جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

طاجين الجبن لسماح06​

طيبي الدجاج بمرق ابيض ولما يطيب ويبرد اللحم تاعك فتتيه
ثم امسكي مقدار من البيض اكسريه في ماعون مع الملح وفلفل لكحل ومعدنوس وخميرة تاع القاطووالفرماج كمية لاباس بيها وحطي الجاج تاعك لمفتت وادهني المول تاعك ورشيه شابلير وحطي الخليط وزيدي الجبن المحكوك من فوق
ويوجد جبن المراعي راه يقر في الاكل ننصحك بيه ومن بعد دخليه الفور وشهية طيبة

الفوكاشيا لأم منصف​

3 كاس فرينة - 1/2 كاس زيت او زيت زيتون - ملعقة كبيرة خميرة الخبز - شوية سكر - ملح - ماء دافئ للعجن
الحشو حسب الرغبة انا دهنتها بجبنة بوك وفرماج عادي - تون و باتي مرابي وفرماج رابي
لويها وادهني بالصفار وكي تتحمر ادهني الوجه بزيت الزيتون منكه بالثوم

 

[rose09000]

رد: جميع وصفات عضوات ماذا ستطبخين اليوم سيدتي

طاجين الجبن لإيمان27​

ى طنجرة طيبي جاج مع بصل ملح فلفل اسود وقرفة ومرقى وخليه يطيب
ونفس الوقت قطعى بطاطا قطع صغيرة وقليها وصفيها
وكى يكون طاب لجاج نحى من المرقة وفتتيه وخبي المرقة
فى صحن كبير حطى لجاج وبطاطا مقلية وضفى معدنوس وكسرى حوالى 5 حبات بيض وكمية كبيرة من فرماج تاع فاش كيرى مقطع مكعبات وضفى كمية من مرق الدجاج وضفى شوية برك ملح وفلفل اكحل وفرغيه فى مول ودخليه للفور يطيب ويحمار مليح

 

[rose09000]

رد: جميع وصفات عضوات ماذا ستطبخين اليوم سيدتي

عدس لندى242008​

ترابي سنات ثوم وديري 2 مغارف زيت شوي ملح و مغرف صغيرة فلفل احمر حار ونص مغرف صغيرة راس الحانوت حبة طماطم صغيرة مرابية تقليهم مع بعضاهم وتضيفي لعدس واذا عندك طرف عظم يطلق البنة واذا ماكانش مش لازم وتمرقي وتغلقي الكوكوطة
كي تلقاي العدس طرا زيديلها مغرف طماطم مصبرة وعاودي اقفلي عليها حتان تطيب في الاخير حطي قرن فلفل وخليها تغلي غلية وطفي النار

 

[rose09000]

رد: جميع وصفات عضوات ماذا ستطبخين اليوم سيدتي

عدس تع جسور المعلقة​

نكيل زوج كيسان نتاع العدس نشلو من الغبرة نحطو في مرميطة ن قليه في زيت الفايدة نتاع التقلية هادي هي يطيب مليح والقشرة نتاعو مطيرش منو يا لوكان طيبيه بزاف
نجيب صحن ندير فيه الكمون وكروية وراس الحانوت وزنجبيل وكصبر مطحون وفلفل أحمر وأسود والملح و مغرف كبيرة طماطم
وحبة بصلة كبيرة ونص راس ثوم وحبة طماطم نرابيهوم نزيدي نرميها للعدس نقلي
ونمرق بالماء نتاع السعيد (ماء معدني )
ندير فليلفة حارة ووريقات رند ونغطي المرميطة كي يطيب ويخثار طفو عليه زيدو ظيفلو كسبر مفروم يعطي نكهة هايلة لمرة
جربوه وردولي لخبر امممممممممممم

 

[rose09000]

رد: جميع وصفات عضوات ماذا ستطبخين اليوم سيدتي

خبز الدار لندى242008​

نكيل بعلبة الطماطم كيلة سميد وفنجال زيت وم ك جلجلانية و م ك خميرة خبز وزاست تاع قارص و م ك سكر نبسسهم مليح ومن بعد نبلها قدر ماتتلم ونغطيها
بعدما تخمر نرجعلها اعجني بالشايح مليح وخليها تخمر مرة اخرى
ومن بعد ندير بياض بيض وملح وشوية ما نخبطهم مليح ونبقى نضيفهم بالتدريج ونعجن .. العجينة ماتكونش جارية وماتكونش يابسة يعني متوسطة
كون تعود جارية ياسر ماتطلعش مليح
ندهن البلاطو بالزيت ونقرص العجينة ندهنها بصفار بيض + رشة خل وشوية سينوج
نشعل الفور على نار عالية ونخليها تخمر ومن بعد نطيبو عادي

