خبيزات بالدقيق والسميد من مطبخي

[مطبخ الأحلام]

السلآم عليكم

المقادير:

الكأس المستعمل هو كأس بقياس 250غ

كأس ونصف سميد رقيق
كأس ونصف فرينة
4م ك زيت
4م ك حليب غبرة
1م ك خميرة خبز
ملح
كأس ونصف ماء دافيء

طريقة التحضير :

نخلط المكونات الجافة وكمية الزيت




نضيف الماء حتى نتحصل على عجينة طرية انا استعملت الكمية المذكورة في المقادير ممكن نستعمل اقل شوية حسب نوعية السميد المهم تكون العجينة طرية





نعجنها جيدا ثم نغطيها ونخليها 30د حتى تختمر ويتضاعف حجمها





بعدها نكسرها ونشكلها كويرات حسب الحجم المرغوب ونقرصها في السميد




وبواسطة سكين حاد نشكل عليها خطوط نغطيها ونخليها تختمر للمرة الثانية




وهنا بعد ماخمرت نسخن الفرن على 220درجة وندخل الخبيزات تطيب





النتيجة جات تشبه شويا لنتاع أختنآ

​

 

[العـآئـدة إلـى الله]

رد: خبيزات بالدقيق والسميد من مطبخي

موضوووع بنين
مديلي شويا ههههه
الله يبارك

 

[أم منيــــــر]

رد: خبيزات بالدقيق والسميد من مطبخي

يعطيك الصحة سوسو دايمن تقدميلنا كل ما هو جميل ومفيد

بارك الله فيك
​

 

[مطبخ الأحلام]

رد: خبيزات بالدقيق والسميد من مطبخي

موضوووع بنين
مديلي شويا ههههه
الله يبارك

ههههههه الله يا الموضوع بنين شابة هادي هههه:d
تفضلي مورصو
​

 

[مطبخ الأحلام]

رد: خبيزات بالدقيق والسميد من مطبخي

يعطيك الصحة سوسو دايمن تقدميلنا كل ما هو جميل ومفيد

بارك الله فيك
​

أمين ياربي وياكم ان شاء الله
حتى انا راني نعتمد وصفات من النت ونجرب الله يعطيهم الصحة الي راهم يفيدونا ورانا نعاودو نفيدو بيهم
نورتي يالغالية
​

 

[ضآحكة مستبشرة]

رد: خبيزات بالدقيق والسميد من مطبخي

ممممممممممم البنة يا دلالي
مشكوووووووووووووورة حنونة​

 

[Nilüfer]

رد: خبيزات بالدقيق والسميد من مطبخي

السلام عليكم

جاك يهبل

راه يبان كيما تع الفرينة هههه

إن شاء الله كي نقعد نجربو
​

 

[آمِيْرَتُه]

رد: خبيزات بالدقيق والسميد من مطبخي

السلام عليك
شفتها في جهة اخرى ههه طبقتها و جات روعة
مشكورة

 

[ندى الورود]

رد: خبيزات بالدقيق والسميد من مطبخي

خرجولك هايليين يعطيك الصحة عزيزتي
​

 

[سكون الفجر]

رد: خبيزات بالدقيق والسميد من مطبخي

طريقة سهلة ولذيذة مع الحساء

جزاكِ الله خيراً

أشعر بلذته مممممممم

بوركتِ غاليتي​

 

[Ryry_Ndj]

رد: خبيزات بالدقيق والسميد من مطبخي

السلام عليكم
جاك يهبل ما شاء الله
بارك الله فيك

 

[مطبخ الأحلام]

رد: خبيزات بالدقيق والسميد من مطبخي

الله يسلمكم ويحفظكم يارب

مشكورات حبيباتي

هدا خبز ام اماني الله يعطيها الصحة كل وصفاتها جيدة وناجحة
​

 

[hadil21]

رد: خبيزات بالدقيق والسميد من مطبخي

يعطيك الصحة