الجزائر 0 ـ 1 غانا (النقل المبآشر) أسامواه يقضي على "الخضر"

[ضآحكة مستبشرة]

البطاقة الفنية:

ملعب مونقومو بغينيا الاستوائية، جمهور غفير، طقس حار، أرضية غير صالحة، تنظيم محكم، التحكيم للثلاثي كومان كوليبالي من مالي بمساعدة جون كلود بيرموشاهو من بورندي حسان أغاه ياسي من جيبوتي.

الانذارات: بوقرة (د45) للجزائر، أفري أكوا (د25) لغانا.

الجزائر: مبولحي، ماندي، غلام، مجاني، بوقرة، لحسن، تايدر،فغولي، بن طالب، براهيمي، بلفوضيل

المدرب: كريستيان قوركوف

غانا: رزاق بريمه، هاريسون آفول، بابا أبدول رحمان،ج وناتان مانساه، دانيال آمارتي،أفريي أكوا، أقيمانغ بادو، كريستيان آتسو، أندري آيو، جوردان آيو، أسامواه جيان

المدرب : غرانت

(د3): ياسين براهيمي يستفيد من مخالفة على بعد 35 مترا، يتولى غلام تنفيذها، لكن تسديدته القوية مرت بعيدة عن مرمى الحارس رزاق بريمه.

(د6): براهيمي يستغل تردد حارس منتخب غانا، حيث كاد ينزع منه الكرة ويسجل الهدف الأول للخضر لولا يقظة الأخير الذي أبعد الكرة.

(د12): براهيمي يستفيد من مخالفة على الجهة اليسرى للمرمى الغاني، يتولى تنفيذها في القائم الأول، إلا أن الدفاع الغاني أخرج الكرة بسرعة.

(د19): شهدت أول فرصة خطيرة للمنتخب الجزائري، فبعد توغل الظهير الأيمن عيسى ماندي، يمرر الكرة على طبق لبن طالب الذي ضيع كرة سهلة لفتح باب التسجيل بعد أن أعاقت أرضية الميدان السيئة تسديدته.

(د27): منتخب غانا يستفيد من أول ركنية له، فبعد توزيعة من واتسو، مجاني يتدخل في الوقت المناسب برأسية وينقذ الموقف.

(د32): تايدر ينفذ مخالفة على الجهة اليمنى للمرمى الغاني، إلا أن توزيعته وجدت الدفاع الغاني في المكان المناسب.

(د37): المنتخب الغاني يضيع أخطر فرصة له، فبعد توزيعة على الجهة اليمنى لمرمى مبولحي، تدخل مجيد بوقرة في الوقت المناسب برأسية منقذا الخضر من تلقي الهدف.

(د44): ارتباك في الدفاع الجزائري كاد يكلف الخضر تلقي الهدف الأول لولا تدخل عيسى ماندي الذي أبعد الكرة.

لينتهي الشوط الأول بالتعادل السلبي.

(د51): المنتخب الغاني يقود هجمة على الجهة اليمنى، وبعد توزيعة جيدة أسامواه جيان يضيع فرصة سانحة للبلاك ستارز.

(د60): أندري أيو يستقبل توزيعة على الجهة اليسرى، يتوغل، يراوغ ويوزع ناحية قلب الهجوم لكن لحسن حظ المنتخب الوطني فإن المهاجم الغاني لم يحسن استغلال الكرة.

(د64): براهيمي يقود هجوما معاكسا، يراوغ ويوزع ناحية بن طالب الذي يسدد قذفة والكرة تمر بسنتيمترات عن القائم الأيسر للحارس الغاني.

(د74): انطلاقة من مجيد بوقرة، يتوغل، ويمرر ناحية براهيمي الذي بدوره يوزع لكن الكرة كانت خارج المرمى.

(د84): مخالفة للمنتخب الغاني، يتولى تنفيذها أتسو نحو المهاجمين لكن دفاع المنتخب الوطني يتدخل ويبعد الكرة.

(د90 + 2): هجوم معاكس للمنتخب الغاني، الكرة تصل إلى أسامواه جيان يتوغل ويقذف ويسجل هدف الفوز.