 

[rose09000]

رد: جميع وصفات عضوات ماذا ستطبخين اليوم سيدتي

مطلوع أم ريهام​

المطلوع تعجنيه بالسميد والفرينة وتقدري دريه غير بسميد يحتاج دليك بزاف والا غير بالفرينة ما يحتجش دليك بزاف ويجي طري بزاف كيما عجين الخفاف تخليه يخمر في القصعة ومن بعد تخسريلو لخمير ودير قرصات دردري تحت وفوق كل واحدةبالسميد لرقيق وتخليه يخمر من بعد لازم نار تكون قوية وعندنا فرن خاص بهذا الخبز نسموها كوشة المطلوع ولا دريه في الكويزنيار في اعلى درجة حرارة وتخليها تسخن مليح وطيب يمطلوعك.

 

[rose09000]

رد: جميع وصفات عضوات ماذا ستطبخين اليوم سيدتي

شورمة لإبتسام​

عملت بهارات عادية الموجودة في البيت
ملح فلفل اسود فلفل عكري موطارد وعصرة تاع ليمون شوية كاتشاب في الخير التوم مع الطحينة ونطفي عليها النار

 

[rose09000]

رد: جميع وصفات عضوات ماذا ستطبخين اليوم سيدتي

اللوبيا خضرا لشهرازد​

تغلي الوبيا نص طياب فالما والملح وحدها وتصفيها
ممبعد تحظري تغميس عادي
تقطعي البصل شرائح +الثوم وتقليهم حتى يذبال البصل
وتضيفي الجاج اواللحم ولا بلاش وتقلي كيف كيف+كمون+فلفل+ملح
كي يذبال البصل ملييح ويتبدل لونو تضيفي طماطم طايبة +مغرفة طماطم مصبرة
وتخليها على نار قليلة +اللوبيا
واذا جاك ناشف ضيفيلهم فنجان ماء

 

[rose09000]

رد: جميع وصفات عضوات ماذا ستطبخين اليوم سيدتي

حلوي جافة لشهرازد​

3حبات بيض تضربيهم مع كاس سكر وتضيفي 2 كيسان زيت وتضربي+فاني ولا قارص ممبعد
تزيدي 2 خمارة وفرينة حسب الحاجة ...الفرن 160

 

[rose09000]

رد: جميع وصفات عضوات ماذا ستطبخين اليوم سيدتي

بغرير لنور الحبوبة​

شكارة حليب 3بيضات 3كيسان فرينة كاس دقيق نصف باكي خميرة القاطو وملعقة كبيرة خميرة الخبز تخلطي كلش على بعضاه ما تدلكي ماوالو وكي تخلصي صفيه في الكسكاس اختي ادير 2 كيسان فرينة برك تقولي باه اجيو خفاف مي انا اندير 3 وان شاء الله اتجربيهم راهم خفاف وساهلين كي ادريهم رديلي بلخبر

 

[rose09000]

رد: جميع وصفات عضوات ماذا ستطبخين اليوم سيدتي

الروز لندى242008​

الروز عادي حمصتو في شوية زيت وجمرتو في مرق دجاج وزدتلو شوية كركم

 

[manouch]

رد: جميع وصفات عضوات ماذا ستطبخين اليوم سيدتي

السفيرية
المقادير
6 حبات بطاطا ,معدنوس ,3بيضة,جبن طري,جبن ذائب,فلفل اكحل,ملح,خبز مرحي .
طريقة التحضير
نديرو البطاطا في ماء سخون تتغلى بعد ما تتغلى ارحيها بفرشيطة من الاحسن .زيديلها فرماج طري ومعدنوس مقطع وفلفل اكحل وملح وبيضة باش تتلم الخلطة منبعد حطيها في الفريجيدار بعد نص ساعة خرجيه واعملي بيه كريات ولا صباع كيما تحبي واحشيها بالفرماج الذائب وحطيها في البيض يلي تكوني خلطتيه باه تغمسي فيه السقيرية منبعد ما تخرجيه من البيض حطي في الخبز المرحي واقليه وصح فطوركم بنات انا درتو البارح وجا روعععععة جربو .
*رمضان كريم وشهية طيبة*

 

[souss]

رد: جميع وصفات عضوات ماذا ستطبخين اليوم سيدتي

مرسي خيتو على هذا الجمع للوصفات اللي يهنيك

 

[rose09000]

