mot de passe هل هي حق من حقوق الزوجة؟

[" ام بلقيس "]

السلام عليكم

اليوم و انا نخرب في الفايس بوك نتاع راجلي جاني سؤال فى بالي
​

هل كل النساء عندهم باس وورد نتاع الفايسبوك او السكايب او الايمايل نتاع رجالهم ؟
و هل يحق لزوجة ان تكون على علم بكلمة السر ؟
ام هذا داخل في خصوصية الزوج؟


صراحة انا كنت ضد الفايس بوك و السكايب لكن ""لكن زوجي نور عينيا """"دخلهالى من باب الضرورة ومتطلبات العمل وطريقة سهلة لتواصل مع الطلبة الاعزاء و الطالباااااااااااااااااااااااااات

ورفضي ليس لان ثقة بزوجي منعدمة لكن في الكم الهائل في طلبات الصداقة
​

و بعد حرب ضروس بيني و بين السكايب تغلق بعد اسبوع من فتح ""الله لا يرد"""
اما الفايس بوك فيمكن بدلت كلمة السر نتاع اكثر من 20 مرة و اليوم ندخل انا اكثر من هو
​

 

[Salam Fleur]

رد: mot de passe هل هي حق من حقوق الزوجة؟

السلام عليكم

انا معنديش مشكلة في هاذي ... ههه لانه لا علاقة بشي هذا ..... ههههههههههههه ..... بصح بالنسبة ليا نورمال ... كي يدخل للكونت تاعي او انا ندخل للكونت نتاعو او انه نديروا كونت تاعنا في زوج

كيما انا السكايب تاعي العائلة كامل تخدم بيه ...هههه ... و انا مولاته مرة في قرن باه نستعملوا ...هه

بصح كاين بزااف صراولهم مشاكل في الحكاية هاذي .... و يظهرلي ترجع لعقلية كل واحد فينا ....

شكراااا لموضوعك راه مهم بزاااف

اتمنى التفاعل من باقي الاعضاء

تقبلي مروري

تحياتي​

 

[ازهار الربيع]

رد: mot de passe هل هي حق من حقوق الزوجة؟

مواضيع مهمة تطرحينها اختي
بارك الله فيك

مثلما قلتي رفض هكذا امور او التحفظ عنها او البحث عنها بشكل مستمر لا لان الثقة بالزوج منعدمة او غير ذلك ،حسب رايي يمكن تصنيفها كغيرة او اعتبار الزوج ملكية خاصة لا يجوز له قبول طلبات الصداقة من اي كان...
انا متحفظة على هذا الامر ربما لان كلامي فيه سيفهم من ززاوية اخرى ،فقط اتمنى ان اكون عند حسني ضني وانتهى


على فكرة افكارك جد متميزة في طرح المواضيع
موفقه

 

[" ام بلقيس "]

رد: mot de passe هل هي حق من حقوق الزوجة؟

مواضيع مهمة تطرحينها اختي
بارك الله فيك

مثلما قلتي رفض هكذا امور او التحفظ عنها او البحث عنها بشكل مستمر لا لان الثقة بالزوج منعدمة او غير ذلك ،حسب رايي يمكن تصنيفها كغيرة او اعتبار الزوج ملكية خاصة لا يجوز له قبول طلبات الصداقة من اي كان...
انا متحفظة على هذا الامر ربما لان كلامي فيه سيفهم من ززاوية اخرى ،فقط اتمنى ان اكون عند حسني ضني وانتهى


على فكرة افكارك جد متميزة في طرح المواضيع
موفقه

شكرا على التفاعل ................اختى الكريمة
انا في الحقيقة لا اعتبره تحفظا لان هذا ما يجب ان يكون و انا اوافقك الراي
فرغم ايماني بفكرة انه يجب ان يكون لزوج خصوصيته و اسراره كما لزوجة ايضا .......ما دام لايخفيها بسبب انها في خانة الممنوع
و الفكرة من الموضوع ......هوهل يجرأ الرجل ان يعطي كلمة السر لزوجته ....لان حقيقة صادفت اشخاص لا يفتحون حساباتهم البريدية حتى تنام زوجاتهم و او تخرج من المنزل...

