احتاج مشورتكم واتقبل رايكم

jijo7

:: عضو مُشارك ::
إنضم
2 جوان 2014
المشاركات
343
نقاط التفاعل
441
النقاط
13
سلام اطرح موضوعي واتمنى القى ارائكم في الحقيقة تقدم لخطبتي شاب لاباس به انسان محافظ على صلاته وبيني وبينه 6 سنوات ،في الحقيقة انا متخرجة من الجامعة وهو في السنة التاسعة وله مسكن خاص ويعمل ضمن الادماج لكن انا متخوفة من الفارق الثقافي بيننا يعني هذا ما جمعت من معلومات عليه لحد الان ولم اقرر بعد ماذا افعل اذا فيكم تساندوني واتقبل ارائكم بصدر رحب
 
رد: احتاج مشورتكم واتقبل رايكم

سلامي اختي اعجبني حمـآسكـ ولكن موضوعكـ ليس ف النقـآش بل ف هـآدآ القسم افضل
لانه هنـآ ستجدين م يسـآعدكـ برايه فانتـ لا تحتاجين للنقاش بقدر المشورة

بالنسبة لخاطبكـ المستوى الدراسي عمرو لاكان عيب حبوبتي
المهم المفاهمة والمثل يقول اعطيهولي فاهم و الله لا قرا:d:d اتسمى ماتشوفيش للمستوى العلمي مي الا انتي ايهمك هذا االامر ف هذا راجع ليك غلاتي

وربي يجيب لي فيه الخير
( انتظرك مرة اخرى ف النقاش بموضوع جديد لاناقشك ع خلفياته;);) ههه)
سلامي
 
رد: احتاج مشورتكم واتقبل رايكم

نورمال
اذا كان راجل وولد فاميليا ومحافظ على دينو وجاهز من الناحية المدنية ومتقبلاتو فأين المشكل

أصلا القراية ماتخرجش مثقف بالضرورة ماتخافيش

الا اذا كانت عندك خلفيات فأمر أخر

شيء واحد فقط أطلبي المشورة ممن يعلم بكل المعطيات في بيئاك الحقيقة

كل الأراء هنا ستكون منقوصة لجهلنا ببعض المعطيات لكن لا مشكل في اعطاءنا لكي تصور عام
بالتتوفيق
 
رد: احتاج مشورتكم واتقبل رايكم

مرحبا اختي اتمنى ان تتقبلي رئيي هذا بالعكس انا يهمني انو يكون في فرق في السن بين الرجل والمرءة من6 الى10 سنواة لانو هيك راح تقدرو تعالجو امور ومشاكل الحيات بدون اي صعوبات والمهم من هذا انه مثل ما قلتي رجل محافظ. لدينو والله من الصعب في ايامنا تلاقي واحد مثل هاد الرجل ومو مهم الفرق المادي او فرق المستوى الي بينك و بينو فانا برئيي هاد العريس كتير مناسب على حسب المواصفات الي قدمتيها وان شاء الله بتكوني ستفدتي من رئيي
 
رد: احتاج مشورتكم واتقبل رايكم

ليس كل مثقف متعلم وليس كل متعلم مثقف

انت واش اديري بواحد دكتور ومايصليش ،، الصح في المبادئ ماشي في المرتبة الاجتماعية

زيدي شاوري داركم وناس لي يعرفوك ويعرفوه وخمي امليح

وربي يهنيك ان شاء الله
 
رد: احتاج مشورتكم واتقبل رايكم

وكاينة حاجة اذا شفتي بلي مش قادرة تتفاهمي معاه بسبب الفارق هذا فلازم عليك تدي الموضوع بجدية

انا عندي ولد عمي ماقراش ولا يوم ومرتو جامعية وعندهم 5 سنين زواج ومتهنيين ، الصح في المفاهمة
 
رد: احتاج مشورتكم واتقبل رايكم

فارق السن جيد ...........

فارق المستوى العلمي غير جيد .........

يملك سكن امر جيد .................

شغل وعمل مؤقت .........غير حسن ....

اذا كان فاهم وراجل ...وذو اخلاق .........فهذا يغطي على باقي النقائص.

موفقة للخير .........
 
رد: احتاج مشورتكم واتقبل رايكم

والله مشكورين اخواتي واخواني على المساهمة انا فرحانة لاني لقيت من احكي له همي ويسمعني انا انشاءالله راح اخذ برايكم وافكر مليح طيب انا في الحقيقة فكرت في النيفو لانو كاين ياسر ميتفاهموش او تختلف وجهات نظرهم ويقولك ندي واحد بنيفوه حتى اذا طردوه من خدمتو يلقى نيفوه ولا واش رايكم يبقى من ناحية العمل انه غير مرسم فقط هذا ما افكر فيه والله يجيب لي فيه الخير وجزاكم الله الف خير ويعطيكم الف عافية
 
رد: احتاج مشورتكم واتقبل رايكم

سلام عليكم ..هاني جيت ...
العمر ماشي عائق ....كيما قالو كم كبير عقله فارغ وكم من صغير عقله بارع ..........الفارق العلمي اللي راكي تحكي عليه بينك وبينه هو اصلا ماكانش ....خاطرش الراجل راجل ...والرجال مواقف ماشي قاري ولا لالا ....... الله يسخرلك ..
 
