هل من مساعدة؟

’’ام بلقيس’’

:: عضو منتسِب ::
إنضم
24 ماي 2015
المشاركات
70
نقاط التفاعل
182
النقاط
5
السلام عليكم احوانى فى الله
مشكلتى مع ابنى الكبير هو يدرس فى السنة الاول محصول الدراسي كان متوسط رغم ان مستواه عالى وفى قمت الذكاء وهذا بشهادة المعلمة لكن فى الامتحانات يقل التركيز عند رغم اننى ندرس و نراجع معاه لكن علامات تكون دائما ماشى فى مستوى مراجعات

احيانا نحس روحى انا لى محملات فوق طاقة ومرات نحسو خايف منى لان صراحة مرات كى مايزربش يفهم نضرببببب



هذا العام خلاص لكن حاب العام الجاي نبد معاه من جديد



لى عندها او عند تجرب يفيدني لان ماشى حاب وليد يتعقد و يكره القراية


لكم منى فائق الاحترام
 
رد: هل من مساعدة؟

السلام عليكم و رحمة الله وبركاته .
ربي يكون في عونك اختي ، لكن انك تضربي وليدك هذا مش حل راح تزيدي الطين بلة و يولي يخاف من المذاكرة و منك ايضا .
متضغطيش عليه اثناء المذاكرة و خذو فترات راحة بين المراجعة و قضوها في شيء ممتع يخليه يفرغ الطاقة لي في داخلو من جراء ضغط الدراسة و جلوسو المطول في المراجعة و التركيز .
اذا مفهمش الفكرة لي حابة نوصليهالو ربما المشكل مش فيه فيك انت و في طريقة توصيلك للمعلومة حاولي تنزلي من مستوى تفكيرك الى مستوى تفكير ابنك و ياريت تقدميلو امثلة من الواقع و ملموسة هاك باه تترسخ المعلومة في ذهنو اكثر . و اذا مفهمش عاودي مرة و اثنين و ثلاثة حتى يفهم باعصاب هادئة و بدون توتر من قبلك .

و ملاحظة : مادامك متاكدة من انو ابنك ذكي ملا راجعي نفسك انت في طريقة التدريس لي متبعتها معاه بدليها و ايضا روحي للمعلمة و قلها تحكيلك عن النقائص لي يعاني منها ابنك في جميع المواد مذا بيك تنسقي بينك و بين المعلمة و توحدو الجهود .

و اطلعي على هذا الموضوع ربما تستفادي منه:


http://4algeria.com/forum/threads/424476/


ان شاء الله نكون افدتك و لو بالقليل .
 
رد: هل من مساعدة؟

ممكن نعرف واش هو الوقت الي خصصتيه لأبنك للدراسة ؟

كم ساعة يدرس في اليوم ؟ و هل هناك نوع من الراحة تقدميها لوليدك الا كان هيه خبرينا وكتاه و كيفاه تديري معاه ؟

باه نقدرو نفيدوك اكثر و اكثر

 
رد: هل من مساعدة؟

ممكن نعرف واش هو الوقت الي خصصتيه لأبنك للدراسة ؟

كم ساعة يدرس في اليوم ؟ و هل هناك نوع من الراحة تقدميها لوليدك الا كان هيه خبرينا وكتاه و كيفاه تديري معاه ؟

باه نقدرو نفيدوك اكثر و اكثر

والله عادة وقت الدراسة يكون مربوط بالوقت لى يخرج فيه من ليكول بمعنى هو عادة يخرج على 3 نزيد انا من عندىنزيد 2ساعات باه يريح و يلعب فيهم بعدها نديمريو الدراسة
اوقات الراحة مش محددة لانى بحكم نكون مع العشاء فانا اكيد نوضد ونخليه يرىح من 10الى15دقيقة
حتى لما يخرج على11مانحولش نضغط عليه بالعكس نخليه يلعب
والف شكرا على المرور........
 
رد: هل من مساعدة؟

السلام عليكم و رحمة الله وبركاته .
ربي يكون في عونك اختي ، لكن انك تضربي وليدك هذا مش حل راح تزيدي الطين بلة و يولي يخاف من المذاكرة و منك ايضا .
متضغطيش عليه اثناء المذاكرة و خذو فترات راحة بين المراجعة و قضوها في شيء ممتع يخليه يفرغ الطاقة لي في داخلو من جراء ضغط الدراسة و جلوسو المطول في المراجعة و التركيز .
اذا مفهمش الفكرة لي حابة نوصليهالو ربما المشكل مش فيه فيك انت و في طريقة توصيلك للمعلومة حاولي تنزلي من مستوى تفكيرك الى مستوى تفكير ابنك و ياريت تقدميلو امثلة من الواقع و ملموسة هاك باه تترسخ المعلومة في ذهنو اكثر . و اذا مفهمش عاودي مرة و اثنين و ثلاثة حتى يفهم باعصاب هادئة و بدون توتر من قبلك .