رد: جميع وصفات عضوات ماذا ستطبخين اليوم سيدتي

النقاش لأم نيفين​

النقاش = الوصفة سهلة جدا : 3 كيلات فرينة+أقل شوية من نص كيلة سكر عادي+كيلة ستار ذايبة و شوية باردة +فاني و نحك مليح بكفوفنا +نبلو بماء الزهر حتى تولي عندنا عجينة طرية نعجنها مليح باش مايبقى عندنا حتى تكتل ثم نديرها في شكارة و نخليها ترتاح مش أقل من ساعة ...ثم نقسم العجينة الى كويرات ثم نحلل كل كويرة فوق قطعة بلاستيك و نرقو بزااااااف بالحلال ثم نديرو حربوش تاع الغرس يكون منقي و مرحي و معجون بشوية زيت و قرفة و يونو الحرابش رقاق ثم ندور العجينة حتى يتشكل عندنا حربوش صغير نقطعو من باقي العجينة و هاذ الحربوش بدات نقطوع الى اعمدة صغيرة ... ثم نخلي الحبات يشيحو شوية ثم ننقشهم عادي و نطيبهم على نار متوسطة كيما السابلي حتى يحمالر من تحت ثم نشعل عليه من فوق ...و بالصحة و الهنا على قلوبكم

 

[rose09000]

رد: جميع وصفات عضوات ماذا ستطبخين اليوم سيدتي

النعمة لحدة​

لازم السميد تاعك يكون من النوع الرفيع
تبليه العجين تاعك سع وتخليه على الاقل نص ساعة تبداي تعجني باليابس تدلكيه مليح كي تشوفيه بدا يترخف ابداي اسقي بالما واعجني حتى تشوفيه يطوط
ايا كوري الكويرات تاعك بعد ما تمسحي يدك بالزيت باه ما يتلصقش وتخليه يركح مدة ساعة لانو لو ما يركحش حيتقطع
كي تبداي ترقي حطي الزيت رققي من الجوانب والوسط حيلحق وحدو كلما ترقي من الجواب حتلاقي الوسط يمشي وكي تهزيها راها يزيد يمشي

 

[rose09000]

رد: جميع وصفات عضوات ماذا ستطبخين اليوم سيدتي

الأرز بطريقة إسبانية لحدة​

ربع كيلو ارز انااستعملت نوع لي عندنا مفور خالص
3ملاعق زبده
بصله مفرومه
حبة فلفل حلو اخضر شرائح
حبة فلفل احمر شرائح
هادو اختياري انا مادرتهمش
ملعقه صغيره بهار وفلفل ابيض
عصير برتقاله وممبشور البرتقاله
3 اكواب ماء
4 طماطم مقطعه الى انصاف
نحمرو الروز فى الزبده على النار حتى يولي ذهبى
نضيفو البصل ونحرك ونضع الفلفل بنوعيه الاخضر والاحمر ويحمر الجميع مدة دقيقه واحده
ونضع الفلفل الابيض والبهارات ومبشور البرتقالة وعصير البرتقاله واخيرا نضع الماء
ويترك الخليط على النار حتى يغلى مع التقليب مره واحده وتخفف النار ونغطيوالاناء
ونخليوالروز يطيب لمدة 15 د او حتى ينضج ويتشرب الماء تاعو
تقدري تاكليه هاكاك ولا تعملي معاه حاجة اخرى
التزيين انت وذوقك
الملح انا استعملت رشة برك لتوازن الذوق

 

[rose09000]

رد: جميع وصفات عضوات ماذا ستطبخين اليوم سيدتي

الجاج بالكريمة لحدة​

والجاج بالكريمة
قليت البصل مقطعه في الزبدة ومن بعد زت الفلفل الحار مقطع ونحط طراف تع الصدرالدجاج مقطع قطع صغيرة
ونقلب حوالي 5 دقايق حتى نشوف القطع طابت طبعا الصدرما يعطلش نضيف الفلفل الابيض والملح والبهارات انا زتلها شوووووية تع الموطارد ونقلب حتى نشوف الطبخة طابت ونشفت نكب عليها الكريمة السائلة ونخليها تغلي شوية ونحيها اذا حبيتي ترابي عليها فورماج انت وذوقك
اذا حبيت تعملي لي كويس اعملي نفس الوصفة بصح زيدي معاها شوية ما وخليهم يطيبو وكي ينشقو كبي عليه الكريمة السائلة

 

[rose09000]