شكرا على الايطراء هذا من ذوقك أخيتي...............

 

[" ام بلقيس "]

رد: mot de passe هل هي حق من حقوق الزوجة؟

السلام عليكم

انا معنديش مشكلة في هاذي ... ههه لانه لا علاقة بشي هذا ..... ههههههههههههه ..... بصح بالنسبة ليا نورمال ... كي يدخل للكونت تاعي او انا ندخل للكونت نتاعو او انه نديروا كونت تاعنا في زوج

كيما انا السكايب تاعي العائلة كامل تخدم بيه ...هههه ... و انا مولاته مرة في قرن باه نستعملوا ...هه

بصح كاين بزااف صراولهم مشاكل في الحكاية هاذي .... و يظهرلي ترجع لعقلية كل واحد فينا ....

شكراااا لموضوعك راه مهم بزاااف

اتمنى التفاعل من باقي الاعضاء

تقبلي مروري

تحياتي​

تهنيتى اختى من وجاع الراس .........اصبح من اسباب السعادة الزوجية ان الزوج ما تستهويهش الانترنت
و كيما قلتى العقلية تلعب دور مهم هنا و الثقة المتبادلة بين الطرفين
ربي يهنيك ...........شكرا على المرورك الجميل و مشاركتنا تفاصيل و لو بسيطة من حياتك

 

[ديسق]

رد: mot de passe هل هي حق من حقوق الزوجة؟

السلام عليكم ورحمة الله وبركاته

تحية طيبة ..

اذا قلنا بأن الزوج والزوجة (واحد) فأعتقد بأن مثل تلك الامور التي تطرقت إليها أخت الكريمة في الموضوع أمر بسيط
يحق للزوجة أو للزوج معرفته ان أراد كل واحد منهما ذلك؛ وأقصد من ذلك إن ارادت الزوجة أن تعرف كلمة المرور فلا
بأس بذلك، وان أراد الزوج كلمة مرور لحساب زوجته فلا بأس بذلك ايضا ..

ولكن، في حالة طلبْ (كلمات المرور) الخاصة بالطرف الآخر فإنه يبث في نفسه عدم الثقة والشك الذي يكنه الطرف الآخر
حوله، لذا ومن وجهة نظري على الطرف الآخر أن يبادر هو باعطاء كلمة المرور الخاصة به للطرف الآخر سواء أكان هذا
الطرف الزوج أو الزوجة، أو أنه في حالة تصفحه للموقع التواصل الاجتماعي أن يتركه مفتوح، وفي بعض الأحيان أن
ينادي الزوج زوجته لترى ما ينشره أو الجديد على صفحته في الفايسبوك ..

أعتقد إن ألحنا أو أصرنا على الطرف الآخر بغلق حسابه مثلا السكايب أو الفايس أو غيرهما، وفعل الطرف الآخر ما طلبناه
منه، فإنه ربما أنه بالحاجة الماسة إليه سيفتحه مرة أخرى وذلك خفية عن الشخص الآخر وبدون علمه !!

وأعتقد أنه من الاحسن أن تكون هناك مساحة للحرية بين الزوجين في فعل ما يحلو لهما، بدون تضييق مساحة حرية
الشخص الآخر، ولكن مع علم الشخص الآخر ..

الله ييسر أموركما أخت الكريمة (بلقيس) ونتمنى لكما حياة زوجية سعيدة

دمتم بخير ^^
​

 

[Hakan]

