جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

كفتة بالزيتون لأم قصي​

شوية لحم او دجاج بصلة ثوم معدنوس ملح فلفل اسود بيض زيت بعد ما يتقلاو امليح مرقت واقفلت الكوكوت وخليت الزيتون الاخضر بلا علف يغلي في الماء مع سكر باش تتنحالو الملوحة ونبدل الماء عدة مرات اما لافراس انتاع اللحم مرحي نضيفلها شوية بصلة ثوم غبرة ملح معدنوس بيضة 2 مغارف ماكلة نشاء باش تحكم مليح 1 مغرف زيت باش ايجيو طريين شوية كصبر كروية زعفران كركم مغرف قهوة انكورهم نقليهم انصفي المرقة انضيفلها كويرات اللحم والزيتون معدنوس شوية نشاء انحل في الماء فيه قطرات قارس ونقفل حتى ايطيب

 

[rose09000]

رد: جميع وصفات عضوات ماذا ستطبخين اليوم سيدتي

الكاشير لسميةدز​

3 بيضات+ 3مغارف روز طايب مرحي+ 3مغارف سميد
+زيتون+جانبو+ملح+كمون+فلفل اكحل +ملون احمر+ثوم واللحم مرحي
خلطي كل المقادير وديرها بكيس نتاع حليب لحظة وديريهم فوقوا الكسكاس وخليهم يفوروا

بوزلوف لمريم حاسي​

في الطاجين تاع الطياب ديري البصل و الطماطم و الثوم و التوابل و الملح مع شوية زيت الزيتون و حطي فوقهم البوزولوف الي توني تبلتيه و زيدي نصف كاس ماء و خليه علي نار هادية حتي يتجمر ياخد الوقت في الطياب بصح النتيجو رووووووعة يا روعة

 

[rose09000]

رد: جميع وصفات عضوات ماذا ستطبخين اليوم سيدتي

لي كراب لكوثر الواهرنية​

2 لتر حليب
فاني
3 بيض
3 ملاعق كبار سكر
3 ملاعق كبار زبدة مدابة
1 خميرة الحلوة
250 فرينة
نضرب الحيلب مع البيض و السكر و الفاني نضربهم مليح بالفوي نضيف الفرينة المغربلةو الخميرة ثم نضيف الزبدة و نضرب مليح نخليها ترتاح ربع ساعة و نطيبهم
و عمرتهم بمعجون المشمش الي كنت محضراته من قبل و تقدري تحشية بالشكلاطة او الموز المدبل فالزبدة و السكر

 

[rose09000]

رد: جميع وصفات عضوات ماذا ستطبخين اليوم سيدتي

البطبوط لشهرازد​

ديري 2 كيسان فرينة +مغرفة ك حليب غبرة +مغرفة زيت +ملح +سكر
+مغرفة كبيرة خميرة
تلمي لعجينة بالماء دافي
وخليها تخمر
كي تخمر حليها بالحلال وقطعيها دوائر
وخليهم يزيدو يخمرو
ممبعد طيبيهم فالطاجين على نار متوسطة
والحشوة كيما تحبي

راتان بطاطة لندى242008​

قطعت البطاطا الى دوائر وغليتهم في ما وملح حتان طرات
لحم المرحي قليتو مع شرائح بصل اخضر وملح وفلفل اكحل ومعدنوس
عندي من قبل مرقا بيضا بالزيتون مقدار كاس
دهنت المول بالزبدة حطيت طبقة من دوائر البطاطا ومن بعد اللحم المرحي ومن بعد طبقة اخرى من البطاطا + كاس المرقا البيضا وخليتها في الكوشة حتان نشفت
ومن بعد حطيت قطع صغيرة تاع زبدة فوق دوائر البطاطا وجبن مبشور وشعلت الفرن من فوق حتان تحمرت وفي الاخير زينتها برشة معدنوس
جات هايلة وخفيفة خير من البيشامال ثقيل وي gـــهم

 

[rose09000]

رد: جميع وصفات عضوات ماذا ستطبخين اليوم سيدتي

مسكوتة ألاء الرحمن​

6 حبات بيض+ كاس مش معمر زيت + كاس حليب + كاس سكر عادي + فانيلا + 2 خميرة + 350غ فرينة وعينك ميزانك ماتجي خفيفة ماتجي تقيلة بزاف ندهن المول بالزيت والفرينة ونحطها تطيب على نار قليلة نشوفها بدات تحمر فالاطراف نحمرها من فوق ونقلبها على سيار باه تبرد ولكي الاختيار تحبي تشربيها بسيرو ولا تخليها ناشفة ونزينها انتي وما تحبي نرشها بالسكر رطب ونزوقها بشيكولا ذايبة المرة الجاية نديرها بالمراحل

