مادا ستطبخين سيدتي انستي '' الجزء 47 ''

[ام ايناس]

رد: مادا ستطبخين سيدتي انستي '' الجزء 47 ''

الله يسلمك زينب ماعليش المهم تبردي قرجومتك هههه والمرة الجاية نشوفوه من يديك
سماح مبروك مازاد عندك
​

 

[somo_81]

رد: مادا ستطبخين سيدتي انستي '' الجزء 47 ''

مساء الخير عليكم بصحتك زينوبة فيف الخفيف انا درت طعام بصح في الليل اكيد خفيف في خفيف السخانة تقتل زدمت ضربة وحدة موجدتناش ههههههه
البنات لي تعرف تصغر الصور من تابلات تعيش توريلي كيفاه معرفتش باش نحط الحمضان لي عندي و امبعد نروحو للجديد
سلامي لكل رائدات المطبخ توحشتكم و توحشت مبدا عاند و متحسدش واش كاش حملة راهي دور باش انا تاني ندير كيفكم هههههه
دلول بصحتك حنونة البربوشة

 

[somo_81]

رد: مادا ستطبخين سيدتي انستي '' الجزء 47 ''

نسيت نبارك لسماح مبروك مازاد عندك واش راكي ريحتي شوية

 

[أم رزق الله]

رد: مادا ستطبخين سيدتي انستي '' الجزء 47 ''

سهام راكي لتحت واش راكي حنونة و واش راهم لبنات

سماح مبروك ما زاد عندك تربيها بالصحة و لهنا ان شاء الله

راكم كامل تحكو على لميناج انا لكوزينة راهي نقية عندي 20 يوم ملي غسلتها الوغ نعاودلها رغوة و مسحة خفيفة و لفريجيدار و لكويزينياغ كيف كيف و لبيوت نغسل لحيوط في يومين نكملهم ان شاء الله داري صغيرة ما تعبش بزاف قلت هاد السمانة نبدا فلحيوط اومبعد يبقا غير لخفيف نغسل ليستور و و الزرابا و فرات علابالي مع رزق الله يعاوني يد بيد هههه الله يجعل لخير

 

[nawal1980]

رد: مادا ستطبخين سيدتي انستي '' الجزء 47 ''

ام رزق الله جربي ايس كريم الفلان روعةة وزيد زاكي ماشاء الله
مبروك مازاد عندك سمااح تتربى في عزكم

 

[أم رزق الله]

رد: مادا ستطبخين سيدتي انستي '' الجزء 47 ''

سهام شفتي السخانة لي زدمت ليوم حتى حكمتلي على لعومان خسارة ما عنديش لابينوار قلت نعمر بسينة و ندخل فيها كيما بكري كي كنا صغار هههه و بصحتك الطعيمة

 

[أم رزق الله]

رد: مادا ستطبخين سيدتي انستي '' الجزء 47 ''

نوال صحيتي اختي دوك نروح نحوس في عمي غوغل

 

[somo_81]

رد: مادا ستطبخين سيدتي انستي '' الجزء 47 ''

الله يسلمك زينوبة وواش راه رزقو ريح شوية
السخانة تاع الصح انا شعلت لاكليم مقدرناش مايا مسكينة راهي مهيقلة مقدرتش نعريها خفت عليها و زيد محبتش تشرب الما في البيبرون معرفتش واش نديرلها

 

[أم علاء الدين]

رد: مادا ستطبخين سيدتي انستي '' الجزء 47 ''

يعطيكم الصحة أخواتي أطباقكم هايلة ربي يدوم الرزق
أختي نوال حبيت نسقسيك هل أنت صبرينة الزهرة

 

[أم علاء الدين]

رد: مادا ستطبخين سيدتي انستي '' الجزء 47 ''

أختي سماح مبروك مازاد عندك وبالشفاء عليك أخيتي

 

[أم علاء الدين]

رد: مادا ستطبخين سيدتي انستي '' الجزء 47 ''

خبز وطاجين الزيتون أنا نحب مرقة حمرا

 

[nada242008]

رد: مادا ستطبخين سيدتي انستي '' الجزء 47 ''

سلام عليكم لبنات وجمعة مباركة
بصحتكم كامل واش طيبتوا
انا ليوم بدلت البيوت ...الشومبرا ديتها للصالون والصالون للشومبرا :d
من الصباح هذا وين حطيت ظهري والله حاسة روحي بياس ديطاشي
سيقت ومسحت الغبرا ...تبدل الديكور خخخ حاسة روحي رحلت
الغدا درت فريت وكبدة .