رد: mot de passe هل هي حق من حقوق الزوجة؟

السلاام عليكم اهلا اختي ام بلقيس صاحبة المواضيع الهادفة في ركن الحياة الزوجية :
نجاوبك على سؤالك بكل صرااحة يمنع على زوجتي التدخل في شؤوني وتحب تفهمها كيما بغات
ويمنع على زوجتي الولوج الى عالم الفايسبوك رايحة تقولي تتواصل مع عايلتها وصديقاتها نقلك كاين الهااتف
بااسكو المواقع هذو يؤذيو بزااف ويخليو الشك يسكن في البنادم ولاني رجل نغير بزااف مستحيل الزوجة نتاعي تدخل للايسبوك
بعد اقناعها طبعاا وان كانت تملك حسابا هي الاخرى قبل ان تتزوجني فعليها ان تنسااه
اما انا نقدر بكل بسااطة نقول انني والفايسبوك صديقان عدوان عندي زميلات درااسة في الكونت نتاعي
وزميلات من المنتدى لكنهم لا يتعدون 5 في قاائمة تضم اكثر من 102 صديق وكلهم رجاال
ممكن زوجتي تدخل للمنتديات تثقف تروشارشي في الانترنت اما مواقع توااصل وغيرهاا نضن من حقي اني نمنعها
وان اصرت قادر نبدلها نورماال هههه نغجم برك لا رايح نفتحلها انا حساب شخصي ببريد التكروني وكل شيء من انشاائي
والمرااقبة لاازم للمراة اما انا شخصياا ما نخافش على روحي سلاام..​

 

[الزهرة الحمراء]

رد: mot de passe هل هي حق من حقوق الزوجة؟

السلام عليكم غاليتي
بارك الله فيك على الموضوع الهادف كالعادة دائما متميزة في طرح المواضيع
اولا بالنسبة لسؤال الموضوع كلمة المرور ليست حق من حقوق الزوجة
يعني يجب أن يكون للزوج بعض الحرية مثلا مع أصحابه أو زملاءه
وهذا الموضوع يعود لتفكير الزوج والزوجة فمثل ماقال اخي ديسق على الطرف الآخر أن يبادر هو باعطاء كلمة المرور الخاصة به للطرف الآخر سواء أكان هذا
الطرف الزوج أو الزوجة، وذلك تفاديا للمشاكل
واذا لم يبادر أي طرف في اعطاء كلمة المرور للطرف الآخر ...على الطرف الآخر لو أراد كلمة المرور طلبها بلطف وليس بطريقة تجعل الزوج أو الزوجة يعتقد أنه محل شك
وأظن أن هذا الأمر ليس شكا بقدر ماهو غيرة فقط
دمتي غاليتي في رعاية الله وحفظه ​

 

[السلطانة]

رد: mot de passe هل هي حق من حقوق الزوجة؟

وعليكم السلام بارك الله فيك اختي

بالنسبة لهذاالموضوع بما اننا في وقت صعب

يجب على المرأة التفطن لمثل هذه الأمور

يوجد الكثيرمن الرجال يصادقون فتيات عبر الفايس بووك ومن ثم تتطور العلاقة حتى وان كان متزوجا

ان وجد الفرصة فلن يقول لا

بالنسبة لزوجي راقبت اصدقاءه في الفايس بووك منذ فترة خطوبتنا وتأكدت انه لايتحدث مع الفتيات

وحاليا هو لايدخله اصلا مع العمل لايجد وقتا للنت يعني ارتحت.

اما عني فلي صديقات واصدقاء من العائلة فقط

اما ان اعطيه رقمي سري لا

فهناك حكايات بيني وبين صديقاتي لن ارضى ان يطلع عليها زوجي مهما كان

كمااني لااتدخل في حكاياته مع اصدقاءه.

تقبلي مروري .

 

[adel._dz]

رد: mot de passe هل هي حق من حقوق الزوجة؟

أنا ضد اعطاء زوجتي رقم سري نتاعي
السبب واضح كاين أمور نداولها مع صحابي ما يهمهاش أنها تعرفهم
ومتأكد أني قادر نقنعها هههههه
المهم كاين أمور أهم ياسر تعرفهم عليا من موت باس نتاعي راح تبانلي سطحية

نقوللها كيما تصدقني ديريكت

 

[آمِيْرَتُه]

رد: mot de passe هل هي حق من حقوق الزوجة؟

السلام عليكم ورحمة الله تعالى و بركاته

موضوع في وقته و بلاصته ههه

هو يعرف كلمة السر نتاعي و أنا نعرف مش من باب عدم الثقة لالا مدينها على جال حاجة كنا نديرو فيها في الفايس بوك خدمة برك ههه
و ميهمنيش يعطيني كلمة السر و لالا يقولك الخداع يجي نهار وين ينفضح مخليتها على ربي سبحانه

