لا استطيع أن أحب زوجي

[wissem1]

يا اختي كي عاد يحبك هو احمدي ربي و بادليه نفس الشعور احنا 10 سنين نحبو بعضانا وقت لي تزوجت بيه لقيت انسان اخر و كاني لم اعرفه
ساكتب مشكلتي مشكلتي في موضوع

 

[أم عبد الله]

سلامي اختي
غاليتي الحـٌب يختلف م شخص لاخر يعني ليس هو تلك الرومنيسية التي تصورها لنا المسلسلات التركية والافلام بل لكل منا طريقته للشعور به
احترامك لزوجك وخوفك عليه يـٌعد نوعا م الحـٌب
الأٌلفة غلاتي هي حـٌب لذا يقول المثل الجزائري *الولف كيف ساهل والفراق ماقدرت عنو *
يعني الحب ياتي بالتدريج فقط اسمحي لنفسك ان تتعلق بزوجهـآ فهو لباسها غلاتي
كوني له نعم الزوجة ولا تدعي مثل هاته الافكار تتسلل لقلبك
ف ان كـٌنت لا تحبينه فاكييد لاتكرهيينه
اذا وقرييه كرجل ثم احترمييه كزوج دلليه كابن ستجدين نفسك تهيميين به كمرآة

تلك نصيحتي وفقط

سلامي
​

 

[anissa 13]

اولا اختي اياك تصارحيه بلي ماتحبيهش من بعد تندمي
الحب مع الوقت يجي انت مع رجل في الحلال والحمدلله
من جهتك حاولي تخلقي جو جميل في بيتك احتفلي انت وزوجك باي مناسبة شريلو هدايا طلبي منو تخرجو مع بعض وووووو ماتكونيش زوجة نكدية كوني مرحة هدا راح ياثر عليكم مع الوقت راح تحبيه لانك تحسي بالسعادة معاك
نصيحة من عندي استغلي هاد الايام لانك ماعندكش اطفال نهار يجو الاطفال راح ياخدو كل وقتك
ربي يسر اموركم اختي ويفرحكم
​

 

[James Rodrigez]

الله يكون معك ​

 

[التائب الخاشع]

ربي يصلح الحال ويجمع بينكم بخيير ​

 

[أم أنس الموحّدة]

يكفيك حبه لكي و حسن خلقه معك واحترامه لك كي تحبينه

لو كان معك كما هو لكن من غير زواج لاحببتيه

اعلمي ان هدا كيد الشيطان كي يوقع بينك وبين زوجك

انا تزوجت تقليدي ولم اكلم يوما زوجي قبل ليلة العرس ولا مرررررة لكن حبه لي و حسن عشرته واخلاقه الطيبة معي واحترامه لي كفاني كي احبه

كلما زادت مدة الزواج زادت معرفتك بزوجك وزاد حبا له

قال الله تعالى : وجعلنا بينهم مودة ورحمة

وهذا بعد الزوج طبعا

واذا اردتي ان تحبيه انظري فقط في محاسنه لا الى مساوئه

وفقكي الله
​

 

[عيشة مرة قدور]

سلام عليكم اختي اله يحفظك ويسترك لي زوجكي اختي نقلك نصيحة ممكن تفيدك 11استغفري مولاكي 2توبي الى الله 3 لاتدعي شيطان يوسوس لك واخير نقلك حاجة برك بلي هدا نصيبك واقبلي بيه والله كتب لك هدا زواج ولا انتي كتبته ونقلك مين راكي جديدة برك راكي تحسي هاك وكاين ليتحس انو زوجها ميحبهاش ونقلك لما تروحي بيت باباك حاولي ترقي عند راقي يمكن عين واو شيء اخر واقول لك حتى لو مش هدا شيء رقية مفيدة ومليحة لمن يستمعها

 

[Amira28]

يا اختاه درك خلاص انت تزوجت درك مالازمش تفكري هاكا باسكو انت رايحة تدمري دارك لازم تنحي هادا الوسواس من راسك

 

[AWDIESL]

الزمان كفيل بتوطيد العلاقة بينكما

عام راه كافي و زيادة باش تحبي راجلك

حاولي تشوفي غير النقاط الايجابية فيه
وخلي فرصة لروحك تكتشفي حقيقة مشاعرك كي تبعدي عليه شوية

و ماتنسايش مهما يكون يبقى سندك و زوجك

وربي يسمعنا خبار لخير​

 

[Silent Hill]

اعوذ بالله من شر الشيطان الرجيم
كاين لي تحب واحد بالصح ما تزوجهاش
واكين لي تزوجت مي ما حبتش زوجها
ما تكون غير خدمة ابليس و جنوده و الله اعلم
انا مانيش رح نحط روحي فبلاصتك اخيه
مي حبيت نقلك استعقلي و اسالي روحك تلقي الجواب
لخاطر كلامك ره دوخني
اللهم اقذف حبه في قلبها
كما قذفت حب نبيك و حبيب محمد في قلوب ملائكتك
اللهم أمين ، سلام ...
​

 

[الباندي]

يا اختى ليست المشكلة في المدة المشكلة في فكرة قابلية ولادة حب جديد لديك انا انخطبت منذ5اشهر والان اعشقه حد الجنون وهو يبادلنى نفس المشاعر...ليست المدة شرط في ولادة الحب

و اذا مازادش هذا الحب كيفاه ...نولدوه ولادة قيصرية ...

