السلام عليكم
تطبيقي وعشايا ليلة -- كمونــــــــية --
خويا نجيب راني جبتلك طبيق جديد لربما تتعلم خويا لعزيز
توتة راهي كمونيتكم شاوية بير
يلا يلا
نبدأ على باركة الله
الماقدير
بصل + ثوم + كمون + فلفل أسود + دبشة + زيت + ملح + كبد دجاج +
فلفل + هريسة + طماطم علب
أول حاجة نعملوها هو قص البصل إلى رقاقات صغيرة يعني لي يحب يربيها يربيها على روحي عن نفسي نحبها نص نص نكهة اخرى
عن نفسي نحب لبصل هذا وانتم واختياركم
وبعدها نقطعو الثوم ونضيفوها للبصل مع بهرات كمون وفلفل الاسود حنا نقلولوا فلفل لكحل توتة عارفة بهذا
وبعدها نقطعو الفلفل إلى قطع شوي شوي وانتم ورغبتكم
كما تحبوا تقطعوه قطعوه
ونظيفوا لهم الملح وزيت
كما في صورة
ونطوهوم على ناار هادية فهمت خويا نجيب ناار هادية باه يتقلوا مليح
حتى تشووف البصل تسوى على الاخر
وبعدها نظيفوا الماء ونخلوهم يغلوا شوي مدة 10 دقائق على نار هادية
وبعدها ندخلوا لكبد الدجاج بعد غسلهم طبعا وغليهم في ماء يعني الكبدة ما نغلوهاش هنا نغلوا الاعضاء لي مع الكبدة لأنهم صعاب شوي
وبعد غلاء الاعضاء لي مع الكبدة مليح نقطعوهم شوي شوي
ونظيفوهم للخلطة نتاعنا ونتركوهم حتى يستوا مليح مليح
وبعدها نقطعوا كبدة شوي شوي ونظيفوها للخلطة ونظيفوا شوي ماء ساخن
ونتركهم مدة 20 دقيقة على نار زايدة شوي هنا يا نجيب نزيدوا شوي في ناار
وبعد 20 نشوفوا اذا نشفت من ماء نزيدوا بشوي برك عن نفسي نزيد ماء ساخن
وبعدها نظيفوا شوي الهريسة
وطماطم علب قدر الخلطة نتاعنا
ونتركوها مدة معينة حتى تستوي الطماطم مليح مدة ربع ساعة على نار زايدة شوي
وبعد ما تستوي خلطتنا وتشوفوها خثارت مليح لصوص هنا تقدروا تقدموها وتاكلوها بالهنا وشفا ان شاء الله
هذه وصفتي اليوم يا أخ نجيب راني عيت معها اليوم بصح نتيجة روعة والنكهة رائعة ما تتصورش خويا لعزيز
هذا هو طبقي اللية يا طيبين
ونتمنى تكونوا استمتعم معنا في كوزنتنا اليوم
ربي يوفقكم
ونتمنى تعجبك يا نجيب راهي مخصصة ليلك بالدرجة الاولى والثانية للأهل اللمة دون استثناء احد
موفقين
إلى طبق جديد
[̲̅m̲̅][̲̅3̲̅][̲̅t̲̅][̲̅a̲̅]z [̲̅e̲̅][̲̅l̲̅][̲̅l̲̅][̲̅m̲̅][̲̅a̲̅]
بالتوفيق