لينتهي اللقاء بفوز منتخب غانا​

 

[AmiR@RoRo]

90 دقيقة وهوما شادين كي جا الوقت البدل الضائع انشمتو

معليش نتمناولهم حظ اوفر فالمباراة الجاية مع السنغال

بالتوفيق​

 

[السلطانة]

كنا متمنيين يسجلو هدف برك لكن معليهش
جيان قضى على المباراة
بالتوفيق لهم مع السينيغال

 

[أم منيــــــر]

من المفروض ككملوا الماتش تعادل كانو يلعبو كثر على الدفاع وينساو الهجوم
هكدا نخرجو تعادل وما شي خسارة
غلطة تافهة كلفتنا خسارة
شادين 90 دقيقة فالاخر يخسروا اففففففففففففففف

 

[اسماعيل22]

يخطينا هدا المدرب نولوو لاباس ,,مالنهار الاول لي جا فيه عرفت بلي راح يهردلنا الفريق .... فكرة 4-4-2 اكل عليها الدهر و شرب ..الفريق تغير موليناش نشوفو نفس الحرارة في اللعب كيما وقت حاليلوزيتش كان عدنا 23 لاعب ماشي 11 ماكانش هدا خير من هدا كي يبدا الماتش عمرنا مقلنا علاه لعب فلان و فلان علاه مدخلوش ,كان عدنا فريـــــــق لعب جماعي نسق هجومي ولا أروع حتى كي نخسرو بصح مغمورين بالفرحة يقنعك في اللعب..أما اليوم حبيبنا مارانا نشوفو والو معاه لا فلسفة ولا لعب ولا أي شيء الفريق راه ماشي للهاوية وماراحش نستغرب في وقت ما يتشتت الفريق وهدا على خلفية التهميش الواضح للاعبي الاحتياط حتى انه معطالهمش حتى فرصة باه يثبتو انفسهم و عذره الوحيد (لا يحسنون اللعب في مخططاتي 4-4-2) يا سيدي المدرب نقولك غير حاجة الخطة تتبنى على امكانيات الفريق ,هكدا تبان اللعب الجماعي و السيطرة ماشي انت لي تفرض خطة لي عقيمة و متجيب حتى فائدة و بالاخص انها رجعت في هدا الزمان خطة مكشوفة للكل..بلا منحكي على التحضيرات لي قمنا بيها ,وحد الوقت(2013) البعض يقولك علاه هدا التدربيات البدنية القاسية و الكل يشكي.. اليوم جاكم لي يقولكم ارقدو معليش مازال الحال روحو ترتاحو و النتيجة ارهــــاق بدني كبير لم يتحملو حتى لعب شوط واحد بنفس الرينم... ارجعنا نربحو و مغمومين و رجعنا ليامات نربحو بدعوة الخير و رجعنا ليامات يطلعلك السكرو الضغط,,,الخ
​

الله يجيب الخير في اللي جاي برك
سمحولي طولت عليكم مي كنت راه ننغم لوكان منقولهاش ,,ادا فيه اي تعقيب على كلامي مرحبا بيه كلنا نحبو الخير لبلادنا و منحبوش نرجعو للوراء
تقبلوا تحياتي

 

[ضآحكة مستبشرة]

شكرآ لكم على المرور
الاخ اسماعيل علاش انتوما دايرين هكدا السيد ملي جا مخرناش معاه
خسرنا خطرة و لا زوج درتوا حالة
ايبا انتوما تشروا و تبيعوا كيما داروا حاروا
نتمناو التوفيق للمنتخب الجزائري امام السنغال​

 

[اسماعيل22]

شكرا اختي عاشقة الجنة على الرد ولكن لي بعض الملاحظات:
اولا لست ضد منتخب بلادي وانا أعتبر نفسي أفضل متابع للمنتخب منذ سنوات وتشجيعي له كان وسوف يكون حى في أسوأ الحالات
ثانيا لست اشتري او ابيع المنتخب لمن كان فالمنتخب فوق الجميع مهما كان اسم المدرب,, الشيء الللي حبيت نوصله ماغاضتنيش الخسارة بقدر ما غاضتني الطريقة لي خسرنا بيها علاخاطرش التكتيك اللي يعتمد عليه المدرب غير صحيح كان من المفروض يجرب هده الخطط في التصفيات أو عند القيام بالتحضييرات على الأقل مبارتين قبل الكان ..صحا نقولو مكانش الوقت واش هو لاسبب لي يخليه يغير جذريا طريقة اللعب ...قبل منقولك السلبيات راح نرجعوا للوراء قليلا,,, مع المدرب السابق 3 سنوات بنينا فيها فريق شاب متماسك في هده 3 سنوات خرجنا من الدور الاول للكان ولكن كنا في مرحلة بناء فريق ,,الكان محطة للوقوف على امكانيات اللاعبين و الخطط المثلى لطريقة لعبهم حتى رجعنا نعرفو كل لاعب المركز المفضل له وين يبين افضل قدراته وقادر يقلب المبارات وهدا اللي خلانا متفائلين بالتشكيلة مهما كان إسم اللاعب لي راح يلعب لأانه ببساطة الخطة كانت تبنى على على التشكيلة لي راح تلعب كل مرة نفاجؤو الخصم وهادي كانت نقطت تفوقنا وتخلي جميع اللاعبين يلعبو بحرارة واثبات الدات حتى يكون في التشكيلة القادمة .
نرجعوا للمدرب الحالي قبل ما نبدو الكان قال انا عندي خطة وحدة 4-4-2 (من الاول اكشف اوراقه) قال عندي تشكيلة وحدة في راسي راح نستقر عليها و الباقي احتياط لأنهم ما يتناسبوش مع الخطة تاعي... الغلطة الكبيرة لي قام بيها هدا المدرب ليس التكتيك بقدر ما هو تغيير المناصب لي قتلت امكانيات اللاعبين , قولولي من وينتا رجع مصباح يلعب في وسط الميدان ,قولولي من وينتا براهيمي يلعب مهاجم ثاني وكيفاه حاب فغولي يبني اللعب وحده من وسط الميدان ,شفنا هدا في المباراة الاولى ضد جنوب افريقيا في عوض مين كنا نبنو اللعب من الوسط رجعنا نلعبو على الاطراف ونستناو التمريرات العرضية ولدلك شفنا وجه شاحب طيلة اطوار المباراة الا 30 دقيقة الاخرية وين رجع المدرب بطل في التغييرات مي لوكان تركزي معايا مليح التغييرات لي قام بيها كان من الاساس يدخل بيها كي دخل بلفوضيل(لاعب منتهي صلاحيته) رجع براهيمي للخف ولعب الدور نتاعه في الوسط سيطرنا على الميدان تحرر فيغولي ,,وسليمانى رجع اكثر خطورة ,, غولام لي كان كامل اطوار المقابلة في الخلف تحرر و استطاع الصعود و النتيجة سجل هدف ,,, كاين لي راح يقولي حتى محرز مكانش في نهاره نقولك محرز كان مقيد مثله مثل فيغولي يحتاج الى من يمرر له و يتوغل هنا يلعب بارتياح اكبر و يمد المهاجمين عدة كرات و الحمد لله ربحنا في مباراة لعبنا فيها في 30 دقيقة,,,,,,,,, المباراة امام غانا عندي هنا الكارثة بالرغم راح تقوليلي الكرة سيطرنا عليها كامل المباراة ,راح نقولك صح عندك الحق لكن دخلنا بنية التعادل لأنه مجددا تغيير المناصب بن طالب يلعب في الرواق الايسر(ادا شفت بن طالب لعب في دلك المركز من قبل مع فريقه قولولي) براهيمي مجددا مهاجم ثاني ؟؟ بقيت حاير لاعب لي يقطع الكرات و يمد لاعبين الوسط بالكرات يلعب في الرواق و اللاعب لي يصنع اللعب و الخطورة تجي من عنده يلعب مهاجم ثاني و المعضلة انك عندك في الاحتياط هداف مع المنتخب وافضل لاعب في فريقه متلعبهش و تدخل اسوأ مهاجم في اوروبا حسب الاحصائيات الاخيرة للمحللين العالميين,,,,,نقولها و نعاودها يجب الانتفاض قبل فوات الاوان نحب بلادي رابحة ولا خاسرة مي يكون عندي فريق في نسق تصاعدي يجي من هب و دب يغير كل المعطيات هدي منحبهاش كيما قلت في الاول مصلحة الفريق فوق الجميع
تقبلي تحياتي اختي و ان شاء الله نستفادو ملي الفات و نرجعوا بقوة ولم لا التأهل .. ســـلام

 

[آمِيْرَتُه]

السلام عليك
قضاو علينا مش هما
ربي يجيب الخير مع السينيغال

 

[يونس الصديق]

السلام عليكم
من يشاهد كرة القدم عليه ان يعرف ان الكرة عالم جدااا ومليئ بالمفاجئات السارة والسيئة
الكرة غدارة
مباراة امس كانت تستحق التعادل لكن الخبير جيان كان له قول اخر

 

[الحلم الوردي]

صح كان بامكاننا الفوز
ولكن اللاعب الغاني قضى على الخضر
ولكن خيرها في غيرها
كرة القدم فيها الكثير من المفــآجآت
بالتوفيق للخضر امام السينيغــآل
كل الشكر لكي اختي​

 

[ضآحكة مستبشرة]

شكرآ لكم على المرور
شكرآ الاخ اسماعيل بارك الله فيك و عجبتني و عجبني كلآمك
ربي يحفظكم​

 

[حكايا الورد]

السلام عليكم
قضى علينا كامل جيان مايش على اللاعبين برك
والله خلاها علينا فالاخير
المهم حظ أوفر للخضر امام السينيغال
المهمة رايحة تكون صعيبة بصح ممتعة
​