3awnouni svp maliit

Mimi lofy

:: عضو منتسِب ::
إنضم
27 نوفمبر 2014
المشاركات
1
النقاط
3
Salut moi fille 13ans nadi la moyenne 17 wsena hbat bzzf fel mawad nhas rouhi khdamt hta tjini note ga3 ma2ah wrani ndhali nabki 3la lkraya li nakraha wmandir fiha walo pourtant khatini lhob banlha 3la 9reyti nahfedh tt ki nchouf sujet nmrod wnansa kolech rani kol hchaya nji l dar nchba3 beka ki nsali nsali b dama3ti wki nchof les cahier wla les affaires yjini lbka wnchad dem3a manich msthmla malit ana haka b9ali 7exams esq nakder nadi la moyenne 17 bihom nhawas ghir 3la 17 koon ana nadi 16 nahbal doka rassi raho dharni mal bka noudh sbah nahfedh wmandir fiha walo
Wach ndir les amis ana 3yiiit wmalit maniche 9ada
 

بنت الـ25

:: عضو شرفي ::
إنضم
12 مارس 2008
المشاركات
7,143
النقاط
351
محل الإقامة
قسنطينة
الجنس
أنثى
وعلاش عليك يا بنتي ديري في عمرك هكد؟
عجال 17 تمرضي روحك ؟
نفرضوها مرضتي وقتلتي روحك فالقراية وجبتي 17 كي تروح صحتك 17 ما عندها ما ديرلك
مشكلة الخوف هادي احنا كامل نعانيو منها مي جامي تخليها تسيطر عليك سيرتو راكي 13 سنة برك
راكي مزلتي في مرحلة الطفولة وحابة تمرضي روحك بالقراية؟
وش فيها كي تجيبي 16؟ 16 تاني مليحة
انتي يا ختي ديري اللي عليك ومن يوم ورايح كي ما تفهميش حاجة قولي للاستاذ يعاود يشرحهالك
وحاولي فالدار تاني تحلي التمارين والفروض اللي سبق ودرتوها
والتحضير من ليوم وروح ما يبداش قبل الامتحان لازمك أي درس ديروه تحفظيه وأي تمرين ديروه تراجعيه
وتعاودي تحليه فالمنزل باش يرسخ في مخك
ومتخافيش كي يتحط قدامك السوجي تع الامتحان انتي حلي كيما تعرفي وان شاء الله تجيبي المعدل اللي راكي متمنياته

عجبتني هاد العبارة تهبل هههههههههه
hta tjini note ga3 ma2ah

موفقة
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
48,729
النقاط
821
محل الإقامة
الشرق-الوسط
الجنس
أنثى
عادي اختي القراية كل عام تتبدل
ممكن انتي تقراي سنة ثانية متوسط ؟

السنة اولى ماشي كيما الثانية

تقدري تهبطي في الثلاثي الاول والاول ترجعي تجيبي 17
العام لي فات قرات عندي تلميذة كانت تجيب 18 في سنة اولى
في سنة ثانية الاختبار الاول جابت 16
لكن في الثاني حفظت مليح وقرات جابت 17
وفي الثالث جابت 18

يعني متفشليش بنيتي

مادامك تديري في مجهود
ربي يوفقك
 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,734
النقاط
171
محل الإقامة
skikda
الجنس
أنثى
مازلت صغيرة اختيتوتي عيشي حياتكــ وماتقتليش روحكــ ,, مي يمكن راني نوصي فيك وانا اكثر منكــ
لازمك شوية قناعة بالنسبة لي 16 17 18 هي نفس النيفو عندي
والكل يهبطو فالمعدل مي يرجعو لبلاستهم يمكن يزيود انت ماتكسري راسك ماوالو ديري اللي عليك
واصلا ديجا المتوسطة ماتحكيش عليها اي حاجة تبغيها راكي تجيبيها
يمكن حالي هو اللي يغيض اكثر تقرا تقرا وتطيح صحتك ويروحو عينيك وفي الاخير اللي غش يدي اكثر منكــ مي الباك جاي ويبان كلشي

