مخنوقة ومحتارة

[Asmaa2020]

شكرااااااااااااااااااااالمساعداتكم

 

[Asmaa2020]

الاخت انا واحد راح اشترط نفس الشروط على اي بنت اتقدم لخطبتها انا هكذا داير ما نحملش مرتي تخدم ويدورلي بيها الذبان و حتى الشوفة تع الذئاب في الطريق ما نحملهاش لو تكون عندي سيارتي تركب فيها معليش ما تديرش العجار اما في الطريق تمشي ما نحب حتى واحد يطلع عينه فيها خاصة عندنا احنى العرب لانهم بصراحة يبلقوا عينيهم بزاف ولاو ما يحشموش قع انا بانتلي بلي راه الولد عاجبك متربي ومحافض ما عندك ما تقولي راجل من الاول عنده غيرة على المراة هذا رجل تع كلمة وبخصوص السكن مع العائلة والله غير بزاف علينا ما قدرناش يا بنعمي انا ما فهمت فيها والو جيت نطلع حسابتي باش نروح نشوف كاش طفلة نخطب لقيتها قريب 150مليون مصروف خاصة للشخص اللي ما عندوش شكون يعاونوه مزية مارانيش مغروم راني حر طليق نضل نحرث كي البقرة باش جمعت شوي دراهم صافي درك نتزوج نصرفهم قع نرجع للصفر ولا نخبي دراهمي ما نتزوجش وانا بديت نكبر ساعفي السيد والله الحالة صعابت اني سجلت في المنتدى على جالك مش عارف كيفاه وصلت لهنى قع

واه خويا هوا عاجبنى بزااااااااااااااااااف لانو انسان بمعنى الكلمة انا خايفة غير تفرقنا الظروف

 

[خديجة 24]

اختي شوفي للشخص وعقليتو اذا عجبوك واذا كان على يماه وخوه شوفي اذا ارتحتيلهم و حاولي تكسبيهم امابالنسبة للعجار فما هو الا شكليات و ماديريلوش اهمية اكثر من قيمتو المهم كيفاش راح تعيشي مع هذا الرجل واذا حشمت من لبس العجار ديري جباب او نقاب مانضنش راح يقولك لالا العكس هذا لباس شرعي يرضي ربي سبحانو والناس كاملين ونزيد نقلك انا راني مخطوبة (عاقدة و مفتحة) ومايقوليش لا ماتلبسيش هاذي ولا البسي هاذي وراني حاسة بقلة الاهتمام وعدم الغيرة #إذا جاءكم من ترضونه دينا وخلقا فتزوجوه# وانشاء الله اذا كان هذا الشخص هو مكتوبك تسعدي وتتهناي واذا العكس ربي يرزقك ما هو احسن وفي الاخير نقولك الراي رايك وانت مولاتو ديري الاستخارة وربي هو اللي يوجهك

 

[شهنوزة]

اختي شوفي مليح اسكو راكم متوافقين في العقلية ولا لالا وشوفي روحك انتي ايلا راكي مقتنعة بيه كزوج وشريك حياة مدى العمر ولا لالا وانتي اسكو راكي مرتاحة للشروط تاوعو ولا لالا كل وحدة وعقليتها كايم لي متقبلش دير العجار وايلا كنتي شايفة انك انسانة طموحة وتحبي تخدمي قدمي نتي تاني شروطك وشوفي ايلا يفهم ولا لالا ولازم يكون تنازلات من الطرفين اذاكان هناك اعجاب متبادل

 

[zakiii]

و عليكم السلام أختي أما بعد كل شروط خطيبك تعجبني بالعكس هو يحبك و يغير عليك و باين هاد الشيء بقات فيك نتيا نتيا و قناعتك و في القضية تاع المنزل لا تدري لعل الله يفرج عليه بسكنة و تسكنو وحدكم و ربي يجيبلك لي فيه الخير

 

[samir batna]

أختي الكريمة الزوج الصالح أغلى من كل أمور الدنيا لي راكي تحوسي عليهم ........ مع الوقت بلاك ربي يفرج و ديرو دار وحدكم سلام

 

["Màrià"]

بصح ختيتو واش فيها كي ديري لعجار ؟؟
خير من تخسريه
​

 

[Amira28]

القرار ليك انت اختي لانوا هادي حياتك انت واحد مايقدر يقرر عليك
ربي يجيب اللي فيه خيير

