون مخلص ليه وحدو
يتلاقاو يتصادقو مباع يحبو بعداهم ويعشقو في بعداهم ويبداو يوعدو كل واحد حسب قدرتو وخوفو ولحسابات الي حطهم
امالا تتلاقا بوحدة تنوي لحلال تقلها نجيك للدار تقلك لالا خلي ساعة نعرف عقليتك ايا راهي عرفت عقليتك مباعد تحبك ومبااعد تعشقك وفي الاخير يجي واحد يخدم في سونطراك ولا لونافور يديها ونت المغبوون راح تحرث صباح وعشية باه تقصد دار باباها
ولا تلقااالك سبة تاااااااااافهة جدا على جال ايبيزا ولا كاش قرفوفة كيما نقولو حنا
وفيت وفي اللخر مالقيت عفست على كرامتي وماتجزيت غير بكلمات مبروك عليها الزواج ومبروك عليا العذاب صاحبي حكالي هاد الشيء كاامل
وعرفت بلي الي ينوي الخير وينوي لحلال ماعنوش بلاصة في قاموس اغلب بنات اليوم حااااش من رحم ربي انا تاني حبيت وعشقت بالصح راحت الله غالب ربي يهنيها
بالصح نزيد نسمع وحدة تحكي على الوفااااء مانعرف واش ندير
 
رد: صداقة ثم حب ثم عشق ثم يجي واحد يخدم في سونطراك يديها

تم الاعتماد
 
رد: صداقة ثم حب ثم عشق ثم يجي واحد يخدم في سونطراك يديها

كاين هكا وكاين لي يبقى يوعد شي بنت دابا نجي نخطبك قريب وقريب وفريب وهي ترفض خطاب اخرين على اجلو وفي اخير مشى وخلاها وخطب بنت تانية اشنو تقول في هادي

احنا نقولو حتى واحد ملقها كيف بغاها

وفي الاخير كولشي بالمكاتيب والزواج حتى هو الى كتاب لك شخص معين مايقدر حد يديه او يفرقكم والمكتاب مامنو هروب
 
رد: صداقة ثم حب ثم عشق ثم يجي واحد يخدم في سونطراك يديها

نقولك حاجة خويا علاه حنا كي نديرو النية ونكونو فيدال تحبو تلعبو بينا وتقولها لاه ما تخرجيش معايا ولاه ما تهدريش معايا على 10 نتاع الليل ماعناتها متحبينيش ومكيش مدايرا فيا الثيقة ومن بعد كي تهدر معاه وتقولو وكتاه جي تخطب يدير 1000 نسبة ومن بعد يسلم على راس يماه ويقولها ما حبيت نتزوج لاتعرفي وحدة بنت حلال. انا تمنيت لوكان يجيني واحد يعرف عليا كلش في يوم ولي بعدو يجي يخطب سامحني بسح لي تمشي بالنية تحتقروها هدا رايي بلا زعاف
 
رد: صداقة ثم حب ثم عشق ثم يجي واحد يخدم في سونطراك يديها

اسمعي راني نهدر على شيء صراا صحاابي
ويدا تبغي نبداو نحسبو في الشي الي ديروه ماكان حتى مشكل
لاني عندي تجااارب وعندي شهووور وموااقف كنت شااهد عليها بالالااف
 
رد: صداقة ثم حب ثم عشق ثم يجي واحد يخدم في سونطراك يديها

ساخبرك بشيء اخي
اذا كنت تظن و لو للحظة ان الفتاة اللي تظال تدور معاك في الزقاق...........الفتاة اللي خانت ربها ..........خانت دينها ...........خانت عايلتها اللي حفرت الحجر باش تربيها ..............وانت ماتخونكش ......اسمحلي راك عايش في الاحلام و راك بعيد جدا عن الواقع .......افيقوا
الشي الحرام يروح في الحرام .....نقولهالكم من قلبي تستاهلوا
 
آخر تعديل:
رد: صداقة ثم حب ثم عشق ثم يجي واحد يخدم في سونطراك يديها

قوتلي اسمعي وانا سمعت مليح وانا نقلك افهمني مليح بنات لحلال بزاف بسح نتوما تحبو لي تعبكم ومن بعد تقولو خاينا انا كون جيت في بلاصت صاحبك لي تقولي نشوف عقليتك قبل نقولها بسلامة ريحي عند والديك. صاحبك هو لي غالط
 
