راسي حبس اليوم

[hopeful girl]

السلام عليكم

أنا اليوم راسي حبس.دوك نقوللكم وعلاش .
اليوم عيد ميلاد لااول تع وليدي مالا قلت ندير قهوة لدار زوجي ونعرض ولاد الجيران..فاتت هايلة بصح الحاجة اللي حبستلي راسي هي خواتات زوجي هوما ثلاثة .الحاجة اللي يشوفوها يتغامزوا عليها لأنهم ميجونيش بزاف وملي جاو وهوما يفتشولي في داري مخلاو والو والله حرت كيفاش ندير معاهم ..أنا منحبش هذي العقلية وانا مفياش هذا الشي ..قولولي كيفاش نتصرف ؟؟؟
​

 

[رنيم الصمت]

رد: راسي حبس اليوم

لي عودة ان شالله

 

[ضيوف وسـنغادر]

رد: راسي حبس اليوم

نقولك اختي مادام مايجوش دايما رفعي عينك عليهم

واختي هادي هي خدمة كل وحدة فيهم غير التقرقيش (ماش الكل)

انت حافظي على رزانتك وزيدي اقتليهم بلطفك حتى يذوبوا

عامليهم باسلوبك فقط لا تنظري الى افعالهم وماتزيدلهمش قيمة حتى يحسبو روحهم حاجة
وربي يهديهم

​

 

[أم عبد الله]

رد: راسي حبس اليوم

مبروكـ للببون ديـآلنـآ مي حنونتي انـآ ماكـٌنتش نغمز انا قلتلهـآ شوفي واش زادت ف الدار باش كي نخرجو ونقصرو ع هاذي القعدة و ذآكـ السرفيس الشبـآب ماتقوليش ماشفتوش هههههههه ولا ع ذيكـ التابي الغالي حبيتـ نعرف شحال شريتيه وبينـآتنـآ هذا وين عرفتـ الشهرية اديال خويا وين راحت :d
:p:p:p:p
ايه ياختي علاش تتقلقي راكي تقولي عندهم مدة مادخلوش لداركـ وجاتهم لوكـآزيو خليهم يغتـآنموها مليح وماشي دايما الغمزات تعني ماعجبتهمش الحالة اكيد عجبتهم وكانو يسجلو بركـ من منطلق ( شفتي شفتي هذا الباغوغ لي دارتو زعما شحال ولا ذيكـ الروييبة الزينه منين لقاتها:-r) يعني ماتتحيري مايحبس راسك هاذي امور عادية موالفة نسمع بيهم صح مي جامي شفتهم باسكو ماعنديش عماتي :d
ايا حبوبتي نقولك جـُمعة مباركة :-h
سلامي ​

 

[angel]

رد: راسي حبس اليوم

ماعليش ساعفيهم برك معندكش حل اخر

ربي يخليلك وليدك

​

 

[nanoche]

رد: راسي حبس اليوم

السلام عليكم و رحمة الله
في الاول انا نقول الحمد لله ما عندبش لواساتي في الجزائر والا كانو حيسولي راسي انا تانيت ههههههه
نضحك معاك برك اختي بعيد الشر عليك
انا جابلي ربي انت تحسستي منهم برك كيما قلتي انو عندهم بزاف ما جاوكش ربما لقاو الدار تبدلت بزاف وهوما ما على بالهمش بليك عملتي تغييرات سواء من ناحية القش او الديكور او حتى الطلاء
وعلى العموم اذا كانو متزوجات بالاك غارو من بيتك اذا كان خير من بيوتهم واذا كانو عاتقات فيااااويلك من حك الحاجب بعد ما يروحو و يتلماو في دارهم عليهم و على المنشار
مي نقولك اختي ما دمتي اعملتي باصلك و عرضتيهم و قمتي بواجبك علاش راكي تعمري في راسك بغمزاتهم خليهم يعملو واش يحبو​

 

[anoucha anoucha]

رد: راسي حبس اليوم

السلام عليكم يا أختي
ربي يخليلك وليدك
حنونة هذي حاجة عادي و مادامهم مش ديمة عندك ما تعمريش راسك بيهم psq
مش الغمازات غير اذا ماعجبهم الحال قادرين يكونو حارو من الأشياء الجميلة اللي شافوها
المهم حاولي تبقاي رزينة و ثقيلة و ربي يهديهم
أأأأأأأأأأمين
تحياتي
​

 

[hopeful girl]

رد: راسي حبس اليوم

اولا نشكركم علي ردودكم الجميلة .وثانيا انا الشي اللي قلقني هوالفتش في الغرفة نتاعي درج بدرج معليهش الواحد يشوف بعينيه رانا كامل نسا ونحبو نشوفو ونعلقووربي يهدينا انشا الله

 

[رنيم الصمت]

رد: راسي حبس اليوم

هااااني عدت يا صديقتي
انا ثاني نكره هاذ العقلية المتوفرة في اغلب البيوت الله يحفظنا
انا كي تصرالي عفسة هاك نسكت و نضرب النح مرة زوج معليش و اذا فاتو الحد نغلق غرفتي بالمفتاح .. هاذي غرفتي الشخصية و منحب حتى واحد يدخلها الا باذني و لي معجبوش يضرب راسو في الحيط
و خاصة انو وقت ميتامنش منعرف السرقة السحور كل هاذ الامور متوقعه .. قلك متن باب دارك ولا تخون جارك .. علاه حتان نلحق للشك و حرق الاعصاب و قطع صلة الرحم
اما الامور لخرة التقرعيج الغميز .. الخ متعمريش راسك لو كان مشافاكش خير منهم ماتاكلهم قلوبهم لهاذ الدرجه .. انت وش راحلك فيهم خليهم يتفشو المساكن ... المهم متبينيلهمش .. حاولي ما يشدو عليك حتى حاجه مش مليحه خللي بلاصتك ديما مليحة عند اهل راجلك و المرا لازم تصبر و تتحمل باش تكون زوجه ربة بيت مثالية وللا واش؟
و من غيرها هاهو المنتدى و احنا ليك تفشي فينا كيما حبيتي يا ختي​

 

[JAWHARA25]

رد: راسي حبس اليوم

Mabrouk 3la bnek wla3kouba l100sna ya reb , madiri walou fi balek , ykhi hna nsa nhabou nkar3jou m3a lhwayij ta3 dar , hhhh tbi3a wach thabi , tkouni 3jebtihom fi lebstek w tandhimek lidar kabri 3aklek wnsay w3ichi hyatek

 

[JAWHARA25]

رد: راسي حبس اليوم

اولا نشكركم علي ردودكم الجميلة .وثانيا انا الشي اللي قلقني هوالفتش في الغرفة نتاعي درج بدرج معليهش الواحد يشوف بعينيه رانا كامل نسا ونحبو نشوفو ونعلقووربي يهدينا انشا الله

Ahhhhhh sah khti fi hadi 3endek lhak wahda matheb yfatchoulha fi bitha lachta mafiha walou , lmara ljaya sekriha belmeftah ,, ki yabou yfhamou , gal lmeftah wm3a rajli nsa dah m3ah hhh khedmi 3aklek chwiya ana biti wladi wma nkhilihomch ydkhlou liha ,,