مخنوقة ومحتارة

Asmaa2020

:: عضو منتسِب ::
إنضم
19 جويلية 2014
المشاركات
61
النقاط
3
السلام عليكم ورحمة الله تعالى وبركاته.
بدون اطالة انا فى حيرة ودوامة من اول رمضان والسبب كالتي:
تقدم لخطبتي شاب ممتاز ادب اخلاق شكل مكانة مرموقة هايل ماشاء الله..
في البداية لم تكن هناك اى مشاكل لكن بدات حيرتى بسبب ظروفه قالى انو باغي يسكن مع يماه...قلت معنديش مشكل زاد قالى خوه صغير عليه بعام يسكن معانا هنا بدات حيرتى هوا عندو ظروفو هاك لانو انحرم من امو وهو عندو عامين حابب يلم الشمل..المهم تانى باغينى ما نخدمش ونلبس وحد الحاجة عندهم اسمها عجار تغطية الوجه موجودة هادى العادة فى منطقة البيض المهم حسيت انو ظروفو ممكن تخنقنى وفى نفس الوقت مش باغا نندم انى ضيعت شاب ممتاز كيما الناس راهم يحسدونى عليه وغايرين كيفاه خيرنى انا...........بغيت استشارتكم وارائكم فى ظروفو وشروطه كلها بليييييييييز ساعدونى انا فى دوامة لااكل لا شرب غير التخمام وهوما جايبين الخاتم وراح نلبسو بعد رمضان يعنى ما بقاش الوقت باش نقرر:(
 

sahiko hamza

:: عضو شرفي ::
إنضم
14 جويلية 2008
المشاركات
3,676
النقاط
191
وعليكم السلام ورحمة الله

انا من ناحيتي لعجار مافيه حتى مشكل
ديجا عدنا التقليد وين نسكن انا لمرا المتزوجة وسيرتو حديثة الزواج تلبسو باه تغي الماكسياج تاعهــا

اما باه ننصح تديه ولا لا
هديك نخليها لذوي الخبرة
بيان سير خاوتنا بنات ..
 

Asmaa2020

:: عضو منتسِب ::
إنضم
19 جويلية 2014
المشاركات
61
النقاط
3
شكرا اخى على مرورك ورايك ........بارك الله فيك
بنات وينكم؟؟
 

بيّاع الورد

:: عضو شرفي ::
إنضم
7 جويلية 2011
المشاركات
1,888
النقاط
111
العمر
27
الجنس
ذكر
مرحبَآآ
أختِي مالقيتش شانقوليك !

شروطو عليك انتي الوحيده اللي عارفه اذا يساعدوك على القبول بيه و الا لالا

العجآآر ماشي غي في البيض راه في كل مكان و هادي عاده قديمه و مليحه و بالعكس هو كي قالك ديري عجار معناها راه خايف عليك من العينين و كي قالك ما تخدميش تاني باش يتجنب أي احتكاك ليك بغيره و هدا يمكن دليل على حبو ليك و خوفو عليك

و انتي حرّه يَ أختِي كلّ التوفيق ليك ان شاء الله ^^
 

meriam tlm

:: عضو مُشارك ::
إنضم
15 ماي 2013
المشاركات
293
النقاط
13
ختي ييلا راكي شايفاتو مناسب ليك وملتزم وكيما قلتي ماشاء الله عليه
نقولك يلاكان بسبت امه وخاه والعجار تراطيه ماشي نورمال
المهم هد الشي مكتوب ربي اللي مكتوب في الجبين مايمحوه اليدين
امه من واجبو وواجبك وخاه نورمال كيما خاك
والعجار اي النقاب بلاك هو مش حاب يشوفك اي واحد اخر من غيرو هو وهد الشي زاد من كرامتك ختي
والراي رايك
 

largo19

:: عضو مُتميز ::
إنضم
5 جوان 2008
المشاركات
803
النقاط
19
هاذي الشروط أنتي اللي تقدري تقرّري إذا تقبليها أو لا ٫٫٫ يعني حسب قناعتك الشخصيّة ٫٫٫ الزواج أمر جدّي و يحتاج مواقف حازمة دون تردّد و لا مجاملة ٫٫ إذا كنتي تقدرين على تلبية شروطه و كان رجلا مناسبا لكي فاقبلي ٫٫ أمّا إذا كنتي ترين بأنّكي لا تستطيعين تلبية شروطه أو أنّ هذه الشّروط ستسبّب لكي إحراجا و ضغوطات في حياتك فأنصحكي بعدم القبول ٫٫ هذا أمر لا تصلح فيه المجازفة ٫٫٫ و لا يصح أن تقبلي بزوج فقط من أجل أنّ النّأس من حولك قد أعجبوا به ٫٫٫ المهم رأيك أنتي٫٫ هذا رأيي الشخصي و الله أعلم ٫٫٫ بالتوفيق أختي
 

