دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

الحالة
مغلق ولا يسمح بالمزيد من الردود.

NonOutà OussàMà lOvE

:: عضو بارز ::
أحباب اللمة
إنضم
2 أكتوبر 2013
المشاركات
1,164
نقاط التفاعل
2,217
النقاط
71

السلام عليكم ورحمة الله تعالى وبركاته
وآش رَآكُم يَـآ لَمَـآوِيَـآت وَ لَمَـآوِيِيــن
عَنَدْنَـآ لِيكُم قِصَـة سِيييير رَآح تَعْجَبْكُــم

:up::up::up:


قِصَـة مِن وَحِـيّ السَكَـآكِير ^_^
هالة - نسمة - نريمان
NonOutà-nina.dz-هـآلة

بِعُنْوَآن :دَرْدَشَـآت بَنَـآت
قِصَتْنَـآ رَآح تَكُـون عَلَـى أرْبَع بَنَـآت شَـآبَـآت فِي عُمُر الزُهُـور
كَـآنُـوآ فِي اللِيسِي جَـآبُوآ البَـآك وظُك رَآهُم فِي الجَـآمِعَة واااو
:thumb_up02:
بَنَـآت غُرَبَـآء عَلَى المَدِينَة وَحْدَة لآ تَعْرَف أخَتْهَـآ كَـل وَحْدَة بَعَقْلِيَـة .. كُل وَحْدَة بَصِفَة و كُل وَحْدَة مِن وِلآيَـة
أرْبَــع بَنَـآت مُخْتَلْفِـــين تَمَـآمًـآ عَلَـى بَعَض جَمْعَتْهُـم الجَـآمِعَة و الحَـآجَة المَلِيحَـة أنْهُـم جَمْعَتْهُـم إقَـآمَة وَآحِدَة وَ غُرْفَـة وَآحِدَة يَـــآآآي كِيفَـآه رَآح يَتْفَـآهْمُـوآ
.........
نَعَرَفْكُـم عَلَـى البَنَـآت بِالوَحْدَة ..~
مَتْرُوحُـوش بَعِيييد أنِّـي رَآآجْعَـة نَكَمَلْكُــم
:)
 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

السَـــلآم
أنِّـي ٍرَجَعْت يَــآك مَطَوَلْتَـش هه

أيَـآ نَعَرَفْكُــم عَلَـى التَحْفونَـآت الرَبْعَـة

نَبْدَآآو بـ'نَسْمَـة

التَحْفُـونَة الطَيُـوبَة عنَدْهَـآ قَلَـب حَنِين بَزَآآف _ مُتَدَيِنَـة _ مَتْحَجْبَـة وَ خَـآطِيهَـآ التَبْيَـآآش
.........
وَ الزَآوْجَـة هِي نَرِيمَـآآن

العَـآشِقَـة الوَلْهَـآنَة هًهًهًـ مَسْكِيـنَة قَـآعْدَة تَسُـوفْرِي مَـع حُنُـونْهَـآ وَ اللِي رَآهَآ حَـآبَة تَتْزَوَج بِيه وَ تَجِيب مَعَـآه لَولآد وَ طَـآمْعَـة دِير مَعَـآه الدَآر خًخًخً (أحْلآم وَرْدِيَــة)
......
وَ كَـآنَت مَعَـآهُم ثَـآنِيـك هَـآلَـة

الطُفْلَـة الوَآعْرَة وَ الشِرِيــرَة فِـي لَبْنَــآت لَكُــل تَحَب غِير رُوحْهَـآ أنَـآنِيَـة لِدَرَجَـة مَيَتْصَوَرْهَـآآش العَقَـل هَـآدُوآ لَكُـــل وَ كَـآنَت تَحَـب الشَــر لَصَحْبَـآتْهَـآآ
.........
تَبْقَـآلْنَـآ فُتُــون الزَيْنُــونَة

عَـرَفْتُـوهَـآ وَآقِييييل أي بَـآيْنَـة مِـن الفُـوطُـو نَتَــآعْهَـآ هًهًهًـ
هَـآذِي فُتُـون حَكَـآيَتْهَـآ حَكَـآيَة هًهًهًـ وَحْـدَة عَـآيْشَـة فِي عَـآلَـم وَحَدْهَـآ مَيْهَمْهَـآآش حَتَـى شَـيء غِيير رُوحْهَـآ وَ تَلْبَـس غِير المَرْكَـة .. الشَعَـر دِيمَـى مَسَشْوَر .. وَ لآمَـآش دِيرْهَـآ هَكَ يَـآدِيرْهَـآ هَك .. وَ تَمُــوت عَلَـى المُـوضَة و الأنَـآقَـة .. وَ تَقْبَـض حَوَآلِـي سَـآعْتِييين قُدَآم المَرَآيَـة قَبَـل كُـل مَـآ تُخْرَج يَـآآآآ
......
هَـآذُوآ هُـومَـآ لَبْنَـآت وَ ظُـك تَبْعُـونَـآ نَحْكِيوَلْكُـم حَكَـآيَـآتْهُــم مَع الجَـآمِعَـة
يَـآ دَرَى قَــدْرُوآ يَتْفَـآهْمُـوآ .. تَبْعُــونَآ

فاصل ونواصل منطولوش


 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

×/..
..... كان اول يوم في الاقامة ليهم مع بعضاهم الشيرات في ربعة .. تعرفــو على بعضاهم زعما و هما في الصح ماتعرفوش .. كان ظاهر بلي مختلفات كل الاختلاف على بعضاهم .. ف نسمة ماتلبسش كيما فتون و فتون مرحة و مضحاكة مش مغبونة كي نريمان و هالة راها في حالة ماتتفاهمش مع نسمة مايسمعوش كيما بعض مايلبسوش كيما بعض مايخمموش كيما بعض ...
- ألوغ كيفاه راح يتفاهمو ؟؟
-كيفاه راح يعيشو في شومبغ وحدة ؟؟
- زعما راح يَققدرو ؟؟
-:s بببففف مانعرفووش !

