السّلام عليكم ورحمة الله تعالى وبركاته
موضوعي مش مساعدة ومش نحوس على حل ، حابّة نفضفض بالاك كاش ما نلقى واحد يسمع لي :
من حكمة ربي أن الدنيا زايلة ، وأن البشر مهما تكاثروا وتناسلوا مصيرهم كامل الموت والموت حق تجي على الكبير والصغير على التقي وعلى الخبيث خلاصة الحديث كامل نسكنوا القبر ونرجعوا نتحاسبوا .
ضركا واحد يموت مهما كان عامل في حياتو مقدرناش ننصحوه ، كان غافل مش حاسب حساب لقاء الله المحتوم ، كل واحد وكيفاه مانيش مفتية ولا داعية نقعد نقسم في مراتب الناس لو نلوح عيني على قلبي نلقى روحي مليانة ربي منزل علينا الستر برك
بون لي حابة نقولها علاش لي يكون مثلا مغني ، ممثل ، مصّور ، نتهلاو فيه بزيادة كي يموت علاش نفتحوا عليه عداد الميزان تاعو .... كاين حاجة يسموها الرحمة
هو محتاج لرحمة الله ( طبعا العذاب بيد ربي و بأمره كيما النعيم تماماً ) كيما أنا وأنت وأنتِ وأنتم محتاجين رحمة ربي التي لا غنى لنا عنها علاش مانحتسوبش ترحم عبد ميت من سيئة جارية لعل وعسى بنيتك هاذي ربي يرحمك يوم آخر ويجي شخص وراك يفتحلك باب خيرات تديه وأنت في قبرك
ديما نخمموا في الدنيا وننساو نخبوا حاجة بالاك هي لي تنفعنا حتى وهي حاجة بسيطة خلاص وفي نظرنا هي تافهة .
سقي كلب يدخل الجنة ، تعذيب قط يدخل للنار ...
شفتو كلب لي هو لو كان اكحل يقطع الصلاة والا لحس طبسي تمسحوا سبع مرات والشيطان يتمثل بالكلب الاسود وفيه كراهية تشريه ولا تبيعوا ولا تربيه ( بضوابط مش رايحين ندخلوا فيها ) كامل هاذ الصوالح فيه برك تمدلو جقمة ماء رحمتوا
القط لي هو من الطوافين ، الرسول صوات ربي وسلامه عليه لما شرب من اناء وضوئه خلاه لانو مش نجس ولا يبطل الصلاة و بوله مش نجس مع ذلك كي تقسى عليه تدخل للنار
ديننا دين رحمة { ارحموا من في الأرض يرحمكم من في السّماء }
الرحمة ماشي كي ترحم لي تعرفوا لالا ترحم عدوك ترحم الغريب ترحم حتى الحيوان والنبات تلقى شجرة مثمرة ولا حبة قمح في الارض خليها متعفسش عليها راه عالم آخر حياتو مبنية على حبة القمح لي ماتشوفهاش أنت .
رحمة إنسان حيّ كيما رحمة إنسان ميت على الأقل الحيّ راك تشوف فيه أما الميّت واحد ماراه عارف وش فيه ( مجرد أني نتخيل أني وحدي تحت التراب الفكرة فقط مرعبة فمابالك لو فيها عذاب )
هامش : أصلا قبل لاترجع تقول راني كي نرجع نمسع لمغني راني نكسبوا سيئات جارية أنت بالاساس راك تكتب لروحك سيئة يعني ارحم نفسك وارحم غيرك .
هاذي لي حبيت نقولها طبعا فيها ياسر نقاط محبيتش ندخل ليهم باش مايكونش موضوعي ديني بحت
،،،،،
أساس موضوعي شفت موضوع نعي لفنّان قلت في نفسي يا درا لو مات واحد بسيط مش مشهور كاين لي يتفكروا ويحكي على مناقب حياتو !!! وجاء في بالي طول باب الرّحمة
كي تتفكر واحد ادعيلوا مش تسمعلوا ولا تشوفوا ولا ترفع صوروا ؟؟؟
الدعاء والاستغفار يرفع البلاء والعذاب
موضوعي مش مساعدة ومش نحوس على حل ، حابّة نفضفض بالاك كاش ما نلقى واحد يسمع لي :
من حكمة ربي أن الدنيا زايلة ، وأن البشر مهما تكاثروا وتناسلوا مصيرهم كامل الموت والموت حق تجي على الكبير والصغير على التقي وعلى الخبيث خلاصة الحديث كامل نسكنوا القبر ونرجعوا نتحاسبوا .