رد: جميع وصفات عضوات ماذا ستطبخين اليوم سيدتي

لاغوسات تاع البتي فور تع سارة كوين

1 كغ فرينة -500غ زبدة لابال - 500غ سكر قلاصي -10 بيض - 10غ خميرة - 30غ فاني - كاس مايزينة/نشا
في العجانة ضربي الزبدة والسكر بسرعة 2 حتى تصبح كريمة . زيدي البيض بالواحدة حتى الانسجام بسرعة 3 زيدي كاس مايزينة و خلطي ملييييييح حوالي 10 دقائق (اجباري) من بعد زيدي الفرينة مسيرة مع الفاني والخميرة على دفعات حتي تصبح عجينة طرية (أي تجيك العجينة خفيييفة ما تخافيش لازم تكون هاكدا - لازم تكملي كمية الفرينة كامل و ماتزيديش بعدها- جربي حبة واحدة إذا تحلت أو هبطت زيدي شوية نشاء/مايزينة - لازم تخدمي السكر و الزبدة ملييييح قدما طولي قدما يجيك مليح ) هادو هوما الاسرار تاعو
شكلي وردات أو خطوط 6أو 7 سم بلابوش أدوي (كيس حلواني) و دخليه لفرن سخون على درجة 200° حتان يحمار
تقدري ديري نص الكمية أنا ندير غير بالنص ياكلوه في يومين / انا ندهن سنيو بشووويية زيت نخاف يلصق انتي شوفي سنيوتك ادا تلصق ادهنيها
و الي تحب تلصقو بالمعجون يجي خييير او ديرلو شوية شيكولا على الاطراف ممممممم​

 

[rose09000]

رد: جميع وصفات عضوات ماذا ستطبخين اليوم سيدتي

غرايف تع ندى الورود

شوفي اختي هاذو الغرايف معجونيين ماشي تاع الروبو
المهم تاخدي كمية من السميد كيما انا حطيت تقريبا حوالي 3 كلغ سميد حطيتلهم 2 مغارف كبار خميرة فورية + ملح + 2 مغارف كبار زيت وخلطتهم و بليتهم بالماء الدافئ حتى تولي عجينة متماسكة نغطيها ونخليها ترتاح تقريبا نصف ساعة بعدها نعجنها لحوالي 10 دقائق ما نعجنوهش بزاف ثم نبداو نزيدو الماء الدافئ بشوي بشوي في المرحلة اللي تبدا العجينة تجرا شوي تقريبا كيما تاع الخبز ناخد العجينة ونحاول نلمها وفي نفس الوقت العجينة نخبطها فوق القصعة حتى تتلم وتولي عجينة وحدة نكملو نضيفو الماء الدافء بشوي بشوي مع العجن بالتقطاع يعني نقطع العجينة كي تبدا تجرا العجينة شوي نحاولو نلمو يدينا كي شغل دبزة ماشي باش نضربو هههههه نبقاو بيدينا نحكو في العجينة اللي جارية شوي في كل الإتجاهات باش تطلق ونضيفو شوي ماء حتى تولي جارية والقوام اللي نحبوه ضرك ندخلوا على الكراتي هههههههه بحركات كيما تاع الكراتي نبدا نقطع في السائل وندخل عليه بالكراتي بزوج يدين في كل الإتجاهات باش ما يديروش تكتلات في العجينة بعدما نخلصو نحطو العجينة تاعنا في طنجرة ونغطوها ونخلوها ترتاح تقريبا نصف ساعة بعدها ناخد 4 حبات بيض نضربهم ونضيفهم للعجينة ونخلط بعدها نسخنو طاجين الطين المسرح ماشي تاع الكسرة لازم طاجين الطين خير يطيبو مليح نأخد القليل من البيض نضيف له القليل جدا من الماء نضربو شوي ناخد قطعة قماش نغطسها في البيض ونمسح بيها الطاجين هنا البيض ما يخليوش الغرايف يلصقو كي نطيبوهم ناخد لوش من العجينة ونصبوه في وسط الطاجين وبحركة دائرية بلالوش نمدد العجينة ونخلو الغرايق تاعنا يطيبو و هكذا حتى نخلصو كامل الكمية ومرة على مرة نذهن الطاجين بخليط البيض والماء وتحبي ديريهم صغار ولاكبار كيما درت انا درت الصغار والكبار ان شاء الله وصلت الفكرة​

 

[rose09000]

رد: جميع وصفات عضوات ماذا ستطبخين اليوم سيدتي

كريمة الماسكاربون لكوثر الواهرنية

تخدمي كاش شونتي مع كاش حليب و ضربيهم مليح تضيفي علبة نتاع كرام فراش و نتي تضربي و تضيفي زوج علب بتيسويس و نتي تضربي و تزيدي 150غرام سكر قلاسي ضربي مليح
هدي هي كيفية تحضير الماسكاربون علمتهالنا المعلمة تجي خفيفة و دوقها ممتاز​