* * * *
..... بدااو يجوزو لي جووغ و الصبايا بداو يوالفو ببعضاهم شويا شويا و كانو حاسات بلي كان اوبليجي يوالفو مع بعض خاتش معندهم هربة من الحكاية .. بداو يتقربو من بعضاهم و يحكيو لبعضاهم اسرارهم .. مي بقات حاجة ما اشتركوش فيها .. والي هي كل وحدة و تخمامها و عوايدها ! !

* * * *

..... ناضو وحد الصباح كالعادة كل وحدة في طريق .. نسمة تسقم في خيمارها ، نريمان تيسيي تتصل ب حنونها باه تشاوره بصيفتها خارجة تقرى ، فتون راها تماكيي حالتها حليلة تلبس و تسقم في شعرها لاصقة في المراية حابة غي تخرجها معاها ، و هالة السم في عينيها تحوس على صوالحها ديجا ربي جامى سهللها في حاجة و هايليكــ تعيطــ و تعاير .............. و نسمة تستعييذ بالله و تدعي ربي يبعد هاد الطفلة من سكتها .
..
wol_error.gif
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 800×600.
63399.jpg


هبطو البناويت للجامعــة
فتون و هالة و نسمــة في الصف .. شافو شافو في بعضاهم و مالقاوش نريمان ! !
قالت بحيرة نسمة :' يَ فتون يا درى وين راهي نريمان ؟؟ سبحان الله خليتها الفوق قاتلي هاكا شويا و نجي غي نكمل نوجد روحي ؟؟ ' .
فردت فتون :' والله مانكدب علييكــ .. خليتها مام انا راح تهبطــ مي وين راحت الله اعلم ! ان شاء الله تكون بخير بركــ '
تدخلت هالة رغم انهم ماكانوش يستناو في ردها :' ههه سير تلاقات بٍ توم كروز تاعها راحت معاه حرتو فيها هادي '.
فتون :' وووووه عيب يَ هالة حرام تظلمي فيها .'
نسمة :' اعوذ بالله من الشيطان الرجييم ، سأتصصل بها .' وقال بتوتويتة : مايسلك منها لا الحي لا اليابس .
هالة : ماشي و قولو ماقلتش :-r
تران تران تران ... .. . . راه يصوني ،، أشششت
_ ألوو ! أهليين يَ نريمان خليتكــ ورايا وشنوا تشققت الارض و بلعاتكــ مثلاََ !! ?? مقلقة عليكـــ راني حنونة .:s ??
_ أحمم .. راني عيانة شويا نَسووم ! قلعت حوايجي و شديت الفراش اليوم مش راح نقدر نجي ديزولــéé
_ سلامتكــ بركــ ،، يلا اشربي تيزان ولا حاجة حتى نتلاقاو العشوة . باي اتهلاي في روحكــ .
طيييت ..
فتون : واشنو ؟؟ واش بيها ؟ علاه ماجاتش ؟؟ !! ! !
نسمــة : قالت بلي راها تعبانة و ماتنجمش تجي .. الله يشافيها سيري كلات Gــريب .
زلزلت هالة القاعة بضحكتها و دارتلها نسمة و فتون متعجبات ؟؟ _ خير واش يضحكــ فيكــ .. ؟
قالتلهم هالة : قالكـــ مريضة و تعبانة ! ! هديكــ قولولها تفوتها ع جحا ماشي علينا ههههههههه .. ياخي خرطي ! !
قالت فتون بشنوفة في نيفها : واشنو هالة ، شايفاتكــ اليوم جاياتكــ ع نريمان ، خلي عليكــ الطفلة بربي !! .
...
فاتت هاديكــ الجورنية بقراية عادي مي نسمة كانت غير تخمم في صحبتها واش بيها ؟ بويسكـ ماخلتهاش مريضــة .. خلات ما تسرسبت هالة و قالت ل فتون : انا ماصدقتش نريمان .. حاسة كاشما زاد دارها لموصيبة هاداكــ ؟؟ كون تخطيه و تتهنى ؟
_ والله مانعرف يا اختي ! هيا نطلعوو و نشوفو شا كاين !! ! !
_ وي هيا ! ازربي قبل ماتشوفنا المسمومـــة .

* * * *

طلعت فتون و نسمة بزربة لـ لاشومبغ و لقاو .. أووبس ........... ! !
نحاات نسمة حوايجها و خيمارها .. و تربعت قداام السرير حايرة :' وووه والله مرضانة صح يا نريمان ، ! واش بيكي ?? [ و هي تشوفلها في السخانة من جبهتها ] .
نريمان : لا مريضة لا والو كون غير جات في المرض .. راهو مرضني هبلني ، تتخيلوا قالي ليوم ماكاش جامعة ماكاش قراية ؟؟
فتون : وووه وعلاه هادا ؟؟
نريمان : هاكــــ ظهراتلو ليوم انا مانهبطش نقرا ؟ ! قالي راهم قالولي بلي ريحتي في الفاست فود مع اسامــة .. اووف واش فيها هادي عيب تاني ؟؟ :very_mad:
نسمة : هادا راه سير يتسببلكــ .. واش هاد التمسخير ؟ وانت سمعتيلو الهدرة .. صفقيلها فتون براvوو والله .
نادت فتون من الزعاف ماقدرتش تتحمل الفيلم الى تشوف فيه . و رفدت نريمان الزاورة و غطات وجهها و رقدت من القنطـــة .
و هالة كالعادة راهي برا تكووس في لاكور تاع الاقامة ... و نسمة تطيب في حاجة يتعشاوها ;) ، و فتون تنحي ف الــvــآرني الى داراته اليوم باه ادير واحد أخر جديييد :):$ ......

