الحآمل تســـأل و الام { المتزوجة } تفيد

[ضآحكة مستبشرة]

السلآم عليكن ورحمة الله وبركآته
اتمنى ان تكن بخير

​

لطالما كآن للحامل ان تعرف ااجابات لاسئلة عدة
لا تقلقي بعد اليوم عزيزتي
فتحنا لكي هذا الفضاء لكي تتناقشين مع المتزوجات حول الاسئلة التي تراودك
الحامل تسال و المتزوجة صاحبة التجربة تفيد

اتمنى ان يكون تفاعل في الصفحة و ان تعم الفائدة بينكن

اتمنى لكن الصحة و العافية
و اسال الله ان يرزقكم الذرية الصالحة ​

 

[السلطانة]

رد: الحآمل تســـأل و الام { المتزوجة } تفيد

وعليكم السلام فكرة :up::up::up::up::up::up: يعطيك الصحة

نشوفو المرأة الحامل وخاصة في الأشهر الأخير يعانين من انتفاخ القدمين
ماهو السبب ؟
​

 

[بنقابي افتخر]

رد: الحآمل تســـأل و الام { المتزوجة } تفيد

الملح وكثرة النوم
انا قالتهالي الطبيبة كي تنفخو رجليا
قالتلي نقصي من الملح وما تاخذيش قيلولة يعني قلي من النوم
لانو يسبب التنفخ و ثقب لقلب الجنين لا سمح الله

 

[بنقابي افتخر]

رد: الحآمل تســـأل و الام { المتزوجة } تفيد

ايه حقا نسيت. علاجها.
المشي من ساعتين ال ثلاث ساعات ببطئ شديد
لكن في الاشهر 8 الاخير الى 9. الى الولاده. وتنقسي من الاكل المالح طبعا والنوم اثناء القيلولة والنوم على الجهة اليمني باه مايصراش وينقلب الجنين

 

[بنقابي افتخر]

رد: الحآمل تســـأل و الام { المتزوجة } تفيد

حالياً الأعضاء النشيطين الذين يشاهدون هذا الموضوع : 14 (4 عضو و 10 ضيف)
‏ليدي, ‏AmiR@RoRo, ‏iman88, ‏عـاشقة الجّنة
ماشاء الله

 

[ضآحكة مستبشرة]

رد: الحآمل تســـأل و الام { المتزوجة } تفيد

شكرا ليديي على المساعدة
اتمنى ان تفيدي اكثر الحوامل

 

[بنقابي افتخر]

رد: الحآمل تســـأل و الام { المتزوجة } تفيد

اي سؤال انا هنا للاجابة عنه

 

[ضآحكة مستبشرة]

رد: الحآمل تســـأل و الام { المتزوجة } تفيد

مشكورة اختي على المجهودآت ​

 

[السلطانة]

رد: الحآمل تســـأل و الام { المتزوجة } تفيد

ماهو الأكل المناسب للمرأة الحامل ؟


​

 

[ضآحكة مستبشرة]

رد: الحآمل تســـأل و الام { المتزوجة } تفيد

ان شاء الله يفيدوك الامهات
و ربي يسهل على كل وحدة ان شاء الله

البارح زوجة عمي جابت لنا ولد
ادعولوا ربي يحميه​

 

[بنقابي افتخر]

رد: الحآمل تســـأل و الام { المتزوجة } تفيد

اكل مايكونش فيه دهون بزاف
وننصك تاكلي الفواكه والفرماج والحليب
لانو هما اللي ينفعو الجنين
ابتعدي عن الاكل المعلب والمحفوظ في الثلاجه

 

[NANOUCHA]

رد: الحآمل تســـأل و الام { المتزوجة } تفيد

الاكل المفيد للمراة الحامل البروتينات اللحوم بانواعها لازززم كالكبدة و الطيحال البيض الحوت و الحليب الفواكه مع تجنب الموز يدير الامساك زيت الزيتون و العسل مهمان في الاشهر الاخيرة المكسرات انا درت حالة في الجوز و الفستق هههه الاقلال من القهوة و الشاي

 

[السلطانة]

رد: الحآمل تســـأل و الام { المتزوجة } تفيد

ماكانش تفاعل من طرف الاخوات هيا تفاعلو تربحو الاجر وتفيدو غيركم حتى ولو ضيوف


سؤال اخر :

صبغة الشعر ومستحضرات نزع الشعر

هل تؤثر على الجنين في الاشهر الأولى ؟

ومتى تستطيع المرأة استعمالها دون ان تؤذي بها جنينها ؟

 

[Hakan]