و ملاحظة : مادامك متاكدة من انو ابنك ذكي ملا راجعي نفسك انت في طريقة التدريس لي متبعتها معاه بدليها و ايضا روحي للمعلمة و قلها تحكيلك عن النقائص لي يعاني منها ابنك في جميع المواد مذا بيك تنسقي بينك و بين المعلمة و توحدو الجهود .

و اطلعي على هذا الموضوع ربما تستفادي منه:


http://4algeria.com/forum/threads/424476/


ان شاء الله نكون افدتك و لو بالقليل .
شكرا ام لينة على الموضوع على العموم كاين نقاط انا مطبقتهم معاه
وبعض الاخر راح نحاول نطبقهم لكى منى كل الشكر
 
رد: هل من مساعدة؟

السلام عليكم احوانى فى الله
مشكلتى مع ابنى الكبير هو يدرس فى السنة الاول محصول الدراسي كان متوسط رغم ان مستواه عالى وفى قمت الذكاء وهذا بشهادة المعلمة لكن فى الامتحانات يقل التركيز عند رغم اننى ندرس و نراجع معاه لكن علامات تكون دائما ماشى فى مستوى مراجعات

احيانا نحس روحى انا لى محملات فوق طاقة ومرات نحسو خايف منى لان صراحة مرات كى مايزربش يفهم نضرببببب



هذا العام خلاص لكن حاب العام الجاي نبد معاه من جديد



لى عندها او عند تجرب يفيدني لان ماشى حاب وليد يتعقد و يكره القراية


لكم منى فائق الاحترام


السلام عليكم

المشكل فينا احنا الامهات انو الطفل الاول نضغطوا عليه و نحملوه فوق طاقتو لازم يمشي قبل ااوقت و يهدر قبل الوقت و يكون اجتماعي و الاول فالقراية يعني نطلبو من الكمال و هذا للاسف يمد في كثير من الاحيان نتيجة عكسية.
اذن مادام الطفل ذكي و فاهم خلي عليه شوية و متجعليش النقطة هي الهدف نتاعك . يعني كي يجيب مثلا 7 متقوليلوش و علاه مجبتش عشرة ولا تسعة شجعيه برك و افرحي بنتائجه راح تبان النتيجة فيما بعد.
و اثناء تدريسو حاولي متتوتريش لانه التوتر ينتقل للطفل.

كاينة نقطة ايضا هناك اطفال اذكياء و لكن التركيز عندهم ناقص حاولي تعمليلو العاب تنمي التركيز كاللعب بالمكعبات و رصها محاولة ادخال اشياء في مكانها كادخال الخرز في الخيط او ادخال اعواد الكيردون في العلبة و كذلك نقل الحبوب كالعدس من صحن الى اخر.
هذه التمارين مهمه لتقوية التركيز
نتمنى نكون افدتك و بالتوفيق
 
رد: هل من مساعدة؟

السلام عليكم

المشكل فينا احنا الامهات انو الطفل الاول نضغطوا عليه و نحملوه فوق طاقتو لازم يمشي قبل ااوقت و يهدر قبل الوقت و يكون اجتماعي و الاول فالقراية يعني نطلبو من الكمال و هذا للاسف يمد في كثير من الاحيان نتيجة عكسية.
اذن مادام الطفل ذكي و فاهم خلي عليه شوية و متجعليش النقطة هي الهدف نتاعك . يعني كي يجيب مثلا 7 متقوليلوش و علاه مجبتش عشرة ولا تسعة شجعيه برك و افرحي بنتائجه راح تبان النتيجة فيما بعد.
و اثناء تدريسو حاولي متتوتريش لانه التوتر ينتقل للطفل.

كاينة نقطة ايضا هناك اطفال اذكياء و لكن التركيز عندهم ناقص حاولي تعمليلو العاب تنمي التركيز كاللعب بالمكعبات و رصها محاولة ادخال اشياء في مكانها كادخال الخرز في الخيط او ادخال اعواد الكيردون في العلبة و كذلك نقل الحبوب كالعدس من صحن الى اخر.
هذه التمارين مهمه لتقوية التركيز
نتمنى نكون افدتك و بالتوفيق
بارك الله فيك و جزاكي كل خير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top