_هالة ، تدير ف الأمبوسيبل باه تفتن و تديرونجي
_نريمان ، صارطــة الغبينة و سساكـــتة
_فتون ، غارقة في المجلات و اتبع في ستايل و جوييل
_ نسمـــة ، تحاول تقيم باحوال الغرفة و باحوال الصحابات .. و تقوم ب صوالحها الدينية .

* واش حكايتهم ياخي ؟؟ :-o:s
انتظرونــــــــــآ
 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

* * * * * * *
الله اكبر الله اكبر
الله اكبر الله اكبر
اشهد ان لا اله الا الله
اشهد ان لا اله الا الله
اشهد ان محمدا رسول الله
اشهد ان محمدا رسول الله
حى على الصلاة
حى على الصلاة
حى على الفلاح
حى على الفلاح
الله اكبر الله اكبر
لا اله الا الله
* * * * * * *
صدق الله العَظييم ..


نسمة تتوضـأ و فتون شادة الــ Tv تتفرج ، هالة راهي مركــبة الكيت تاعها في فم نريمان و هي تحاول ترضى حنونها ..
خلصت نسمة وضوءها شافت شافت ! تأسفت دخلاني و مالقات حتى وحده مهتمة انها تنوض و تصلي معاها ! دعاتلهم في قلبها لأن هدرتها جامي سمعوها .. صلات و ادعات لصحاباتها !

32232


راحت وجدت الطابلة .. باه يتعشااو ! عيات في نريمان هيا هيا تتعشــآي مي هي دخلت في اكتئاب و ماحبت لا تاكل لا تشرب !
شافت فيها هالة وهي تحاول تاكل ..... رمات الفرشيطة من يدها و ناضت ..
هالة : ماتقلقينيش بزاف أأه .. انت صحبتي حبوبتي لازم تاكلى معايا ولا والله ماناكل ! ! كيفاش هادا لبنات .. هانت عليكم و خليتو حنونتى تبات بلا عشا ! ?
دارت فتون لنسمة لقاتها حالة فمها .. سبحان الله ياخي هادي هالة تاع الصباح ! حاي ااا حــــآي
طلعت راسها فتون و قالت : تاع الصح هالة عندكــ الحق سون بور سون ! نوضي نريمان لازم تاكلي هكـ تمرضي .
نسمة : ديجا والله حاجة ماتستاهل .
حشمت نريمان و ناضت غسلت وجهها و فحفحت روحها .. فطنت و جات تااكل .
قعدت معاهم و هكا قالت هالة : والله الصبااح تقلقت عليكــ بزآف حتى قلت لنسوم عيطي سقسي عليها .. و عرفت بلي تداوستي معاه . الله لا تربحو يغبنلي فيكــ ! غمزتلها و حضنتها و بدات تاكل
و فتون و نسمة .................. o_O .. يَ لطييف
نريمان : مبصح و الله راني حايرة شكون وصلو الهدرة ، راني غير كي وقفت و كنتو شاهدات ماقلت والو ! .
فتون : كااين بزاآف الى يقولو و ماتنسايش بلي راه كان الــ Ex تاعكــ أسامة
هــآلة : انا شاكة فيها طفلة الحق الحق .. البنات غيارات و مش راح يحبولك الخير .
نريمان : والله ماني عارفة . ايا خليوني ناكل راني مت بالشر يعطيكــ الصحة نسوم جاء بنين

* * * *
كملوا العشا و ديباراست نسمة الماعن .. خملت كلش و شدو بلايصهم بااه يرقدو أيا نريمان تنطرت من بلاصتها .. ' يا ستار واش كاين' قالت نسمة .
نريمان : رااه اون أتونت يَ نسمة شفتي شفتي يخرجلى في قلبي .
فتووون : اوووووووووووووووووف يَ نينا طيحتيلي قلبي والله العظيم يعوم بحرو و واش فيها ياخي علاه تخمامكــ كححل ديما .
نريمان : راه من قبييل يَ فتون من قبييل منين كملنا تعشينا .
نسمة : اووووف .. لالا مايروحش تخمامكــ بعيد ووه !
هــآآلة دايرة لهيه و راقدة و ماشركتش بالحكاية .. دارو البنات شافو فيها و قالت فتون ل نريمان : أرواحي الحقيني !
فتون : راني شاكة فيها هي الى قاتلو على اسامة وهي سير الى راها تعيطلو معناها وين تشوفكـ راح تعيطي تزرب تعيطــ ! باه توسوسكــ
نريمان : وووه .. محال هادا هلوش صحبتي و تحبني و جامي تنويلي الشر .. و ديجا ماسمعتيهاش شا كانت تقولي قبيل في العشا .. انساي ، و مانحبكش تقولي هكـ قدامها ! !
فتوون : يااا المهبولة راها تكدب ، كنت انا و نسمة خايفين عليك الصباح و هي تقول ايه راها سير معاه برا علابيها ماجاتش و كي قلنالها راها مريضة ناضت تضحكـ و ماصدقتش ! ! قلبكـ هادا شيري راه رخسكـ فيقي فيقي !
نريمان : زعما تكون هي ???? مبصح كيفاه راه يعرف النيمرو تاعها .
فتوون : كاين حاجة اسمها " numéro privé "
نريمان : خليني نتصرف ... !
' نسمة .. تعيشي حبوبتي معليش تعطيني التليفون تاعكــ نعيطلو ب تاعكـ واقييل راه مبلوكي النيميرو تاعي ' . قالت نريمان و وتوتت ل قتون : عَسسييييييهــــــــــــــــــــــآ !
بعد ما عيطت نريمان .. كان حنونها مش اون اتونت ! رفد عليها و خرجت تحكي معاه .
بععد ماخلصت دخلت .. و نيفها طالع لحد جبهتها و تشبه للثور ! و بدات تمعني !! الفكرون قيمناه رجعلنا نينجا
مي مول النية راه يطلللع كي العلااااام ...
نسمة : خيير ان شااء الله . ’’’ ؟
نريمان : غدوا نسوم .. كارطة البوكر قاع .. نقلبها !

