اللغة الفرنسية في الجزائر !!!

الحالة
مغلق ولا يسمح بالمزيد من الردود.

lina algeria

:: عضو منتسِب ::
إنضم
30 سبتمبر 2012
المشاركات
35
نقاط التفاعل
82
النقاط
3
حبيت نطرح هذا الموضوع و قولولي واش رايكم أعضاء اللمة .. ولينا وين نروحو اللغة الفرنسية تبع فينا يقرو بيها أطباء المستقبل و ولاو يهدرو بيها حتى فالمتاجر في بعض المناطق و يهدروها كأنها رمز للتحضر و الرقي :down::down::down: . الأصل أننا جزائريون و نهدرو بالعربية ....بالرغم من أنو عندي مستوى لا بأس به في الفرنسية لكن كي نكون في بلادي نحب نسمع لغتنا عندي صديقتي ماشالله ذكية جدا :graduation: لكن لما طلعت للجامعة و اختارت تخصص الطب ولات ما تفهم والو و السبب أنو الأساتذة يشرحو غير بالفرنسية:down: من الجيد تعلم هذه اللغة و أي لغة لكن لا يجب جعلها شرط للدراسة و العمل أو باختصار تقديسها و نسيان لغة القرآن الكريم ..... آسفة طولت و نتوما واش رايكم ؟؟
 
رد: اللغة الفرنسية في الجزائر !!!

السلام عليكم
وى كاين ناس من كثرة ما يحكو فرونسي نسو العربية /
...هنا فى تبسة وما جاورها ما يهدروش بيها بزاف

 
رد: اللغة الفرنسية في الجزائر !!!

السلام عليكم
ايه الله غالب هده هي
لعجايز تاع بكري ويهدرو عربي بالرغم من انو حضروا لفرنسا
مي حنا الله غالب
+
نوافق خويا تبسة والولايات لي بحذاهاا
ميهدروش بزااف فرنسية .. وديما الجنوب ولا الجهة الشرقية
ميهدروش بزااف فرنسية ..
الله يهدي الجميع

وشكراً على طرح الموضوع


تحيااتي .


 
رد: اللغة الفرنسية في الجزائر !!!

السلام عليكم
اولا شكرا على الموضوع الهام بارك الله فيك
قبل ان ابدا حديثي وعند قراءتي لعنوان الموضوع اول عبارة قلتها
"والله غير inconsciemment " :d:d
في الحقيقه احيانا كثيره لا اراقب نفسي عندما اتكلم
مراااات تخرج الكلمة بالصدفة ... لكني بذلك لا اقصد التقدم او التبعيه
ممكن لاني ادرس اللغه الفرنسيه واتاثر بها ب طريقه او باخرى لكن هذا طبعا ليس عذرا
كما نعلم أن آباءنا تعلموا و درسوا بالفرنسية وأصبحوا يستخدمونها في عملهم فانتقلت إلينا، حتى أن عبارات العامية أصبحت فرنسية، فمثلا نقول ((فريجيدار)) ولا نقول ثلاجة " هادي جامي سمعت واحد قالها " ، تلك هي المشكلة فنحن نتكلمها لأنها أصبحت عنصر من عناصر ثقافتنا ومن الصعب التخلي عنها خاصة العبارات العامية.
لكن ليس العيب في تعلمها، بل العيب أن ننسى لغتنا ولا نستعملها فهي رمز من هويتنا .فلذلك يجب علينا أن نفتخر بلغتنا ونعتز بها و ان نرسخها هي الأولى، ثم نتعلم لغات أخرى لما لا ... فمن تعلم لغة أمن شرهم.....
وشكرا مرة اخرى
تحيتي

 
رد: اللغة الفرنسية في الجزائر !!!

السلام عليكم ... و الله عجبني موضوعك ما شاء الله اللغة الفرنسية بنظر الجزائريين تطور زعما و دايرينها حاجة يزوخو بيها على الناس الاخرين هههههه و انا في هدرتي اليومية فيها شوي فرونسي ماشي ما فيهاش بصح نهدرها كثقافة برك ماشي حاجة واحدوخرا كيما بعض الناس ........ تحياتي
 
رد: اللغة الفرنسية في الجزائر !!!

