ذكرياتنا هي (ضحك .مغامرات . مرح . خريط......) هل لك الجرئة ان تتكلم عن شقاوتك في الصغر~.~

[آهات القلب]

هههههههههههه
و الله رجعتينا لايام مرسي
نتفكر وحد المرة رقدت انا واحد الطفل في القسم من بعد الاستاذ صب علينا طاس ماء ههههه
اختي سلمة ابعتليلي في رسالة رابط ما لقيتوش باه نحكي و الله مانسيتك حنونة ربي يهنيك

 

[~خفة روح~]

حتى حنونتي زينب عندها ذكريات

 

[آهات القلب]

ههههههههههه و الله ماشي غير شوية

 

[ضآحكة مستبشرة]

السلآم عليكم
نحكيلكم شوية على مغامراتي
في الابتدائي كنا شلة متشردين بزاااااف
كنت نروح لصاحبتي و نبقاو نلعبوا في الماء و الطين في الشتاء و مبعد نظربوا شحال باش نروحوا نقراو
و الشيخ يجيب المطر و يزرقنا هههههههه
و تان كان الشيخ زعما كي يديرنا اختبار ندوه للدار نحلوه
و تان يكتبنا الجواب و يقولنا اخدموا
ووووووووووووو و بزاااااااااااف
شكرا سلمى​

 

[~خفة روح~]

السلآم عليكم
نحكيلكم شوية على مغامراتي
في الابتدائي كنا شلة متشردين بزاااااف
كنت نروح لصاحبتي و نبقاو نلعبوا في الماء و الطين في الشتاء و مبعد نظربوا شحال باش نروحوا نقراو
و الشيخ يجيب المطر و يزرقنا هههههههه
و تان كان الشيخ زعما كي يديرنا اختبار ندوه للدار نحلوه
و تان يكتبنا الجواب و يقولنا اخدموا
ووووووووووووو و بزاااااااااااف
شكرا سلمى​

الله عليك
ذكريات عمرهم ولا يخلاصو
شكرا حنونتي

 

[@R@ZIK]

يعطيك الصحة فكرتينا في يمات زمان
ما يتنساوش كل نهار يروح يكون احلى من لي جاي
انا كنت عاقلة في المدرسة مي برا تقولي واحدة اخرى
كنا احنا شلة 5 بنات في الابتدائي كنا نديروا لي ما يتصورش
كنا كل ما نخرجو من المسيد لازم ندقدقو على كامل البيبان حتى نوصلو للحومة نتاعنا
وهذي كي نتفكرها نقعد غير نضحك على روحي ونقول كيفاش كنت نديرها
كنت كي منقراوش الاثنين والخميس في المساء نروحو نلعبو وكل ما نلقاو واحدة من الجيران غاسلة فراش وناشراتو برا في السلك نمرغوه في التراب وندقدقو زنقولولها طاطا لقيناه مرمي في التراب وهي مسكينة مشي جايبة خبر تقولنا صحيتو بناتي
هذا كي كنت في الابتدائي
مي طلعت للمتوسط استعقلت شوية لخاطر بدلت المدرسة وراحت الشلة كل واحة في طريقها
ايه يمات زمان


ههههههههههههههههههههههههههههههههههههه​

​

 

[عيشة مرة قدور]

ايام تتفكرها تضحك من قلبك نقلكم انا مرة كان واحد يقرى معيا وكنا فسن 8 ايا كنت نتنافس انا واحد على مرتبة 1 ايا نعقل هو دها مرتبة 1 وزعفت انا قلت والله مرة جاية يلا جيبها انا مش هو وقلت لازم نخليه يخاف مني باش ميجيبش هو1 ايا مرة حكمت دودة من الارض وخوفتو بيها قتلو كون جيب خير مني نديرهالك في فمك ههههههههههههه ومرة كنت نقرى سنة 4 ايا كانت معلمة تاع فرنسية تخاف من قرلو ايا مرة قلت والله غير نخوفها وكانو معيا 4 بنات كنا طوايشة بزاف قلتلهم راه عندي قرلو تاع ليجوي ونجيبو ونخفوها ايا كي جات حصتها قبل متدخل حطينلها قرلو في مكتبة كي دخلت وحطت ساكها شافتو ولات تزقي نعقللها حنى ضحكنا عليها مي كي عرفت انا درتها شبعت كف وفلقة ههههههههههههههههههه ليام تقتلني بضحك كي نتفكرها

 

[~خفة روح~]