التحلية l'algeroise​

كاكاو
سكر
كريم شانتية
فراولة
قطع شيكولاتة
لبن (حليب)
معلقتين نشا
زبدة
اواولا نحضر الكريمة كوب لبن وعلية كوب سكر او اقل على حسب الرغبة وعلية ملعقتين النشا ونضعة على النار ونقلب حتى يغلظ القوام ثم نتركة ليبرد
نقسم الكريمة الى قسمين قسم نضع علة الفراولة وقسم نضع علية معلقين كاكاو
طحني الفريز مع الكريمة
وخلطي الكاكاو كدلك مع الكريمة
وضعيهم فى الفريز حتى بجمد
مثل الايس كريم
نقوم بعجن الزبدة مع البسكويت المطحون
نضع طبقة من البسكويت
ثم كريمة الفراولة
ثم طبقة بسكويت
ثم طبقة كريم شانتية
ثم طبقة من كريمة الكاكاو
ثم طبقة من كريمة الفراولة
ونغطيهم ويدخلو الفريز لمدة ساعة
أنا إستعملت الموز مكان الفراولة

 

[rose09000]

رد: جميع وصفات عضوات ماذا ستطبخين اليوم سيدتي

بابا غنوج لإبتسام​

حبة بدنجال تكون كبيرة تشويها على النار مليح
تقشريها
تضعيها في الصحن وتحطي عليها
ملعقة اكل طحينة
ملعقة اكل او اثنين لايورت الطبيعي
سنة ثوم مطحونة
ملح
زيت زيتون
مابين اصابعك فلفل اسود
ملعقة صغيرة عصير ليمون
نخلط بالشوكة {الفرشيطة}جيدا لتمتزج المكونات مع بعضها
في نفس الوقت البدنجال يطحن
تحطيها في الثلاجة تبرد وقت الاكل
زيني الصحن وحطي عليه زيت زيتون لانو هو اهم شئ في الباباغنوg

 

[rose09000]

رد: جميع وصفات عضوات ماذا ستطبخين اليوم سيدتي

كيكة بالجبن و الكريم كرامال لنور الحبوبة​

8بيضات

كاس سكر
كاس زيت
كاس حليب
علبة ونصف قاطو بيمو
2بكيات خميرة الحلوة
الطلية
8حبات فرماج لفاش كيري
2علب كرام كرامال
الطريقة
ترحي القاطو في اروبو اكون حشن ونخليه على جهة
نضربو البيص مليح +السكر +الزيت +الحليب حتى اذوب السكر +القاطو +الحميرة
تدهني المول انتاعك وتحطي فيه الكيكة وتخليها اطيب على درجة 180 درجة مدة 15 الى 20 دقيقة
تخليها تبرد
نرجع لطلية تحكمي الفرماج والكرامال وتخلطيهم مع بعض في اروبو حت يتجانسو مع بعض وتحطيه فوق الكيكة بعد تبرد وتخليها في الثلاجة تحكم روحها وشهية طيبة

 

[rose09000]

رد: جميع وصفات عضوات ماذا ستطبخين اليوم سيدتي

المطلوع لأم صبري​

بالنسبة للمطلوع على حساب افراد العائلة يعني تقريبا 1كيلو دقيق متوسط+3مغارف صغيرة خميرة فورية +ملعقة كبيرة ملح+ملعقة ص سكر+ 2 ملاعق كبار زيت + 1/2 مغرف صغيرة محسن الخبز améliorant pour pain VANOISE و اعجنيها مليح بالما دافي حتى تولي عجينة رطبة ما تكونش طرية بزاف وماشي يابسة خليها تخمر 1ساعة و قرصيها و خليها ترتاح 10 دقائق بينما يسخن طاجين تاع الطين
هيا ديريه للعشا و وريلنا النتيجة
بصحتكم نتمنى نكون شرحتلك مليح

 

[rose09000]

رد: جميع وصفات عضوات ماذا ستطبخين اليوم سيدتي

غراتان دنجال لكوثر الواهرنية​

بقالي الدجاج من الامس
قليت دنجال و قليت بطاطة دوائر و طيبت صوص طماطم
في مول ستفت الدنجال و زدت البطاطة و زدت الدجاج مفتت و زدت صوص الطماطم و زدت الدنجال و ضربت خمسة حبات بيض بقليل من الصوص الي طاب فيها الدجاج و معدنوس و ملح و فلفل اسود و فرغتها من فوق و دخلتها الفرن
ادا عندك فرماج مرابي ديري من فوق انا مكانش عندي