 

[Me too]

سلام
العجار مش مشكل وانتي كي تلبسيه واحد مراح اقلك وعلاش وهذه تبقى ثقة في النفس

 

[رنيم الصمت]

رجل ممتاز كيما تقولي مخصصو والو يعني تخليه على جال عجار؟
قادرة تتحاوري معاه و احكي معاه على اقتناعك تجاه العجار
هدا راه زواج و حياة لازم تقرري و مالازمش تندمي و زيد العجار في الاخير يبقى سترة و مش حاجه لي تتخلاي على راجل كيما هادا على جالو
و تبقى الاستخارة متنسايهاش
ربي يقدملك لي فيه الخير

 

[سفير الأيام]

انا نشوف فيه انسان هايل على كلامك والراجل اللي يامر زوجته تلبس العجار هادي حاجة مليحة على جال العباد ماهيش تحشم وكي تستري روحك ربي يجعللهم حاجز باه ما يقربوكش

ديري عليه وان شاء الله تربحي

ومهما كانت ظروف اللي حابك للحلال والله ساعديه وخلي نيته زينة خرته ربي يفرج عليكم ويرزقكم بدرية حلالية

​

 

[free algerien]

اختي المهم يكون راجل مليح و على العايلة تاعو بالعكس ماتحسيش بالوحدة و ديري يماه كيما يماك و على الخدمة اذا الحالة المادية تاعو ممتازة ما عندك مديري بالخدمة
و على النقاب حاجة بزاف مليحة تستري بيها روحك و بلعكس لازم تفرحي لان الحاجة اللي عزيز عليك تحافظي عليها و هاذ الرجل راهو يحافظ عليك
و في الاخير خذا راي تاعي برك شوفي لي يساعدك و الدين و النسب تاع الرجل هو الصح
سلام

 

[yousefislam]

اختي الكريمه صلي صلاة الايستيخارة ولي فيه الخير ربي ايجيب يارب بتوفيق ليك اختي

 

[salma zayna]

حبيت نعرف كم عائلتهم يعني ادا كانوا3 نورمال عادي وقصة لعجار عادي سوليه ادا يخليك تلبسه في لبلاد تاعهم وتنحيه كي تجي لبلادك؟؟

 

[salma zayna]

وصلي صلاة استخارة وادا كان هدا لي مقلقك اقبلي لانوا هدي لحوايج نورمال المهم الهنا ربي يكملك على خير

 

[sabi2]

أختي نقولك حاجة إذا راكي تشوفيه مناسب و شاب لقطة يحسدوك عليه البنات ، مثقف و خدام و يتفهمك حاولي كيفاه تتفاهمي معاه على الشروط ، إذا ماكيش مقتنعة بالعجار قوليلوا و سيي قنعيه بلي بلعقل تتعودي باه ديريه، و لا هو يتقنع بكلامك و يخليك على راحتك، بالنسبة للسكن مع عائلتوا شوفي إذا ماعندكش مشكل في هذا، و إذا لقيتي روحك ماعندك ازعاج في هاذ الأمور أقبلي مادام راكي متقبلة باه تعيشي معاه و ما ديريش هاد الأمور حجرة في طريقك.

و هاذ راني نقولك خاطر أنا أيضا في حيرة كيفك بس أنا ما ني نشوفوا شاب مليح ، نسكن مع دارهم و عندو 7 خواتات (3 مزوجين و 4 لا) و 2 أولاد تحتو ، و معاهم دار عمهم يسكنوا تحت منهم اشرط علي ما نهدر مع دار عمهم خلاص كاين مشاكل بيناتهم، الحمد لله شرطت الخدمة و بسيف اقبلي، بصح بصراحة هو ماعلابالوش بيا قاع، أنا جبت رقم هاتف ديالو بعد ما درت الخاتم بحوالي شهر قبل ما اتحرك ما حوس ، و ما عندو خدمة ستابل، حاسون إذا حبيتي تعرفي قصتي بالتفصبل أدخلي لهاذ القسم راني حاطة قصتي بعنوان مساعدة عاجلة عاجلة عاجلة و أعطيني رايك فيها، على فكرة أقراي كل الصفحات خاصة الردود انتعي، كل ما يكون جديد خاطر نحطو للأعضاء باه نلقة النصح و كل واحد يعرف التطورات