حياتي المجنونة ~~ الجزء 4~~

[Skor m@k]

السلام عليكم


أنا فالحومة الناس كامل يخافوني
يشوفوني يولو يرتعدو مني

مرة كنت نمشي زلقت اوو طحت فالأرض
خزرت لقيت جماعة يضحكو
شفت فيهم مليح
قالولي والله ماعليك لي ضحكنا
ضحكنا على الأرض كي طحت وجعتها
قلتلهم عندكم الزهر اليوم راني فرحان شفت خطيبتي خخخخ

°° متتوسوسوش نتوما نتمسخر برك معنديش ها ها ها ه °°

كي شفتها رحت ديركت خطبتها في دارهم
مكاش اللعب ههههه
طبطبت في دارهم خرجلي باباها قالي واش تحوس
قلتلو جيتك بالحطب والشطب
لا لا بالحسب والنسب نخطب بنتك لوليدنا
لالا ليا أنا .... غلطت تلفتلي كامل
مزال معندي وليدي
ان شاء الله كي نتزوج بيها يجي عندي ولد ممبعد نروح نخطبلو

أيا مندخلوش نديرو الفاتحة
ولا معليش نديروها هنا عند الباب
أيا بسم الله الرحمن الرحيم

أحبس يا وليدي أنت زدمت بكرشك ماشي براسك خخخخ
بيه بيه زاد عندك طفل وكبر اوو زوجتو
اتعقل شويا خخخخ
أصبر ندخلو ونgسرو مليح ممبعد يجيب ربي الصلاح

المهم دخلنا حطولي القهوة مع الحلوى ولا الحلوى مع القهوة مشفيتش مليح
كي كملنا كلينا تفاهمنا على كامل الشروط
قالي يا وليدي سمحلي معجبتنيش
أوو مرتو تانيت كيف كيف معجبتهاش

محشموش اوو قالولي وجهم مبلص خخخخخ
أنا تفاجأت °° تاع بن غبريط خخخ °°
وقفت أوو قلتلهم غير هيا لي نديها
اليوم نوض gيرا النووي جيبو اللهنا
حكمت الموس شديت وليدو الصغير
اليوم نذبحو اليوم نديرلو كي داعش
نديها ولا تتخلط جنيرال

سمعتني جات تجري ليا حكمتني من يدي
اوو قالتلو بابا غير هو اللي ندي
أيا نهربو قبل ما يحكمونا

خزرت فيها مليح زدت بلgت عنيا فيها
درت لبباها قلتلو يا محاينك غلطت فالدار
روبلتها باطل اسمحولي
شافت فيا الطفلة قالتلي منهربوش واش دورت حالك

واش ملهربا انت تشبهي لجدي الله يرحمو وتقوليلي نهربو
أنوليت الخطبة كامل
الزواج أوو نبقى باير
بصح المكياج يموديفيي الحالا تقول فوتوشوب يا محاينك
كي شفتها برا تقول ماريا كلارا تاع ألخاندرو

هناك عرفت بلي الزين مايغرك

مديروش عليا
سلام
ان شاء الله في عدد قادم بحول الله

الأعداد الماضية
حياتي المجنونة آآآخخخخخ ~~ الجزء 1~~
حياتي المجنونة آآآخخخخخ ~~ الجزء 2~~
حياتي المجنونة ~~ الجزء 3~~​

 

[الزهرة الحمراء]

رد: حياتي المجنونة ~~ الجزء 4~~

هههههه تسما انت حاط روحك فايق ولا كيفاه
هداك العام ماشفيتش وقتاه قتلك في عدد من اعداد حياتي المجنونة مابقيتش تخطب عالزهر وماشي لي تشوفها برا تروح تخطبها قتلك ولالا (خصك تقول ماقتيليش )
وزيد تاني هداك الوقت برك لي عرفت الزين مايغرك انا قلت راك تعلمت من الحكاية تاعك لي صراتلك (نسيت واش اسمها وعجزت نرجع ونشوفها هههه ) بلي الزين مايغرك الزين مايبني كوخ
ان شاء الله ربي ينوب عليك بوحدة كيما راهو حابها خاطرك​

