مادا ستطبخين سيدتي انستي '' الجزء 47 ''

[nawal1980]

رد: مادا ستطبخين سيدتي انستي '' الجزء 47 ''

يعطيك الصحة ام منة كلشي يشهي بصحتكم

 

[hadda0425]

رد: مادا ستطبخين سيدتي انستي '' الجزء 47 ''

صباح الخير عليكم
هنئوا المراقبة السيدة حكيك..

دك نرجعلكم

 

[samah06]

رد: مادا ستطبخين سيدتي انستي '' الجزء 47 ''

صباح الخير لبنات
الاخوات اللي باركولي على شهد ردينة نقولكم يبارك فيكم ولعقوبة لكل محرومة او متمنية اولاد يارب يعطيها لكن مش مثل شهد راهي قبيحة تقتل
لبنات اللي عندها فكرة في تنظيم الوقت والشغل خاصة في شهر رمضان تفيد بيها الاخوات
مثلا
انا قررت باه اول ما انوض من الصباح للخدمة نعجن خبز الدار ونطيبو هكاك نتهنا من الكسرة في المساء وخاصة انو كوزينتي تعشي فيها الشمس
والميناج والا التسياق والغبرة نديرهم ورا الفطور والا في السهرة هكاك تصبح الدنيا نضيفة
وارجو منكم كل وحدة في بالها حاجة تقولها

 

[بنت السلطان]

رد: مادا ستطبخين سيدتي انستي '' الجزء 47 ''

السلآآآآم عليكم

واش راكــــــــم

ربـــي يقدركـــم علـــــــى المــيـنـــــــآآآج راكــــــــــــــــــم دايـــــرين حآآآآآآلة

سلآآآآآآمي للجمــــــــيع

 

[بنت السلطان]

رد: مادا ستطبخين سيدتي انستي '' الجزء 47 ''

 

[بنت السلطان]

رد: مادا ستطبخين سيدتي انستي '' الجزء 47 ''

 

[nawal1980]

رد: مادا ستطبخين سيدتي انستي '' الجزء 47 ''

بنت السلطان يعطيك الف عافية اختي بصحتكم كلشي يشهي وعجبني القاطو التاني الي نصفه شوكو ونصفه ابيض ياريت تعطيني الوصفة والتارت انتي خدمتيها هايلة

 

[nawal1980]

رد: مادا ستطبخين سيدتي انستي '' الجزء 47 ''

سموحة وعلاش مسكينة تديري تيكي لشهد درك تكبر وتولي شهد تاع الصح نبيعلها واش قلتي خخخخخ كما كانتي بنتي الكبيرة تبكي طول الوقت ودرك راهي مرا ماشاء الله حسها مايبانش تقولي ماكاشها كامل ربي يحفضهالك
انا عكسك تماما في رمضان نسهر حتى الفجر نصلي ونرقد حتى الضهرونخدم شغلي ونكون خديت خقي في النوم باش نمسي نشيطة نبدا بالشغل العادي ترتيب تسياق الخ تم مع العصر نبدا الفطور الشربة نطيب قيس اربع ايام اما الجواز لازم يومي والبوراك بالعجينة هو الي يشطلي وقت نخدم بزاف ليا ولعجوزتي اما الخبز مانطيبش في رمضان نحب الخبز الطويل اما الديسار نطيب قيس يومين وهد العام راح ان شاء الله نخدم قلب اللوز ونكونجليه قيس الايام وتان تارتولات مسكرين ونكونجليهم ولا جينواز اوراق باش نخدم لي مورسو ولي كوبلي
راهي العشية طويلة ولا من الصباح وانتي تجبدي راح تعياي
ختي سماح كاين الي يعجنو كمية كبيرة من الخبز ويقرصوه خبيزات ويخرجوه مع الصباح يديكونحلا والعشية يطيبوه تحبي تجربي جربي خبزة وشوفي الا عجبك غير اخدمي وكونجلي ديجا راكي تربي شكون يشدلك الطفلة

 

[راضية حامدة]

رد: مادا ستطبخين سيدتي انستي '' الجزء 47 ''

البنات طيابكم روعة
بنت السلطان
ام منة
نوال
كامل يعطيكم الصحة

 

[shahrazad]

رد: مادا ستطبخين سيدتي انستي '' الجزء 47 ''

سلام عليكم حبيباتي
وش راكم
صحا فطوركم والي راهي تصوم ربي يتقبل منها ان شاء الله
واحد السخانة راهي بسم الله ربي يعينا

 

[oumsif]

رد: مادا ستطبخين سيدتي انستي '' الجزء 47 ''