رد: احتاج مشورتكم واتقبل رايكم

وعليكم السلام

شوفي العقلية يااختي

انا عن نفسي نرفض واحد اقل مني في المستوى لأنو كل وحدة كيفاه تخمم

ادا شايفة هاد الفرق ماش راح يأثر عليكم مستقبلا اقبلي وادا العكس متقبليش وزيدي استخيري وربي يسهلك ان شاء الله
 
رد: احتاج مشورتكم واتقبل رايكم

سلام اختي العزيزة
قريت شوية ردود هنا ماعجبونيش
كيفاش المستوى العلمي ماهوش مشكل ؟؟؟؟؟
اذاكان في وقتنا هادا لي قاري وفاهم ما فكهاش فما بالك واحد ما فاقه فيها شيء
هادو الجامعيات لي قبلو برجال دون مستواهم ياما عندهم نقائص جمة لدرجة تتخذ مستواها اداة لفرض السيطرة
ياما دارهم فيها مشاكل كبيرة علاديك حبت تخرج باي وسيلة ولو تكون راجل دون مستوى
ننصحك اختي لوجه الله ماتسمعيش لاي واحد ولوكان قريبك ولا قريبتك بالدم اسمعي غير لامك وفقط
باسكو كاين بزاف ناس يغيرو ويحبو الخير غير لولادهم ويحبو يفسدو على ولاد الناس
تمنياتي ليك بالتوفيق
 
رد: احتاج مشورتكم واتقبل رايكم

kayen elli ikoulou 'a3tihouli fahem wella la kra'

mais moi personnellement je vois ke lazem ikoun takafou2 fi koulech
y compris takafou2 el 3ilmi

bach plus tard maykounouch des pbmes .. surtout l'homme algerien mayhabch une femme superieure alih

c juste mon avis, o hada maktoub​
 
رد: احتاج مشورتكم واتقبل رايكم

سلام اطرح موضوعي واتمنى القى ارائكم في الحقيقة تقدم لخطبتي شاب لاباس به انسان محافظ على صلاته وبيني وبينه 6 سنوات ،في الحقيقة انا متخرجة من الجامعة وهو في السنة التاسعة وله مسكن خاص ويعمل ضمن الادماج لكن انا متخوفة من الفارق الثقافي بيننا يعني هذا ما جمعت من معلومات عليه لحد الان ولم اقرر بعد ماذا افعل اذا فيكم تساندوني واتقبل ارائكم بصدر رحب
سلام اختي اذا كان هاذ الانسان تقي ويخاف ربي اتوكلي على ربي وافقي على خاطر قليل وين تلقاي انسان راح يوفرلك سكن خاص وزيد يخاف ربي يصلي ويقوم بواجباته الدينية وانسان خدام واش تزيدي فوق هدا اما على فارق السن نظن ماشي بزاف وعلى علمي كيما الناس كامل يقولو بلي لمرا تفوت تولد تكبر معناه اديه كبير عليك خير باش تباني ديما صغيرة ههههههه:p والمستوى عمرو لاكان مقيلس للزواج .سلام.
 
رد: احتاج مشورتكم واتقبل رايكم

شوفي ختي انا نعطيك غير مثال ...كيما انا ماكملتش قرايتي واللي راه خاطبني مكمل قرايته وخدام والحمد لله وهاكداك مادارش المستوى الدراسي عائق بيني وبينه .......جاياته نورمال ....هاديك هي حتى بينك وبينه ماتخليش هاداك الشي يردك اللور .........راكي شايفة في هاد الحياة ومتعلمة بللي الرجال موااااااااااااااااااااااااااااااااااقف وتجي ليام وتتاكدي من هاد النظرية ( الرجال مواقف)
انا مرا وكان نحس غير دقيقة بللي راه طالع عليا غادي مانشاورش فيها راسي نقيسله جد حلاس ومابالك الراجل تشوف فيه مرة بللي قليل شان .....الله يهديك يابنت ..انا مرت خويا جنيورة وخويا ثانوي والحمد لله عمرها ولا شافت روحها لفوق عارفه بللي الراجل راجل وتاكل على روحه وعايشين بستر الله .........وبين قوسين هادي ماشي فرصتك الاخير لالا الخير راه لقدام مي شاوري مخك مليح مليح باه ماتندميش ....خاطرش القرار اللي تديه غادي يكون قرار بنت واذا ندمتي تكون ندامة تاعه مرا في كلتا الحالتين في واه ولا لالا.....................ان شاء الله ربي ينور طريقك
 
آخر تعديل:
لم يكن فارق السن أبدا حاجزأ بين أحد
و رسولنا الكريم خير دليل
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top