* * * *
واش بيهــــــــآ نريمان ؟؟ و فتون زعما يكون عندها الحــَق ؟؟
و هالة تلحق بيها الحقارة و التخوبيث لهذا الحـــد ؟؟؟؟

بببف ماتسقسيونيش .. ماعلابالييش ! !
 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

×/ ..
رقدو البنات و نريمان كي الساعــة تمشي و تدور .. !
ماقدرتش تحطــ راسها ع المخدة بعد الهدرة الى قالهالهــآ رمزي .. تطلع و تهبطــ و ترحي في الكلام
و توتوت و مش مصدقة .
_ زعما هي ؟ وصلت بيها هنا .. والله حرام حرام !
جامي درت فيها الششر و انا جامي قست وحدة حتى بكلمة خايبة ! مي والله العظيم نستاهل انا الى درت النية ! انا الى قيمتها و عطيتها سري .. ارقدي ارقدي جايكـ النوم و تزيدي تشخري وانا على الجمر ! ... ما ميمتي لمن خليتيني ؟ كون شديت الدار و ماعفستش ها الاقامـــة .

http://i40.***********/r9rd4l.jpg

بقات نريمان ليلة كامل و هي دمعتها ع خدها و مش مصدقـــــــة


* * * *
فوالا جا الصبااح .. ناضت نسمة توضات و صلات و وجدة لصحاباتها الفطوور و فتون و نريمان في السال دو بان يوجدو في رواحهم و هالة راقدة سير شمتها قارصة .. .. قالت فتون ل نريمان : قوليلي واش قالكــ رمزي ! ؟ سير قالكــ هالة الى دارتها .
نريمان : خليها تنوض بركــ يَ فتون و كلش يبان .
فتون : مانجمتش نستنى راح انوضها .
_ هالة .. هالة ??? فزي نوضي راه الوقت ! واش مش معولة تهبطي تقراي . ليوم لازم تاسيستي ماكانش غياب .
هالة : راني نايـــــضة فهمت واش بيكي تزعقي فهمت .. اووووووف ! !
دارت فتون لنريمان :' راهي هي .. و تستنى فينا نهبطو باه ماتديش الرخس ! ' قالتهالها في وذنها .
رفدت نريمان ساكها و الكتب تاعها و شدت نسمة و هبطت و فتون وراهم ،،، هالة مازالت تفطــر . هبطو البنات و راحو قراو و نريمان صارطة الغصة في قلبها و ساكتة ! و في العشوية و هوما مروحات قالت نريمان : البنات عارضتكم على قهوة هيا !!!! مانحب نسمع حتى اكسكييز هيا ! !
تبعوها البنات و هكا قعدو في الكافيتيريا و هكــ رفدت نريمان التليفون و خبطاتو ع الطابلة ! : هالة نحبكــ تقوليلي تاع من هاد النيميرو !! ! ! .
رفدت هالة البورطابل و قالت : هادا النيميرو تاع فتون . ’’’ ??
زادت فوتاته لنسمة و سقساتها لا مام كيستيون ! ! و جاوبت بنفس الاجابة .
نريمان : تفضلي أ لالا فتون هادا مش النيميرو تاعكــ ! هادا مش الميساج الى بعثتيه ولا راح تلصقيها في نسمة المرة هادي ! كي هاداك الى يقتل القتيل و يمشي في جنازته .. ما أصح عينكــ و تقوليلي هالة الى قالتله ! ماتصورتكش خبيثة و كذابة هاكا كامل . المهم انا دمعاتى الى طاحو في جرتكــ مانسمحلكش فيهم !
خبطت التيليفون و رفدت صاكها و ناضت ! ! و خلات البنات مازالو قاعدين رفدت فتون التليفون و يدها ترجف ! تشوكات من الى قراتو الرسالة مبعوثة لرمزي بتيليفون فتون باسم فتون ! رفدت راسها في هالة قالتلها : والله مابعثت و والله مادرت ..........
ماخلاتهاش هالة تخلص و قاتلها : يا خسارة الكونفيونس فيكــــ يا طفلة .
فتون : نسسمة ححبيبتي والله مادرتها صدقيني .
رفدت نسمة صاكها و تبعت هالة ! ناضت فتون تبكي و حست بالظلم مالقات واش اديير
و ياكــ ديما تتبلع الكلمات كي يعطيكــــ الظلم طريحة !

* * * *
تلاقاو لي في لفوق في لاشومبغ .. و حتى واحده ه ما يحكي مع فتون ! حاولت تبرر و تفهم نسمة مي ماحبتش تسمعلها رفدت حوايجها و خرجت راحت تبات مع صحاباتها اخرين .
وهالة تصبر في نريمان من خيانة صحبتها الى حطتها لانتيم ! .........
ترونجاو نريمان و رمزي و تناساو ع الفضيحة الى دارتها فتون ..

* نريمان زعفانة و غايضتها روحها من الى داراتو فتون ؟
* و ضركــ السؤؤال الى راه يسقسي في روحو ! علااااااااااه فتون دارت هاكــ لحبيبتها ؟؟ و علااااااه راها تقول مادرتش ؟ صحا كي مادرتش شكون دااااار ؟؟؟؟؟؟؟؟؟؟
* واش كاين في حريمهم .. ؟ و واش راح يصرا ؟

مام أنا كي هالة حبيبتي .. مانعرفش !
امالا ماتسقسيونيش ..... سقسيو نونوتا !