 

[rose09000]

رد: جميع وصفات عضوات ماذا ستطبخين اليوم سيدتي

المسمن لروز​

المسمن هاذاك بعد العجن نديرالعجينة دي بولات ونخليها ترتاح مليح و نخدم مسمنة عادية ونديرها اطيب وبعد ماطيب نكون فتحت ابولاة يعني كرية اخرى على البوتاجي وبعد ماطيب لي فوق النار نحطها فوق الكرية لي حليتها على البوتاجي ونغلق عليها من فوق وتحت وفي الجوانب ونرجعها اطيب ونزيد نفتح كرية اخرى مليح على البوتاجي وكي اطيب الاخرى نحطها فوق الكرية المفتوحة ونرجعها اطيب وهكذا راهي تولي تغلاظ السُمك لي يعجبك حبسي عندو
انا المسمن نتاعي رقيق ياسر يعني مانخبزوش نفتحو ونطبقو وخلاص لي مسمنها غليظ تحاول ترقو باش يجي مقرمش وخفيف

 

[rose09000]

رد: جميع وصفات عضوات ماذا ستطبخين اليوم سيدتي

فاطو لروز​

المعسل

يها 500غ فرينة 100غ سكر قلاصي و1خمارة قاطو و2ملاعق خمارة خبز و100غ زبدة مخلطة مع 1بيضة وافاني وتلميها بشوي حليب خليها تخمر مليح امبعد حليها فوق البوتاجي رقيقة ذوبي المعجون انا درت معجون الفريز وفوقو رشيت قرفة رشيت مليح كثرت يعني وامبعد كسرت الجوز ولويتها كي البسكو غولي وقطعتها دوائر ودرتها في السنية وزادت خمرت بعدها مسحت وجهها بالمح لاصفر ودرتها اطيب

 

[rose09000]

رد: جميع وصفات عضوات ماذا ستطبخين اليوم سيدتي

جاج بالزيتون لندى242008​

تجيبي صدر الدجاج وطبعا بدون عظم تقطعيه مكعبات كبار ومن بعد تلوحيه في الميكسور ترحيه مليح ومن بعد تضيفيلو نصف حبة بصل مسكرفجة وملح وفلفل اكحل وشوية كسبر يابس ومعدنوس و بيضة وشوية شابلير تشكليه صبيعات وترمديه في الشابلير وتخليه نصف ساعة في الفريجيدار باش يحكم روحو ومن بعد تقليه وتحطيه بجهة
تكوني نصبتي مرقة بيضا بنصف حبة بصل مفرومة وشوية زيت ولا زبدة وملح وفلفل اكحل اذا عندك الدجاج ديري فيها واذا ماكانش ديري هذاك العظم اللي بقا من صدر الدجاج امرقي غير شوي ومن بعد خليها تغلي وطفي عليها
الزيتون غليه مرتين ولا 3 مع نصف حبة قارص ومن بعد صفيه
اجمعي المكونات حطي صبيعات الدجاج في المرقة مع الزيتون وخليها تغلي شوي ومن بعد طفي عليها واعصري عليها قارص ورشة معدنوس

 

[rose09000]

رد: جميع وصفات عضوات ماذا ستطبخين اليوم سيدتي

الكيعكعات بالقارص لأم أماني05​

:250غ مرقرين+100غ سكر ناعم صاحبة الوصفة حطت150غ لكن انا نقصت وجات مليحة تحركيهم مليح+3صفار بيض +زست وعصير ليمونتين+باكي خميرة+3ملاعق نشا ونشيح بالفرينة نشكل كعيكعات وكطيبو نخليهم يبردو ونحطهم في خليط ماء الزهر وعصير ليمون ونرمدهممرتين في السكر الناعم ونزين بلابات داموند ذوقهم اكثر من رااااائع.

