جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

دولمة سردين لحاملة المسك​

امرسي السردين انا منرحيهش خطراش بنتو تروح..التوابل: ثوم ملح فلفل اكحل كمون سكنجبير اكليل الجبل معدنوس حشيش
المرق: زيت او زيت الزيتون ثوم ملح فلفل اكحل كمون سكنجبير فلفل احمر انا كتفيت بالعكري رند حبة طماطم + شويا مصبرة
لما يقرب يطيب السردين اضيفي الجزر المفورة دقائق و طفي .

 

[rose09000]

رد: جميع وصفات عضوات ماذا ستطبخين اليوم سيدتي

خبز الدار لندى 242008​

شوية فرينة تدير 3 خبزات لي صورتهم حوالي 300 غ
م ك سكر
م ك خميرة خبز
وكاس تاي صغير زيت وملح وبسست الفرينة بهذا الخليط
ومن بعد خلطت بياض بيضة مع 2 مغارف لحظة و كاس تاي ما زهر وزدتهم لخليط الفرينة وبليت بشو ي ما دافئ حتان تتحصلي على عجينة طرية تغطيها وتخليها تخمر
قسمتها الى كويرات .. كل كرية تحليها عل شكل مستطيل وتروليها وتحكميها مليح باش ماتتحلش وتشقيهم شوي بالموس وتخليهم يخمرو
وفي الاخير تدهنيهم بصفار + شوية خل ودخليهم يطيبو في فرن مسخن مسبقا

 

[rose09000]

رد: جميع وصفات عضوات ماذا ستطبخين اليوم سيدتي

الروز لندى242008​

طيبتو نص طياب ومن بعد دهنت المول بالزبدة وفرشت الروز وخلطت حليب مع 2 سنات ثوم ومغرف زبدة وملح وفلفل اكحل وجوزة الطيب وسقيت بيه الروز ودخلتو يكمل طيابو في الفور
كي طاب حطيت فوثو فرماج مبشور ودخلتو للفور وهو طافي باش يذوب الفرماج ..
الحوتة تبلتها بثوم وملح وفلفل اكحل وكمون وشوية خل ودرتلها شرائح ليمون في كرشها ههه وكي جيت نقليها خليت الشرائح تاع الليمون وقليتها على نار عالية جات من برا مقرمشة ومن داخل طرية كالزبدة والقارص طلق فيها بنة هايلة

 

[rose09000]

رد: جميع وصفات عضوات ماذا ستطبخين اليوم سيدتي

مايونلز الجبن لراجية العفو​

3 حبات جبن مربعات أو مثلثات
1 ك زيت
1 ك حليب
ملح وقليل خل

طريقة التحضير:

في خلاط الكأس نضع حبات الجبن ونضيف 2 ملاعق حليب وتخلط بالخلاط
جيدا ثم نضيف 3 ملاعق زيت وتخلط جيدا جيدا ثم نضيف 2 ملاعق حليب وتخلط
جيدا ثم 3 ملاعق زيت وتخلط جيدا ولما تبدا تجمد نضيف 1 ملعقة حليب
وتخلط جيدا ثم نضيف 3 أو 4 ملاعق زيت وتخلط وهكذآ حتى تجمد وتصبح
كريمة متماسكة يضاف الملح وقطرة خل وتنكه حسب الرغبة

ملاحظة : كل ما أضفنا حليب وزيت كلما تكاثرت أكثر ولكن نكهتها لن تصبح
مثل أول لذلك أول ما تتكاثف نتوقف عن إضافة الزيت والحليب وان رأيناها بقيت
سائلة نتوقف عن إضافة الحليب ونضيف الزيت فقط حتى تجمد

المنكهات الممكن إضافتها :

- فلفل حار مقطع رقيق جدا
- زيتون أخضر مقطع رقيق جدا أو ريتزن حار مرقد
- قصبر مقطع رقيق مع ثوم مرحي
- مخللات مقطعة رقيقة جدا

ويمكن إضافة أي نكهة مفضلة

 

[rose09000]

رد: جميع وصفات عضوات ماذا ستطبخين اليوم سيدتي

الغريبية لأم سيف​

ندرلها كيلة دهان ونصف كيلة سكر قلاصي والفرينة باش تشيح ونديرها بالمحقن ونطيبها في الفورفي الرف الاول نحط بلأ فيه الماء و الرف الثالث نحط لبلأ انتاع الغربية

 

[rose09000]

رد: جميع وصفات عضوات ماذا ستطبخين اليوم سيدتي

شوربة الفطر لأمنياتي​

لمقادير

نصف صدر جاجة

1بصلة او 2 صغار

2 حبات بطاطا

حوالي 200 غ فطر طري ماشي معلب= عمري ما جربتها بالمعلب=

ملح , فلفل اكحل, وكسبر مرحي

ونحتاج كرام فراش في الاخير

التحضير

قطعي كلشي مع بعض: بصل +بطاطا+صدر+ فطر واحتفضي بحبات منه
اضيفي التوابل ومرقي بارد في بارد قيس الخضرة تاعك
دائما في مثل هاو لي سوب ميش لازم تكثرو الماء لانها لازم تجي شوية ثقيلة

لما تطيب الخضرة تاعك ميكسيها مع كرام فراش, واضيفي حبات الفطر اللي خليتي بعدما تقطعيهم, خليها تهز الغلية فقط وقدميها بالصحة والهنا

 

[rose09000]

رد: جميع وصفات عضوات ماذا ستطبخين اليوم سيدتي

بطاطة محشية بالبيض لروعة2005[/CE

شرشمي البطاطا ولما طيب ارحيها مليح مع كمية مليحة من الفرماج انا استخدمت تاع الميزان+بيضة+زعفران+كمون+ملح +فلفل اكحل+شوي هريسة وتكوني سلقتي البيض لهوثي عليه البطاطا لي وجدتيها ولهوثيها بالشابلير مباشرة لانها تكون طرية ويلصق فيها وحطيها في الثلاجة نص ساعة ثم اقليها استنايها تبرد شوي واقسميها وقدميها​

 

[rose09000]

رد: جميع وصفات عضوات ماذا ستطبخين اليوم سيدتي

بويون الخضر لأمنياتي​

بصل بطاطا زرودية قرعة لفت كرافس ومعدنوس و رند+ زيت وكسبرمرحي وفلفل اكحل+ صدر جاج
وكي يطيب ميكسي كلشي مع فرماج او كرام فراش
ساعات نزيد حتى حبيبة باذنجان او طرشي او بسباس حسب الموجود
وساعات عند التقديم نحك عليه شوية زعتر

 

[rose09000]

رد: جميع وصفات عضوات ماذا ستطبخين اليوم سيدتي

خبز الدار لكوثر الوهرانية​

ديري فرينة على حسابك يزيدي مغرف سكر و زوج مغارف خمارة العجين و ملح و زوج مغارف لحضة و نص فنجان زيت و حبة السوداء و حبة حلاوة بسييهم مليح و ديري الماء و لمي و من بعد اطلقيها بالماء بلا ما تعجني غير لمي و غطيها بساشية و سربيتة و خليها تخمر و من بعد فششيها و خليها تخمر مرة ثانية و تكوني فرشتي كيما نفرشوا للمطلوع تقطعي كويرات تمرمريهم في السميد و تحطيهم في الفراش اللي كنتي رشيتيه بالسميد تعبزي بيدك على الكرة حتى تتحصلي على دائرة غطيها و خليها تخمر و هنا سخني الفور نتاعك كي تخمر دهني سينية بالزيت و حطي فيها الخبزات و دخليها للفور كي تحمار من تحت شعلي عليها من فوق ان شاء الله تفهميني اختي و كاش حاجة مفهمتيهاش انا في الخدمة
ملاحضة قبل ما تطيبي الخبز لازم الفور يكون سخون بزاف
انا كي نحطها تخمر نشعل الفور نتاعي

 

[rose09000]

رد: جميع وصفات عضوات ماذا ستطبخين اليوم سيدتي

فيلي دو صول لكريمة تاتي​

فيلي دوصول قطعيه قطع متوسطة ديريه في مقلة كبيرة مع شويا زبدة دوبيها في مقلة وحطيه مديريش زيت زبدة خاطر الزيت تفتتهولك و ثوم 2 سنينات و ديري شومبنيون و نقسي للفورنو لازم يطيب على نار قليلة و ملح و فلفل اكحل و عصير ليمونة و معدنوس و شوي curry او كركم انا درت كركم و كي يبدا ينشف ديري شوي ماء و كي تشوفيه طاب ديري 3 مغارف la créme fraiche خليها دوب.

 

[rose09000]

رد: جميع وصفات عضوات ماذا ستطبخين اليوم سيدتي

لكريمة تاتيles bagels​

550 غ فرينة ، مغرف صغيرة ملح، مغرف كبيرة سكر ، م ك زيت ، 3 ملاعق صغيرة خميرة و طميها بالماء تكون تتلاسق شوي اعجنيها 10 دقايق و كي تكوني رايحة تعجني رشي الفرينة باش متلسقش خليها تخمر 45 دقيقة اقسميها 12 كرية و شكلي دوائر و حطيهم في صينية مرشوشة بالسميد باش ميلسقولكش خليهم يخمرو مرة 2. حطي الماء يغلي و من بعد مايكونو خمرو ارميهم بالوحدة داخل الماء خليهم حوالي دقيقة من كل جهة و الماء يكون مازالو على النار. خطيهم في صينية و ادهنيهم ببياض البيض و رشي عليهم الجلجلان او les grains de pavotطيبيهم

 

[rose09000]

رد: جميع وصفات عضوات ماذا ستطبخين اليوم سيدتي

الشربة لكوثر الوهرانية​

في طنجرة ديري الزيت و اللحم يتقلوا على نار قليلة زيدي البصل مقطع و زوج جزر منقي و مقطع و وحدة لفت و ربطة قصبر حزميها بخيط زوج حبات كبار طماطم تكون حمرة و طرية و ديري التوابل ملح فلفل اسود فلفلة حمرة قليل من الزعفران سكنجبير عود قرفة و مغرف كبيرة طماطم نتاع الباطة قليهم مليح مليح ديري شوية حمص مشمخ و مرقي و خليه يطيب كي يطيب اللحم نحيه من المرقة هو و الحمص و ربطة القصبر و ارحي الباقي في الرحاية نتاع اليد و بعدما ترحيه رجعيه لنار و فتتي داك اللحم و ردي الحمص في القدر و دوقي كان خاصة حاجة زيدي و كي يغلي ارمي الفارميسال نتاعك و خلطي باش ميلسقش تحت كي يغلي خليه مدة عشرة دقايق و طفي و كي تجي تحطي رشي بالقصبر من فوق انا مبقاليش مدرتهش

 

[rose09000]

رد: جميع وصفات عضوات ماذا ستطبخين اليوم سيدتي

رولي لبنت الجسور المعلقة​

درت 4 عضمات
بياض البيض خفقتو كيثلج مع كاس سكر
والصفار خفقتو مع زوج ملاعق حليب وفاني
ومنبعد النواشف درت 1 خميرة مع ذرة ملح+ الفرينة ولكاكاو غربلت النواشف مع بعضاهم
ومنبعد الصفار ليدرتو من قبل زدتلو البياض لي خفقتو وخلطي برفق وظيفي النواشف انشري الخليط على ورق الخبز
وطيبيها نحو 10 و 15 دقيقة في 190درجة
كي طيب وهي سخونة لفيها حوطيها في لفريجدار ساعة
والكريمة غلي كاس لحليب

أخفقي 2 عضمات وعصير ليمون +سكر ونشاء وزبدة مع بعاض وزيديلهم كاس حليب وعلى نار هادية
رجعي كلشي مع بعضاه تكتك شوية طفي عليها
ومنبعد نحي ورق الخبز
انشري الكريمة على سطح الكعكة
و لفي الكعكة بلطف مرة أخرى وزيدي حوطيها في لفريجدار
ذوبي شيكولة مع لحليب ودهنينها
منبعد رشيها بسكر مسحوف وكاكاو
زيني بالجوز

 

[rose09000]

رد: جميع وصفات عضوات ماذا ستطبخين اليوم سيدتي

القريوش لأم أماني​

مقادير
1كلغ فرينه
250 غ زبدة صول
قرصه ملح
1 بيض
2 فاني
2خمارة حلوى
للعجن بماء الزهر والماء
عسل عاقد للتعسيل
وزيت للقلي
وجنجلان
انا درت نصف الكمية لأنو قريوش يقطع بزاف

نذوب الزبدة انا ديت 125 غ

حط الفرينه+ 1 خمارة + 1 فاني + قرصة ملح نخلهم

نضيف الزبدة تكون سخونه باش تدخل مليح في فرينه
ونحكها غايه باش الحبيبات ميقعدوش فيها

ثم البيض

ونعجنها بالماء يكون دافي وماء الزهر
مطريش العجينه بزاف باش متغبنكش في انشاء شكلها
نديرها في كيس بلاستيكي ترتاح لمدة 30 او 35 د

نشكل حربوش و نكسلو بالة العجين هنا الالات تختالف كاين من صغيرة للكبيرة وكاين من الكبيرة لصغيرة
انا رقم 1 هو ارقق و رقم 9 اخشن
حليتها في رقم 6

ثم اطويها على نفسها وعاودي حليها

ثم حليها في رقم 5

ثم اطويها وعادي حليها في نفس الرقم وهذا سر انتفاخها و خفوفيه نتاعها

نشكل مستطيل وندير في كل واحد 5 اسطر

هنا الشكل كل وحدة وكيفاش تشكل انا نعرف غير هذا برك هههه ودرتلكم بسياله لأنو منعرفش نخدم بيدي ونصور

وكل ما تخدمي تغطيه بكيس بلاستيكي باش ما ينشفش ويتشقق من فوق وميتنفخلكش في قليان
كي نكملو كل العجين نحط الزيت في مقلاة او طاجين القلي
ونخليه يسخن كي يسخن نولي نقلي واحمرار يقعدلك ياتحبي لون ذهبي يا تحبيه لون برتقالي
ويتعسل ديركت كي يتقطر في عسل يكون ثقيل باش قريوش تحافض على نفسها لمدة طويله ومتتعجنش

كي تعسليها خليها تقطر من العسل
وزينيها بجنجلان

 

[rose09000]

رد: جميع وصفات عضوات ماذا ستطبخين اليوم سيدتي

قاطو ساهل
Smile Queen ​

تخلطي كاس ونص فرينة مع نص ماس نشا ومغرفة صغيرة خميرة و1 خميرة قاطو وخليه من جهة أخرى خلطي مغرف كبيرة زبدة مع نص كاس سكر قلاصي وزيدي بيضة وملعقة صغيرة فاني ونخلطو مليح ونضيفو الخليط الأول تاع الفرينة بالتدريج مع كاس حليب وكي تتشكل العجينة نديروها دي بولات صغار وندخلوها تطيب ومبعد نلصقو كل 2 بواش حبيتي شوكولا ولا معجون وزيني كيما تحبي

 

[rose09000]

رد: جميع وصفات عضوات ماذا ستطبخين اليوم سيدتي

[SIZE="مطلوع لتنسيم556"]ال[/SIZE]​

كيلة دقيق ارطب + نص كيلة فرينة سينوج شوية جنجلانية 2 ملاعق حليب غبرة خلطيهم مع بعض + ملعقة تاع عسل باش يعطي هشاشة اكثر انا نستعملو في كل المعجنات المملحة بدل السكر +نص فنجال زيت والخميرة تاع الخبز درت ملعقة كبيرة و شوية درتها في الماء خطراش بارد الحال وستعملت خميرة تاع الحبيبات و لميها بالماء دافي و خليها في مكان دافي كي تشوفيها زاد الحجم تاع العجين ادلكيها بدون اضافة الماء حتى ترطاب شوي وبعد جيبي الماء دافي ودري فيه الملح وهنا ابداي اعجني عادي والملح جامي دريه ديراكت دوبيه في الماء و اعجني حتي تشوفيها بدات تتلاصق في يدك حبسي وبعد ديري كورات ماتكون كبيرة ماتكون صغيرة باش تساعدك ومرغديهم في الفرينة او السميد انا هنا استعملت الفرينة ودردرت شوية في اسرابت باش كي تقرصيها وبعد تخمر متلصقش وانا الاغالب ماعنديش طاجين الطين ولا طابونة انطيب في طاجين تاع لحديد ونحطو فوق الكوزينيار ونقوي لنار
والغرفية لكيلت بيها غرفية عادية ميش كبيرة

 

[rose09000]