انتظرونـــــــــآ
 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

هالة ونينا متقلقووش ... انّــي جــيت نكمَلكــم الحكَـآية
وَوَآآش رآه صــآري مع البنــآت !!
نَــآضوآ فــي الصبـآح كِـي العََــآدَة
نسمــة توضـآت وصَـلآت وَ أومْبَعَدَآ وجــدت لَفطُــور
نَـريمَـآن عَينِــيهَـآ حَمــر وَ مَحَوْزِييين مــن البَكَــى طُـول اللِــيل
هَــآلة فِـي عـآلم أُخـر مَـآهـي حَـآسة حتَـى بَوآحــد رَآقِدَة كِــي العَـآدة و تُشخُــر ثَـآآنِي o_O
فُتُــون بَـآتَت عند وَحْدة من صَحبَـآتْهَـآ لـــيل كَـآمل وهـي تَبكِــي مَسكِيـــنة قَـآعْدة وتهــدر وحدهَــآ
عَلآه يــآ ربِــي دخــلوآ بِينِـي و بِــين نريمان ( نريمان كانت لانتيم نتاع فتون) .. عَــلآه !!
مـّـــي والله اللِــي دآرتْهــآ نَلقَـآهَـآ و نَتفَـآهــمُوآآ سَـآعتهَـآ
فتـون صَمَّــت بلِي رآآح تَحــوس عَلَـى اللِــي عـآودت الهَـدرَة لَرمــزِي
مَعَـآ أنّـهَـآ كَـآنت مَتْـأكْدَة بلِــي هَـآلَة هِــي السّبَـة نَتَـآع كُلْشِــي
.... ~
جَـآزُوآ يَمَـآت وَ فُتــون مَزَآلـت تحـوَس .. وَ لَبْنَـــآت مَزَآلُـوآ مِيييش مَصَــدقِـيينهَـآ
بَـــزآآآآآف وَ الله
20:14
نَريــمــآن : غَـآيضَتهَـآ رُوحهَـآ و حَلْفَـت بلِــي النِيَة مكَــآش بعـد اليُـوم
هَـآلَـة : نَـرِيمَـآن و أنتِي عَلآه مقلقــة خَلِيييك منهُـم و ثَـآنِـي أنــآ كنت عَـآرفـة
بلِـــي فتُــون لَخـــآطر كــآنت بـآينة مِـن عينيهــآ و لآعْبَتهَــآآ غَـآضتهـآ صَحبتهَـآآ -_-
نَسْمَــة : و شْبِييكــم لَبنَـآت تهَدرُوآ هكَـآ عَلَــى فتــون يَـآخي نســيتُـوآ هَــآذي صَحبَتْنَــآآ
نَرِيمَــآآن وشبِييـك هـىذِي فُتُــون .. حَـآولـي تَسمعــي منهَـآ و تفهْمِــي وآآش رآه صَـآرِي بلآك انتــي الغـآلطَــة
نَرِيمَــآن : هَـزت بُـورطَـآبَل نَتَآعِهَـآ وَ عَيَطــت لفُتُــون تِيين تِيين ..

فُتُــون
: شكــون نَرِيمــآن زعمَـآ فهَمتِنِــي و لآ لَقَـــآت شَكًــون السَبّــة ..!!
رَفــدت فُتُـون
نَرِيمَــآن : ألُـــو فُتُـون
فُتُــون : وي نَريمَـآن وَآآش صَدَقتِنِــي ظُــك
نَرِيمََــآن : لآ لآ مَزآآل مِّــي حَـآَبة نَقَعدُوآ ونَحكُـوآ غُدوة الصَبَـآح فِـي الكَـآفِـي
فُتُــون : أوكــي
غلقــت فتـون البورطَـآبل نتَـآعهَـآ و بقَـآت حَـآيْرة و فــي نفس الوقــت غَـآيضتهَـآ كيفَـآه صحبتْهَـآ متصَدقهَـآش
08:45
نَـآضت فُتُـون عَدَلــت روحهَـآ كــي العـآدة سَـآع قدآآم المرَآيــة و خـرجَـت و هـي تمشــي شَـآفت هَـآلـة
وآقفـة مَـع رَمزي يَهدرُوآآ و يَضحكُــوى و كأنّـوآ مكَـآن وَآلُـوآ صَـآرِي .. !!
فُتُـون : صَحَـآ هَـآلـة هذَي أنتِــي ... هَذَآ لكُــل منــك معلِييش متخَـآفِييش يَـآ زينًــة تسْــلك
فُتُــون تمشـي و تخَمـم وآآش ندِيــر زعمَـآآ ..!!
وصلــت للكَـآفـِي دَخْلــت صَـآبَت نَرِيمَـآن قَـآعدَة تََسنَـآ فِيهَـآآ
فُتُــون : وَآش رآكِـي نَرِيمَــآن
نَريمَــآآن : كِيفَـآه تَحَبِينِي نَكُــون زَعْمَـآآ .. شُـوفِي أنآ درت فِييك الكُـونفيونـس
بَصــح أنتي مـآآ عَرفْتِـــيش كِييفَـآه تَحــآفظـــي علِييهـآ
فُتُــون : ودَمعتهَــآ عَلَـى خدْهَـآ لآ لآ لآ يَـآ نريــمآن رآآكي غَـآلطَــة
نَرِيمَـآن : إن شَـآء الله نكُــون غَـآلطـة إن شَـآء الله
و ظُـك أنـآآ جِيت حَـآبة نَسمع منــك لآvيرِيتِـــي
أحكـــي يَـآ فتٌــون رَآنِي مَقَدِيتَش

.....~
آآآممم زعمَــآ وَآش رَآح تَقُــول فُتُــون لنَرِيمَــآن

رآآح تقُلهَــآ وآآش شَـآفت.. !!

تبعُــونَـآ ظــك تَعَرفُــوآآ
 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

ايـــــــــــــــــــــــــــــــــــــــــــــــــــــــــه يا لبنـآت .. صحابات هاد اليوم مافيهم الامان !! الدنيا صعابت و القلوب تبدلت ! و النية مابقاات .. !!!!!
تقولي مانقرى ما نخرج من دار بابا ! نريح في وسطــ ميمتى و ختي و خويا ولا نروح نتغرب مع البرانية !!! .. ... ....

فوالا يــآ نونوتــآ أنا نكمللهم شــآ صرى !!