رد: صداقة ثم حب ثم عشق ثم يجي واحد يخدم في سونطراك يديها

سلام عليكم ورحمة الله


هي نورمالمون مكانش تاع تعرفو عقلية بعضاكم ومن بعد تتخطبو
نورمالمون ديركت عند والديها الى عجباتلك ...
ياو انا واحد نعودارتلو سبة بلي تكمل قرايتها هو بيان سير ماقبلش لأنو صايي راح يزوج
فسخو خطوبتهم وراها متزوجة بوحدوخر وربي يصلح الحال
5 سنين وهوما مخطوبين ماشي يمشيو مع بعضاهم
سنوات مايقفولها غير الفم .


ياو تجيك لي كاتبتلك غي مكلاه تكسر راسك ..
وصلو الميساج اتاعنــا ....
وشكراا
 
رد: صداقة ثم حب ثم عشق ثم يجي واحد يخدم في سونطراك يديها

سلام عليكم ورحمة الله


هي نورمالمون مكانش تاع تعرفو عقلية بعضاكم ومن بعد تتخطبو
نورمالمون ديركت عند والديها الى عجباتلك ...
ياو انا واحد نعودارتلو سبة بلي تكمل قرايتها هو بيان سير ماقبلش لأنو صايي راح يزوج
فسخو خطوبتهم وراها متزوجة بوحدوخر وربي يصلح الحال
5 سنين وهوما مخطوبين ماشي يمشيو مع بعضاهم
سنوات مايقفولها غير الفم .


ياو تجيك لي كاتبتلك غي مكلاه تكسر راسك ..
وصلو الميساج اتاعنــا ....
وشكراا
كفيت و و فيت اخي و نعم الجواب :up:
استغرب من اللذين يحبوا يطولوا الطريق :down: ثم المشاكل.......... و خاينة و خاين :mad:
ما جو العشق الممنوع اللي راهم عايشين فيه ؟؟؟؟؟؟:s
 
رد: صداقة ثم حب ثم عشق ثم يجي واحد يخدم في سونطراك يديها

سلاااام خويا
صح عندك الحق نعرف خرين بالعقلية هادي يحبو لحديدة كيما نقولو والدراهم و...ووو المهم يحوسو على الماااااااااادة
حابا نقلهم السعادة ماتتشرااااش بالمال جااااااامي
ربي يهدينا كااااااااامل
تقبل مروري اخي
 
رد: صداقة ثم حب ثم عشق ثم يجي واحد يخدم في سونطراك يديها

اييييييييييييييييه انا نحكي في بر وهوما راحولي للجو وزادو البحر
انا قلت بلي السيد قال للطفلة نويتك للحلال ايا هي حابة تتعرف
كل واد وحجارو الهدرة قليلة والحديث قياااس
الرجاال كاين فيهم وعليهم وماننساوش لبنات تاني
بالصح الي تغيظ انو الواحد يروووح يهمل على جال وحدة ويلم في التاويل تاعو دورو بدورو وهي فاللخر تخليه علاباالي بالي الرجاال تاني كاين الي يخوون ويتمسخر بالطفلة وعلى اللخر يخليها انا ماهدرتش هاد الهدرة باه نتقابظو انا هدرت هك باه اي شخص غالط يدير حساابو قبل ويشوووف بعينيه ويخمم بعقلو ماشي بقلبو
وربي يهدي ماخلق
 
رد: صداقة ثم حب ثم عشق ثم يجي واحد يخدم في سونطراك يديها

ربي يهدي
 
رد: صداقة ثم حب ثم عشق ثم يجي واحد يخدم في سونطراك يديها

ربي يهدينا ويهدي كل المسلمين ان شاء الله

قولو آآآآآآآآمين​
 
رد: صداقة ثم حب ثم عشق ثم يجي واحد يخدم في سونطراك يديها

السلام عليكم

ياخويا ربي يعاونك ويصبرك ويجازيك

وانوي لحلال ماتخافش كاين ربي

كيما قالو ناس بكر: مول النية يربح

ويكون في علمك الدنيا دوارة يوم عليك ويم ليك

اربح صحتك كلش يفنى

و ما يدوم غير الله سبحانوا
 
رد: صداقة ثم حب ثم عشق ثم يجي واحد يخدم في سونطراك يديها

الكاليتي هذي قوللهم ياو بيع احنا مانتاجروش يا و بيع احنا مانشروش

ياك سترك ربي منها احمدو واشكرو
قصتك ماهيش لولة وماشي لخرة ضرك من باعد ترجع للبوزة وحدها ..
 