يعطيك الصحة فكرتينا في يمات زمان
ما يتنساوش كل نهار يروح يكون احلى من لي جاي
انا كنت عاقلة في المدرسة مي برا تقولي واحدة اخرى
كنا احنا شلة 5 بنات في الابتدائي كنا نديروا لي ما يتصورش
كنا كل ما نخرجو من المسيد لازم ندقدقو على كامل البيبان حتى نوصلو للحومة نتاعنا
وهذي كي نتفكرها نقعد غير نضحك على روحي ونقول كيفاش كنت نديرها
كنت كي منقراوش الاثنين والخميس في المساء نروحو نلعبو وكل ما نلقاو واحدة من الجيران غاسلة فراش وناشراتو برا في السلك نمرغوه في التراب وندقدقو زنقولولها طاطا لقيناه مرمي في التراب وهي مسكينة مشي جايبة خبر تقولنا صحيتو بناتي
هذا كي كنت في الابتدائي
مي طلعت للمتوسط استعقلت شوية لخاطر بدلت المدرسة وراحت الشلة كل واحة في طريقها
ايه يمات زمان


ههههههههههههههههههههههههههههههههههههه​

​

هههههههههه كنا نشاط وحيوية

انا بزلت شوي حيوية
-_*​

 

[~خفة روح~]

ايام تتفكرها تضحك من قلبك نقلكم انا مرة كان واحد يقرى معيا وكنا فسن 8 ايا كنت نتنافس انا واحد على مرتبة 1 ايا نعقل هو دها مرتبة 1 وزعفت انا قلت والله مرة جاية يلا جيبها انا مش هو وقلت لازم نخليه يخاف مني باش ميجيبش هو1 ايا مرة حكمت دودة من الارض وخوفتو بيها قتلو كون جيب خير مني نديرهالك في فمك ههههههههههههه ومرة كنت نقرى سنة 4 ايا كانت معلمة تاع فرنسية تخاف من قرلو ايا مرة قلت والله غير نخوفها وكانو معيا 4 بنات كنا طوايشة بزاف قلتلهم راه عندي قرلو تاع ليجوي ونجيبو ونخفوها ايا كي جات حصتها قبل متدخل حطينلها قرلو في مكتبة كي دخلت وحطت ساكها شافتو ولات تزقي نعقللها حنى ضحكنا عليها مي كي عرفت انا درتها شبعت كف وفلقة ههههههههههههههههههه ليام تقتلني بضحك كي نتفكرها

هههههههههههههههههههه
أحلى ذكريات
مجرد نتفكر نفرح

 

[بنت الـ25]

ما كنتش طايشة خاطر كنت الأولى فالقسم زعما مي ساعات يصراو مواقف خخخخخ
مثلا مرة كنا في حصة الرياضة
وهداك نهار الشيخ دار bac blanc للولاد قفز طويل
واحنا البنات كنا نلعبو فكرة الطائرة منهيه
مالف كي يطيحلنا البالون برا خارج الليسي يروح طفل يجيبو (كاينة باطيمة وسط الليسي بينها وبينو سور مش عالي بزاف توجور يطيح البالون تما)
هداك نهار طاحلنا وما لقيناش لي يجيبو عيينا نعيطو للاستاذ يبعتلنا واحد ما دارش علينا
لعبتها انا رجلة طلعت فالسور وقلتلهم دك نصوطي نجيبو
انا كنت غير نتمسخر ما كنتش رح نديرها صح
وتجي طفلة مورايا وتدزني طحت لتحت قريب على راسي
هنا عيطو لبنات كي شافوني طحت جى الاستاذ يجري لقاني لتحت
قالي: روحي بدلي حوايجك وامشي تروحي
ياااااااااااااااا شحال غاضتني روحي روحت نبكي
مي السمانة لجاية عادي ما قالي والو
موراها انا ديت لباك (معظم الزملاء ما حالفهمش الحظ)
تلاقيت هداك الشيخ برا ... قالي تعرفي ولى كي يطيح البالون لتحت يخافو لبنات ويقولو منجيبوهش تزيد تصرالنا زي أمينة لعام اللي فات ههههههههه قالي ولا يتضرب بيك المثل ههههه
​

 

[anissa 13]

السلآم عليكم
كنت شريرة يا شريرة ههههههههه :p
بالنسبة لي انا ما كنتش ندير الطبايع بزااف في صغري
كانت عندي صحبتي وحدة توجووغ نلعبو العرايس ههه ورانا ترونكيل
حتى في قرايتي كنت ترونكيل نقرا ونخرج
ما نشفاش على ذكريات خاصة هههههههه نتاع تبهديل
مي يبقى الصغر احلة ايام فوتناها
​

