نورمــآل ~ ناس قلوبها ماتتْ ~

الحالة
مغلق ولا يسمح بالمزيد من الردود.

وائل ابن الجزائر

:: عضو بارز ::
أحباب اللمة
إنضم
21 أفريل 2008
المشاركات
5,354
نقاط التفاعل
7,125
النقاط
406
محل الإقامة
وادي سوف
سلآمو خاوتي ناس اللمة اون جنيرال نتمنى رآكم قآع كيما رآكم انتيك ومهنيين :)
امــآ بعد موضوعي اليوم رايح يكون على مشاكل ناس زواولة وقلآلين يبكو العين تشوف بعينك مشاكل وتقول { نورمال واحد معلابالو بيهم والله ناس قلوبهآ مآتت

حكاياتي سمعتهم { على حسب ما نشوف في المجتمع } وكاش نهار نكمل وديجا راكم تشوفو بعينيكمْ

اليوم ولآت نورمال كي نشوف مرآة كبيرة في السن تخرج في الليل تمسح وتسيق وتنظف في الـبيرو تاع المدير ْ بآش توكل اولآدهـآ الصغار | نورمامو رآهي في الحج وآقفة في عرفآت ~

نورمال كي نشوف مرآة راجلهآ بطال في الليل يسكر وفي النهار يتفرج في الاخبآر تبا نورمال كي تشوف ولاده بلآ حليب صوآردو رآحت في السكرآت و .. |

نورمــآل كي تشوف راجل يحب مرآة هو يحبها وهي تحب الف راجل من مورآه ~ تبكي بالدم كي تشوفها مع غيرو وهو يتمناها ام صغارو مسكينْ انذل وكان ناس ملاح ولآ جايح وتاع بيرة وكآس |

نورمــآل تشوف طفلة صغيرة وبنت فاملية فسدوها صديقات السوء ~ يطيحوها صحاباتها بين اصحاب السوء مسكينة فريسة بين الذئاب ~ تبكي بالدم كي تسمع بيهم لعبو بيها وطيشوهآ ... |

نورمــآل كي تشوف ولد ولا بنت يتيمة متعرفش باباها | كي يسقسوها شكون باباك متجاوبش مسكينة واش ذنبها والديها ما جابوهاش في الحلآل ..|

والله كون نكمل نطرطق خاوتي ولينا في مجتمع نتجرد من الانسانية والله بعدنآ عالدين ونشوف في حوآيج صارية للناس ومعلابالناش بيهم ~ خطي على راسي واضرب
نساو بلي يجي اليوم الدور في بنتك ولا اختك ~ ياربي استرنآ
ليكم التعليق .... ؟؟؟
 
رد: نورمــآل ~ ناس قلوبها ماتتْ ~

السّلام عليكم

والله يا أخي موضوعك جمع مواضيع واش راك تهدر كامل في موضوع واحد
لأنو هاد القسم يحتوي على الظواهر الإجتماعية لي توجع القلب
ونتا عطيتنا وصفتلنا كل مشكل في كلمات مختصرة

بصح واش نقولو, نعلق على الراجل لي مايديرش خدمتو ومرتو تخدم عليه
ولا نهدر على بنات السوء لي يديو معاهم بنات العايلة
ولا نهدر على الأم المسكينة لي تخدم على شرها والإبن راقد في الدار

واش نهدر وواش نخلي وعلى من نعلق وشكون نلوم
ولا كلش عادي في بلادي
نشوفوا لظلم نقولو عادي, نشوفو العرا حاشاك ونقولو عادي
نشوفو السرقة والكدب والنفاق ونقولو عادي

قلبنا وجعنا حتى ولينا نتخباو في ديارنا
ربي يهدي ما خلق وشكرا على موضوعك القيم أخي الكريم
دام تألقك وإبداعك

تقبل مروري
 
رد: نورمــآل ~ ناس قلوبها ماتتْ ~

السلام عليكم اخي
بارك الله فيك على موضوعك الرائع
اخي مجتمعنا تع الصح تجرد من الانسانية تاعو
يعني النورمال عاد آنورمال والعكس
لحقنا لوقت لحجر لوكان يقولولو ولي انسان يقولك لالا مانقدرش
والله لي ذكرتو كامل راهو غير جزء صغير من واش راهو صاري في مجتمعنا
الواحد قلبو عاد يوجعو صح
خويا يعطيك الصحة على موضوعك
دمت في رعاية الله وحفظه مزيدا من التألق
 