رد: صداقة ثم حب ثم عشق ثم يجي واحد يخدم في سونطراك يديها

السسلآم عليكم ^^
وي خويآ فهمتكـ ، هذآ صآحبك كآن رآجل و قليل لي كيفو هآذ الوقت
مي الله غآلب سي فري تغيضوو بزآآآآف بآسكو نوآ لحلآل و تعب و جرآآ
بصح هذآ مكتوب ربي بآلآك خيرهآ في غيرهآ مآ تدري
ربي مخبيلو مرآ و بنت حلآل خير عليهآ ^^
ربي يهنيه و يهنيك و يهني كل وآحد مآشي بالنية ،
^^
 
رد: صداقة ثم حب ثم عشق ثم يجي واحد يخدم في سونطراك يديها

السلام عليكم علاه الشباب والبنات راهي تتعذب في هاد الزمان هي تقولك جرحني ومبع خلاني وهو نفس الشيء المشكل لانا بعدنا على طريق ربي سبحانو اللي قال بلي الحب يجي بعد الزواج ايه بعد الزواج
الناس درك راهي تشوف في الزواج حبني وحبيتو ومبعد عرس كورتاج شهر العسل ومبعد يبداو المشاكل. هي تقول انت تبدلت عليا مكنتش هاكدا وهو يقول علاش راكي بديتي تخرجي رجليك من العش ومبعد واش of course الطلاق.
الزواج ميثاق غليظ ولازم الواحد قبل ميزوج يخير بنت الحلال اللي تديرلو الدار والاولاد وتهنيه في دارو يدخل عيان من الخدمة يلقاها المراة اللي تخفف عليه وتونسو تصبر تكون معاه كي يكون لاباس عليه وتصبر معاه كي تطيح بيه ( ماشي تخير عليه ولد سوناطراك) ياو معندك متدير بيها حبك ربي حوس مازالو بنات الحلال في هاد الدنيا اللي ان شاء الله ربي يرزقك بوحدة منهم ليك ولجميع الشباب في هاد المنتدى سلام ام مجيب الرحمان
 
رد: صداقة ثم حب ثم عشق ثم يجي واحد يخدم في سونطراك يديها

اهلين بخويا نعيم ولا خير الدين خير ههه شوف خويا هاذي الظاهرة علاش تصرى بكثرة باسكو احنا نحبو الحرام كثر ملي نتعلقو بالحلال
مثلا صح عجباتك ووو . . . علاش ماغتنمتش الفرصة لي كانت بين يديك
وكيما نعرفو الطفلة اتبع ولي الامر ديالها اتسمى الا لقى باباها بلي الشخص لي تقدملها يستحقها اكيد راح يوافق ولهنا ماعندها حتى ذنب لانو تحس بلي لوكان ترفض شخص يحبها ع جال شخص تحبو وممكن يجي وقت يبدلها اتجيها بيزاغ شوي وماتتقبلهاش اي بنت عاقلة
راني نهدر بالمنطق خويا يعني رانا نسمعو بزاف فلانة رفضت فلان وفلان وعلان انتظارا لفارس احلامها وف الاخير خير هو فرس آخر ليكمل معها سباق الحياة
لهنا ليست المادة من تطغى ع النفوس بل هو العقل من يتحكم ع القلب

سلامي
 
رد: صداقة ثم حب ثم عشق ثم يجي واحد يخدم في سونطراك يديها

كلنا هكذا خويا ربي يجيب الخير
 
رد: صداقة ثم حب ثم عشق ثم يجي واحد يخدم في سونطراك يديها

بالاك كانت خيرا ليه نورمالمو يحمد ربي
كي ماكانتش من مكتوبو بانت من لول خير من ممبعد ....ان شاء الله مره اخرى كي ينوي الحلال يقصد لباب دارهم خير
ربي يهدينا ويهدي الجميع يااااااااااااااااااااااااااب


 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top