يتحرش بي

[مشكلتي]

السلام عليكم و رحمة الله
يا خاوتي حابة رايكم راني والله مرضت نفسيا و جسديا من هدا المشكل
مند مدة سجلت بمدرسة تعليم السياقة حاكمها صاحب بابا رحت انا ووالدي دفعت المبلغ و باشرت الدروس
مشكلتي انو هدا المعلم تصرفاتو غريبة جدا معايا في الاول كان يقلي راكي تهبلي و و و انا حسبت حاطني زي بنتو كنت نضحك و نسكت و مبعد تمادى في تصرفاتو ولا يخدم الصباح مع البنات كامل و الفترة المسائية يخصصهالي غير ليا وحدي حتى يوم الجمعة يعيطلي يقلي عندك حصة سياقة وانا قلت او مهتم كي راني بنت صاحبو المهم في الفترة الاخيرة ولا يتحرش بيا جسديا و يقلي كون متقبليش رايح منجحكش
والله وليت نروح للدار غير نبكي و مرضت فقدت الشهية وراسي يوم كامل يوجع فيا
هدي هي المدرسة الوحيدة في المنطقة لي نسكن فيها انا منقدرش نبدل
و ادا باه نحبس اكيد الدار راح يسالو علاه بعد ما خلصت 2 ملاين و نص؟؟؟؟؟؟و مستحيل نقدر نخبر بابا لاني نخاف كشما واش يروح يديرلو
مفهمتش علاه تجرا عليا مع اني من النوع البارد اللي ميحكيش و ميضحكش و مشنفة ديما
عاونوني راني والله منهااااااااااارة

 

[روز]

لا حول ولا قوة الا بالله
ربي يهديه

أظن أن سمعتك وشرفك أهم من رخصة السياقة وأهم من المبلغ المدفوع
واذا على أهلك أخبري أمك وهي تعرف كفاش تقول لباباك
لان هذا أمر لا يسكت عليه ولازم يتأدب هذ الرجل
اليوم هكذا غدوة يعمل شي أكبر يصير يهدد فيك بيه
ويمكن تصيري تحت رحمته وتندمي انك ماعملتش حل من أول مرة
لانو الواضح هذا شخص مايخافش ربي
والقرار لك

الكلمة الطيبة صدقة !
​

 

[السلطانة]

وعليكم السلام

ضعي شرفك في طرف الميزان وفي الطرف الآخر ضعي رخصة السياقة !!
أيهما أغلى !!

أخبري أمك فورا
هاذا لازم يتحطلو حدّ فورا
باين ناويها على كارثة معاك
تصرفي اختي قبل ماتطفر فيك
ربي يهديه
متنسايش تطمنينا عليك

 

[جوهرة الرمال]

ربي يهديه الي عنده لوليات يخاف على وليات الناس
انا من راي اخت روز احسن حل واجه الموقف والا راح تصيري تحت رحمته يسوق بيك كيما يبغي
شرفك بمال الدنيا كلها و المال يتعوض
و القرار يرجع اليك اختي

 

[HAMZA USMA]

هذا من ذوي النفوس الضعيفة
وأنتي قلتي المدرسة الوحيدة في المنطقة _ كيفآش مخآفش على السمعة ديآلوا ؟
نتي لازم متسكتيش _ خبري يمآك هي تقول لبآبآك
واذا استدعى الامر هزي دوسي ودراهمك وروحي لمدرسة أخرى

​

 

[امونة الشاوية]

يا اختي نصيحة ليك حبسي شرفك وشرف عائلتك ولا 2.5 مليون ذئب كيما هاذا ينخاف منو ومادامك مزالتي معاه وما حبستيش الدروس راح يتجرا اكثر واكثر

 

[ابوندى]

أتوقع أختي الكريمة أن المشكلة تكمن في صمت المعتدى عليه وكـتمانه للتحرش الجنسي الذي لحق به
فلو أخبرتي أهلكى عند حدوث الحادثة لتمكـنوا من وضع حد لها حتى لا تتكرر مرة أخرى تكلمي مع الوالدة مثلما اشارت عليكي استادة روز
لدالك يحرص كل رب وربة اسرة تربية الأولاد على الصراحة مع الاباء .