 

[لؤلؤة قسنطينة]

رد: mot de passe هل هي حق من حقوق الزوجة؟

السّلام عليكم
بارك الله فيك أختي على مواضيعك القيّمة والهادفة
ان شاء الله مزيد من التألق والتوفيق ^^
بصراحة عجبوني ردود الأعضاء قبلي لأنو كل شخص وصلنا الفكرة بطريقتو الخاصة, فبارك الله فيهم
واما عن نفسي نكره النت يكون في الحياة الزوجية سواءا من طرف الرجل ولا المرأة ,و لما نقول النت نقصد مواقع التواصل الإجتماعي
لأنو درك في وقتنا الزوجة تقولك نتواصل عبر الفايس بوك مثلا ولا السكايب والرجل تاني كيف
ومن بعد هي يوليو عندها اصدقاء تاع النت وهو صديقات تاع النت وتتحول الأمور حتى تلحق وين الرجل يولي يسهر حتى الفجر ويحكي
مع مرا برانية ومرتو نفس الشي, على هادي نحب بعد الزواج ماتبقى عندي حتى علاقة بالنت, ونقصد بيها مواقع التواصل الاجتماعي
لأنوأولا لو نشوفو كاين حوايج في النت تستفاد منهم المتزوجة وخاصة المنتديات, كيما منتدى اللمة راني نشوف فيه ماشاء الله
تستفاد المتزوجة والعازبة وكامل فئات المجتمع وثانيا ربما درك وحدة عازبة في وقت فراغها تتجول في عالم النت
بصح كي تولي متزوجة رايح تشغل وقت فراغها بدارها , مع راجلها ومع ولادها, يعني كاين حوايج يوليو اهم من هاد المواقع

اما الفايس بوك وجماعتو مانحبوش بعد الزواج , صار تحط منشور ديني تلقاه يخليلك تعليق مخل بالحياء
مع انك ماتعرفو ماشفت خليقتو , تكون قاعد تلقى ميساج يلحقك وفيه صور غير لائقة مع انك ماتعرفش الشخص
يعني الفايس بوك مكان فيه البلا ونتا ماش متزوج فمابالك تتزوج , أنا اصلا درك مارانيش متزوجة وعندي مدة مادخلتش للفايس بوك
راني غير في اللمة خاطر لقيت راحتي, واصلا بلا حكاية زواج ساعات تجي في بالي نفاصيه ونتهنا منو بالرغم من اني مدايرتو للمنشورات
الدينية فقط ونخدم بيه في رمضان كتر خاطر ندير حملات لحفظ القرآن وحملات لختم القرآن , اما غير هاد الشي ماعندي ماندير بيه
اما فيما يخص المودباس اذا من حقوق الزوجة, انا نظن ماش حكاية من حقها ولا ماش من حقها, اصلا نكره الفكرة هادي تاع هاتي
المودباس تاعك ونعطيك الموبادس تاعي ويبدا هو يدخل بالتخبية وهي بالتخبية ويبداو يعسو في بعضاهم ويدخل فيها الشك, والعلاقة لي يدخل فيها الشك تفسد
انا نفضل الزوج يخطي هاد المواقع, واذا رفض بينو وبين مولاه, لأنو لما يحب الزوج يخون زوجتو يقدر يحل حساب آخر ويدير رايو
ماش رايح يطبق يديه ويستناها حتى تدخل بالمودباس تاعو, انا عن نفسي ماندير حساب مانمد مودباس, عندي عايلتي اهم من مثل
هاد المواقع لي ماعندها حتى معنى , والزوج كيما سبق وقلت بينو وبين مولاه

ان شاء الله مانكونش خرجت على الموضوع
تحياتي الخالصة ​

 

[Ľă Mîšš HîBă]