رد: نورمــآل ~ ناس قلوبها ماتتْ ~

الموضوع شبيه بموضوع درتوا أنآ مؤخراً
منقدرو نقولو غي الله يهدي الجميع
موضوع مليح خويا ^_^
 
رد: نورمــآل ~ ناس قلوبها ماتتْ ~

سلام عليكم خويا وائل
موضوع يقيس وواعر
لوكان تشوف الشىء الي نسمعه كل يوم في خدمت تدهش
وتعرف تاع صح رجعنا عايشين في اكثر من نورمال
ربي يبقي ستر
 
رد: نورمــآل ~ ناس قلوبها ماتتْ ~

يا اخي معظمنا يقول تخطي راسي وتسيح بسبب تعرض الفتن عودا عودا ومن اشرب الفتن اصبحت في قلبه نكتة سوداء واخذت تزداد ثم تزداد

فلا يهم ان يموت احد أو ان لا يجد قوت يومه ، او ما شابه ، المهم أنا نعيش مرتاح ونحصل على رغباتي وطموحاتي طبعا في رأيهم هو من حسن اسلام المرء تركه مالا يعنيه لكن فهمناها خطأ ليس هذا هو الصواب فالمسؤولية كل واحد مسؤول عن رعيته وأيضا ديننا يحثنا على اعانة الأرامل و المساكن وفيها اجر كبير ، نتبعو غير في قول استغفر الله منو أحفظ الميم يحفظك ؟ استغفر الله ألم تكن احفظ الله يحفظك ؟

الرحمة من القلوب تاعنا قلت وبزاف والكل مشغول بهمه واحد عندو مشكل في جيهة يلتى بمشكلتو وينسى غيرو
ربي يجيب الخير والسلام عليكم
 
رد: نورمــآل ~ ناس قلوبها ماتتْ ~

ربي يهدي الجميع
موضوع رائع
دمت بخير
 
رد: نورمــآل ~ ناس قلوبها ماتتْ ~

السلام عليكم اخي

مانيش قادرة نهدر ... واش تهدر ؟؟؟ ........

ان الله لا يغير ما بقوم حتى يغيروا ما بانفسهم

اذا هو مافاهمش بلي راه ماشي في طريق الغالطة و ماحابش يقهم بلي الدنيا دوارة .. و كما تدين تدان ........ واش حابني نقول ...........

ربي يهديهم ..........

 
رد: نورمــآل ~ ناس قلوبها ماتتْ ~

ياو ..... نورمال ....نورمال ....... نورمال
 
رد: نورمــآل ~ ناس قلوبها ماتتْ ~

والله عندك حق ولا كلش نورمآآل وش نديرو ربي يهدينا ويفرج على كل مومن هذا مانقدرو نقولو حسبنا الله ونِعم الوكيل
مشكور خويا على الموضوع القيم صدقت فكل شيء....تقبل مروري
 
رد: نورمــآل ~ ناس قلوبها ماتتْ ~

السلام عليكم
الصلاة و السلام عليك حبيبي يا رسول الله
يعني راك تحكي في حاجة كامل نشوفوها كامل نعرفو بيهاا و كامل توجع فيهاا
السؤل شكون لي رايح يغير و لا الناس هاذو قادرين صح يتغيروو و لالا
انا اكثر حاجة تضرني هذيك اليتيم هذاك المحروم هذاك لي معندوش شكون يطبطب على كتافو و يقول معليش بربي تهون_اما الباقي لي حكيت عليه انا رايحة نقلك كيما قالي خونا لي قبل_عاددي
ربي يهدينا

 
رد: نورمــآل ~ ناس قلوبها ماتتْ ~

سلام عليكم
اولا نشكرك بزاف خويا وائل على موضوع الحساس

هدا موضوع راه يمس مجتمع دبالنا بزاف و هدي بعض امثلة كاين اكثر منها حدث ولا حرج ربي يهدينا
 
آخر تعديل:
رد: نورمــآل ~ ناس قلوبها ماتتْ ~

السلام عليكم للأسف أخي نورمال كلات قلوب ناس بزاف
يغلط نورمال
يسكر نورمال
يزني نورمال
يسرق نورمال
يضرب نورمال
عذرا على بعض الألفاظ لكن هذا يرجع لضعف القلوب والخضوع للشهوات والشيطان
نسوا ان هناك رب سيحاسبهم
ودائما نورمال على ظهر المساكن الي ماعندهم ني والي ني يد تضرب عليهم شادين غير فربي ياخذ حفهم
شكرا على الموضوع
بورك فيك أخي
 
