رمضان يجمعنا في احلى لمة 2014

[ام ايناس]

هادا فطوري تاع البارح

وهادا فطور اليوم

وهادا قلب اللوز درتو البارح جاني هايل
قبل الطياب

وكي طاب

وهادا لاكرام الوصفة تاع رقية لي طبقتها من عند ايمان الف شكر ليهم

ودرك راني هجمت عليه هههه

​

 

[ام ايناس]

لولا بصحتكم الفطور يشهي يعطيك الصحة وتسلم الايادي

​

 

[ام سيف]

صح فطوركم لبنات ربي يتقبل الصيام ان شاء الله
سخفني لاكرام ممكن الوصفة ام ايناس من فضلك​

 

[oumsif]

صح فطوركم وصح شربتكم جميعا الغايبات والحاضرات
حدودة وعفوفتي .ام ايناس .سندريلا.امينة .وزازيا ولولة تبارك الله اعليكم موائدكم تشهي يعطيكم الصحة
فطورنا اليوم شربة فريك.سلاطة .فريث ولكويس انتاع الجاح.وباباغنوج وكسرة .

 

[ام ايناس]

الله يسلمكم لبنات
ام سيفو هادي غيبة واش راكي هادا رابط الايس كريم https://www.4algeria.com/forum/t/402258/
سمورة بصحتك انتي تاني الفطور وينهم الصور توحشناهم


​

 

[الحلم الوردي]

صحا فطوركم كامل
فطوركم يشهي
فطونا نتاع اليوم
ماصورتش كل شيء

​

 

[oumsif]

دلولة التلفون لي عندي ما يصورش انتاعي راه عند سيف كسر انتاعو وخطفلي انتاعي ان شاء الله ليمات هدو نشري واحد اخلاف

 

[ام ريهام]

صح فطوركم ونتمى تكونو كامل بخير وحبيت نشكر ابني معتز عاى السؤال ربي يحفظك من كل سوء ورمضانك مبارك ان شاء الله صيام مقبول ربي يهطيك ويحققلك ما في بالك
وللجميع كلشي راه يشهي انا الميكرو راه متحبش يطلع الصور ما فهمتش عﻻش خلي كي يهديه ربي راني نحط فطونا اليوم طاجين الزيتون وحريرة وطاجين حلو وسﻻطة بوراك خبز اامطلوع والحمد لله

 

[hadda0425]

بصحتكم لبنات لولا وملاك ودلول يعطيكم الصحة
دلول انا نبغي صوت وصورة هههه ما تمشيش معايا الكتابة برك
سمورتي نت تاني نبغيو حاجة نشوفوها بالعين المجردة :d وبصحتك وش فطرتو
انا من لفطور رحت نصلي من بعد جات العين كنت مع القش ولغسيل والتعمار هذا وين خلصت
سموحة عاش من شافك
عفاف وينهو لفطور ولا حترجعيه سحور :p
ايا نخليكم على خير قدوا ان شاء الله اذا حيانا الله
​

 

[hadda0425]

ابتسام راك في الكوزينة صوريلنا الكوشة ولا طبونة على الاقل ولا حتى الطبونة معندهمش ولاد عمي جون ههههه
​

 

[الحلم الوردي]

صحا سحوركم كامل
الى الملتقى ان شاء الله
تصبحو بخير
​

 

[ام رحاب]

هل تعلمين أيتها الغالية كم لك من الأجر في هذا الشهر المبارك ؟
إعلمي أنه بمكوثك في بيتك لك الأجر و لك أجر إفطار صائم و ذلك حسب عدد أفراد عائلتك و لك أيضا أجر إدخال السرور لقلب مسلم بتقديمك أطباق شهية و لذيذة و مع صلواتك الخمس و قراءة كتاب الله و آحتساب أجر كل ذلك نبشرك أيتها الغالية بكل خير فهنيئا لك أيتها الأم الفاضلة و أختنا الغالية
​

 

[أم الأولاد]

صحا فطوركم

طيابي في الايام لي فاتو

​

 

[أم الأولاد]

+

*

+

+

+

​

 

[lina-67]

سلام عليكم و صح سحوركم وفطوركم

​

 

[ام سيف]

يعطيك الصحة دلولة
نجربها ان شاء الله
ما عن الغياب ركي علاباك بالتربية زاد مرضلي اشرف(شملي كيمانقولو)
يعني حاشاكم لقيا ولادياري
​

 

[ام ايناس]

صباح الخير عليكم لبنات
ملاك وايمي ولينا كلش يشهي يعطيكم الصحة وبصحتكم
حدة راني جبتكلك الصورة والصوت منبعد ههههه نبعتولك في الفيديو هههههه
نعيمة ربي يهدي الميكرو ونشوفو الاطباق تاعك توحشناهم
ام رحاب مشكووورة انشاء الله يتقبل ربي منا صيامنا وقيامنا
ام سيفو والله غير صح مع التربية ماتقعديش وربي يشفي سيفو مسكين
منبعد انشاء الله

​

 

[fatima der]

السلام عليكم
واش هذا الخير الله يدومها
هذا افطار اليوم الخامس والسادس
صح فطوركم​

 

[ibtesem]

صباح الخيرات
واش راكم مع الصيام الأيام راهي تجري سبحان الله
من كنا نستناو في رمضان اليوم اسبوع احنا صايمين
ربي يتقبل منا يارب

 

[عفاف الجزائرية]

صباحكم بالخير والخمير نهاركم مبروووك
ربي يبااارك عنكم راكم ناشطين الله يعطيككم الصحة والستر اجرنا عند ربي سبحانو
حدودة كون تشوفي كيفاه راني نهبط في التصاور صرالي اكتر منك الكبل نتاع التلفون ما عنديش نهبطهم في الفيس بوك ندير موا انيكمون برك من بعد نتيليشارجيهم نكتب فيهم الاسم من بعد نعاود نهبطهم في الفيس بوك ونكوبي لليان نتاع ليماج بصح كلو يهون في جالكم وجال اللمة درك شوي ننزل فطور لبارح
واش عولتو ليوم
بسومتي القنينة راهم يقطرنو فيها يديرولها في القطراان وتولي صالحة للاستعمااال راها تستنى فيك