 

[nawal1980]

رد: مادا ستطبخين سيدتي انستي '' الجزء 47 ''

نعم ام علاء الدين
فطورك يشهي ام التوام يعطيك الصحة خاصة طاجين الزيتون امممم عندي شعال مادرتوش

 

[nawal1980]

رد: مادا ستطبخين سيدتي انستي '' الجزء 47 ''

ندوووشة شعلنا فيك النااار خخخخ بصحتكم الديكور الجديد تعرفي مليح الواحد يبدل الديكور يحس بارتياح كبير
*

 

[nawal1980]

رد: مادا ستطبخين سيدتي انستي '' الجزء 47 ''

البنات البارحة اتناء الرحلة الاستطلاعية في الفريgوتلاقيت برقبة راهي ديكونجلات شكون تعطيني وصفة شااابة راني نستنى تعرفو الرقبة تاخد وقت يلزم درك نديرها تطيب

 

[أم علاء الدين]

رد: مادا ستطبخين سيدتي انستي '' الجزء 47 ''

الله يسلمك أختي نوال واش أحوالك واش راهم الأميرات
أختي ندى غير بالشوية على روحك يا الغالية

 

[nada242008]

رد: مادا ستطبخين سيدتي انستي '' الجزء 47 ''

الله يسلمك نوال ...انا كل 6 شهر نبدل الديكورهههه على حساب الفصول ..عندي بيت باااااااااردة وبيت مغمومة ههه
بصح صح تحسي روحك في بلاصة جديدة
3 سوايع وحنا نكركرو في الخزاين والطوابل وووو كي كملنا بعد طلوع الروح ناض رائد يبكي قالي ماعجبتنيش رجعيها كيما كانت ...قتلو نعم يا روح امك ؟ هههههههههههههههه
ام التوام ربي يخليك اختي والله الراجل مانحكمو كل يوم بقضياتو ومسافر ..ليوم قتلو ماعندك وين تهرب لاااازم ليوم سي ليوم
وعيد ميلاد سعيد للاولاد ربي يحفظهملك

نوال انا نعتمد وصفة واحد للرقبة مانبدلهاش
راس ثوم ومعاه الرقبة ملح وفلفل اكحل ورشة خل وشوية زيت وامرقي بكاس ما دافي وخليها على نار هااااااااااادية وتقدري تزيدلها مغرف صغيرة موطارد تجي تهبل
مممممم تنشف وتطيب زبدة

 

[hadda0425]

رد: مادا ستطبخين سيدتي انستي '' الجزء 47 ''

مساء الخير عليكم
اليوم صبحت تاني تنشنبط ههه هذا وين قلت نريح شوية حتى لغدواولا غير غدوا
البارح خرجت لماعن تع لخزانة شيعة ما عنديش بزاف وكي تجبدو جبت معاهم نهار كامل لقيت ماعن خرين شريتهم ونسيتهم :-r:d
لبنات بصحتكم كامل وش طيبتو رقية نوال. ام علاء .نور الهنا. زينب. سهام .ميمي ساندي دليلة ندوشة .. يعطيكم الصحة كامل ربي يدومها نعمة

خيرة نقطة ضعفي المعجنات من الصوشون للبيتزا للبريوش هاتيلي العملاق للتحميل هههه نديباني بيه كش يومين نولي من المجترات قيس ما نكمل الميناج :d
كي كملت شريت سوسات قلاصي بردت بيه قلبي ريقي شاح

​

 

[hadda0425]

رد: مادا ستطبخين سيدتي انستي '' الجزء 47 ''

ندوشة بصحتك الديكور انا تاني بدلت شومبرة والصالون مزلت
نت اومان رائد برك لي ما يحبش التغيير انا الرائد لكبير ههههه هولي ما يحبش تتبدل حاجة راني نقدم ونسخر
نوال ديريها مفور مدام فيها اللحم جي بنيييييينة
كش وحدة تحن عليا بفنجان قهوة عييت نوض
​

 

[راضية حامدة]

رد: مادا ستطبخين سيدتي انستي '' الجزء 47 ''

يعطيكم الصحة البنات
نظن بلي رانا كامل مع الميناج
انا ثاني اليوم غسلت الزرابى و الفراش لي بقالي
مازالو الحيطان و الغبرة

راني مخلية الكوزينة هي التالية باش ما تفشلنيش ههههههه

اما عن فطوري طعام بالدلاع و الرايب