* * * *

نريمان .. مش فاهمة فيها والو و روحها مش مصدقتها ! وراهي مستعدة تكذب الناس كااامل .. نعذروها بويسكـ الى تعدى علييهاا مش قليل ..
فٌتون : ليكي شيري .. راح نحكيلكـ كلش من الأول .. أنا راني مابعثتوش هاداكــ الميساج و رمزي راني جامي حكييت معاه في حياتي ! تعرفيني انا مافينيش الخرجات هادو .. نعرف غير نلبس و نريح و نعيش حياتي كيما نبغي !! و كيما يقولي راسي .. هاد لافيرات كامل مايغرونيش ! ادا باغية تحلفيني مايكون غير خاطركـ .. بعد ربي سبحانه ماعنديش واش نخسسر !!

1342192549776.jpg


نريمان : لا ووووه يا فيفيتا .. كيفاه نحلف حبي ! اووه غير حضنيني راني في حالة وانت بعيدة عليا ! تعرفي معزتكــ في القلب واش تسوى ! و راني والله مانستاهل واش راه يصرا فيا .. امالا هالة الى دارتها . ؟؟؟
فتون : حبوبتي .. مام أنا هبلت كي كذبتيني و صدقتي الرخيس هاداكــ و المصفارة ! ماتكون ...... ...
نريمان [ قاطعتلها حديثها ] : لالا يا فتون .. مانسمحلكش رمزي راجل و سيد الرجالة .. تعرفيني مانحبش عليييه ! !
فتون : شوفي يا نريمان ! انا نحبكــ و مانقبلش الماءء يجري تحت رجليك وانت ما جايبة خببر !! تبعيني و ان شاء الله نلقاوهم جيست كيما شفتهم !! ..
نريمان : الله يسستر .. راني كاش نهار تشدني كرييز نطيح نموت من هاد المشاكل !! يلا خفي ..
فتون : بعيد الشر ع عشيرتي .. لازم تكوني قاوية !! و تشدي روحكــ .. ..

وهاكــ راحو يا البنات كيما قلتلكم .. شدت فتون يد صحبتها و اداتها باه تحللها عينيها !! .. ..

نريمان شافت الى مايترضااش يتشااف ! شافت صحبتها هالة مع حنونها يدورو شادلها يدها و الحالة حالة !! فتون كانت متوقعة تطيحلها صحبتها ادوخ ولا كاشما يصرالها مي نريمان تقوات و راحت و عطاتلهم واش يستحقو و قليل فيهم !!

نريمان : هاكا انا راح نزعف منكم ! كيفاه تخرجو مع بعضاكم و ماتحلبونيش ! أقلها نتمنالكم الهنااء .. بببف معليش الله يهنيكم ! والله يدوم مابيناتكم المحبة أصصل خارجين على بعضاكم ! الكلب يدور يدور و يلقى خووه !! ولا مش هكــ فيفي .. ?? .
رَمزي : أ بيبي ،، مش كيما فهمتي انا و هالة رانا صحاب و برا .. نَحي التوسويس !
نريمان : لا بابا ! مايشرفنيش نكون معاكــ .. هالة خارجة عليك خيييييييير .. ههههه علابالكم تغيضو ! و حبوبتي هالة الى ماترضاليش الشر .. مانحبش نشوف فيقورتكــ في لاشومبغ !

دورت نريمان .. و حرقت الطريييق و هي مش فاهمة بالضبط واش راها حاسسة ! فتون سكتت ! لانه ماكانش واش يتقـآل !! !

علابالكــم حبوباتي !! نريمان ماروحتش للدااااار ! تسيبارات على فتون و راحت تتمشى !! وفتوون روحت للدار لنسمة ..

دخلت فتون ل لاشومبغ و سوربراايز !! نسمة مش على بعضهـــــــآ !!

علابالكم واش كايين !! راني نتمهبل منين راح يكون علابالكم يعني !! D:
 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

اٍيييـــــــــــــــــــــه كيما قلتلكم ! دخلت فتون ولقات نسمة ! هي مالقاتش نسمة لقات طفلة اخرى خلاص في جسسم نسمه !! في عقلية نسمة !

.. .. ..
نسمة قـآلعة الخيماار و لابسة لبسة مش حشمانة ! مدايرة مايك آآب الى كانت جامي نسمة اديرو ! مدايرة بروشينغ في شعرها و الطفلة مش قد بعضاها !!
فتون : آآحمم احمم ! لوين يا نسمة ! ??? واش عديتكـ !
نسمة : لا والله حبيبتي فتون ! نغيير في اللوكـ ! قلكـ بدل اللوك يحبوكــ ( هاهاهاها )
و بدات تضحكـ في ضحكات مش ضحكاتها .. نسمة الي كانت حتى ضحتها دخلانية .. تشوكات المفيد فتون فيها ! ومالقاتش واش ادير .. قالتلها : وي جيتي شابة !!!! الله يباركـ !
وهاه و دورت نسمة و جات خارجة و فتون طاح قلبها في صباطها خلااص راحت تجري و شدتها من يدها : أ لالة !! وين بيها راكي خارجة هكــ ؟ آآه نندب حناكي !!
نسمة : هاهاهاهاها .. واش فتون ! نبدلو شويا ديما عباية و خيمار و ليكات طويلة :!! ماولاتش لامود ضركـ رانا في 2014 ! هههه .
فتون : يهديكـ ربي عيش ختي ! راكي حيرتيني دخلتيني في بعضايا ! اقعدي و فهميني واش الي بدلكـ ! ؟؟
نسمة : اوووووووووووووووووف يَ فتون ! جابلي ربي خليت بابا في الدار .. فُكي عليا بِربي و اخطيني !
فتون : ماكانش خرجة هكـ .. يا ربي منين طاحت عليا هاد لي بروبلام يا ربي العزيز !! ماكانش خرجة ! ماكانش !