المهم كلشي على ربيــ غير توكلي عليه
ربي وفقنا
 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
هههههههه ضحكتيني مينات وش فيها كي تجيبي 16 ثاني مليحه ههه عندك الحق
خيتي ميمي كيما قالولك راكي تكبري و تضحكي على روحك ... مليح كي راكي حابة تتفوقي في قرايتك نستعرفو بيك و نشجعوك بالصح باش يصير فيك وش راه صاير على جال تفوق هاذي مناش معاك فيها حتى ربي ميقبلهاش الواحد يدير لي يقدر عليها و الباقي على ربي
الحاجة لي نوصيك عليها لازملك ترقي ..
ربي يسهلك و يفتح عليك
 

Pyar

:: عضو شرفي ::
إنضم
8 فيفري 2013
المشاركات
8,624
النقاط
351
السّــلآام علييكم..
ههههههه يـآ ختي ضحكتيني
فكرتيني ف روحي أنـآ.. وقت كنت ف السآنكيآآم يآك العآم الأخيير ف الإبتدآئي
كنت مآنجيبش 10 ندوخ هههههههههه إيه ندوخ صح يعني مآكنتش نتحمل أني نجيب حتى 9.5 من 10 ههههههه
حـآالتي بكري كآنت نبقآ نبكي بزآف لحتى نولي نرعش وندوخ هههههههههه تخيلي غير على جال 0.5 ههههههه
من كثرة توتري نولي هكدآك مآبيآ وآلو ترجعلي ديك الحآلة ههههه يوميــاً وسآعآت ف اليوم كتر من مرة
تعرفي لحتى كرهت منهآ ديك لآمبيلونص لي تجي توجوغ لليكول ههههههههههه
برك من كترة التوتر وبغييت نجي الأولى ف العآلم ف السآنكيآم خخخخ و في النهآية طلعت للسيآم كيفي كيمآ البقية
وليت غير نضحك على روحي هههههه هيآ مليح نجيب معدل مليح مي مآش لديك الدرجة تآع لبكآ وووو..
ريحي بآلك إيلآ بقيتي بديك الحآلة مآتوليش قآدرة تحلي وآلو ديري في بآلك بلي المهم المحآولة وإسترخي مليييح
رآجعي وأحفظي و كيجي الإختبآر هدي أعصآبك .. وإن شآء الله تجيبي أعلى معدل لوكآن تجيبي 16 دوك مآش نهآية العآلم تقدري ممبآعد تجيبي كتر.. مي إيلآ بقيتي متوترة هكدآ مآتقدرييش.. لآزم تكوني حآسة برآحة نفسية لحتى ذآكرتك تنتعش وهكدآ تقدري تجيبي المعدل لي تحبييه.
أيآ ربي يوفقك حنونة =)
تحيــآاتي ^^.
 

الرومنسي الجاد

:: عضوية محظورة ::
إنضم
23 جوان 2010
المشاركات
9,051
النقاط
351
الرومنسي الجاد، تم حظره "حظر دائم". السبب: مخالفة القوانين
ايا انا الصح ضحكت ... لالا تمرمدت ضحك الله غالب محكمتش في روحي و حسيت روحي سغير ونتفرج ف المهرج و انا نخمم ع 100 دورو لي داهالي

لا تعليق​
 

♫الباحثة عن الحظ♫

:: عضو مَلكِي ::
إنضم
5 سبتمبر 2013
المشاركات
10,324
النقاط
351
سلام ختيتو

صح يمكن انت مين موالفة ب17 راهي غايضتك روحك
مي نورمال فتنا كامل على مراحل هادو مرات تطلعي مرات تنزلي و السنوات راهم كل ما يزيدو يصعابو
و16 راهي هايلة ياو اختي كاين ناس 10 راهي تتمناها
نورمال اقراي عادي مش تمرضي روحك وبالتوفيق
بصراحة وصدقيني مع لوقت كل ما تزيدي عام تولي نقص في المعدل يجيك نورمال هههههه
ربي يعين
 

*Prinçesse*

:: عضو فعّال ::
إنضم
17 أوت 2014
المشاركات
2,522
النقاط
111
محل الإقامة
batna
لالا يا حنونة بللعقل برك نتيا كيما انا مي لازم تكون عندك ثقة فروحك ينون هكذا راح تضيعي روحك و تضيعي قرايتك حاولي تنحي الخوف و التوتر و ربي معاك حنوونة
 
Top