رد: mot de passe هل هي حق من حقوق الزوجة؟

سلام عليكم
انا كان عندو لمود باس تاعي وهو نتاعو محبش يعطهولي وكل يوم يحلفي بالي ماعندو حتا حاجه فيه
وموخرا سكرناه لزوج

 

[" ام بلقيس "]

رد: mot de passe هل هي حق من حقوق الزوجة؟

السلاام عليكم اهلا اختي ام بلقيس صاحبة المواضيع الهادفة في ركن الحياة الزوجية :
نجاوبك على سؤالك بكل صرااحة يمنع على زوجتي التدخل في شؤوني وتحب تفهمها كيما بغات
ويمنع على زوجتي الولوج الى عالم الفايسبوك رايحة تقولي تتواصل مع عايلتها وصديقاتها نقلك كاين الهااتف
بااسكو المواقع هذو يؤذيو بزااف ويخليو الشك يسكن في البنادم ولاني رجل نغير بزااف مستحيل الزوجة نتاعي تدخل للايسبوك
بعد اقناعها طبعاا وان كانت تملك حسابا هي الاخرى قبل ان تتزوجني فعليها ان تنسااه
اما انا نقدر بكل بسااطة نقول انني والفايسبوك صديقان عدوان عندي زميلات درااسة في الكونت نتاعي
وزميلات من المنتدى لكنهم لا يتعدون 5 في قاائمة تضم اكثر من 102 صديق وكلهم رجاال
ممكن زوجتي تدخل للمنتديات تثقف تروشارشي في الانترنت اما مواقع توااصل وغيرهاا نضن من حقي اني نمنعها
وان اصرت قادر نبدلها نورماال هههه نغجم برك لا رايح نفتحلها انا حساب شخصي ببريد التكروني وكل شيء من انشاائي
والمرااقبة لاازم للمراة اما انا شخصياا ما نخافش على روحي سلاام..​

وعليكم السلام ...........
على العموم هذا رأيك و علينا احترامه
و من منطلق كلامك فلا اعتقد ان الزوجة الكريمة و المستقبلية راح تكون متقلقة باه تتحصل على كلمة السر اذا استمريت بهذى العقلية بالعككس راح تخليك تفتح حتى سكايب ......لان مشكل دائما يكمن فى ماذا تحتويه صفحة الفايسبوك من خرايب متخبية
شكرا على المشاركة الكريمة اخي الفاضل

 

[" ام بلقيس "]

رد: mot de passe هل هي حق من حقوق الزوجة؟

السلام عليكم ورحمة الله وبركاته

تحية طيبة ..

اذا قلنا بأن الزوج والزوجة (واحد) فأعتقد بأن مثل تلك الامور التي تطرقت إليها أخت الكريمة في الموضوع أمر بسيط
يحق للزوجة أو للزوج معرفته ان أراد كل واحد منهما ذلك؛ وأقصد من ذلك إن ارادت الزوجة أن تعرف كلمة المرور فلا
بأس بذلك، وان أراد الزوج كلمة مرور لحساب زوجته فلا بأس بذلك ايضا ..

ولكن، في حالة طلبْ (كلمات المرور) الخاصة بالطرف الآخر فإنه يبث في نفسه عدم الثقة والشك الذي يكنه الطرف الآخر
حوله، لذا ومن وجهة نظري على الطرف الآخر أن يبادر هو باعطاء كلمة المرور الخاصة به للطرف الآخر سواء أكان هذا
الطرف الزوج أو الزوجة، أو أنه في حالة تصفحه للموقع التواصل الاجتماعي أن يتركه مفتوح، وفي بعض الأحيان أن
ينادي الزوج زوجته لترى ما ينشره أو الجديد على صفحته في الفايسبوك ..

أعتقد إن ألحنا أو أصرنا على الطرف الآخر بغلق حسابه مثلا السكايب أو الفايس أو غيرهما، وفعل الطرف الآخر ما طلبناه
منه، فإنه ربما أنه بالحاجة الماسة إليه سيفتحه مرة أخرى وذلك خفية عن الشخص الآخر وبدون علمه !!