سلامع عليكم
حتا في جنوب ولاوا يتكلوموا فيها
حنا يلاد عربية لازم نتكلموا لغتنا مش لغة اجنبية
صح نتعلموها وندرسوها بصح مش في كل حاجة لازم تستخدم لغة هاذي
تستخدم غير في وقت حاجة مثلا جاك واحد وقالك اقرالي ورقة بي فرنسية هناك صح
مجتمعنا راهو يتغير ويتغير وحنا نقلوا معليش
 
رد: اللغة الفرنسية في الجزائر !!!

حنا الدزيريين صح نهدرو دارجة فيها فرنسية مثلا مانقولوش ثلاجة نقولو فريجيدار و هادي حتى أنا نقولها و لكن راني نتكلم على لي يتكلمو لغة فرنسية يعني كلغة يومية ماشي حتى الدارجة .. و حتى ولادهم تشوفهم ما يهدرو إلا الفرنسية
 
رد: اللغة الفرنسية في الجزائر !!!

و عليكم السلام
عندك الحق اختي
نكره الفرنسية و مانحبهاش
و لما كان عندي فياس بوك كنت نحكي بالفصحة يرجعولي بالفصحة قائلين انهم من الجزائر نقول لهم بلي انا تاني من الجزائر
يقولولي علاه تحكي بالفصحى ؟ واحد خطرة طيحلي الكلام ربي يسامحوا ويهديه فقط
ربي يهدينا و يهدي كل المؤمنين
بارك الله فيكي وجزاكي خيرا
في ميزان حسناتكي ان شاء الله
تحياتي​
 
رد: اللغة الفرنسية في الجزائر !!!

السلاام عليكم يااختي ياي واشمن فرونسي يهدرو بيها يحفظلك زوج كلمات ومن بعد يجي
يتقلش عليك بيهم انا نقرى طب بيطري والفرونسي نتاعنا صعيبة لكن الحمد لله لم افقد الثقة في العربية نتاعي ودايما نفتخر امام اصحابي بالعربية الداارجة في ولاية الجلفة عندنا نقص في الفرنسية علابيها تجينا التخصصات صعيبة لكن ماهيش خااجة لازم نتعلموالفرنسية لكن ما تكونش عائق اما تكلمنا بلغة القرآن شكرااا
 
رد: اللغة الفرنسية في الجزائر !!!

السلام عليكم و رحمة الله و بركاته

أختي رانا كامل نقراو بالفرونسي بصح نحافظو على لغتنا الأم راني في 3 سنين نجبد مع هاديك الفرونسي و ما تبدلتش هدرتي و كاين الي قراوها شهرين رجعو فرنكفونيين و كي تقوليله اكتبها ما يعرفش ! يعني حكاية زوخ هادا ماكان


 
رد: اللغة الفرنسية في الجزائر !!!

معك في كل كلمة قلتيها
 
رد: اللغة الفرنسية في الجزائر !!!

حبيت نطرح هذا الموضوع و قولولي واش رايكم أعضاء اللمة .. ولينا وين نروحو اللغة الفرنسية تبع فينا يقرو بيها أطباء المستقبل و ولاو يهدرو بيها حتى فالمتاجر في بعض المناطق و يهدروها كأنها رمز للتحضر و الرقي :down::down::down: . الأصل أننا جزائريون و نهدرو بالعربية ....بالرغم من أنو عندي مستوى لا بأس به في الفرنسية لكن كي نكون في بلادي نحب نسمع لغتنا عندي صديقتي ماشالله ذكية جدا :graduation: لكن لما طلعت للجامعة و اختارت تخصص الطب ولات ما تفهم والو و السبب أنو الأساتذة يشرحو غير بالفرنسية:down: من الجيد تعلم هذه اللغة و أي لغة لكن لا يجب جعلها شرط للدراسة و العمل أو باختصار تقديسها و نسيان لغة القرآن الكريم ..... آسفة طولت و نتوما واش رايكم ؟؟

lina algeria
لا تعليق
 
رد: اللغة الفرنسية في الجزائر !!!

أصلاً اللغه الإنجليزيه هي اللي تمشي الوقت هذا،غير دزاير برك المُتخلفه تمشي بلفرونسي،ضرك لامود هي الانقلي وهكّاا"$
 
رد: اللغة الفرنسية في الجزائر !!!

حنا بام البواقي مكاش بزاف
تلقا شوية برك هادوك الي حياتهم كامل تاغنانت كل دقيقة يطيش كلمة مام مش فبلاصتها خخخخ
سلام
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top