 

[Skor m@k]

رد: حياتي المجنونة ~~ الجزء 4~~

هههههه تسما انت حاط روحك فايق ولا كيفاه
هداك العام ماشفيتش وقتاه قتلك في عدد من اعداد حياتي المجنونة مابقيتش تخطب عالزهر وماشي لي تشوفها برا تروح تخطبها قتلك ولالا (خصك تقول ماقتيليش )
وزيد تاني هداك الوقت برك لي عرفت الزين مايغرك انا قلت راك تعلمت من الحكاية تاعك لي صراتلك (نسيت واش اسمها وعجزت نرجع ونشوفها هههه ) بلي الزين مايغرك الزين مايبني كوخ
ان شاء الله ربي ينوب عليك بوحدة كيما راهو حابها خاطرك​

السلام عليكم
أهلا بأختي
الله غالب ديما نطيح على راسي مع الخطبة خخخخ
ان شاء الله هذي المرة ديت العبرة هههه
يعطيك الصحة ختيتو على المتابعة
​

 

[لؤلؤة قسنطينة]

رد: حياتي المجنونة ~~ الجزء 4~~

السّلام عليكم
ههههههههههه عندك واحد الأفكار يا لطيف ههههه
من المفروض يعطيوك تكتب السيناريوات , يعني واحد الأفكار يقتلو صح
وخاصة شفت خطيبتي ونتا مازلت ماخطبتش هههههه
بصح والله لي قلتو صح, تلقاها برا خدودها حمر وعينيها زرق وشعرها صفر
وكي تروح لدارهم تلقى العينين كحل والشعر كحل وخدودها صفر هههههه
نتا تاني ماتزيدش تخير مولات الماكياج ههه
والله غير حياتك المجنونة هادي هبلتنا صح ههه بالتوفيق خويا ومزيد من الابداع
وراني في المتابعة بإذن الله
وربي يرزقك ببنت الحلال لي تكون وجها منور بأخلاقها وبراءتها
تحياتي ^^​

 

[حكاية قمر]

رد: حياتي المجنونة ~~ الجزء 4~~

هههه عندك واحد طريقة هايلة
ونت ثاني كي تشوف لوحه زيتية ما تتغرش ^^
ربي يهنيك

 

[Skor m@k]

رد: حياتي المجنونة ~~ الجزء 4~~

السّلام عليكم
ههههههههههه عندك واحد الأفكار يا لطيف ههههه
من المفروض يعطيوك تكتب السيناريوات , يعني واحد الأفكار يقتلو صح
وخاصة شفت خطيبتي ونتا مازلت ماخطبتش هههههه
بصح والله لي قلتو صح, تلقاها برا خدودها حمر وعينيها زرق وشعرها صفر
وكي تروح لدارهم تلقى العينين كحل والشعر كحل وخدودها صفر هههههه
نتا تاني ماتزيدش تخير مولات الماكياج ههه
والله غير حياتك المجنونة هادي هبلتنا صح ههه بالتوفيق خويا ومزيد من الابداع
وراني في المتابعة بإذن الله
وربي يرزقك ببنت الحلال لي تكون وجها منور بأخلاقها وبراءتها
تحياتي ^^​

وعليكم السلام
هههه واش معجبوكش أفكاري
الله غالب لقينا غير اللمة اللي نكتبولها السينايوهات تاع الخيق خخخخخ
صح كاين بزاف رجال يغرهم الزين والمتريال ماشي غير النساء
ان شاء الله كل واحد يرزقو بنت لحلال
ربي يهنيك ختي ويفرحك
يعطيك الصحة على المتابعة والتشجيع
سلام​

 

[Skor m@k]