وأعتقد أنه من الاحسن أن تكون هناك مساحة للحرية بين الزوجين في فعل ما يحلو لهما، بدون تضييق مساحة حرية
الشخص الآخر، ولكن مع علم الشخص الآخر ..

الله ييسر أموركما أخت الكريمة (بلقيس) ونتمنى لكما حياة زوجية سعيدة

دمتم بخير ^^
​

السلام عليكم
كلامك صحيح و منطقي فالشفافية و المصداقية مطلوبة في التعاملات الزوجية من كلا الطرفين و خاصة اذا كانت تلقائية
اما فكرة غلق وفتح فتعود لطبيعة الزوج و الغاية من وراء فتحه للفايسبك من البداية اصلا
فمثلا انا كنت ضدالسكايب لانى حسيت ان لا فائدة منو وجود مثل عدم
اما فايس بوك فزوجى منذاول يوم فتحو كان مفتوح باسم ابنى الكبير .....و لامرة سالت لمذا ليس باسمه و كان معظم المتواجدين في الصفحة هم زملاء العمل اصدقاءمقربين و افراد من العائلة
الى غاية ما اتصلت بي زوجة صديق زوجى و نفس الوقت طالب عند و قالتلي ان في طالبة سالت زوجها على فايس بوك زوجى ........لانهامتحاجت تخرج العام نتاعها؟؟؟؟؟؟؟؟؟؟ رغم ان زوجى نهار كامل مقابلها في الجامعة
وقتها سالت زوجى عن سبب فتح الفايس بوك باسم إبننا ....قالي ..........نبعد في المشاكل عليا
و اشياء كهذي تخلي اي زوجة ماشى تتوسوس وتدى كلمة السر .............تقطع الكابل نتاع انترنت
لك كل الشكرو الاحترام ...............

 

[Hakan]

رد: mot de passe هل هي حق من حقوق الزوجة؟

وعليكم السلام ...........
على العموم هذا رأيك و علينا احترامه
و من منطلق كلامك فلا اعتقد ان الزوجة الكريمة و المستقبلية راح تكون متقلقة باه تتحصل على كلمة السر اذا استمريت بهذى العقلية بالعككس راح تخليك تفتح حتى سكايب ......لان مشكل دائما يكمن فى ماذا تحتويه صفحة الفايسبوك من خرايب متخبية
شكرا على المشاركة الكريمة اخي الفاضل

تخليك تفتح سكايب
علاه وقتاش كان من حقها تمنعني
من ردك فهمت انك غير مقتنعة برايي
الفايسبوك وامور الاتصال الاخرى عنتدي قناعة انو خاطية المراة بكل صرااحة يعني
حساسية المراة ماتسمحش انو يكون عندها حساب فايسبوكي
وان كان لديها حساب من حق زوجها انو يعرف واش فيه
والراجل عندو حرية تامة. يكون عندو حساب في الفايسبوك
ورايحة تقوليلي هو ممكن يخون الزوجة نتاعو ويتعامل مع غريبات
رايح نقول انو نظريتي تستند انو المراة لما دخلت لهذه المواقع ووسائل الاتصال
مباشرة خسرت مانيش نحكي على المراة الاجنبية لانو الفايسبوك يطيح على عقليتهم ودياناتهم
اما حنايا المسلمنين مايطيحش على عقليتنا التي تبنى على الحرمة
ونسيت البارح باش نقول انو قادر نسمح في الفايسبوك نتاعي وكل امور النت
المهم برك الزوجة نتاعي تكون بعيدة على كل هاته الاشيااء
نضحي بكل شيء وما يقليش كاشي واحد راني ظرت جام للمنشور نتاع زوجتك​

 

[" ام بلقيس "]