اختي واش نقولك لي يقدرو يجاوبوك غير المزوجين اما نحن العزاب رانا هاملين خلاص في هذي الدنيا

ربي يخليكم لبعضكم

 

[الحبيب الوفي]

..""كي دوّد ناض يندب"" .... صار في الخطبة قبلتيه وأكلت كعكة الخطبة ولبستي الخاتم ,,, وفي الفاتحة "" اعقود"" أبوك يلوي في شــــلاغموا ويشرط في الملايين .... بعد كل هذا كي دخلتي كورعيك في الدار ولاّ مايعجبكش...أنا نقول أرتبي .. ارتبي ... هو راه راجل ..قادر يجيب 4 نساء ..احسن منك الشارع راه يغلي بالنساء . الحمام يغلي بالنسا. ... الثانويات ... الجامعات ,,, الادارات ... علامن يرضى .... وانت روحي أطلقي باش المكول يطمعوا فيك يديروك جفافة ... كي السبردينة اللي جا يخشش فيك رجلوا ... هذا ماتحوسوا يا المنسوا ... من كان في نعمة ولم يشكر خرج منها ولم يشعر..

 

[jereve]

الدعاء اللي نقولهلك ربي يهديك
هل انت من متتبعي المسلسلات التركية؟ اسفة على السؤال لكن قلتي ان زوجك يحبك اذا فهو يحسن معاملتك
واي نوع من الحب تبحثين عنه اختاه؟ في كتاب الله ذكرت المودة والرحمة
اذا كان فيه طباع سيئة تزعجك ناقشيه فيها وساعديه حتى يتخلص منها
المهم احسن حاجة انك تحافظي على علاقة مليحة مع زوجك وتحاولي تحسنيها اكتر اذا مش على خاطركم على خاطر اولادكم

ديما الانسان ينظر للي اقل منه كان اللي راها عانس وكاين اللي متزوجة وزوجها ميتعاملش معاها مليح ويخونها و الخ وكاين اللي متزوجة ومعندهاش ذرية انت عندك الزوج المحب والذرية انما هو الشيطان يحاول ان ينغس عليك حياتك اكثري من الاستغفار تتخلصي من المشكل :up:

 

[Laz.peace]

سوال اختي بصح وش خاصو حتان متحبيهش

 

[امونة الشاوية]

ربي يوقع المحبة بينكم
يا اختي الاكيد مثل ما قلتي زوجك يستاهل ادعي ربك ان يضع حبه في قلبك

 

[اروى15]

ختي ماشي وقت هو ليحدد الانجداب بيناتكم لازم تتقبلي فكرة حبك له مدام هو يحبك ويحترمك علاش ماتحبيهش هدا الامكنتيش دايرى واحد في بالك

 

[ammmmoula]

انتي راكي حاطة هذي الفكرة في راسك بلي متحبيهش اهدري مع روحك فكري بلي صح تحبيه احلمي بيه متلا رحتي معاه لبلاصة شابة قالك كلام شباب ووو....................

 

[بقايا إنسان]

السلام عليكم ورحمة الله وبركاته وبعد:راكي في السليم اختي الكريمة في وقتنا هذا قليل من الزوجات لي يحبو ازواجهم والعكس صحيح نقولك مشيها مصلحة وخليها على ربي واكذبي في حبك لعل الله يقربك ليه

 

[زيزي احمد]

ما دام زوجك يحبك فاحمدي الله على هذه النعمة التي زالت عن أغلبية النساء الجزائريات
ما هو معتاد لدينا أن الزوجة تحب زوجها و تعمل جاهدة لإرضائه و تظهر حبها بكل الطرق المتاحة و لو سرا
لكن الرجل إما لا يحب زوجته و إما يحبها لكنه يتعامل معها بكل قساوة و كأنه يخاف من فقدان عزته و رجولته عندما يظهر حبه لها
أنت أفضل امرأة من غيرك ما دمت تعلمين أن زوجك يحبك فهذا كاف لجعلك سعيدة
حاولي اقناع نفسك بأن رفض هذا الحب يؤدي بك إلى فقدان نعمة لن تجدي مثيلا لها لأن حب الزوج دعما معنويا للزوجة و يطيل عمر السعادة التي تسعى لتحقيقها
بنيتي غيري نظرتك لزوجك و اعلمي ان هذا الزوج هو فراشك و غطاءك فحافظي عليه و اخفيه عن كل حاسد حتى تسعدي في حياتك و سوف تسعدي اكثر حين يرزقك الله بولد او بنت عندها ستعلمين انك اسعد زوجة في العالم
تمنياتي لك بالسعادة و القناعة بما اتاك الله

 

[النجم البعيد]

لا احد يلومك لان الحب ليس بيد الإنسان ،، ويمكن مع مع الوقت يأتي الحب ،


المهم طاعته والحفاظ على سمعته ،،،،





تسلم الأيادي ___ النجم البعيد