ضركا واحد يموت مهما كان عامل في حياتو مقدرناش ننصحوه ، كان غافل مش حاسب حساب لقاء الله المحتوم ، كل واحد وكيفاه مانيش مفتية ولا داعية نقعد نقسم في مراتب الناس لو نلوح عيني على قلبي نلقى روحي مليانة ربي منزل علينا الستر برك
بون لي حابة نقولها علاش لي يكون مثلا مغني ، ممثل ، مصّور ، نتهلاو فيه بزيادة كي يموت علاش نفتحوا عليه عداد الميزان تاعو .... كاين حاجة يسموها الرحمة
هو محتاج لرحمة الله ( طبعا العذاب بيد ربي و بأمره كيما النعيم تماماً ) كيما أنا وأنت وأنتِ وأنتم محتاجين رحمة ربي التي لا غنى لنا عنها علاش مانحتسوبش ترحم عبد ميت من سيئة جارية لعل وعسى بنيتك هاذي ربي يرحمك يوم آخر ويجي شخص وراك يفتحلك باب خيرات تديه وأنت في قبرك
ديما نخمموا في الدنيا وننساو نخبوا حاجة بالاك هي لي تنفعنا حتى وهي حاجة بسيطة خلاص وفي نظرنا هي تافهة .
سقي كلب يدخل الجنة ، تعذيب قط يدخل للنار ...
شفتو كلب لي هو لو كان اكحل يقطع الصلاة والا لحس طبسي تمسحوا سبع مرات والشيطان يتمثل بالكلب الاسود وفيه كراهية تشريه ولا تبيعوا ولا تربيه ( بضوابط مش رايحين ندخلوا فيها ) كامل هاذ الصوالح فيه برك تمدلو جقمة ماء رحمتوا
القط لي هو من الطوافين ، الرسول صوات ربي وسلامه عليه لما شرب من اناء وضوئه خلاه لانو مش نجس ولا يبطل الصلاة و بوله مش نجس مع ذلك كي تقسى عليه تدخل للنار
ديننا دين رحمة { ارحموا من في الأرض يرحمكم من في السّماء }
الرحمة ماشي كي ترحم لي تعرفوا لالا ترحم عدوك ترحم الغريب ترحم حتى الحيوان والنبات تلقى شجرة مثمرة ولا حبة قمح في الارض خليها متعفسش عليها راه عالم آخر حياتو مبنية على حبة القمح لي ماتشوفهاش أنت .
رحمة إنسان حيّ كيما رحمة إنسان ميت على الأقل الحيّ راك تشوف فيه أما الميّت واحد ماراه عارف وش فيه ( مجرد أني نتخيل أني وحدي تحت التراب الفكرة فقط مرعبة فمابالك لو فيها عذاب )
هامش : أصلا قبل لاترجع تقول راني كي نرجع نمسع لمغني راني نكسبوا سيئات جارية أنت بالاساس راك تكتب لروحك سيئة يعني ارحم نفسك وارحم غيرك .
هاذي لي حبيت نقولها طبعا فيها ياسر نقاط محبيتش ندخل ليهم باش مايكونش موضوعي ديني بحت
،،،،،
أساس موضوعي شفت موضوع نعي لفنّان قلت في نفسي يا درا لو مات واحد بسيط مش مشهور كاين لي يتفكروا ويحكي على مناقب حياتو !!! وجاء في بالي طول باب الرّحمة
كي تتفكر واحد ادعيلوا مش تسمعلوا ولا تشوفوا ولا ترفع صوروا ؟؟؟
الدعاء والاستغفار يرفع البلاء والعذاب