رد: نورمــآل ~ ناس قلوبها ماتتْ ~

السّلام عليكم

والله يا أخي موضوعك جمع مواضيع واش راك تهدر كامل في موضوع واحد
لأنو هاد القسم يحتوي على الظواهر الإجتماعية لي توجع القلب
ونتا عطيتنا وصفتلنا كل مشكل في كلمات مختصرة

بصح واش نقولو, نعلق على الراجل لي مايديرش خدمتو ومرتو تخدم عليه
ولا نهدر على بنات السوء لي يديو معاهم بنات العايلة
ولا نهدر على الأم المسكينة لي تخدم على شرها والإبن راقد في الدار

واش نهدر وواش نخلي وعلى من نعلق وشكون نلوم
ولا كلش عادي في بلادي
نشوفوا لظلم نقولو عادي, نشوفو العرا حاشاك ونقولو عادي
نشوفو السرقة والكدب والنفاق ونقولو عادي

قلبنا وجعنا حتى ولينا نتخباو في ديارنا
ربي يهدي ما خلق وشكرا على موضوعك القيم أخي الكريم
دام تألقك وإبداعك

تقبل مروري

وعليكم السلآم اختي بنت قسنطينةَ
هيه كلش عالمكشوف عيش تشوف عادي في بلآدي
والله تبكي بالدم كتشوف احوال الناس تعانيخطاك فيها العادي داير عمايل ..
ربي يهدي مـآ خلق ~ مكملتش كون نكمل تخلآ علابالك وانتي شكرآ للاضافة
ولينا في زمـآن الفتنةَ وربي يستر اولآدنا وبناتنــآ
تحية ليك وشكرآ للمرور القيمْ والاضافة الاجملْ
موفقــ:regards01:ــةَ
 
رد: نورمــآل ~ ناس قلوبها ماتتْ ~

السلام عليكم

بارك الله فيك اخي علي الموضوع الرائع

نورمال كلمة داولتها الناس بزاف وعادو يستخدموها فاوق حبو

تشوف الرشوة الزنا الخيانة الزوجية الضلم الخمور ..........

وكي تقول كانش كلمة يقولولك ياحسراه كلشي ولا نورمال

علا بيها ربي راه يخلص فينا يارب تهدينا يارب

الله يعطينا ساعة نتاع خير يارب

شكرا لك اخي
 
رد: نورمــآل ~ ناس قلوبها ماتتْ ~

السلام عليكم اخي
بارك الله فيك على موضوعك الرائع
اخي مجتمعنا تع الصح تجرد من الانسانية تاعو
يعني النورمال عاد آنورمال والعكس
لحقنا لوقت لحجر لوكان يقولولو ولي انسان يقولك لالا مانقدرش
والله لي ذكرتو كامل راهو غير جزء صغير من واش راهو صاري في مجتمعنا
الواحد قلبو عاد يوجعو صح
خويا يعطيك الصحة على موضوعك
دمت في رعاية الله وحفظه مزيدا من التألق

وعليكم السلآم اختي
العفو ولو بلآ مزيةَ
عندك حق في كل كلمة قلتيها جزء صغير
لانو كاينة اشياء كون نكملهآ نكتب +18
تحياتي ليكـ
:regards01:
 
رد: نورمــآل ~ ناس قلوبها ماتتْ ~

سلام انا نقولك هادي نورمال هي لفسدتنا كلش نرمال pfffيرفع كتافو اييه
كان جا كل واحد يشعر بالمسؤولية ميصراش وش راه صاير domage
النية والمسؤولية راحت معا ناسها
تقبل المداخلة
 
رد: نورمــآل ~ ناس قلوبها ماتتْ ~

سلام

موضوع مميز وائل
حقا عجزت كلماتي عن وصف هدا المجتمع فقد ماتت قلوب الناس حقا

فقط نسأل ان تتحسن هده الاوضاع و نسأل السترة لجميع نساء المجتمع
و ان شاء الله ربي يهدي ...
تقبل مروري
تحياتي ~~
 
رد: نورمــآل ~ ناس قلوبها ماتتْ ~

السلام عليكم

للاسف أصبحنا في وقت
اصبح الخمر شرابا
و الميسر اصبح حظا
و الغناء صار فنا
و الرشوة صارت قهوة
و الاختلاط اصبح تحضرا
و التبرج صار اناقة
و العري اصبح حرية
و الزنا اصبح علاقات عابرة
و الدياثة صارت تطور و حداثة
و النفاق اصبح سياسة
و الامر بالمعروف صار تزمتا
و النهي عن المنكر اصبح تخلفا
ف إلى اين؟؟؟

حسبنا الله ونعم الوكيل
مشكور اخي على الموضوع
تحياتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top