نسمة مش قد قد خلاص .. الطفلة فارين عقلاتها خلاااص !! و الطالون ماقلتلكمش علييه ! تقولشي جنية متحلبة دخلت فيها و العياذ بالله ! فتون غلقت الباب و ماخلاتهاش تخرج ! رفدت عندها المفتاح و حلفت ماتخرج صحبتها بهاديك الحالة !

فتون : واش بيكــ أ عبد ربي ؟؟ انا نخمم نستعقل و نتحجب و نتوب ! وانت ??? شوفي واش راكي أ ديري ؟؟ حرام عليييك راهو ؟؟
نسمة : راني ديسيديت هاك يا فتون .. و هاداك الخيمار مش راح يتحط على راسي ! خلاص !!
تنطرت نسمة من بلاصتها و ناظت تعيطــ و تقول : ماتقلقينيش يا فتون مش انتي الي راح ترقدي في قبري ؟؟ أخطيوني عييت وانا نسمع في الهدرة و النصائح الى مررتلي حياتي ؟ طيبة قلبي رجعتني جايحة و حتى واحد مايحترمها و حتى واحد مايقيمها و لا مدايرلها حساب ! حاطيني فام د ميناج هادا ماكان .. و عبدة تدعي سون زاري .

فتون تشوكات .. جامي شافت نسمة تعيطـ ولا صوتها تعلى على وحدة و جامي شكات !!

نسمة : حرتي فيا ؟؟ تبلوكيتي ؟ اييه هادى كامل وجاعة في قلبي خبيتها ! وواحد ماحس بيا انا واش نحسس ! من حقي يا دين الله نعيش كي بنات جيلي ! نلبس و نريح و نسشور و نبيش و نخرج و ....... !

وهاكــ فتحت نريمان الباب و دخلت ! وشافت نسمة في هاديك الحالة .. وفيفي مش عارفة واش اديرلها ! نسمة تعيط و تعيط و تفرغ واش في قلبها ! دارت على هادوك لحوايج كامل رماتهم في الأرض كسرت الدنيا كامل ! خلاص لحقت بيها ع الاخر ! ولات مش عارفة واش ادير !! ?? o_O .. قدمتلها نريمان باه تهديها ناضت تضرب فيها و تطبع فيها ! نريمان هزت يدها بلا ماتحس و تعطيها بكف ! ! !!!!!!!!!!!!!!!! !! !! ! ..

نسمة : O.O !?
فتون : O.O !!?
نريمان : O.O !?

رجعت في نسمة الروح ! طاحت في الأرض و ناضت تبكي و تبكي و تبكي من حرقتها و نريمان مازالها واقفة مش مصدقة واش دارت !
نسمة : البنات ،، فاض كاسي فــــــــــآض ؟ لوقتاه راح نزيد نصبر ؟ لوقتاه راح نتحمل ؟ حتى واحد ماراه حاس بيا ؟ البنات كامل عايشين لاباس عليهم ؟ غير أنا ؟ مخبية روحي تحت العباية و الخيمار ! مانبانش ! حتى واحد مايشوف فيا ؟؟ تتصوروا واحد ماتقدملي ولا قالي راكي عاجبتيني !! كون نبقى هكـ نعيش طول حياتي وحدى .؟؟ ... ...
نريمان : الحياة مش رجال يا نينا .. مش رجال بركـ ،، شوفيلي أنا !! معاه غير في الميزيرية و العذااب ! راهم هاد لي غولاسيون غلطة والله غلطة ! وديجا الراجل مايشوفش ع اللبسة و الريحة و الطالون و المايك آآب ! وانت والله الي في قلبكـ ماتسعاهش وحدة !! الفرحة ع حساب القلوب و النيات !
فتون : يا حبيبتي [ حضنت نسمة ] .. ماتزيديش تخمي هاد التخمام خلاص ، راكي أشرف وانقى و اروع طفلة ! والى وسوسكـ و دخلكـ هاد لي ديفينسيون ! راه يغلطـ فيكـ .. اتقي مولاكــ و حطي ربي في بالك ـو انعلي الشيطان راه هو الي يوسوس فيكـ !!! !! الف واحد يتمناكـ !! !
نسمة : راهي هالة ! الله لا تربحها ولا تخلف عليها ! الله يسامحها ! لبارح كامل و هي توسوس فيا حتى عمرتني و خرجتني من عقلي .. قاتلي بلي راه واحد تعرفو باغي يتعرف بوحدة بنت حلال و شابة باه يخطبها ! دلاتو عليا ! ايا هو قالها ماعجبتنيش خاتش متخلفة و معقدة ! و لبستها مش شيكـــ !! مي والله عندكم الحق في كلش الحق عليا !! :(:(
فتون : مالقيتيش لمن تعطي وذنكـ يا نينا ! شوفي واش دارت فيا انا و نريمان مع رمزي ! .... حسبنا الله و نعم الوكييل .
نسمة : أأخـآآآآآآآه ؟؟ ??? واش دارت ؟
فتون : \ششششش .. مبعد نحكيلكـ !
نريمان : حبوبتي نينا اسمحيلي كي ضربتكـ .. ماكانش عندي حل اخر كنتي خارجة من عقلكـ كوم بلاتمون !!
نسمة : لا يا خيتي ! درتي فيا مليح كنت خارجة من عقلي . نستاهل هاك و اكترر .. ميرسي حبوباتي مانعرف واش كان او صرالي بلا بيكم .. نحبكـــــــــــــــــــمممممم !!!! !! 3> 3> 3>

* * * *
" البنات !! ! راح نتحجب ! وانحي عليا هاد التمحان كامل !! خلاص أختي لبسنا بكري و تمسخرنا بكري !! !! .. '' هادي فتون الى راها تهدر لي في ?? شكون كان يقوول راح اتوب و ماتوليش تلبس و ادير المايك ااب ! وشعرها من عرس لعرس تسشورو !!

ببببف حنى كامل هكــ ... ... ...