 

[rose09000]

رد: جميع وصفات عضوات ماذا ستطبخين اليوم سيدتي

قرنطيطة لإيمان27​

كيلة حميصة مرحية نصف كيلة زيت نصف كيلة حليب 3بيض ملح كمون تضربيهم بالباتور مليح وضيفى 3 كيلات ماء وضربي مليح بالباتور وفرغيه فى سنيوة ورشي عليها كمون ودخليها للفرن حتى طيب وتحمارheer:heer:

 

[rose09000]

رد: جميع وصفات عضوات ماذا ستطبخين اليوم سيدتي

البادنجال بصوص طماطم لندى242008​

البادنجال قطعتو الى شرائح ودهنتو بالبانسو بزيت زيتون وستفتو في البلاطو ودخلتو للكوشة وكي يحمار من الجهة السفلية نزيد نقلبو من الجهة الاخرة ونزيد نخليه يطيب في الكوشة
بعد ما يطيب ستفتو في المول
درت اولا طبقة خفيفة من صوص طوماط ومن بعد طبقة بادنجال وتونة تاع زيت زوج باطات وفوقها شوي من صلصة الطماطم وزدت طبقة من البادنجال ومن فوق درت جبن كريمي وجبن مبشور // مانشتيش البيشامال

صدر دجاج محشي بالفرماج لندى242008​

اولا تقطعي الصدر على شكل جيب
وتحضري التتبيلة انا درت موطارد وكاتشاب وملح وفلفل اكحل وثوم وتبليه مليح ومن بعد تحطي في وسطو قطعة فرماج ميزان ولا مثلثات وتغلقي بالكيردون وتقليه في شوية زيت ولا تحمريه في الفور

 

[rose09000]

رد: جميع وصفات عضوات ماذا ستطبخين اليوم سيدتي

برانية دنجال لإيمان27​

حطى فى طنجرة لحم مع ثوم زيت فلفل اسود شوية عكرى وكمون قليهم وضفى طماطم حب وعلب وحميصة مرقى وخليه يطيب ومن جهة اخرى كشرى بتنجال وقطعيه صلايص وقليه فزيت وكى طيب المرقة وتعقد ضفى بتنجال وخليه يشرب صوص وقدميه مع تزين معدنوس طبعا

 

[rose09000]

رد: جميع وصفات عضوات ماذا ستطبخين اليوم سيدتي

ساندويش بخبز اللبناني لإيمان أحمد​

وهو انا اندير 500غ فرينة + بيضة + 2 ملغقة ك سكر+ ملح و 1 ملعقة كبيرة خميرة خبز +
و نعجنها بالماء الدافي

و يخمر انقرسو دائري و انطيبو فوق الكريبياااار

اما الشاورما انشاااء الله انحطها موضوع و بعدها درت الفريت +شاورما و سلاطة و شيدار و بريسيتو في تاع البانيني

 

[rose09000]

رد: جميع وصفات عضوات ماذا ستطبخين اليوم سيدتي

كيكة لروز​

5بيضات وكاس سكر ونصف كاس زيت ونصف كاس حليب وغربلت 2كيسان فرينة مع 1خمارة و3ملاعق كاكاو وخلطت من فوق لتحت بلا باتور
وكي طابت درت شوي معجون وجوز وغربلت سكر قلاصي من فوق وبسسسسسس

 

[rose09000]

رد: جميع وصفات عضوات ماذا ستطبخين اليوم سيدتي

لي كستال لتنسيم الهناء​

250غ زبدة او مارغرين ذايبة+ 250غ سكر قلاصي+ 300غ كاوكاو مرحي موش رقيق خلاص+ 150 غ فرينة + 6 بيض (البياض فقط)+ فاني+ 1 خميرة كيميائية
خلطيهم يجيو زي مسكوتة ثقيلة فرغي في مول مدهون و مرشوش بالفرينة

لما يخرج خليه يبرد و في هذا الوقت تخدمي صفار البيض+ عصير ليمونة و زاست و سكر قلاصي حتان تجيك ثقيلة
و تفرغيها على لابات و لما تنشف قطعيها و زينيها كيما تحبي

 

[rose09000]

رد: جميع وصفات عضوات ماذا ستطبخين اليوم سيدتي

فاطو بالنواد كوكو لسمكة البحر​

تضربي 4 بيض مع 3 كيسان سكر + 4 كيسان زيت و1 لفاني تضربيهم مليح وتضيفي عليهم3 خمارة وشوية بيكاربونات تاع الحلوى تضيفي الفرينة بالشوية حتى تتحصلي على عجينة مرملة وطرية
تشكلي كريات صغار دير تقب في وسط كل كرية ستفيهم في البلا ودخليه الفرن حتى تصفار .
من تبرد الحلوى رفدي بالحبة غطسيها في المربى ثم رمديها في النواد كوكو
وديري شويه مربى في وسط الحبة ...في التقب....
ملاحظة الكيسان الي تعبري بيهم لازم يكونو تاع الشاي