رد: جميع وصفات عضوات ماذا ستطبخين اليوم سيدتي

بسبوسة لتنسيم​

5 بيضات نفصل الصفار عن البياض
الصفار +1لافاني ونخبطو +كاس سكر نستعمل النص ولاخر نحتفضو بيه لليباض ونخبطو جيدا حتي يتغير اللون يتضاعف الحجم 2 ملاعق ماء الزهر +ناقص اصبع كاس زيت ونخبطو + حليب نص كاس فايت شوية و نخبطو زاست القارص +كاس ونص دقيق ارطب + نص كاس فرينة و 2خميرة الحلوى ونخبط ونخليه بجيه
البياض رشة ملح ونخبط جيدا و نكمل نصف الكاس السكر حتى تثقال وتصبح مثل الميرانغ وبعد ضيفيه للخليط الاول وخلطي غير بشوية و بملعقة خشبية باش ماتهبطش
وفرغيها في مول مدهون و مرشوش بالفرينة ودخليها للفرن 180 درجة بعد 20 دقيقة شوفيها بعود اسنان الا طابت طريقة معروفة
و الشربات كاس سكر كاس و شوية ماء ترنش قارص وخليها على النار وبعد ما توجد الشربات و بعيد على النار ضيفي مغرفة عسل وحليها جيدا وهدي الشربات تكوني وجدتيها من قبل وتكون باردة و البسوسة لما تخرجيها اسقيها وماتكثريش بزاف خطراش خفيفة بزاف ملازمش تشرب بزاف وزوقيها من فوق كيما تحبي و لما تبرد قطعيها

 

[rose09000]

رد: جميع وصفات عضوات ماذا ستطبخين اليوم سيدتي

عين الجمل لميمي53​

4 كيلات فرينة + كيلة سمن ذايب + بيضة قرصة ملح ونعجن بماءالزهر + ملون ابيض نتاع الميزان

نضع العجينة في كيس ونخليها ترتاح ليلة او نصف يوم

الحشو

3كيلة كوكاو + كيلة سكر قلاسي + معطر الليمون معطر ..اللوز الحلو والمر وقشورالليمون وماء زهر

 

[rose09000]

رد: جميع وصفات عضوات ماذا ستطبخين اليوم سيدتي

الروز بلحشاوش لشهرازد​

ترابي 4 فصوص ثوم+بصلة+حبة زرودية+طماطم
وتقطعي نعناع+قصبر+معدنوس وقد ماحطيتي منهم مليح
ممبعد تخلطيهم وتضيفي 1 مك طماطم مصبرة+فلفل+ملح+3 مك زيت+كمون+جلبانة ادا كاين
ممبعد تحطي الجاج على هاد الخليط وتخلطي مليح وتخلي الجاج فترة فيه
ممبعد نحيه وحطيه فالكسكاس رتبيه مليح فالقاع
تحطي الروز في ماء يغلي مع زيت وملح لمدة قليلة 5 د وتحركي ممبعد صفيه
وحطيه مع الخليط
ممبعد فرغيه فالكسكاس فوق الجاج
وخليه يفور واحد الساعة او اكثر

 

[rose09000]

رد: جميع وصفات عضوات ماذا ستطبخين اليوم سيدتي

تليتلي باللحم المرحي لأمنياتي​

حمصي تليتلي في مقلة وحركي باستمرار حتى يتلون
غليه في الماء والملح حتى يطيب مليح صفيه وخليه يقطر مليح
طيبي لحم مرحي كيما البوراك: قطعي لبصل رقيق وذبليه مع سنة ثوم في الزيت، كي يطيب زيدي اللحم وحركي حتى يطيب، كي يطيب نحيه من فوق النار و زيديلو كمية مليحة معدنوس مقطع وديري ملح وفلفل اكحل
ذوبي زبدة حوالي 3 مغارف في مقلة مع كمية فرماج ابيض( حسب كمية تليتلي ) ثم فرغي تليتلي على خليط الزبدة والفرماج وحركي باه يشرب
في مول ديري نص كمية التليتلي ثم لحم مرحي ثم تليتلي
رابي فوقو الفرماج ودخليه للفور شاعل غير من فوق يذوب برك الفرماج
وشهية طيبة

غراتان الشفلور لأم شيماء​

راس شفلور تغليه او تفوريه مبعد قطريه وعبزيه بفرشيطة + بصلة مسكرفجة+ معدنوس+ ملح + فلفل اكحل + فورماج ابيض مقطع + كاس شابلير وخلطي + 3 الى 4 بيضات مضربين وخلطي الكل
3الى 4 حبات بطاطة قطعيهم مربعات صغيرة واقليهم
لحم مرحي طيبيه كيما البوراك بالبصل والمعدنوس
كريمة الفورماج: لتر حليب+ 3 بيضات + 150غ مايزينة+ ملح+200غ فورماج ابيض حطيها على النار وخلطي حتى تعقد كيما تحضري البيشمال متخليهاش تعقد بزاف
تحضري مول تاع كوشة ادهنيه ديري طبقة بطاطة مقلية ثم طبقة الثانية لحم مرحي ثم طبقة تاع الشوفلور اسويها مليح وغطيها كامل بكريمة الفورماج ورشي عليها جبن مرحي