ايــــــــــه ! العام قريب يخلاص ؟؟ واش راح يصرا يا درا ؟؟؟

waiT brrrk ...
 
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

* ريحت فتون مع نسمة و حكاتلها حكايات الشواطن الى دارتها هالة و رمزي ! وخيانتهم مع بعض لــنريمان !!

* نريمان .. تحاول تبين بلي فاتت الحكاية ومراهاش توجع فيها و راهي بدات تنسى ! مي نونو تضحكـ بزااف مع صحاباتها .. ترقد بزاف و تاكل بزااف !! تسمع الغناءء آآآفون في وذنيها و تحاول تهرب من واقعها الى راهي طايحة فيييه !! .
جاتها الكية كيتين ! حنونها الى خانها و صحبتها الى ضربتها في الظههر !

فتون راهي تعاند في نسمة و رجعوا يخرجو للبلاد و يشريو القش جديد و على لامود و مستور و تاع متحجبات !! نسمة تعودت وراهي فخورة بروحها كتتر !
* هالة خرجت من لاشومبغ ! وماولاتش ساكنة معاهم خاتش مش مرحب فيها طبعا مابيناتهم !! و مازلت تمنشر و تخرج في اسرارهم ايامات كانت تسكن معاهم !! !! ..

* أســآمة تقدم لخطبة نريمان رسميـآآآآآآآآ من أهلها و بينلها بلي صح يستاهل فرصة من عندها ! وبلي راهو راجل و سيد الرجالة ... .. و راهي تحاول تنسى رمزي و تعيش حياتها !! وطبعاََ راح تنجم تنسااه !!

* وفتوون !! مام هي في رايكم تزوجت ؟؟؟؟؟ ! لا والله مازال ماجاهاش نصيبها ! مي جات هي الأولى في القراية و قدرت تخدم خدمة شابة ! وولات تخمم غير في مستقبلها و في خدمتها !

* * * *

تسيباراو البنات بعدد الجامعة و كل هاداكـــ الوقت مايتهادروش مع هالة ! ! مازالو نريمان و فتون يتلاقاو بزاف مرات وساعات ب نسمة ! !

هالة .. لا نجحت في قرايتها لا تزوجت ! و رمزي لعب بيها و رماها ! هالة تربات يتيمة الأم و تحرمت من بزاف حوايج في صغرها و هاد الى خلاها تغير من البنات و ماتحبهش !! ! مالقاتش هاداكــ الحنان تاع ميمتها !! ! .. واحد اليوم ! نسمة تمشـــي في الطريق ! وتلفتت في الأرض و لقات طفلة تتطلب !! ! حلت صاكها و و خرجت واش كتب ربي و عطات لهاديكــ القليلة ! رفدة راسها هاديك الطفلة و المحنة هاديك هالة ????? !! !! ! o_O

نسمة : هالة واش راكي اديري هنا ،، نوضي !
ناضت هالة و حالتها مبهدلة و قالت : مابقالي والو نسمة ، بعد ما توفى بابا لقيت روحي في الزقاق ! ماعنديش لويين .. الله غالب الدنيا عكستني !!!
نسمة : الدنيا ماعكستكش .. درتي الشرر بزاف في حياتكــ ، ماخليتي حتى وحدة غير و مررتيلها حياتها !! و هاكي تخلصي في دنيتكـ قبل آآخرتكـ .
هالة : راكي تستشاي يا نسمة .. حرام راهو ، الى فات مات !
نسمة : محااال .. أنا جامي نستشفا .. مش من طبايعى واكي تعرفيني !! ! هيا امشي معايا .. امبوسيبل نخليكـ هنا .
هالة : أديني لعندد نريمان و فتون لازم نطلب منهم السمااااح ! مانيش نرقد اليل من الذنب !! !
نسمة : أمشي معايا للدار .. تدوشي و تلبسي حوايج جدد و امبعد يدير ربي دلييل !!

رفدت نسمة صحبتها و اداتها للدار !! وكلتها و دوشتها و راحو لدار نريمان [ نريمان صايي تزوجت وراهي في دارها ] عيطو لفتوون و تلاقاو ..
طلبت هالة السماح من صحاباتها و بكات و اعتذرت و قالتلهم علاه دارت فيهم هاكـداكـ !! و شحال قلوبهن صافية . سامحوها و عاونوها !! و شدو عندكم سكنتها نسمة معاها في دار باباها و زوجوها لوليد الحلال !! ! وراها عايشة هانية و الشكر لربي !! .. ...

من هاد الحكآآية بزآآف حوايج كاين فينا الى عايشينهم !!
لازم عالطفلة تحل عينيها و ماتحطش الامان في الى والى !!

و رفقا باحبتكم يا نــــــــــــآآآس !! !

الحكاية ياسر قصيرة !! مي الله غالب الوقت خاننا !!
ان شاءء الله تكونوا فهمتو العبرة منها ! و تكونلكم أحر برهـآآآن !!

تحيات الصبايا .. Nina وَ Hala و nonouta
لكل متابعي قصتنا الفيري قصيرة !!

ان شاءء الله تعجبكم !!


do.php
 
آخر تعديل:
رد: دَرْدَشَـآت بَنَـآآت (إنْشًـآءّْ قٍصًةْ مٍنّْْ وًحٍيّ الأعْضَـآء )

هـآذي كـآنتـ حكـآيتنـآ وكيمـآ قـآلتـ هـآلة تتبدل الاسـآمي مي تبقى المـٌعـآنـآتـ وحدة والقصص تتكرر ديمـآ
امالا ماديروش رايكم باسكو الدنيـآ دوارة والبقرة عثارة وياسعدو من فعل الخير:$
يـآربي تعجبكم قصتنـآ وميرسي لهـآلة ونونـآ كـآنتـ حقـآ تجربة تستحق :d:up::up::up: ( بالاك يجي النهـآر نكتبلكم قــُصيصة - تصغير لقصة :p- بهذا اللون;);) )

سلامي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top