 

[adel._dz]

السلام عليكم و رحمة الله
يا خاوتي حابة رايكم راني والله مرضت نفسيا و جسديا من هدا المشكل
مند مدة سجلت بمدرسة تعليم السياقة حاكمها صاحب بابا رحت انا ووالدي دفعت المبلغ و باشرت الدروس
مشكلتي انو هدا المعلم تصرفاتو غريبة جدا معايا في الاول كان يقلي راكي تهبلي و و و انا حسبت حاطني زي بنتو كنت نضحك و نسكت و مبعد تمادى في تصرفاتو ولا يخدم الصباح مع البنات كامل و الفترة المسائية يخصصهالي غير ليا وحدي حتى يوم الجمعة يعيطلي يقلي عندك حصة سياقة وانا قلت او مهتم كي راني بنت صاحبو المهم في الفترة الاخيرة ولا يتحرش بيا جسديا و يقلي كون متقبليش رايح منجحكش
والله وليت نروح للدار غير نبكي و مرضت فقدت الشهية وراسي يوم كامل يوجع فيا
هدي هي المدرسة الوحيدة في المنطقة لي نسكن فيها انا منقدرش نبدل
و ادا باه نحبس اكيد الدار راح يسالو علاه بعد ما خلصت 2 ملاين و نص؟؟؟؟؟؟و مستحيل نقدر نخبر بابا لاني نخاف كشما واش يروح يديرلو
مفهمتش علاه تجرا عليا مع اني من النوع البارد اللي ميحكيش و ميضحكش و مشنفة ديما
عاونوني راني والله منهااااااااااارة

انتي يابنت الناس راكي تتمسخري
شوفي التناقضات في كلامك:
1
2
لكن فرضا نجاوبوك
البرمي كون ماديريشو تموتي ؟؟؟
خلاص مالة ..

 

[touta04]

اختي نجيك من الاخير
انا 2 بنت و منكذبش عليك لو كنت في مكانك نقول لوالدة تعي تقول لبابا لانوا هذا امر تع شرف مابقا لا برمي لا 2 ملاين
لانوا هذاك العبد(مهوش راجل)راهوا درك يشوف في باباك على انوا بصريح العبارة و مع كل احتراماتي للحاضرين يشوف فيه طحان لانوا مخليلوا بنتوا و هي راضية و ساكتة
المهم انتي اذا تحبي باباك يطلع راسو فيك قوليلوا لانوا الرجال صعاب يمكن يديرلك مشكل اكبر من هكا و ما تخافي باباك او راجل كبير و واعي مهوش ذري حتى تخافي
و ربي معاك مي متخليهاش في قلبك

 

[issam mca]

راك كبيييييييييييييييييييييييييييي ييييييييير

هذا من ذوي النفوس الضعيفة
وأنتي قلتي المدرسة الوحيدة في المنطقة _ كيفآش مخآفش على السمعة ديآلوا ؟
نتي لازم متسكتيش _ خبري يمآك هي تقول لبآبآك
واذا استدعى الامر هزي دوسي ودراهمك وروحي لمدرسة أخرى

​

راك كبيييييييييييييييير خويا المتقشف

 

[اروى15]

ختي راكي ساكت بزاف على حقك خايف على دراهم اوماكيش خايف على صمعتك اوداركم يلعنها دراهم او رخصت سياقة الي يروح شرفيفيهم

 

[anissa 13]

راني فاهماتك اختي مع الاسف هاد النوع من الناس راهم كاينين بزاف ربي وكيلهم
انت هدديه بانك راح تفضحيه قدام الناس وقدام باباك ادا ماتوقفش من هاد الحركات وهدري معاه بجراة باه مايقولش راها خايفة وماتدير والو
ادا ماحبسش من هاد الحركات صح خبري امك هي تقنع ابوك
راني عارفة صعيبة باه البنت تقول لباباها واحد تحرش بيا ادا ماقدرتيش تقوليلو دبري سبة اخرى باه تحبسي
الدراهم يروحو ويرجعو ياختي الشرف هو اللي مايرجعش
ربي يوفقك حبيبتي
​

 

[النجم البعيد]

(( قد يعتقد بأن السكوت علامة الرضا)).

لو زجرتيه و قتلي له سوف اخبر البابا ، سوف يخاف
وكوني على يقين بأنك لست البنت او الفتاة الاولى التي حاول مضايقتها ،وقفية عند حده

صدقيني هذه النوعية من البشر انذل واحقر واجبن الكائنات ...
هذا ينطبق عليه قول اخواننا المصريين ( ناس تخاف ما تختشيش )
ولو لم يجد ردة فعل قوية ، سوف يتمادى ....


حفظ الله بنات المسلمين من كل سوء ....