Asmaa2020

:: عضو منتسِب ::
إنضم
19 جويلية 2014
المشاركات
61
النقاط
3
شكرا اختى مريم على النصيحة ربي يبارك فيك
 

Asmaa2020

:: عضو منتسِب ::
إنضم
19 جويلية 2014
المشاركات
61
النقاط
3
شكرا اخى لارجو على النصيحة ربي يبارك فيك
 

اسيل عاصمية

:: عضو منتسِب ::
إنضم
9 سبتمبر 2013
المشاركات
13
النقاط
3
اختي انت طلبتي رايي وانا نقول لوكان جيت في بلاصتك نقبل وانا نضحك لانو ولد حلال وممتاز اخلاق راهوا قليل واذا بيك على لعجار عاااااااااااااااادي ما فيها والوا حبلك سترة وبيناتنا مدام نواك لحلال وخيرك من بين لبنات كيما يقولو توكلي على الله وخلينا نفرحو بيك راكي دايا سيد رجال لانو في نضري ميهمني لا مال ولا لبسة يهمني الهنى و انا نقولك الف مبروووووووووووك مسبقا
 

prince of love

:: عضو فعّال ::
إنضم
30 أكتوبر 2011
المشاركات
1,715
النقاط
71
السلآم عليكم


اختي انا حسب رأي شروط نتاعو معقولة

لأنو درك الرجال كامل لي يخمم على زوجتو يقلك انا لازم نديرلها الجلباب ولا العجار كيما راكي تقولي

ودرك كل شىء راهو يعود ليك .. يعني ادا راكي تشوفي روحك تقدري ديريه اقبلي وربي يكمل ان شاء الله
 

اسيل عاصمية

:: عضو منتسِب ::
إنضم
9 سبتمبر 2013
المشاركات
13
النقاط
3
السلآم عليكم



اختي انا حسب رأي شروط نتاعو معقولة

لأنو درك الرجال كامل لي يخمم على زوجتو يقلك انا لازم نديرلها الجلباب ولا العجار كيما راكي تقولي

ودرك كل شىء راهو يعود ليك .. يعني ادا راكي تشوفي روحك تقدري ديريه اقبلي وربي يكمل ان شاء الله
اخي انا فضولية شوية ولاكن انت لما تتزوج زوجتك دلها هدا لعجار او لجلباب;)
 

Asmaa2020

:: عضو منتسِب ::
إنضم
19 جويلية 2014
المشاركات
61
النقاط
3
تسلمولى كلكم ربي لايحرمنى منكم يارب انتم اجمل اخوة
 

ridharezzag

:: عضو منتسِب ::
إنضم
21 جويلية 2014
المشاركات
1
النقاط
2
الاخت انا واحد راح اشترط نفس الشروط على اي بنت اتقدم لخطبتها انا هكذا داير ما نحملش مرتي تخدم ويدورلي بيها الذبان و حتى الشوفة تع الذئاب في الطريق ما نحملهاش لو تكون عندي سيارتي تركب فيها معليش ما تديرش العجار اما في الطريق تمشي ما نحب حتى واحد يطلع عينه فيها خاصة عندنا احنى العرب لانهم بصراحة يبلقوا عينيهم بزاف ولاو ما يحشموش قع انا بانتلي بلي راه الولد عاجبك متربي ومحافض ما عندك ما تقولي راجل من الاول عنده غيرة على المراة هذا رجل تع كلمة وبخصوص السكن مع العائلة والله غير بزاف علينا ما قدرناش يا بنعمي انا ما فهمت فيها والو جيت نطلع حسابتي باش نروح نشوف كاش طفلة نخطب لقيتها قريب 150مليون مصروف خاصة للشخص اللي ما عندوش شكون يعاونوه مزية مارانيش مغروم راني حر طليق نضل نحرث كي البقرة باش جمعت شوي دراهم صافي درك نتزوج نصرفهم قع نرجع للصفر ولا نخبي دراهمي ما نتزوجش وانا بديت نكبر ساعفي السيد والله الحالة صعابت اني سجلت في المنتدى على جالك مش عارف كيفاه وصلت لهنى قع
 

FARAH-31

:: عضو مُشارك ::
إنضم
5 جوان 2014
المشاركات
217
النقاط
13
سلام اختي اسماء
غادي نقولك حاجة وحدة وديريها في بالك مليح و هذي ماشي من راسي شيقول الله سبحانه و تعالى و الرسول عليه الصلاة و السلام
رسول الله صلى الله عليه وسلم قال: "إذا أتاكم من ترضون دينه وخلقه فأنكحوه
"أهم الأوصاف التي ينبغي للمرأة أن تختار الخاطب من أجلها هي: الخلق والدين، أمَّا المال والنسب فهذا أمر ثانوي،
 
Top