ياويلي مزية ماكنتش نعرفك انا كنت نية هههههههههه
الشريرة خرجت دكتورة والنية قاعدة فالدار تسيق وتغسل ماعين شوف ليام ههههههههههههههههههه
نضحك معاك رقروقتي
فكرتني فلعرايس من كثرة ماكنت نمووووت عليهم حتى لدرك راني شارفة ويغيروني نقول لكان غي عندي بوبية هههه

 

[anissa 13]

ابشع حاجة كي نتفكرها هي نهار قصيت شعري
شعري كان طويييييييل وامي كان ياخدلها وقت الصباح كي تمشطلي واحد النهار تنارفات قالت لبابا ديها عند كوافور يقصلها هاد الشعر وبابا داني عندو صاحبو كوافور راجل
قعدني فوق الكرسي ودارلي هاديك الطابلية ولا مانعرف كيسموها باه مايطيحش عليا الشعر وقصلي كوب غارصون
غاضني شعري وكي رحت نقرى بقاو يضحكو عليا ههههه
بصح كنت عاقلة وكنت انا اللولة فالقسم فالابتدائي ماكنتش حتى نزمبل مرة جاتني بوشويكة امي تقولي ماتروحيش وانا نقولها نروح كي نوصل المدير من الباب يردني يقولي يابنتي راكي مريضة روحي للدار وانا مبلاصتي مانقلعش نقولو لا حابة نقرى كي نسمط عليه يقولي دخلي ههههه
والله الدكريات بزاااااف
مشكورة حبيبتي موضوع جميل
قريت شوية مغامرات تاع الاعضاء راني نعسانة غدوة نكمل الباقي
​

 

[~خفة روح~]

ههههههههههههه
أنيسة بزلتي نية -_*

 

[red rose]

ههههههههههههه
أنيسة بزلتي نية -_*

خخخخ خلقك ربي غير لتعلاق هيهيهي:d:d:d:d

 

[~خفة روح~]

خخخخ خلقك ربي غير لتعلاق هيهيهي:d:d:d:d

انت وش حلك
اصلا لا بازالت نية
يغلبوها قع الناس:p

 

[red rose]

انت وش حلك
اصلا لا بازالت نية
يغلبوها قع الناس:p

روحي رقي روحك ههههه امزح:p:p:p:p:p:p:p

 

[anissa 13]

انت وش حلك
اصلا لا بازالت نية
يغلبوها قع الناس:p

شكون قالك يغلبوني كامل الناس :s
واقيلا تعرفيني وانا لاخبر :-o
والله مايغلبني واحد برك انا من الناس اللي خاطيهم مشاكل مرات نسمح فحقي باه مانصدعش راسي سيرتو كي يكون المشكل تافه

 

[~خفة روح~]

رد: ذكرياتنا هي (ضحك .مغامرات . مرح . خريط......) هل لك الجرئة ان تتكلم عن شقاوتك في الصغر

خلاااااااااااااصو ذكراياتكم وين راكم
الله الله عليييييييييييييييييييييكم

 

[صلوا على النبي]

رد: ذكرياتنا هي (ضحك .مغامرات . مرح . خريط......) هل لك الجرئة ان تتكلم عن شقاوتك في الصغر

انا منحرقش بزاف مي مرة قالولي لولاد ليقروا معانا هيا نحرقوا والله ميحكمونا هههههههه
ديرت لكوراج وخرجنا مع بعض وفالعشية عطاونا استدعاءات هههههههه والله مننساه هذ النهار وهذي عنها سمانة برك حنا يقرا معانا واحد نعيطولوا داعش وعندنا استاذة تع المات راحت للحج كي قرينا عندها هذا داعش محبش يسكت مبعد خصرت فيه قاتلوا كيفاه داعش متخلينيش ضوك نخدم ههههههههههه قلنالوا ياه الاستاذة وفقتلك هههههههههه

 

[~خفة روح~]

رد: ذكرياتنا هي (ضحك .مغامرات . مرح . خريط......) هل لك الجرئة ان تتكلم عن شقاوتك في الصغر

انا منحرقش بزاف مي مرة قالولي لولاد ليقروا معانا هيا نحرقوا والله ميحكمونا هههههههه
ديرت لكوراج وخرجنا مع بعض وفالعشية عطاونا استدعاءات هههههههه والله مننساه هذ النهار وهذي عنها سمانة برك حنا يقرا معانا واحد نعيطولوا داعش وعندنا استاذة تع المات راحت للحج كي قرينا عندها هذا داعش محبش يسكت مبعد خصرت فيه قاتلوا كيفاه داعش متخلينيش ضوك نخدم ههههههههههه قلنالوا ياه الاستاذة وفقتلك هههههههههه

هههههههههههههههههههههههههههه شوف كل الايام مشي كيما تع القراية
شكرا:regards01: