الكوكا من مطبخي وعلى طريقتي

[ام انس الحبيب]

السلام عليكم ورحمة الله تعالى وبركاته
بعد طول غياب راي جيتكم وجبتلكم جديدي
الكثيرات منا الي يحبو الكوكا لكن لسبب من الاسباب يتعذر عليهم انهم يقدرو يديروها انا اليوم جبتهالكم في قالب مبسط ان شاء الله تعجبكم
الكوكا
المقادير
عجينة مورقة
للحشو
بصل
طماطم
ثوم
ملح /فلفل اكحل /تابل
القليل من الزيت
التحضير
1- كنا حضرنا من قبل العجينة المورقة وكانت الطريقة ساهلة وبسيطة والعديد من الطالبات جربوها والي ما خدموهاش هذي فرصة بش يطبقوها والا يشرو الجاهزة مشي مشكل
2- نحضر الحشو :في كسرونة نضع البصل المقطع والزيت والملح والفلفل الاسود والتابل ونقلي البصل مليح ثم نضيف عليه الطماطم مقشرة ومقطعة ونخليهم يطيبو حتى ينشف الخليط شوي نخلوه جانبا يبرد

3- نحل العجينة انتاعي فوق وسط مرشوش بالفرينة بسمك نصف سنتيمتر تقريبا ونقطع دوائر ونزيد نحلهم غير شوي بالحلال بش نتحصل على شكل بيضوي لكن ما ترقوهاش بزاف

4- نضع ملعقة متوسطة من الحشو وما نخليهش يوصل للحواف ثم ندهن الحواف بالبيض بش ما تتحلش في الطياب ونغلق الحبة


5- ندهن الحبة بالبيض ونزين بحبة زيتون وندخلهم للفرن مسخن مسبقا حتى يطيبو

ملاحظة : انا كاين حبات الي درتهم بالحشو الكلاسيكي غير بصل وطماطم وكاين الي درتهم مودارن بالطون والجبن المبشوروانتم و وش تخيرو

 

[بنقابي افتخر]

رد: الكوكا من مطبخي وعلى طريقتي

امممممم ^_^
الله يبارك باين بنين
قوليلي العجينه تعمليها دوائر ومن بعد تطليها بالزبده

 

[السلطانة]

رد: الكوكا من مطبخي وعلى طريقتي

وعليكم السلام

اهلا وسهلا بيك اختي توحشناك هادي غيبة طويلة الحمد لله انك بخير وزدتي رجعتيلنا بخير وعافية

كل عام وانتي بخير

يعطيك الصحة عجبتني طريقتك للكوكا

تبان هشيشة وبنينة تشهي تسلم يديك حبيبتي

متحرميناش من جديدك

 

[ام انس الحبيب]

رد: الكوكا من مطبخي وعلى طريقتي

امممممم ^_^
الله يبارك باين بنين
قوليلي العجينه تعمليها دوائر ومن بعد تطليها بالزبده

حبيبتي ليدي من بعد لا نحل العجينة المورقة نقطعها دوائر ومن بعد بواسطة الحلال نجعل شكلهم شوي بيضوي من بعد نحط الحشو ونغلقها وندهنها بالبيض وندخلها للفرن

 

[ام انس الحبيب]

رد: الكوكا من مطبخي وعلى طريقتي

وعليكم السلام

اهلا وسهلا بيك اختي توحشناك هادي غيبة طويلة الحمد لله انك بخير وزدتي رجعتيلنا بخير وعافية

كل عام وانتي بخير

يعطيك الصحة عجبتني طريقتك للكوكا

تبان هشيشة وبنينة تشهي تسلم يديك حبيبتي

متحرميناش من جديدك

اهلا بك ات حبيبتي انا ثاني توحشتكم وتوحشت المنتدى الله لا يغيبك حنونة كانت ظروف ومشاغل فقط
وهاني رجعت ربي يبارك فيك ويعطيك ما تتمناي
الله ايسلمك حنونة هذا من رفعة ذوقك

 

[rose09000]

رد: الكوكا من مطبخي وعلى طريقتي

مرحبا بيك بنت ولايتي
خرجتلك كوكا تبان خفيفة
يعطيك الصحة حبيبتي

 

[خيرة جانت]

رد: الكوكا من مطبخي وعلى طريقتي

ماشاء الله عليك باينة تشهي

 

[YARA 26]

رد: الكوكا من مطبخي وعلى طريقتي

شكرا اختي

 

[جيهان جوجو]

رد: الكوكا من مطبخي وعلى طريقتي

الله يعطيك الصحة اختي جاتك مليحة وانت دائما مبدعة وواصلي هذا الابداع وشكراااااااااااااااا

 

[مطبخ الأحلام]

رد: الكوكا من مطبخي وعلى طريقتي

يااااامامي شكون رجع
يامرحبا يامرحبا بام انس واش راكي ختيتي عساكي بخير ان شاء الله
هدي مدة توحشناكي ان شاء الله ماتهاجريناش ^^
وصفة جميلة ماشاء الله وزيد خرجتلك تحفة وراها تشهي يم يم يم بصحاتكم

 

[@R@ZIK]

رد: الكوكا من مطبخي وعلى طريقتي

الله يبارك خرجولك هايلين
يعطيك الصحة​

 

[iman-dz4ever]

رد: الكوكا من مطبخي وعلى طريقتي

يمييييييييييييييي على التوريق
تهبلللللللللللللللللللللللللللللل
​

 

[samah06]

رد: الكوكا من مطبخي وعلى طريقتي

ام انس اولا مطوليش الغيبة علينا رانا نتوحشوك انت ووصفاتك
ثانيا الكوكا تهبل يعطيك الصحة حنونة