ممكن طمانو صديقتي

[samah06]

السلام عليكم ورحمة الله وبركته
حبيباتي عندي صديقتي وجارتي في نفس الوقت
عندها مدة وهي تشو لي بارت فيهم خطوط دم
هل هذا يعني انها مصابة بالسرطان
هي راحت لطبيبة نساء وطلبت منها فروتي لكن لم تاكد لها ابدا بانه سرطان واستبعدته
لكن هي محتارة ممكن اللي تعرف او مرضت امامها وحدة بالسرطان وعندها معلومات تفيدنا
وجزاكم الله خير

 

[السلطانة]

وعليكم السلام
منظنش هاذي اعراض السرطان
ان شاء الله تتأكد عند طبيبة خلاف

 

[نبض الحياة]

السلام عليكم
طاطا سماح، الواحد ماشي من عرض يقول هاد سرطان
باسكو هادوك ليباخت اللي فيهم خطوط دم عندهم اسباب عديدة
منها اضطرابات هرمونية وسيرتو تكييس المبايض، التهابات في جدار الرحم، الفيبروم، وغيرهم
يعني السرطان هو آخر امر نشكوا فيه
ومن باب ليباخت برك ما نقدر نقولك واش هو السبب بالضبط
لانو غالبا كاين اعراض مرافقة: اضطرابات الدورة، نمو شعر في غير مناطقه العادية، الام في الاسفل، ظهور حبوب في الجسم وغيرها من الاعراض
الفحص الاولي نورمالمون يكون بالايكو للتاكد من سلآمة المبيضين والرحم + تحليل هرموني
واللي يجيهم السرطان في الاغلب يكون عندهم ماضي هام مع الالتهابات وعدم معاينتها
+ بعض الاسباب كالتدخين، عدم المعاينة بانتظام، بعض الادوية مثل حبوب منع الحمل ... واحيانا برك من خلال تشخيص عادي
لازم تعمل ال frottis عند مركز تحليل معروف حتى ما يغلطولهاش في النتائج
واذا ممكن تقدر تعاوده حتى تقطع الشك باليقين
وان شاء الله ما يكون غير الخير
ربي يشافيها يا رب
​

 

[RoseBonbon]

إن شاء الله ما تكونش حاجة خطيرة

لازم تشوف طبيبة متمكنة

 

[samah06]

ربي يخليكم حباباتي على الردود
والله هبلتني حتى خرجت نتيجة الفروتي تاعها ولقاتها سلبية
لكن طلبت منها الطبيبة باه تكوي هذاك الجرح اللي كاين فيها
لكن مرضت انا منها
والله ما تتصورو حالتها كيفاه كانت المسكينة

كانت حتموت قبل الوقت
عشت معاها شهر قهر وانا نصبر فيها

 

[نبض الحياة]

الحمد لله على سلامتها
وربي يجيبلها الشفاء العاجل ان شاء الله
​