مساكم بالخير لبنات كيف صبحتوا صح غداكم ويعطيكم الصحة علي الاطباق لي وضعتيوهم
فوفتي واش راكي واش راهم لولاد ليك وحشة ليك و لكل لبنات اللماويات

 

[بنت السلطان]

رد: مادا ستطبخين سيدتي انستي '' الجزء 47 ''

بنت السلطان يعطيك الف عافية اختي بصحتكم كلشي يشهي وعجبني القاطو التاني الي نصفه شوكو ونصفه ابيض ياريت تعطيني الوصفة والتارت انتي خدمتيها هايلة

الله يسلمك اختي

هداك لقاطو نتاع النيقرو ندير فيه250à غ دهان 10 مغارف عسل 10 مغراف كاكاو مغرف صغيرة خمارة وفرينة تقطعيه دوائر وتطيبيهم وتوجدي لكريمة نتاع السكر قلاص والدهان وقانيليا وتخلطي مليح وتلصقي بيها القاطو وديكوريه كيما تحبي انا هنا درتلو الشيكولا وعلى الجواني بيمو مرحي وملفوق نصف بسكر قلاص ونصف خليتو هاكاك

 

[ibtesem]

رد: مادا ستطبخين سيدتي انستي '' الجزء 47 ''

صباح الخيرات عليكم
بصحتكم لغدوات راهي يمي يمي
سمرمر اوووو قوفو مرحب بعودتكم
سموحة مبروك مبروك مزاد عندك اسمحيلي ديمة ندخل باش باركلك خخخخ تديني الهدرة ننسى
شهرورتي يابنتي هني روحك شوية
راني في خمسة شهور انا ساخفة علي المحاجب
بربي نويت عليهم اليوم
نوال باش متزعفيت تاوعي راح نعملهم بالفرينة تاع القمح
ضحكتيني كي فاش اوصفتي طريق خخخ فكرتيني في خويا خخخخخخ
بنت سلطان علاش معرضتنيش تسلم الايادي

 

[oumsif]

رد: مادا ستطبخين سيدتي انستي '' الجزء 47 ''

بسومة روحي ورينا شطارة يديك بالمحجوبة البسكرية الحارة وعمر لكريشة وضرب النح وطفي الضوء متشوفكش حدودة حسها مكانش اليوم

 

[samah06]

رد: مادا ستطبخين سيدتي انستي '' الجزء 47 ''

السلام عليكم
نوال ربي يعيشك على المورال اللي طلعتيهولي ثاني حرام عليك تبيعيني لشهد راهي عندها 50يوم عمرها محسوبين 50سنة
هكاك تكون بنتي اكبر من بنتك ههههههههههه
بسومة نوضي ديري لمحاجب متخليهمش في قلبك اذا خلاتك مريومة بالمناسبة خرجو السنينات باه اديري الشرشم والا متعرفيلوش
ربي يخليكم كامل ويبارك في عماركم
يعطيكم الصحة لبنات اللي طيبتو بقاتلي غير صورة الطارطا
الحاج ذرك قلتلة حابا ناكل حاجا حلوة راح جابلي الباقلاوة تاع البتيسري شايحا خلاص تعينلي انوض نشحرها

 

[samah06]

رد: مادا ستطبخين سيدتي انستي '' الجزء 47 ''

نوال قلتي بلي يعجنو الخبز ويكونجليوه قصدك هكاك عجين
مثل البتزا
حتى البيتزا انا نشيحها شويا ونكونجليها

 

[ibtesem]

رد: مادا ستطبخين سيدتي انستي '' الجزء 47 ''

من كنت بديت نفشل علي لعجين شعلتي فيا نار ححححححح
أخرتها موت معندي ماندير
حدة راهي تحوس علي مقاس XS
باش تخلعنا خخخ

 

[ibtesem]

رد: مادا ستطبخين سيدتي انستي '' الجزء 47 ''

ههههه سماح مزالت فرطاسة راهي قاتلتني
كي تخرجهم واش دير فيا
ربي يحفضلك شهد يارب

 

[samah06]

رد: مادا ستطبخين سيدتي انستي '' الجزء 47 ''

بنت السلطان 10مغارف كاكاو مايجيكش مر
نديرو انا النيقرو لكن مش ب 10مغارف كاكاو ندير غير 6مغارف ونغبرو منفوق شويا مع السكر

 

[samah06]

رد: مادا ستطبخين سيدتي انستي '' الجزء 47 ''

بسومة رفعتي الراية وقلتي راهي قاتلتني
شفتي اولاد ذرك واش عادو قباح هههههههههههههههه
قوليلي شفتي اولاد بكري وتهدري على اولاد ذرك
ؤبي يخليها وخبيهالي