رد: mot de passe هل هي حق من حقوق الزوجة؟

السلام عليكم غاليتي
بارك الله فيك على الموضوع الهادف كالعادة دائما متميزة في طرح المواضيع
اولا بالنسبة لسؤال الموضوع كلمة المرور ليست حق من حقوق الزوجة
يعني يجب أن يكون للزوج بعض الحرية مثلا مع أصحابه أو زملاءه
وهذا الموضوع يعود لتفكير الزوج والزوجة فمثل ماقال اخي ديسق على الطرف الآخر أن يبادر هو باعطاء كلمة المرور الخاصة به للطرف الآخر سواء أكان هذا
الطرف الزوج أو الزوجة، وذلك تفاديا للمشاكل
واذا لم يبادر أي طرف في اعطاء كلمة المرور للطرف الآخر ...على الطرف الآخر لو أراد كلمة المرور طلبها بلطف وليس بطريقة تجعل الزوج أو الزوجة يعتقد أنه محل شك
وأظن أن هذا الأمر ليس شكا بقدر ماهو غيرة فقط
دمتي غاليتي في رعاية الله وحفظه ​

اهلين و سهلين بالزهرة الحمراء .......
هذى غيبة غبتيها على منتدى الحياة الزوجية.......متعودهاش
صراحة الثقة المتبادلة هنا تلعب دور مهم بين الطرفين اذا كان كل واحد فيهم يستحق هذه الثقة ...و الحرية شئ مطلوب لان الكبت يولد الانفجار

لكى منى تحية ........

 

[" ام بلقيس "]

رد: mot de passe هل هي حق من حقوق الزوجة؟

وعليكم السلام بارك الله فيك اختي

بالنسبة لهذاالموضوع بما اننا في وقت صعب

يجب على المرأة التفطن لمثل هذه الأمور

يوجد الكثيرمن الرجال يصادقون فتيات عبر الفايس بووك ومن ثم تتطور العلاقة حتى وان كان متزوجا

ان وجد الفرصة فلن يقول لا

بالنسبة لزوجي راقبت اصدقاءه في الفايس بووك منذ فترة خطوبتنا وتأكدت انه لايتحدث مع الفتيات

وحاليا هو لايدخله اصلا مع العمل لايجد وقتا للنت يعني ارتحت.

اما عني فلي صديقات واصدقاء من العائلة فقط

اما ان اعطيه رقمي سري لا

فهناك حكايات بيني وبين صديقاتي لن ارضى ان يطلع عليها زوجي مهما كان

كمااني لااتدخل في حكاياته مع اصدقاءه.

تقبلي مروري .

كل كلامك صحيح ..........هي تبدا بقصرة و تعشي في تولويلة و التاريخ يروي بزاف قصص حب كان سي الفايس بوك مشرف عليها و ساهر معاها
اما الخصوصية فاحيانا مطلوبة في الحياة الزوجة حتى انها تخلق بعض التجديد و الغموض في الروتين لي نعيشوه
لكى تقدير و الامتنان ............

 

[" ام بلقيس "]

رد: mot de passe هل هي حق من حقوق الزوجة؟

أنا ضد اعطاء زوجتي رقم سري نتاعي
السبب واضح كاين أمور نداولها مع صحابي ما يهمهاش أنها تعرفهم
ومتأكد أني قادر نقنعها هههههه
المهم كاين أمور أهم ياسر تعرفهم عليا من موت باس نتاعي راح تبانلي سطحية

نقوللها كيما تصدقني ديريكت

السلام عليكم
و الله كى تكون ما تفهمين بزاف حوايج راح يبنولكم سطحيين و ما يستهلوش توقف عندهم
و كلمة السر ليست في حد ذاتها الغاية بقدر ماهى وسيلة تعبر عن شفافية واش راه يصرا في الكواليس

مشكور على المشاركة

 

[" ام بلقيس "]

رد: mot de passe هل هي حق من حقوق الزوجة؟

السلام عليكم ورحمة الله تعالى و بركاته

موضوع في وقته و بلاصته ههه

هو يعرف كلمة السر نتاعي و أنا نعرف مش من باب عدم الثقة لالا مدينها على جال حاجة كنا نديرو فيها في الفايس بوك خدمة برك ههه
و ميهمنيش يعطيني كلمة السر و لالا يقولك الخداع يجي نهار وين ينفضح مخليتها على ربي سبحانه

يعطيك الصحة شارية راسك و اكيد هو يستاهل
ربي يهنيك اختى الكريمة