رد: حياتي المجنونة ~~ الجزء 4~~

هههه عندك واحد طريقة هايلة
ونت ثاني كي تشوف لوحه زيتية ما تتغرش ^^
ربي يهنيك

السلام عليكم
هههه والله غير عندك الحق لوة زيتية
اوو تلقى ليجان كامل داير بيها
الله يهدينا اوو يهديهم
شكرا ليك ختي
ربي يسعدك ويفرحك
سلام​

 

[برنسسdz]

رد: حياتي المجنونة ~~ الجزء 4~~

ههههههههههه
عندك واحد الافكار و خيال واااااااااسع ربي يبارك
و ما تزيدش تخلي الزين يغرك هههههههههههه
ربي يبعثلك بنت الحلال

 

[Skor m@k]

رد: حياتي المجنونة ~~ الجزء 4~~

ههههههههههه
عندك واحد الافكار و خيال واااااااااسع ربي يبارك
و ما تزيدش تخلي الزين يغرك هههههههههههه
ربي يبعثلك بنت الحلال

السلام عليكم
شكرا ليك أختي ربي يهنيك
ههه خلاص راني ديت العبرة كخكخكخ
يعطيك الصحة على المرور الجميل​

 

[الہٰوردة الہٰسہٰوداء]

رد: حياتي المجنونة ~~ الجزء 4~~

حياتي المجنونة هههههههههههههههههه هادا هو انت ههههههههههههههههههههههههههههههههههه تحياتيييييييي مجنونييييييييييييييييييييييي

 

[louizalina]

رد: حياتي المجنونة ~~ الجزء 4~~

HHHHHHHHHHHHHHHHHHHHHHH BEBARAKA 3ELIK

 

[red rose]

رد: حياتي المجنونة ~~ الجزء 4~~

هههههههههه يا خويا مالك راني ضحكت تقريب طحت و طيحت الميكرو من الضحك خخخخخخ
الله يفرحك
واش نقولك متستاهلش تقييم خخخخ في رايك علاه ههه؟كي رحت تدعدش متديتينيش معاك ههههه
نطلعلكم السكر و نجيو مروحين ههههه
متبعنيش جوست نتمهبل

مبدع ماشاء الله
نزيد نصوتي لباقي حياتك هههههههه
سلام

 

[جيهان جوجو]

رد: حياتي المجنونة ~~ الجزء 4~~

ههههههههههههههههههههههههه والله معرفت واش نقول غير نضحك ههههههههههههههههههههههههههههههههههههه

 

[Skor m@k]

رد: حياتي المجنونة ~~ الجزء 4~~

HHHHHHHHHHHHHHHHHHHHHHH BEBARAKA 3ELIK

السلام عليكم
يعطيك الصحة ختي

 

[Skor m@k]

رد: حياتي المجنونة ~~ الجزء 4~~

هههههههههه يا خويا مالك راني ضحكت تقريب طحت و طيحت الميكرو من الضحك خخخخخخ
الله يفرحك
واش نقولك متستاهلش تقييم خخخخ في رايك علاه ههه؟كي رحت تدعدش متديتينيش معاك ههههه
نطلعلكم السكر و نجيو مروحين ههههه
متبعنيش جوست نتمهبل

مبدع ماشاء الله
نزيد نصوتي لباقي حياتك هههههههه
سلام

السلام عليكم
وعلاه تضحكي انت برجليك باش طيحي خخخخخ
ياك يضحكو بفمهم ههههه
شكرا بيك ختيتو
ربي يوفقك في قرايتك
سلام​

 

[Skor m@k]

رد: حياتي المجنونة ~~ الجزء 4~~

ههههههههههههههههههههههههه والله معرفت واش نقول غير نضحك ههههههههههههههههههههههههههههههههههههه

السلام عليكم
شكرا ليك ختي
يعطيك الصحة
بلعقل برك تعودي طيحي خخخ​