 

[manel@]

آلسلآم عليكم ,,,


علآبآلي رآنآ بنآت و نفهموآ بعضآنآ

علآبالي خايفة من والديك بالاك يتهموك و تآني ربمآ آلحرج ,,,

لكن نصيحة

حطي كلشي من ورآك بآسكو آلشرف هو آلأهم

قولي لوآلديك و لآ تهتمي لشيء

و آلمآل مآ عندو حتى قيمة أمأم آلشرف

 

[هديل هدولة]

اختي مصيرك بين يديك
لازم تحبسيه عند حدو
انا في رايي لا تتكلمي معه بهذا الخصوص لانه يستطيع فعل اي شيا لست مستعدة له
لكن اخبري امك هي الاولة هي بدورها سوف تقوم بايجاد حجة لابيك او ستخبرة هي ستختار القرار الصائب
انتي من اليوم توقفي عن الذهاب الى حصصه بحجج حتى ضهور النتيجة
نحن جميعا ندعو الله ان يوفقك

 

[manel@]

و تـآني أختي نقلك أسرعي قولي لوالديك

و لآ تنتظري

لأنو نآس كيمآ هاك ما عندهم حتى رحمة في قلوبهم

يعني كالذئاب آلمتوحشة لا تتردد في الافتراس

 

[Hakan]

يا اختي شرفك اغلى من زوج دورو نتاعك اللي دفعتيهم واغلى من الفيزا ماشي حتى رخصة السياقة انت كيما قالو البنات قولي لامك وهي تعرف واش تصرف وزيد باباك واش رايح يدير يقتلو خليه يقتلو باش يترب وعلابالي مستحيل يقتلو مي يدي طريحات ..

وولا روحي لهذا السيد قال عندي خدمة ما يساعدنيش الوقت يديرلك وقت مع البنات لخرين ...

سلام الحل بين يديك وما تضيعيش شرفك لانو قادر في اي وقت يديرلك حاجة لانهم حيوانات بكل ما تحمله الكلمة من معنى سلام...​

 

[يونس الصديق]

السلام عليكم

يتحرش بك جسديا وخايفة عليه من باباك ؟؟؟
امر عجيب
عن نفسي سأخبر الوالد او اخبر الوالدة كي تخبر الوالد بطريقتها الخاصة
وكما قالت الاخت روز السمعة والشرف اهم من اي شيئ في الحياة
لو واصل على حاله سيتطور الامر الى ما لا يحمد عقباه وتصبحين اكثر تعقيدا من الان
انصحك بالتصرف فورا مع والدك
لانه انسان يجرى وراء شهوته
تحيتي

 

[adel._dz]

السلام عليكم

يتحرش بك جسديا وخايفة عليه من باباك ؟؟؟

امر عجيب
​

متلازمة استكهولم
وهي حالة نفسية ظهرت اثر عملية اختطاف
حيث شعر الضحايا بالتضامن مع خاطفيهم ليسعو بعدها الى تحريرهم من السجن
هذه الحادثة حصلت في 1984 اذا لم تخني ذاكرتي
ومنذ ذلك الحين أصبحت كل الحالات المشابهة تسمى بمتلازمة استكهولم

 

[RoseBonbon]

ختي أسكتي عللى كل شيء.. غير الشرف لاللا

هذا الحيوان لازم تهدري مع والدك ولو بطريقة غير مباشرة يعني عن طريق والدتك

وحطي شكوى عند مركز الشرطة وعند لي حاكمين مدارس تعليم السياقة


لازم يتعاقب ويرجعلك دراهمك

والله تقلقت في بلاصتك

بلاكي تسكتي خاتش البنات لي سكتو كيما نتي هوما لي خلاو مثل هاذ الحيوانات يتماداو في القذارة تاعهم

وماديري كونفوينس في حتى راجل آباغ باباك وخوك وراجلك والمحارم لي ذكرهم ربي في القرآن

الباقي كامل يبقاو رجال وأي رجل يقدر يطمع في المرأة إذا سمحتلو الظروف وشافها ضعيفة

لازم تكوني قوية وتوقفي في وجهو..وإلا راح يبقى يتحيون على بنات الناس


أنا شخصيا لو صرالي هاد الشييء نديرلو فضيحة ونبهدلو.. منقرش نحمل هاد الشيء ونسكت


والبارمي رانا درناه وراهو محطوط في البورتفاي.. ولا كي لاكارت ناسيونال