رد: الحآمل تســـأل و الام { المتزوجة } تفيد

الاكل المفيد للمراة الحامل البروتينات اللحوم بانواعها لازززم كالكبدة و الطيحال البيض الحوت و الحليب الفواكه مع تجنب الموز يدير الامساك زيت الزيتون و العسل مهمان في الاشهر الاخيرة المكسرات انا درت حالة في الجوز و الفستق هههه الاقلال من القهوة و الشاي

اوااه خلعتيني وقيلاا ما نزوجش لانو لازمني ميزانية نتاع المنتخب الوطني لكرة القدم
ههههه

يعني نسقسيكم كيفااش كانو عايشين اللي قبلناا يعني جامي سمعو بحااجة اسمهاا اللوز
واللحم ياكلوه من عاام لعاام بسبب الفقر
والمراة تلقاها غير تحط تجي سبوعا ماشااء الله ميالمراة نتاع ضركاا بكل شيء موفرلها الرااحة الماشينات الاكل المليح مقلشينها توكلهاا بالمغرف خاايف عليهاا
ومن بعد ما تجيبلك سبع تجيبلك فرووج هههههه

وين راهي المشكلة وااش بيكم يابنات هذا الجيل ....​

 

[NANOUCHA]

رد: الحآمل تســـأل و الام { المتزوجة } تفيد

اوااه خلعتيني وقيلاا ما نزوجش لانو لازمني ميزانية نتاع المنتخب الوطني لكرة القدم
ههههه

يعني نسقسيكم كيفااش كانو عايشين اللي قبلناا يعني جامي سمعو بحااجة اسمهاا اللوز
واللحم ياكلوه من عاام لعاام بسبب الفقر
والمراة تلقاها غير تحط تجي سبوعا ماشااء الله ميالمراة نتاع ضركاا بكل شيء موفرلها الرااحة الماشينات الاكل المليح مقلشينها توكلهاا بالمغرف خاايف عليهاا
ومن بعد ما تجيبلك سبع تجيبلك فرووج هههههه

وين راهي المشكلة وااش بيكم يابنات هذا الجيل ....​

لا ميزانية لا والو على جال ولدك تنحيهالو من الحيط هههه ناس بكري الاكل نتاعهم صافي و العسل زيت الزيتون ياكلو خبز القمح الصافي الحليب صافي الدهان التمر اللحم ماشي مرة في العام كيما قلت ما كانوش ينوعو في الاطباق بصح الاكل نتاعهم صحيح حاجة باينة يجي سبع و حتا ظرك يجيبو السبوعا مي لازمة التغذية و الفيتامنات للام و الطفل :thumb_up02:

 

[NANOUCHA]

رد: الحآمل تســـأل و الام { المتزوجة } تفيد

بالنسبة للصبغة من الشهر الخامس تقدر تصبغ حتى الحلاقة تسالك في اي شهر راكي مستحضرات نزع الشعر تستخدمهم نورمال مافيهمش ضرر
لازم اللباس يكون مريح و الاحذية تكون خفيفة و بلا كعب
النوم من الافضل في القيلولة و في الليل الام لازمها الراحة
الابتعاد عن المنبهات كالقهوة و الشاي وعن الماكولات التي تحتوي الفلفل الحار
اي سؤال راني هنا

 

[دمعة اشتياق]

رد: الحآمل تســـأل و الام { المتزوجة } تفيد

ماكانش تفاعل من طرف الاخوات هيا تفاعلو تربحو الاجر وتفيدو غيركم حتى ولو ضيوف


سؤال اخر :

صبغة الشعر ومستحضرات نزع الشعر

هل تؤثر على الجنين في الاشهر الأولى ؟

ومتى تستطيع المرأة استعمالها دون ان تؤذي بها جنينها ؟

السلام عليكم اخواتي


بالنسبة للصبغة انا اعارض انو المراة الحامل ديرها خلاص ولكن يلا كانت


باغية بزاااف تلون شعرها لازم تلحق 6 اشهر فما فوق والافضل دير ليماش او غوفلي برك


بدون كاسك

 

[أمينة16]

رد: الحآمل تســـأل و الام { المتزوجة } تفيد

بارك الله فيكن على الطرح
واللي عندها سؤال راح نجاوبوها
عن نفسي منتفخوش رجليا كل واحدة وكيفاش
العكس نقصت في الميزان بزاف لانو كنت كناكلش
والصبغة من الأحسن الأشهر الستة الأولى تبتعدي عليعا والأكل أكيد يكون منوع تبتعدي على الشيء اللي يلأذي الجنين مثل الحار والتيزانة سخونة في الشهور الأولى
​

 

[ضآحكة مستبشرة]

رد: الحآمل تســـأل و الام { المتزوجة } تفيد

ربي يسهل عليكم اخيآتي

 

[أمينة16]

رد: الحآمل تســـأل و الام { المتزوجة } تفيد

آمين يارب وربي يرزقكن الذرية الصالحة